Hebreos 13:6 - Biblia Dc en Mixe de Quetzaltepec

⁶ Paaty ëëtsajtëm jyëkyejpy n'ëna'anmëty akujk jotkujk: Yë Wintsën yë'ëjës xypyutëjkëp, paatyës ka'ap ntsë'ëkë. ¿Wi'ixës yë ja'ay xynyatunëty?

Biblia Mixe de Quetzaltepec

⁶ Paaty ëëtsajtëm jyëkyejpy n'ëna'anmëty akujk jotkujk: Yë Wintsën yë'ëjës xypyutëjkëp, paatyës ka'ap ntsë'ëkë. ¿Wi'ixës yë ja'ay xynyatunëty?

Hebreos 13:6 ပူးပေါင်းရင်းမြစ်များ

Génesis 15:1

Ënet yë Dios ojts tmëkäjpxy yë Abram kuma'ayjoty ets t'ënëmaay: Këtii mtsë'ëkë Abram, jä'ä ko ëjts mijts nkuwäämpy. Yë mkuma'ayën mëj y'ita'any.

1 Reyes 17:8

Ënet ja Wintsën t'ënëmaay ja Elías:

Salmos 124:8

Yë nputëjkën'ajtëm jam tsyoony ma Wintsënën mëti'ipë yajkojën yë tsajp ets naaxwiinyëtë.

Salmos 146:3

Këtii xytyuk'ijxpätëty yë naaxwiinyëtë ja'ay ko mëj'äämpy yajpaaty ma myënaaxwiinyëtë ja'ayën mëti'ipë ka'ap myäyëtëtyën yajnitso'okëty.

Salmos 27:9

Këtiis xywyinkuyu'utsy. Këtiis xyjyëpëky xyjyëtuny a'äkë. Mijts xypyutëjkëpës. Këtiis nätyu'uk xy'ëxmatsëty kuwaankës, mijts nTios'ajtyp ets mijts xyajnitsokpës.

Salmos 33:20

Ëëtsëty yë'ëjës yë Wintsën ntukjotkujk'ajtëp; yë'ëjës xypyutëjkëtyëp ets xykyuwantëp.

Salmos 40:17

E ëjts maas nyajpaatyën mon tuk, këtiis xyjyä'äytyëkoyëty, Wintsën. Mijtsës xypyutëjkëp etsës xyaj'ëwaatsëpëtsëmy; Wintsën këtii mpo'oxy, tsojkyë min.

Salmos 54:4

E ëjts, ka'apës njëtu'unyëty; Dios yë'ëjës xypyutëjk xypyupäjtp, ets yë'ëjës xyaj'ijtp juuky.

Salmos 56:4

Tiosës tu'uk ntuk'ijxpejtyp, ets yë'ëjës nmëjja'ap njaantyjya'ap yë y'aaw y'ayuk; Tiosës ntukjotkujk'ajtyp, paatyës ka'ap ntsë'ëkë. ¿Wi'ixës yë naaxwiinyëtë ja'ay xy'ëktunëty?

Salmos 63:7

jä'ä ko mijts xypyutëjkëpës. Jotkujkës nnäjyawëty mkäknpa'tkë'p.

Salmos 94:17

Koos jeexyë yë Wintsën të xykyaputëkë jëna'ajëpës jeexyë n'o'knë, ma jap mon tuk xëmë yajpaatyën.

Éxodo 18:4

Ja wiinkpë ja myaank jä'ä xyëëwajtyp Eliézer, jä'ä ko tyaa ojts y'ënä'äny: Ja Dios mëti'ipës ja nteety Tyiosajtën, yë'ëjës të xynyiminy etsës të xypyutëkë. Paatyës ojts xyajtso'oky ma ja yajkutujkpë xyjyayaj'okanyësën.

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Isaías 41:14

Jëtu'un yë Wintsën y'ënä'äny: Mijts Israel, Jacob yë nyaax kyajpn, oy mutskëty ets mxyëëpëty, këtii mtsë'ëkëty, tyam mputëkëty. Ëjts Wintsën, wa'atspë yajpaatyën ma Israel ja'ayëtyën, ëjts mijts xynyitsokpë'ajtp.

Mateo 10:28

Këtii xytsyë'ëkëtëty mëti'ipë nini'kx yaj'o'kpyën, ka'ap myäyëtëty tyaj'ookëty yë anëmë; yë'ë Dios mtsë'ëkëtëp, jä'ä ko yë'ë myëët'ajtyp yë mëk'ajtën ets tyaj'atëkoyëty yë ja'ay ja y'anëmë mëët ja jyot nyini'kx jap ëyoowtaknjoty.

Romanos 8:31

¿Tii ënät njaaktimkyajpxmëp? Pën Dios mëët ëëtsajtëm, ni pën xykyamëmëtakmëty.

Efesios 3:12

Mëët ko ja Kristë të nmëpëjkëmë, jyëkyejpy nmëwinko'onmëty ja Dios mëët ja oy'aaw oyjyot.

Deuteronomio 33:26

Ni pën tkamëpaatëty yë Dios jampë yajpaatyën Jesurún, mëti'ipë jokjoty yootsjoty yajpatpën tsajpkëjxm, poj'am mnimina'anyë ets mputëkëtëty.

Deuteronomio 33:29

Janty jotkujk ets xoontä'äky myajpaatëty mijts Israel ja'ay. ¿Pën nëjkx m'ëk mëëpaatyë tä ënety myajpaatyën? Yë Wintsën yë'ë kë'ëm të myajtso'okyë, ets yë'ë të mkuwa'anyë, yë'ë xëmë të mputëkëty oy jëna'a ja putëjkën të xyajmëyäty. Yë Wintsën yë'ë mëët'ajtyp tä tu'uk yë yenypyujxnën mëti'ipë myajmëtakëpën xëmë. Ko xëëw po'o tpaatëty, yë ja'ayëty mëti'ipë mëtsip'ajtëtëpën nëjkxëp kyoxtänëtë mijts mwintuuy ets nëjkx xyaj'atëkoy ma ënety amëj akëjxm jyä'äy'atën.

Hebreos 10:19

Mëku'uktëjkëty, tyam jyëkyejpy ntëjkëmëty akujk jotkujk jap tsajptëkoty mëët ko ja Jesukristë ja nye'pyny të temy të tje'etsy,

Hebreos 4:16

Tsojk nmëwinko'onëm ja Dios ja kyutujktakn akujk jotkujk, ets xypya'ëye'emyëty mëët ja y'oywyinma'any ets xypyutëjkëmëty ma ënety tii nyajmëyajtëmën.

1 Samuel 23:17

Tä t'ënëmaay: Ninu'un mkatsë'ëkëty David, jä'ä ko yë nteetyës ka'ap nijëna'a mpaatëtëty. Mijts kopkpëky ko jëna'a myajkutujkpë'atëty ma Israel kajpnën. Ëjts naxymyës nëjkx n'ity ma mkutujktaknën. Yë nteetyës, Saúl, wa'ats yë tyäty nyijawë ko jëtu'un jyata'any kyëpäta'any.