Hebreos 2:18 - Biblia Dc en Mixe de Quetzaltepec

¹⁸ Mëët yë'ë ko ja Jesús y'ëyoow ets yajwinma'any'ijxy ets jeexyë pyokytyuny, tyam jyëkyejpy tputëkëty mëti'ipë ja mëjku'u yajkpokytyunanëpën.

Biblia Mixe de Quetzaltepec

¹⁸ Mëët yë'ë ko ja Jesús y'ëyoow ets yajwinma'any'ijxy ets jeexyë pyokytyuny, tyam jyëkyejpy tputëkëty mëti'ipë ja mëjku'u yajkpokytyunanëpën.

Hebreos 2:18 ပူးပေါင်းရင်းမြစ်များ

1 Corintios 10:13

Ka'anëm miits xypyaatë ja ëyo'on jotmay mëti'ipë ka'ap yajmëmëta'akëtyën. Jyëkyejpy miits ëmuumtu'uk ja Dios xymyëpëktëty ko ka'ap mtukpaata'anëtë ja ëyo'on wäänë mëkpë mëti'ipë ka'ap myëmëtaknëtyën ets pën jää ënety ja ëyo'on jotmay xypyaatë, Dios nëjkx mputëkëtë ets xymyënax xyajnaxtëty.

Judas 1:24

Ja tu'kpajkpë ja Dios, mëti'ipë të xyajnitsokëmën, myëët'ajtyp yë mëk'ajtën ets mkëwent'atëtëty këtiipë mka'atëty pokytyum, ets myaja'tëtëty ma ja xyoontakënën, ma yë'ë yajpaatyën tsuj xoontä'äky. Yë'ë patëp ja mëj'ajt oyajtën, ja kuttujkën, ja ënä'ämën, mëët ko ja nWintsën'ajtëm Jesukristë të nmëpëjkëm, tëëyëp, tyam ets xëmëkyëjxm. Jëtu'un y'itëty.

Hebreos 5:2

Jä'ä ko näjyëtu'un ja teety wintsën pyokyjyä'äy'atë, jyëkyejpy tpa'ëyowëty mëti'ipë kyanija'awëtëpën ets mëti'ipë tëkooytyëpën.

Apocalipsis 3:10

Jä'ä ko të xypyatuny ja n'ënä'ämënës xëmë, paaty miits n'ijx'ita'an nkëwent'ata'antë ko ënety ja ëyo'on jotmay yaa myiny mapaat ja naaxwiinyëtë y'ëwëtityën ets yajwinma'any'ixa'antë mëti'ipë tsënaaytyëpën naaxwiiny.

2 Pedro 2:9

Yë Dios nyija'ap wi'ix tyajpëtsëmëtyën ëyo'ontum mëti'ipë yë'ë ets nän nyija'ap wi'ix ja ëxëëkja'aytyëjk tuk'ëwxityën ja ëyo'on jotmay.

2 Timoteo 1:12

Paatyës tyam nku'ëyowë ya'atë. Je'eyëp ko ka'apës ntuktsëtyuny, jä'ä ko nnija'apës koos yë'ë ntuk'ijxpety; ets nnija'apës ko yë'ë myëët'ajtyp ja mëk'ajtën es tpëjkë'ëkëty ja kuma'ayën jekpyaat mëti'ipës të xytyukwinwanën.

Juan 10:29

Mëti'ipës ja nTeety të xymye'eyën ni'ik myëjëty këtiinëm tii, ets ka'ap pën myäyëtëty pyëjkëtëty.

Lucas 22:53

Ko të nyajpaatyës ma ja mëjtsajptëjkën winjëpom, ka'ap ijty miits xymyatstës; tyam ënät të myëpaat'aty ets winë xytyuntëty jëtu'un ijxtëm ja akootstuuypyë yajpaatën.

Filipenses 3:21

mëti'ipë ja ni'kx'ajt nkopk'ajtëm yajtëkatsäämpyën ets yë'ë xymyo'oja'anëmë ja kyë'ëm nini'kx mëti'ipë mëj'ajtën jaanty'ajtën myëët'ajtypyën ets tyunäämpy mëët ja myëk'ajtën mëti'ipë myëët'ajtypyën ets tmëmëtakta'ajëty oy tyimtiijëty.

Lucas 22:28

Miitsëty xëmë të myajpaatë mëët ëjts oyës ëxëëk të njaty të nkëpety.