Hebreos 13:5 - Biblia Dc en Mixe de Quetzaltepec

⁵ Këtii meeny xy'atsoktëty, tukjootkujk'atë mëti'ipë mmëët'ajtëpën, jä'ä ko tëë ja Wintsën y'ënä'äny: Nijëna'a mijts nka'ëxmatsan'any ets nijëna'a nkaja'atyëkoyä'äny.

Biblia Mixe de Quetzaltepec

⁵ Këtii meeny xy'atsoktëty, tukjootkujk'atë mëti'ipë mmëët'ajtëpën, jä'ä ko tëë ja Wintsën y'ënä'äny: Nijëna'a mijts nka'ëxmatsan'any ets nijëna'a nkaja'atyëkoyä'äny.

Hebreos 13:5 ပူးပေါင်းရင်းမြစ်များ

Génesis 28:15

Ëjts mijts mëët n'ity, nkëwent'atäämpy oy ma mtimnyax mtimtyëkëty. Ets nän ëjts mijts nyajwinpitëp jatëkok ma ya'atë naaxjotmën. Ka'ap nmajtstu'uta'any, maanëmës ka'ap nkuuytyunyën ja mëti'ipë të ntukwinwanën.

Génesis 30:31

Tä ja Labán ni'ikë y'ënaan'ëtë'ëtsy: ¿Nu'unxën xytsyoky ets nmëjuyëty? Tä ja Jacob y'ëtsooy: Ka'apës ntsoky xymyëjuyëty, nikë minës yë mkupixyny n'ëkjaakëwent'aty, e ënät pën mkupëjkpy, mëti'ipë yam ntuk'ënëëmëjäämpyën.

Génesis 31:5

tääts t'ënëmaay: Ëjts nnija'apës ko yë mteetyëty ka'apës xy'ëk'oyjya'awënë, tä ijty xy'oyjyawënës ko myë''ëka'any'äjty; e ja Dios mëti'ipës ja nteety y'ëwtajtën, ka'apës xy'ëxmatsy.

1 Reyes 6:13

ëjts nän nëjkxëpës jëtu'un winë ntuny tä ja David ojts ntukwinwanënës mëët mijts; ëjts tsëënëpës yë'ë ma ja Israel ja nyaax kyajpnën ets ka'apës nijëna'a n'ëxmatsa'antë.

1 Reyes 8:57

E tyam wä'än ja Wintsën yaa mëët ëëts'ajtëmë tyajpaaty, jëtu'un tä ojts yajpaatyën mëët ja nteety'ajt n'ok'ajtëmë, ka'ap mëpaat xy'ëxmajtsëmë ets ka'ap mëpaat xynyawa'ktutëmë.

1 Crónicas 28:20

Ënet yë David t'ënëmaay yë Salomón: Amëk jotmëk mtimy'itëty ets oy mtunëty, tuuntsoon. Këtii nëkoo mwinmaaytyëkatsëty ets këtii nëkoo mtsë'ëkëty, jä'ä ko yë nWintsën, ëjts yë nTiosës, mëti'ipës n'ëwtajtypyën yë'ë yajpaataanp mëët mijts xëmë. Yë'ë ka'ap nijëna'a m'ëxmatsa'anyë ets ka'ap mpuwa'ktuta'anyë, koonëm wyimpëtsëm jyëjpëtsëmëty ja tuunk mëti'ipë të xyajtso'ontä'äkyën ma ja Wintsën ja jyëën tyëjk xykyojyën.

Salmos 10:3

Yë ëxëëk ja'ay oy tnimëtyä'äky kë'ëm mëti'ipë tsyojkpyën; ja'ay mëti'ipë atsojkpën pyojkpy ets y'ixtijpy yë Dios.

Salmos 119:36

Mijts myajkutukëp etsës yë njot nwinma'any tsojkën'atëty yë m'ënä'ämën mtëyajtën ets këtii yë'ë ja wit meeny mëti'ipë ja win'ë'ënën mëët yajpaatyën.

Salmos 37:25

Ëjts tëës n'ëna'k'aty e tyam tëës nmëjja'ayënë, nijëna'ajës të nka'ixy yë oyjyä'äy atu'uk y'amëjë, ëkë y'u'unk y'ëna'k t'amëtoy yë meeny muum në'ë'aay tu'u'aay.

Salmos 37:28

Yë Wintsën yë'ë xëmë tsyojkpy mëtëypyë ets oypyë, ka'ap nijëna'a t'ëxmatsy mëti'ipë oy mëtuunëpën; yajkutëkoopy mëti'ipë ëxëëk ja'ay'ajtpën ets ka'ap nitu'uk yë y'u'unk y'ok tyajwë'ëmë.

Éxodo 2:21

Jëtu'un'äämpy ojts yë Moisés jam wyi'imy tsënääpyë ma ja Reuel yë tyëjkën, kom ok tääts yë Reuel tyajpëjky yë Moisés mëët yë nyëëx mëti'ipë xyëëwajtypyën Séfora.

Éxodo 20:17

Këtii xy'atsojkëty yë mmëku'uk yë jyëën tyëjk, këtii xy'atsojkëty yë tyo'oxytyëjk, këtii xy'atsojkëty yë myëtuunpë kyupëjkpë ye'etyëjkpë, to'oxytyëjkpë ets ni xykya''atsojkëty yë tsyajpkaa ets kyërukts ets tëkokyë ma tmëët'atyën winë.

Proverbios 23:4

Këtii nëkoo ajotkumonë mnämyëjaaw'ixëtëty ets kumeenyjyä'äy mnäyaj'awinpita'anëtëty. Ixmatsmës yë'ë, këtii yi'iyë xymyëmay xymyëtajy.

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Isaías 41:17

Yë ëyoopëja'aytyëjk nëkooyë nëë t'ijxtaaynyëtë ets ka'ap maa tpaatë. Tëë ja yyä'än tyëtstaaynyëtë mëët ja tëëtsë; ëjts maas nWintsën'atyën npa'ëyowantëpës yam; ëjts, mëti'ipë yë Israel ja'ay y'ëwtajtëpën, ka'apës n'ëxmatsa'antë.

Isaías 42:16

Yë wiintstëjk nyajnëjkxä'ämpyës ma tu'ujën ets ma patu'ujën mëti'ipë ka'ap të t'ixy'atën. Ja kootsajtën, të'kxën jajën nyaj'awinpita'anyës ma yë'ëjëtyën, ja'awjot käätsjot, nyaj'awinpita'anyës. Ya'atë jëtu'un kopkpëky ntunäämpyës.

Jeremias 6:13

Wä'än tmëj tmutskëty yi'iyë myëmaay myëtajtëp wi'ix wit meeny tpaatëtyën mëët ja ëxëëkpë ja tu'unën kajpxën; yë käjpxynyajxpë ets teetytyëjkëty aakyë'ë yajtukwin'ë'ëntëp wit meeny.

Ezequiel 33:31

Ets jëtu'un ja nnaax nkajpnës mniminyë ets nyaaxwäätstë mijts mwintuuy, jëtu'un tä xëmë tuunk'atën ets tmëtoow'ita'antë ja n'aaw n'ayukës. Je'eyëp ko ka'ap tpatuntë. Jëtu'un t'akajpxëtë janaam jatsojk tä ja'ay tkuuy'iyën yë nätsyok näjyawë, e ma jyot wyinma'anyëtyën, yi'iyë myëmaay myëtajtëp wi'ix wit meeny tpaatëty t'ixtëty.

Mateo 6:19

Ka'ap ja wit meeny xynyipëjkpätëty yaa naaxwiiny, ma winë myä'ätyën ets tyënë'kën ets ma ja mä'tspë tyëkëtën ets myäätstën.

Mateo 6:25

Paaty n'ënëëmëtë: Ka'ap xymyëmay xymyëtajtëty tii mkaytyëp m'uuktëp ets mjuuky'atëty ets ja mwitëty mxoxëty mëti'ipë ja mjot mnini'kx mtuk'ëtujktëpën. ¿Këtii jëtää ja juukyajtën këjää tsyowpaaty këtiinëm ja kääky uuky, ets ja ni'kx kopk këtiinëm ja wit xoxë?

Mateo 6:34

Ka'ap xymyëmay xymyëtajtëty pën tii jëpom wëxtëjkm miimp wiinkoonp, jä'ä ko winjëpom miits xymyëët'atë mëti'ipë mmëmay mmëtajtëpën. Tu'uktu'uk xëëw nyäxy aak myëët'ajtyp ja mëti'ipë yajmääpy yajtajpën.

Marcos 7:22

ka'apë tmëj'ixtën ja nyiye'etyëjk ëkë ja tyo'oxytyëjk, y'atsojktëp oytyiijëty, win'ë'ëntëp antaktëp; ja ëxëëk juukyajtën oy tsyojkën'ajtëp, y'ëxëëk'ijxtëp ja myëku'ukëty, pi'tskajpxtëp, amëj akëjxm jyä'äy'atë ets nitii oy tkamëmay tkamëtajtë.

Lucas 3:14

Ojts ja tsiptuunpë jënaakën tyajtëwtë: E ëëtsëty, ¿tiijës ntuntëp? Tääts ja Juan y'ëtsoowëtë: Ka'ap tii pën xypyëjkëtëty atsip ets ka'ap pën tii xytyukniwaanpätëty. Yë'ë tukjotkujk'atë ja mëju'unyëty.

Lucas 8:14

Ja tëëmt mëti'ipë ojts kyä'äyën äpny akujky, jëtu'un yë'ë ijxtëm ja ja'ayëty mëti'ipë y'amëtoow'ijtëpën ja Dios ja y'aaw y'ayuk ets tmëpëktë, je'eyëp ko yë'ëty, yë'ë myëjpëjktaktëp ja nyaax kyamëty yaa naaxwiiny ets ja myeenyëty, xiktëp xoontëp; jëtu'unts yë'ë nyaxtë ijxtëm ja tsajpmokyonën mëti'ipë tëtspën ets ka'ap tyëëm'aty.

Romanos 1:29

Ujts ja jyot wyinma'anyëty mëët ja ëxëëkpë, ijxtëm ja ëxëëk'ijxën, atsojkën, mëtsip'ajtën, tuku''oy'ijxën, yaja'ay'o'ktëp, tsiptuuntëp, win'ë'ëntëp, aak jëëmpit tii t'ixtë ets pi'tskajpxtëp.

1 Corintios 5:11

Yë'ës ntijpy, ko ka'ap miits mëët m'ëk ye'eymyujknëtëty ja ja'ay mëti'ipë nätyijëpën ko tmëpëky ja Kristë ets tyam ja ëxëëk winma'any tpaaty; ets ameeny, wyintsë'këp ja tsaatsetsy, kepy tsyetsy; pi'tskajpxk, je'eyë y'uuky myu'ukyë ets mä'tsp. Ni xykyamëëtkaytyëty ja jëtu'unpë ja ja'ay.

1 Corintios 6:10

Këtii myajwin'ëëntëty, jä'ä ko jam ma ja Dios ja kyutujktaknën ka'ap yajpaata'antë mëti'ipë jyot nyini'kx yajktëpën, mëti'ipë tsaatsetsy, kepy tsyetsy y'ëwtajtypyën, mëti'ipë ka'ap yë nyiye'etyëjk ëkë tyo'oxytyëjk twintsë'ëkën, ëkë mëti'ipë ato'oxyën, ëkë mëti'ipë myëye'etyëjk pyijkpyën y'ukpyën.

2 Corintios 4:9

Xy'ixjëtijt xypyajëtijtëpës ja ja'ay, je'eyëp ko ka'apës ja Dios xy'ëxmatstë; oyës nyajkuj nyajjëpiptë, ka'apës n'ooktë.

Efesios 5:3

Miitsëty mëti'ipë ja Dios ja'ay'ajtëtëpën jëtu'un mjuuky'attëty ijxtëm pyaat'atyën ko myajpaatë ma ja Dios ja kyajpnën, yë'ëpaat ka'ap xynyimëtya'aktëty ma ja ye'etyëjk to'oxytyëjk kanaak tmëët'atën oypyënëty ëkë ma ëxëëk tuunk tyajtu'uye'eytyën.

Efesios 5:5

Tëë miits xynyijawëtë ko pën ja wiink to'oxytyëjk tmëët'aty ets tam yë tyo'oxytyëjk, ëkë ko ja to'oxytyëjk tmëët'aty ja wiink ye'etyëjk ets tam ja nyiye'etyëjk, ëkë ko pën ja ëxëëkpë tuny tkäjpxy, ëkë nëkoo tii kë'ëmwinma'any t'ëwtaty, ka'ap jam yajpaata'any ma ja kutujktaknën mëti'ipë ja Kristë ets ja Dios jyä'ä'ajtëpën.

Deuteronomio 31:6

Amëk jotmëk mnäjyawëtëty, këtii mtsë'ëkëtëty ko ënety yë mëtsip muum xywyinkuwa'akëtë. Jä'ä ko yë Wintsën yë'ë yajpaataanp ma miitsëtyën ets ka'ap nijëna'a m'ëxmatsa'anyë.

Deuteronomio 31:8

Yë Wintsën yë'ë kë'ëm mtu'unwinye'eyanëp ets yë'ë mjämyëët'atanëp. Nijëna'a mka'ëxmatsa'anyë ets mkayajwë'ëma'anyë atu'uk. Paaty këtii ninu'un mmayëty mtajëty ets këtii mtsë'ëkëty mjawëty.

Deuteronomio 4:31

Yë'ë mëët yë y'oyjyot y'oywyinma'any nëjkxëp mpa'ëyowëtë; ka'ap tu'ukyë m'ëxmatsa'anëtë ets ka'ap nëjkx myajkutëkooyënëtëpë. Ka'ap tja'atyëkoyä'äny ja käjpxytyu'unën, mëti'ipë tyuunën mëët yë m'ap m'okëty ko y'ënäny ko kopkpëky ko tuna'any.

Colosenses 3:5

Yajkutëkoonyëtë tu'kë'ëyë ja naaxwiinyëtë winma'any: Ijxtëm ja ëxëëktu'un ëxëëk kajpxën, ëxëëk winma'any, ëxëëk atsojkën ets meeny atsojkën mëët ko ja'ay ja meeny t'atsoktë, ja meeny tios'ajtëp ets ka'ap Tiosëty.

1 Timoteo 3:3

ka'ap y'uukëty myu'ukëtëty, ka'ap tsyipja'ay'atëty, mä'kxtukëp, ka'ap meeny t'ook'atëty.

Josue 1:5

Mapaat mjuuky'ätyën ni pën mkamayëtëty, ëjtsës xëmë yajpaataanp ma mijtsën tä ojts nyajpaatyënës mëët yë Moisés, nijëna'a nka'ëxmatsa'any ets nkamajtstu'uta'any.

Josue 7:21

Mëti'ipë jam winë të yajpaatyën ma Jericó kajpnën, tu'ukës yë mëjwit të n'ixy janty'oy mëti'ipë kojpën Babilonyë, mäjtsk tsim naxy ja poop pujxn meeny, tu'kkäpy yë pu'ts pujxn, jä'ä jye'emtyëty naxy kujkmtsim. E ëjts janty këjääjës të n'ixy, paatyës të ntony, jamës të nmënëjkxy maas yë ntëjkën etsës të nitajy ntëjk'itkujkyës. Ja poop pujxn pa'tkë'pës të npëjktä'äky.

2 Pedro 2:14

Yi'iyë y'ijxtëp tyuuntëp wi'ix ja to'oxytyëjk t'ëkmëpokytyuntën, ka'ap ja pokytyu'unën tsyipëtë. Jëtu'un twin'ëën twinxajtë mëti'ipë ka'anëm ja myëpëjkën oy tmëët'atynyëm; je'eyë tii tjanty atsoktë; ëxëëk ja'ay yë'ëjëty.

2 Pedro 2:3

Ji'iyë ja meeny tyätsyojktëp ets miits xymyëjuytyëty ko ënety mtukmëmëtya'akëtë ja kyë'ëm ayuk kyë'ëm winma'any. E tëë ja Dios y'ënä'äny ko ka'ap ja nitsokën tääpë ja'ay tmëët'ata'antë; jä'ä ko yë'ëjëty tëëyëp ja Dios tyuknipëjktaakëtë ets ja mëj ëyo'on tpaatëty.

Judas 1:11

Pyaatantëp ja mëj ëyo'on, jä'ä ko yë'ë tyuuntëp mëti'ipë ja Caín tyuunën. Ko myeeny atsoktë jëtu'un y'ëtë'ëtstë ijxtëm ja Balaamën ets ja Coré ets kë'ëm tku'ookëja'antë ja y'ëxëëk winma'anyëty.

1 Samuel 10:7

Ko jëtu'un tyunëtëty jyatëtëty ma mijtsën mëti'ipës yam n'akäjpxypën, mijts kë'ëm m'ixëp tii ënety mtunäämpy, yë Wintsën yë'ë mputëkëjanëp.

1 Samuel 12:22

Jä'ä ko yë Wintsën mëti'ipë ënety m'ëwtajtëpën ka'ap nëkoo xyëëw tukxi'ika'any, paaty ka'ap yë m'ëxmatsa'anëtë, ni'ikyë tkuwa'ana'any ja mkajpnëty.