Hebreos 13:3 - Biblia Dc en Mixe de Quetzaltepec

³ Ja'amyätstë ja tsumjyä'äytyëjk ijxtëm jeexyë miits tsumy m'itën mëët yë'ëjëty. Ja'amyätstë mëti'ipë ëxëëk yajtuun yajnëmaaytyëpën ijxtëm jeexyë miits jëtu'un mjatën.

Biblia Mixe de Quetzaltepec

³ Ja'amyätstë ja tsumjyä'äytyëjk ijxtëm jeexyë miits tsumy m'itën mëët yë'ëjëty. Ja'amyätstë mëti'ipë ëxëëk yajtuun yajnëmaaytyëpën ijxtëm jeexyë miits jëtu'un mjatën.

Hebreos 13:3 ပူးပေါင်းရင်းမြစ်များ

Génesis 40:23

Mëti'ipë ja uuky nyiwintsën'ajtypyën ka'ap ojts t'ëkja'amyäjtsnë wi'ix ënety ja José të jya'ënë'ëmxëtyën.

Mateo 25:36

koos ja nwit ntujkxy të kyaka'ty, tëëjës ja nwit nxox xymyo'otë; koos npëjkë, ojtsës miits xykyu'ixëtë; koos tsumy matsy n'ijty, ojtsës xynyimintë.

Mateo 25:43

koos jëtu'unyë të n'any të mpojy, ka'apës të xyjyëënmo'o të xytyëjkmo'otë, koos ja nwit të kyaka'ty, ka'apës ja nwit të xymyo'otë; koos të mpokyë ets koos tsumy matsy të n'ity ka'apës të xynyimintë.

Hechos 24:23

Ënet ja yajkutujkpë Félix ojts t'ëne'emy tu'uk ja tsiptuunpë wintsën ets ja Pablo oy tsuj yajkëwent'atëty ets t'ënëmaay ko y'a'ixëp ets ja Pablo ja myëku'uktëjk min kyu'ixëty.

Hechos 27:3

Ënätës ntso'ontë Cesarea etsës nja'ajtë ma ja kajpn txëëwatyën Sidón. Jamts ja Julio ojts ja Pablo tnajtsmatsë ëwaatsëtum ets nëjkx tku'ixë ja myëku'uktëjk ets yajxon yajkaay yaj'ukë.

Romanos 12:15

Mëëtxoonta'aktë mëti'ipë ijtëpën xoontëpën; mëëtjë'ë mëëtya'axtë mëti'ipë jëëytyëp yaxtëpën.

1 Corintios 12:26

Pën jam muum tu'kpëky ja ni'kx kopk y'ëyoy, näjyëtu'un ja wiinkëtypë y'ëyowta'atë; ets pën jam muum tu'kpëky oy y'ity, tu'ukyë oy yajpata'atë.

Efesios 4:1

Paaty ëjts, maas yap tsumy n'ityën koos yë Wintsën Jesukristë tmëpëky, tyam miits nmënu'kxta'aktë ets jëtu'un mjuuky'attëty ijxtëm ja ja'ayëtyën mëti'ipë ja Dios të myëkajpxëtën, ijxtëm miitsëty ojts mjuuky'atën.

Colosenses 4:18

Ëjts Pablo, ëjts yam kë'ëm njääpy ya'atë kajpxpo'kxën ets miits ntuknijayëtë. Xyjä'ämyätstëpës koos yam tsumy n'ity. Dios mkënu'kxëtëp.

Hebreos 10:34

Ojts xypya'ëyowtë ja tsumyjä'äy ets jotkujk ojts xymyo'otë mëti'ipë ënety mjä'ä'ajtëpën ko myaj'amëtoowtë, jä'ä ko xynyijawëtë ko wäänë oypyë mmëët'ajtëp jam tsajpjotm mëti'ipë xëmëkyëjxm ijtpën.

Hebreos 11:37

Wiinkpë ojts y'ooktë kuka'atsy ets ojts yajjë'ëtwa'ktë kujkm, ëkë kupuxy mëët ja mëtyäät. Tam mëti'ipë ja wyit xyox kakaajtën, tsajppax ak kupixyny jyaak wit'ajtëp ets yaj'ëyow yaj'ama'at jyëtijtë wyimpäjtë jyëjptaktë.

1 Pedro 3:8

Jëtu'un miits ja jot winma'any tu'ukyë xymyëët'atëty, nätsyokëtë nixim niyam ijxtëm jeexyë mtu'kä'äx'atën; yajnikëxë'ëktë ja mtëtä'äky'ajtënëty.