Hebreos 2:17 - Biblia Dc en Mixe de Quetzaltepec

¹⁷ Paatykyëjxm näjyëtu'un kopkpëky yajpëjktäky ijxtëm ja myëku'uktëjkën ets jam Dios wyintuuy y'itëty teety wintsën oypyë ets pa'ëyoopë ets ja Dios ja ja'ay tpokmyä'kxëty mëët ja wintsë'kën.

Biblia Mixe de Quetzaltepec

¹⁷ Paatykyëjxm näjyëtu'un kopkpëky yajpëjktäky ijxtëm ja myëku'uktëjkën ets jam Tios wyintuuy y'itëty teety wintsën oypyë ets pa'ëyoopë ets ja Tios ja ja'ay tpokmyä'kxëty mëët ja wintsë'kën.

Hebreos 2:17 ပူးပေါင်းရင်းမြစ်များ

2 Crónicas 29:24

E ko jëtu'un ja kyë'ë tkëxkoontaaytyë tääts tyaj'o'ktë ja tsajppax ets ja tsajpkaa; ja jyot nye'pny ojts tuknixikxtë ja wintsë'këntyakn, mëti'ipë ja nëë poky kyunajxypyën ja Israel ja'ayëty ja pyokyëty, jä'äkyëjxm ko jëtu'un ënety ja yajkutujkpë të tni'ënä'ämë ets ja naax kajpn ja nyëë pyoky yajtuunkëx yajkajpxkëxëty.

Isaías 11:5

Tääpë ja'ay yë'ë xëmë kyajpxäämpy myëtya'akäämpy ja oypyë nipaye'eyën ets ja mëtëypyë.

Ezequiel 45:15

E ma kupixynyëtyën, tu'uk xypyuyaktëty ma ja mäjtsk mëko'pxjatypyën, mëti'ipë oyëtyën mëkëtyën jampë yajpaatën Israel. Yë'ë yajtukniyakëp ko ënety yajyoxy yë aaypyajk ujtspajk, ko ënety yajyäky ja jëyujk ooky nino'okpyë ets ko ënety ja wintsë'kën yajyäky ma ja nay'ëëw'oy näykyajpx'oyë y'ityën.

Ezequiel 45:17

e yë yajkutujkpë yë'ë yakëp ja jëyujk mëti'ipë yajnino'okëpën ets mëti'ipë tunaanpën ma yajyäkyën yë aaypyajk ujtspajk ets tsatym nyëë tëëpë nyimaanaxyën, mëti'ipë yajyajkpën ma po'o pyi'k'atyën, po'kxënxëëwpë ets ma winë tnixëëwtuntën jam Israel. Yë'ë nëjkx näjyëtu'un tyäky yë wintsë'kën mëti'ipë poky yajtukuyajkpën, yë aaypyajk ujtspajk ets jëyujk mëti'ipë yajnino'kpën ko yajtuny yë nay'ëëw'oy näykyajpx'oyë ets jëtu'un yë Israel ja'ayëty yajpokymyä'kxtëty.

Ezequiel 45:20

Näyjyëtu'un nëjkx yajtuny ma wyëxtujk xëëwpetyën ja po'o, jää nëjkx xyaktë yë wintsë'kën mëti'ipë yë nëë poky mtukunaxtëpën ma ënety të mpoky tyuntën ajotkumonë oy jëtu'un të xykyawinmaytyë ëkë të xykyajawëtë ko të mtëkoytyë. Jëtu'un nëjkx ja tsajptëjk wa'ats wyi'imy.

Daniel 9:24

Tëkë'px majk sëmaan nyaxa'any ets jyëwa'akëty ja ëyo'on jotmay ets ja nëë poky ma ja mnaax mkajpnën wa'atspë ets ja mnaax mkajpn tpaatëty ja poky nyimä'kxën ets jam nyaxxkëta'akëty ja oypyë ets mëtëypyë ja nipaye'eyën xëmëkyëjxm ets y'atëwëty mëti'ipë të xywyinkuma'ayën ets mëti'ipë të yaj'akäjpxyën jëtu'un'äämpy wya'atsëty jatëkok ja tsajptëkoty mëti'ipë ijty wa'ats ni'ik.

Romanos 15:17

Nmëët'ajtypës ja mëk'ajtën etsës nämyëjjawëtëty ma ja Kristë Jesús, jä'äkyëjxm koos ja Dios nmëtuny.

Romanos 5:10

Jä'ä ko ijty ja Dios nmëtsip'ajtëmë, tëë ja Dios mëët nämyë'oypyëjkëmë jä'äkyëjxm ko ja y'u'unk të y'ooky; ets ko ja Dios mëët të nämyë'oypyëjkëmë, wäänëni'ik ëëts njëjp'ijxëmë ko ka'ap ja ëyo'on npaata'anëmë jä'äkyëjxm ko yë'ë jyuuky'äty.

Efesios 2:16

E ko ja Kristë ojts y'ooky kruutskëjxm, yë'ë ojts tyajkëxy tyajnaxy ja tsip ets tyajnäy'oyëty ja jutiis ja'ay mëët ja ka'apë jyutiisëty.

Colosenses 1:21

Miitsëty, jëpyaat jëpyo'kxy ets mëtsip ijty myajpaatë ma Tiosën. Mmëtsip'ajtëp ijty ja Dios mëët ja m'ëxëëkjot m'ëxëëk winma'anyëty ko ëxëëk xytyuntë.

Hebreos 10:21

Jä'ä ko ja Jesús yë'ë nTeetywintsën'ajtëm mëti'ipë yajpatpën ma ja Dios ja tyëjkën.

Hebreos 2:11

Ja mëti'ipë yajkënu'kxtën ets mëti'ipë kënu'kxpën, tu'ukyë ja Tyeetyëty, ja Dios Teety. Paaty ja Dios U'unk ka'ap tuktsëtyuny ets xytyijmëty mëkä'äx.

Hebreos 2:14

Jëtu'un ijxtëm ja ja'ay tu'kjëëky tu'kmëku'ukpë ja jot ne'pyny tmëët'atën, jëtu'un ja Jesús y'ijty mëët ja Dios ets mëët ja o'kën tmëmëtaktaay ja ëxëëkpë, mëti'ipë ijty o'kën tëko'oyën myëët'ajtypyën.

Hebreos 2:16

Tëyajtën ka'ap yë'ëjëty ja Wintsën Jesukristë tnimiiny ets tputëkëty ja anklëstëjk, yë'ë nyimiin mëti'ipë ja Abraham y'u'unk'ajtyp y'ok'ajtypyën.

Hebreos 3:1

Paaty mëku'uktëjkëty, ninu'un ja Dios mja'ay'atëtën, tëëpë yajyaxtsowtën, pëjkta'aktë mjootjoty mwinma'anyjyotyëty ja Kristë Jesús, ja ayukkajpxwa'kxpë, ja mëj teety wintsën.

Hebreos 3:2

Jä'ä ko ja Jesús kyuuytyuun ja tuunk mëti'ipë ja Dios tuknipëjkën, näjyëtu'un ijxtëm ja Moisés tkuuytyuunyën ja tuunk mëti'ipë ja Dios ojts tyuknipëkyën ma ja nyaax kyajpnën.

Hebreos 3:5

Jëtu'unts ja Moisés y'ijty ijxtëm tu'uk ja tuunpën ma tu'uk ja tëjkën, oy tyuuny ma ja Dios ja kyajpnën ets ojts tnikäjpxy mëti'ipë ja Dios ënety kyajpxäämpyën.

Hebreos 4:14

Jesús, ja Dios U'unk, yë'ë ja nTeetywintsën'ajtëmë mëti'ipë të pya'tëkën tsajpjotm. Paatykyëjxm mëk ja mëpëjkën nmëët'ajtmëty mëti'ipë të mpatëmën.

Hebreos 4:15

Jä'ä ko ja nteety wintsën'ajtëmë, xypya'ëyo'owëm yë'ë ets nyija'awëp wi'ix nkamëtakëmën, jä'ä ko näjyëtu'un të yajpëjktä'äky wi'ix jeexyë pyokytyunyën, jëtu'un ijxtëm ëëtsajtëm nyaj'ijxmajtsëmën.

Hebreos 5:1

Ni'ëmukë teety wintsën, aak ja'ayjoty yajwin'ixtë ets ja naax kajpn tkutänëty Dios wyintum ets tyaktëty ja wintsë'kën ets ayajk ako'onën mëti'ipë ja poky yajtuknikëpäjtutpën.

Hebreos 5:10

ets ja Dios pyëjktakë teety wintsën, jëtu'un ijxtëm ja Melquisedec y'ijtyën.

Hebreos 5:2

Jä'ä ko näjyëtu'un ja teety wintsën pyokyjyä'äy'atë, jyëkyejpy tpa'ëyowëty mëti'ipë kyanija'awëtëpën ets mëti'ipë tëkooytyëpën.

Hebreos 5:5

Tim näjyëtu'un ja Kristë ka'ap ojts kë'ëm nyäpyëjktä'äkyë teety wintsën, ja Dios ojts myo'oyë ja mëj'ajtën jaanty'ajtën ko y'ënëmaayë: Mijts n'u'unk'ajtyp, tyamës n'ëna'any ko mijts n'u'unk'ajtyp.

Hebreos 6:20

ma ojts tyëkën tëëyëp ja Jesús ets ja në'ë tu'u tyaj'ëwatsy, jëtu'un nyäjxy xëmëkyëjxm Teety Wintsën, ijxtëm ja teety wintsën Melquisedec y'ijtyën.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënety nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

Hebreos 7:28

Ja Moisés ja y'ënä'ämën yë'ë nyikäjpxyp ets tyeetywintsën'atëty mëti'ipë pokyjyä'äyën, e ok ojts ja Dios nyäyajkäjpxyë ets ja y'u'unk teety wintsën y'itëty mëti'ipë xëmëkyëjxm tunëpën mëtëy.

Hebreos 8:1

Yë'ë kopkpëky mëti'ipës tyam nnikajpxtëpën: Ko ja nTeety'ajtëm mëti'ipë nyiwintsën'ajtypyën ja teetytyëjk, tëë jam tsajpjotm nyaaxweetsy, a'oytsyow ma ja Dios ja kyutujktaknën.

Hebreos 8:3

Ni'ëmukë ja Teety wintsën tëë yajtuknipëjktë ets tyakëty ja wintsë'kën, paaty ja nteety wintsën'ajtëmë näjyëtu'un ja wyintsë'kën të tmo'oy ja Dios.

Hebreos 9:11

E tëë ja Kristë myiny ets tyam yë'ë nyiteetywyintsën'ajtyp ja oypyë mëti'ipë jää'ajtpën. Wäänë oy ja tsajptëjk ma yë'ë tyeetywyintsënkopk'atyën. Ka'ap jyä'äyëty të tkojy ets ka'ap nyaaxwiinyëtëty yajpaaty,