Hebreos 2:2 - Biblia Dc en Mixe de Quetzaltepec

² Ja ënä'ämën mëti'ipë ja Dios tëëyëp yajkën mëët ja y'anklës, myëët'ajtyp ijty ja mëk'ajtën ets yajpatunëty; mëti'ipë pokytyuuntën ets ka'ap tpatuuntë, ojts yajtsaatsytyuntë ijxtëm pyaat'atyën.

Biblia Mixe de Quetzaltepec

² Ja ënä'ämën mëti'ipë ja Tios tëëyëp yajkën mëët ja y'anklës, myëët'ajtyp ijty ja mëk'ajtën ets yajpatunëty; mëti'ipë pokytyuuntën ets ka'ap tpatuuntë, ojts yajtsaatsytyuntë ijxtëm pyaat'atyën.

Hebreos 2:2 ပူးပေါင်းရင်းမြစ်များ

Salmos 68:17

Yë Dios may yë kepy wintëkäämpë tmëëtëty mëti'ipë myëtsiptuunpyën; ko jam Sinaí tsyo'ony kepy wintëkäämpë akujky ojts myiny ma tsyajptëjkën.

Hechos 7:53

Oy miits mjayajmooytyë ja ënä'ämën mëët ja anklëstëjk, ka'ap ojts xypyatuntë.

Gálatas 3:19

¿E tii wya'anëty ja Moisés ja y'ënä'ämën? Mëti'ipë ok yajmooyën ets nyikëxë'ëkëty ja naaxwiinyëtë ja'ay ja pyokyëty, koonëm myinëty ja u'unk ok mëti'ipë ja Abraham ojts yajtukwinwanën. Kukäjpxy ojts yajtuknipëktë ets nikajpxtëty ja ënä'ämën ets ja Moisés je'eyë ojts tjaaynyäxy.

Deuteronomio 17:12

Mëti'ipë ja ja'ay ka'ap kyäjpxymyëtoyën, wiinkjaty winë tuny ets ka'ap tmëjpëjktä'äky ja teety ja y'aaw y'ayuk, mëti'ipë jam myëtuumpyën ja Wintsën ets ka'ap tmëjpëjktä'äky ja yajkutujkpë ja y'aaw y'ayuk, jëtu'unpë ja'ay nëjkxëp y'ooky. Jëtu'un ka'ap yaj'ijxta'akëty ma ja Israel ja nyaax kyajpnën ja mëti'ipë ja ëxëëkpë tyuunpy kyäjpxypën.

Deuteronomio 17:2

Pën yajnija'ap muum kajpntum tu'uk yë ye'etyëjk ëkë to'oxytyëjk yë'ë tyuunpy mëti'ipë yë Wintsën ka'ap t'oyjyawën ets jëtu'un ka'ap t'ëkwinkutsë'kënë ja käjpxytyu'unën,

Deuteronomio 17:5

Jam nëjkx ja ja'ay xywyoownëjkxtë ma kutuunkën, mëti'ipë jam yajpatpën ma ja kajpnën ma ja ja'ay tsyëënën, mëti'ipë ënety ja jëtu'unpë të tuuntëkoyën ets nëjkx yajkuka'atsy.

Deuteronomio 27:26

Poky yë ja'ay wyë'ëmëty mëti'ipë ka'ap tkupëkyën ya'atë aaw ayuk, mëti'ipë yajnikajpxpën ets ka'ap tpatuny. Ënet ja ja'ay y'ëtsowtëty: Oy, jëtu'un'atëp.

Deuteronomio 32:2

Jëtu'unës yam ya'atë aaw ayuk najtsmatsëja'any, tä tyu'uy pyojyën, ets jya'tëty jap ma jot winma'anyën, tä yë maanikën, tä yë tuu kyëtä'äkyën naaxkëjxy ets tä yë maanik tyajxookyën yë mëëynyak.

Hebreos 1:1

Tëëyëp, kanaak ok ojts ja Dios tmëkäjpxy ja n'ap'ajt n'ok'ajtëm ets kanaakjëjp ja winma'any tja'ixtaay ko ojts tjayajkäjpxy ja käjpxynyajxpëtëjk.

Hebreos 10:28

Ko ijty pën tkapatuny ja Moisés ja y'ënä'ämën, o'kp ijty, jä'ä ko tam ja mëti'ipë ni'ë'ënëpën nimäjtsk nitëkëëk, paaty ka'ap yajpa'ëyoy,

Hebreos 10:35

Paaty miitsëty jam xypyëjkta'aktëty ja mjot mwinma'anyëty ma Tiosën. Yë'ë nëjkx këjää mmo'ojëtë ja kuma'ayën.

Hebreos 11:26

Paaty tyimwinmaay nikë oy ko ja Yajnitsokpë tku'ëyowëty ets këtii ko tukjotkujk'atëty ja mëj'ajtën jaanty'ajtën mëti'ipë japën Egiptë, jä'ä ko ja wyinma'any ojts tpëjktä'äky ma ja kuma'ayënën mëti'ipë ja Dios yakäämpyën.

Hebreos 11:6

Ka'ap tjëkyepy oy nmëtu'unmëty yë Dios pën ka'ap ja mëpëjkën yajmëëtëty. Ko nmëwinkona'anmëty ja Dios, kopkpëky ko nmëpëjkmëty ko Dios jyääty ets ko tkumay mëti'ipë ixtaayëpën.

Hebreos 12:25

Näkyëwent'atëtë, mëmëtowtë ja Dios. Mëti'ipë ja Dios kyamëmëtoowtën ko ojts jyamëkajpxëtë yaa naaxwiiny, kyëpäjtë jä'ä. Näyjyëtu'un nëjkx njajtëm pën npäjxëm mëti'ipë xymyëkajpxëmën tsajpjotm.

2 Pedro 1:19

Yë'ë ya'atë aaw ayuk yajtëytyëjkëy mëti'ipë tëëyëp ja Dios ja kyäjpxynyajxpëtëjk nyikajpxtën ets tyam miitsëty të xymyëpëktë. Ya'atë aaw ayuk jëtu'un yë'ë tä tu'uk yë kutë'kxnën akootstuuy, koonëm xyiinyëty ets ja jaayxyëëw pyëtsëmëty mëti'ipë kyutë'kxëpën ja jot winma'any.

Judas 1:5

Oy miits të xyjyanijawëtë, ntukja'amyäjtstëp yam jatëkok ko ja Wintsën ojts tyajpëtsëmy ja Israel ja'ay jap Egiptë ets ojts tyajkutëkoy mëti'ipë kamëpëjkëtën.