Hebreos 13:7 - Biblia Dc en Mixe de Quetzaltepec

⁷ Ja'amyätstë mëti'ipë të mkajpxwijëtën ets të m'ëwa'anxëtën ja Dios ja y'aaw y'ayuk. Mëmay mëtajtë wi'ix ja jyuuky'ajtënëty të kyukëxëtë ets patuntë ijxtëm ja mëpëjkën të tmëët'atën.

Biblia Mixe de Quetzaltepec

⁷ Ja'amyätstë mëti'ipë të mkajpxwijëtën ets të m'ëwa'anxëtën ja Tios ja y'aaw y'ayuk. Mëmay mëtajtë wi'ix ja jyuuky'ajtënëty të kyukëxëtë ets patuntë ijxtëm ja mëpëjkën të tmëët'atën.

Hebreos 13:7 ပူးပေါင်းရင်းမြစ်များ

Hebreos 13:17

Mëmëtowtë ja mkutuunkëty mëti'ipë ja mëpëjkpëtëjk tyu'uwinye'eytyëpën ets wiinkutsë'ëkëtë, jä'ä ko yë'ëjëty ka'ap pyo'kxtë ko mkëwent'atëtë; mnija'awëtëp ko kopkpëky ko Dios wyintum tnikajpxa'antë tii pën tyuunpy kyäjpxypën. Jotkujk winë xytyuntëty ka'ap y'atsipëty, jä'ä ko pën atsip winë yajtuny ka'ap jëtu'unpë tsyoowpaaty.

Filipenses 3:17

Mëku'uktëjkëty, tuntë ijxtëmës yam nnajtstunën ets ixtë tuntë ja ja'ay mëti'ipë pyatuuntëpën näjyëtu'un ijxtëm të yajnajtstunëtën.

Hebreos 6:12

Ka'apës ntsoktë ets miits ni'ikyë nuux m'awinpijnëtëty, yë'ëjës ntsojktëp ets xynyi''ijxtu'utëty ja oyjyuuky'ajtën mëti'ipë yajpatpën ma ja ja'ayëtyën tëëpë t'ëxajëtën ja kuma'ayën mëti'ipë ja Dios të tyukwinwanëtën.

1 Tesalonicenses 1:6

Miitsëty jëtu'un ojts winë xytyuntë ijxtëm pyäätyën, ijxtëm ëëts winë të ntuntën ets ijxtëm ja Wintsën të nnajtstunën ets tëë xykyupëktë ja aaw ayuk mëët ja xoontakën mëti'ipë Kënu'kxymyëkajtën yajkën ma ënety m'ëyow mjotëkoytyën.

Hechos 14:23

Ojts ja Pablo ets ja Bernabé tnikajpxpätë ja mëjja'aytyëjk maajëty ja mëpëjkpëtëjk ye'eymyuktën, ets ja Dios tuknija'amyäjtsëtë ets y'ayuu'ajtë, ets tukë'ëtëjkëtyë ja Wintsën mëti'ipë ënety të tmëpëktën.

Mateo 24:45

¿Pën jëtää ja tuunk oy y'ëkmëpëtsëmëp? ko ja Wintsën tyajwë'ëmëty tu'uk ja tyuunpë ma ja tyëjkën mëti'ipë yajja'akyäyëpën tiempëpaaty.

1 Timoteo 3:5

jä'ä ko pën ka'ap tu'uk ja ja'ay tjaty yajkutukëty tyëkoty, ¿wi'ix tkëwent'ata'any ja Dios ja myëpëjkpëtëjk?

Hebreos 13:24

Kajpxpo'kxtë ni'ëmukë mëti'ipë jam mtu'uwinye'eyëtëpën ets ni'ëmukë mëti'ipë ja Dios kyajpn'ajtypyën. Mëti'ipë Italia tsënaaytyëpën yë'ë mkajpxpo'kxëtëp.

1 Tesalonicenses 2:13

Paatykyëjxmës xëmë ja Dios nkukajpxëtë, jä'ä ko miits xymyëtowtë ja Dios ja y'aaw y'ayuk mëti'ipës nkajpxwa'kxtën. Jëtu'un ojts xy'ëxajëtë tä Dios yë'ë t'aaw t'ayukëtyën ets ka'ap jyëtu'unëty tä jeexyë nyaaxwiinyëtë ja'ay t'ayukëtyën. E mëtëy jëtu'un, Dios jyänty ayuk'ajtyp, ets jam wyinkëxë'ëky ma miitsëtyën ko mmëpëktë.

1 Corintios 4:16

Jëtu'un miits mëktä'äky n'ënëëmëtë ko xypyatuntëty mëti'ipës nnajtstu'unëpën.

Romanos 10:17

Jëtu'unkyëjxm, ja mëpëjkën ënät yajmëët'aty ko yajmëtoow'ity, ets ja aaw ayuk jam ja tsyoony ma ja Kristë të tnimëtyä'äkyën.

Hechos 4:31

Ko ja Dios tja'amyäjtstaaytyë, tääts ja tëjk tsyëyuuypyijky ma ënety jam të nyiye'eypyätën ets ja ja'ayëty t'ëxajëtyääytyë ja Kënu'kxymyëk'ajtën ets amëk jotmëk nimëtyaktë ja Dios ja y'aaw y'ayuk.

Cantares 1:8

Pën ka'ap xynyijawë, mijts janty'oy janty tsuj myaj'ixy ma to'oxytyëjktëjkëtyën oyëtypë, yë'ë paye'ey yë kupixyny yë kyë'ë tyeky ets jam këwent'at yë mtsajppax ma jëyujkëwent'ajtpë tyëjkëtyën.

Apocalipsis 6:9

Ko ja Kupixyny U'unk tyaj'ëwatsy ja mëmëkoxkpë ja tsa'ayën, ënätës n'ijxy jap wintsë'këntyakn pa'tkë'p nimay ja anëmëtëjkëty mëti'ipë të tku'ookëtën ko ja Dios ja y'aaw y'ayuk të tkajpxwa'kxëtë.

Apocalipsis 20:4

Ets n'ijxyës kanaak ja kutujktakn, yë'ë jam u'unyääytyëp mëti'ipë ënety të t'ëxajëtën ja kuttujkën ets pyaye'eytyëty; ets n'ijxyës näjyëtu'un ja y'anëmëty mëti'ipë të yajkupuxtën mëët ko të tkajpxwa'kxtë ja Wintsën Jesús ja jyä'ä ets ja Dios ja y'aaw y'ayuk ets mëti'ipë ënety ka'ap të twintsë'ëkëtën ja mëj jëyujk ets ni të tkakupëktë ets yajtsa'atëty wyimpokëjxm ëkë kyë'ëkëjxm; ets n'ijxyës ko jyuukpyëktë jatëkok ets yajkutuka'antë mëët ja Kristë tu'uk mil jëmëjt.

Apocalipsis 1:9

Ëjts Juan, miits yë mmëku'ukëty, ets koos tu'ukyë nyajpaaty mëët yë Jesús, xypaat'ajtpës mëët miitsëty ja Dios ja kyutujkën, ma n'ëyo'onpatëmën ets ma akujky jotkujk n'ijtëmën ets tu'ukyë jotmëk nyajpatmëty. Jä'äkyëjxm koos ja Dios ja y'aaw y'ayuk të nimëtyakë mëti'ipë ja Jesús ojts nimëtyä'äkyën, jamës ënety nyajpaaty Patmos, ma tu'kkëëyi'ikpyën ja naax jam mejyjyotm.

2 Tesalonicenses 3:9

Ëëtsëty njamëët'ajtës ja tëyajtën ets jeexyë n'amëtoowtë ja näypyutëkë, je'eyëp ko ojtsës ntuntë nkupëktë ets miits myajtuk'ixtëty wi'ix mtuntëtyën.

1 Corintios 11:1

Mëti'ipës të nnajtstunën, yë'ë miits tuntë; ijxtëm ëjtsën yë'ëjës ntuunpy mëti'ipë ja Kristë të tnajtstunën.

Lucas 12:42

Tääts ja Wintsën y'ënäny: ¿Pën jëtää oy myëtuumpy ja wyintsën, mëti'ipë ja wyintsën tuknipëjkëpën ets tkëwent'atëty ja jëën tëjk, ets tyajkayëty tyaj'uukëty mëti'ipë jam yajpatëpën?

Lucas 8:11

Yë ya'atë ijxpäjtën jä'ä nyiwijy: Jëtu'un yë tëëmt ijxtëm ja Dios ja y'aaw y'ayukën.

2 Tesalonicenses 3:7

Miitsëty mnija'awëtëp wi'ix mëpaat mjuuky'atën ets jëtu'un winë xytyuntëty ijxtëm ëëtsëtyën. Ëëtsëty ka'apës ojts je'eyë npo'kxtë npëktë koos jam nyajpatë ma miitsëtyën,

1 Corintios 10:13

Ka'anëm miits xypyaatë ja ëyo'on jotmay mëti'ipë ka'ap yajmëmëta'akëtyën. Jyëkyejpy miits ëmuumtu'uk ja Dios xymyëpëktëty ko ka'ap mtukpaata'anëtë ja ëyo'on wäänë mëkpë mëti'ipë ka'ap myëmëtaknëtyën ets pën jää ënety ja ëyo'on jotmay xypyaatë, Dios nëjkx mputëkëtë ets xymyënax xyajnaxtëty.

Hechos 13:46

Ënet ja Pablo ets ja Bernabé ojts ja ja'ay amëk jotmëk tmëkajpxtë ets t'ënëmaaytyë: Israel ja'ayëty, kopkpëky ets miits ja Dios ja y'aaw y'ayuk jëwyiin myajtuk'ëwaanëtëty, jä'ä ko miits mjutiis'atë; e miitsëty ka'ap xykyupëktë ets ka'ap mnätyukmë'a'ixëtë ja juukyajtën xëmëkyëjxmëpë. Nikë oy ëëts nëjkxëty wiink kajpn ma ja ja'ayëtyën ka'apë jyutiis'atën.

Lucas 5:1

Jam ënety ja Jesús tëkok yajpaaty ma tu'uk ja nëë'akëyë nëëpa'ajën Genesaret xyëëwajtyp. Jamts ja mayjyä'äy myiintë mëpaatëp ja Jesús t'atijmujknëtë ko tmëtoow'ita'antë ja Dios ja y'aaw y'ayuk.

1 Pedro 4:11

Pën jää pën kyäjpxy myëtyä'äky, jëtu'un kyajpxëty ijxtëm ja Dios ja y'aaw y'ayuk y'ënä'änyën. Pën jää pën myëku'uk tii tukputëkëja'any, yajtunëp ja myëjaaw mëti'ipë ja Dios mooyëpën. Tu'kë'ëyë tiijaty mtuuntëp mkajpxtëp, tuntë winë ijxtëm mëpaat ja Dios yajmëjjaw yajjaantyjawën ma ja Jesukristë ja xyëëwën, mëti'ipë ijta'ayxyëyëp ja mëj'ajt oyajtën. Jëtu'un y'itëty.