Hebreos 13:24 - Biblia Dc en Mixe de Quetzaltepec

²⁴ Kajpxpo'kxtë ni'ëmukë mëti'ipë jam mtu'uwinye'eyëtëpën ets ni'ëmukë mëti'ipë ja Dios kyajpn'ajtypyën. Mëti'ipë Italia tsënaaytyëpën yë'ë mkajpxpo'kxëtëp.

Biblia Mixe de Quetzaltepec

²⁴ Kajpxpo'kxtë ni'ëmukë mëti'ipë jam mtu'uwinye'eyëtëpën ets ni'ëmukë mëti'ipë ja Tios kyajpn'ajtypyën. Mëti'ipë Italia tsënaaytyëpën yë'ë mkajpxpo'kxëtëp.

Hebreos 13:24 ပူးပေါင်းရင်းမြစ်များ

Hebreos 13:17

Mëmëtowtë ja mkutuunkëty mëti'ipë ja mëpëjkpëtëjk tyu'uwinye'eytyëpën ets wiinkutsë'ëkëtë, jä'ä ko yë'ëjëty ka'ap pyo'kxtë ko mkëwent'atëtë; mnija'awëtëp ko kopkpëky ko Dios wyintum tnikajpxa'antë tii pën tyuunpy kyäjpxypën. Jotkujk winë xytyuntëty ka'ap y'atsipëty, jä'ä ko pën atsip winë yajtuny ka'ap jëtu'unpë tsyoowpaaty.

Hebreos 13:7

Ja'amyätstë mëti'ipë të mkajpxwijëtën ets të m'ëwa'anxëtën ja Dios ja y'aaw y'ayuk. Mëmay mëtajtë wi'ix ja jyuuky'ajtënëty të kyukëxëtë ets patuntë ijxtëm ja mëpëjkën të tmëët'atën.

Filemón 1:5

jä'ä ko tëëjës nijawë ko xymyëpëky ja Wintsën Jesús ets ko xytsyoky xyjyawë mëti'ipë juuky'ajtëpën wa'ats.

Hechos 18:2

Jam mëët nyäpyatë tu'uk ja jutiis ja'ay, Aquilo'ajtp, Ponto kyukajpnëty, Priscila ja tyo'oxytyëjk xyëëwajtyp. Naamnëm ënety jya'të jam Corinto, jam tsyoontë Italia. Paaty jam Italia tsyo'ontë jä'ä ko tëë ënety ja yajkutujkpë kopk Claudio tni'ënä'ämë ets ja jutiis ja'ayëty pyëtsëëmta'atëty Roma. Tääts ja Pablo ojts tkukajpxë ja Aquila ets ja Priscila,

Colosenses 1:2

tyam ntuknikäxtë ja kajpxpo'kxën miitsëty Dios ja nyaax kyajpn, ja nmëku'uk'ajtëm mëti'ipë të tmëpëktën ja Kristë jampë Colosas yajpaatën. Wä'än ja nTeety'ajtëm Dios mmo'ojëtë ja kënu'kxën ets ja jotkujk'ajtën.

Filipenses 4:22

Näyjyëtu'un mtuknikäxëtë ja kajpxpo'kxën ni'ëmukë mëti'ipë ja Dios kajpn'ajtëtëpën, yë'ë ni'ik mëti'ipë tuuntëpën ma ja Roma yajkutujkpë ja kyutujktaknën.

2 Corintios 13:13

Ni'ëmukë ja Dios ja jyä'äy mtuknikäxëtë ja kajpxpo'kxën.

2 Corintios 1:1

Ëjts Pablo, Jesukristë y'ayuk kajpxwa'kxpë. Ëjts, mëët ja Timoteo ntuknikäxtës ya'atë noky ja mëpëjkpëtëjkëty mëti'ipë jam ye'eymyujktëpën Corinto ets ja Dios ja jyä'äyëty mëti'ipë yajpatëpën ma Acaya itjotmën.

Filipenses 1:1

Pablo ets Timoteo, Jesukristë myëtuunpë, tyam ntuknikäxtë ja kajpxpo'kxën miitsëty mëpëjkpëtëjkëty ni'ëmukë jampë yajpaatën Filipos ets mëti'ipë nyikopk'ajtëpën ja mëpëjkpëtëjkëty ets ni'ëmukë jënu'un yajpaatën mëët tu'ukyë mëët ja Kristë.

Hechos 27:1

Ko tuknipëjktakëtyë ets xyajnëjkxa'antës jam Italia, ja Pablo mëët wiinkëtypë ja tsumyjä'äy yë'ë ojts y'ëxajëtë ja Julio, tu'uk tsiptuunpë kopk, mëti'ipë yajtijtëpën Yajkutujkpë kopk.

Hechos 9:13

Ko ja Ananías jëtu'un tmëtooy, tää y'ënäny: Wintsën, may yë ja'ay të xytyuk'ëwaanës ko tääpë ja'ay ëxëëk të y'ëti'itsy ets ëxëëk të tuny ja mnaax mkajn jam Jerusalén.

1 Corintios 16:16

Yë'ës ntsojkpy ets miits xymyëmëtowtëty jëtu'unpë ja'ayëty, näjyëtu'un mëti'ipë putëjkëtëpën ets mëti'ipë jëtu'unpë tuunk tyuunk'ajtëpën.