Hebreos 13:21 - Biblia Dc en Mixe de Quetzaltepec

²¹ wa'an mmo'ojëtë ja wa'atsajtën ets tu'kë'ëyë mëti'ipë oyën ets xytyuntëty mëti'ipë tsyojkpyën mëët ja Jesukristë ja xyëëw. Yë'ë mëj'ajtën jaanty'ajtën jyä'ä'atëp xëmëkyëjxm. Oy jyëtu'un'atëty.

Biblia Mixe de Quetzaltepec

²¹ wa'an mmo'ojëtë ja wa'atsajtën ets tu'kë'ëyë mëti'ipë oyën ets xytyuntëty mëti'ipë tsyojkpyën mëët ja Jesukristë ja xyëëw. Yë'ë mëj'ajtën jaanty'ajtën jyä'ä'atëp xëmëkyëjxm. Oy jyëtu'un'atëty.

Hebreos 13:21 ပူးပေါင်းရင်းမြစ်များ

Filipenses 2:13

jä'ä ko Dios jëtu'un të tuknipëjktaakë ma mjot mwinma'anyëtyën ets xytyuntëty mëti'ipë yë'ë tsyojkpyën.

2 Tesalonicenses 2:17

yë'ë myajjotkujk'atëtëp, mjotmëkmo'ojëtëp ets tu'kë'ëyë winë oy xytyuntëty xykyajpxtëty.

Filipenses 4:13

Aak jyëkyejpyës tii nwinkuwa'akëty jä'ä ko Kristë xyjyotmëkmoopyës.

1 Pedro 2:5

Näyjyëtu'un miits ja Dios myajnaxa'anëtë ijxtëm ja tsaajën mëti'ipë juukyën, tu'uk ja tsajptëjk ma ja Dios yajwintsë'ëkëtyën, tu'uk ja teety wa'atspë; ko tëë ja Jesukristë xymyëpëktë ets ja wintsë'kën xyaktëty mëti'ipë ja Dios y'oyjya'apën.

2 Timoteo 4:18

ets xyaj'ëwaatsëpëtsëmaanpnëmës maajaty ja ku'oypyën ets xyajnëjkxa'anyës jam tsajpjotm ma yë'ë yajkutukyën. Yë'ë jyä'ä'ajtyp ja mëj'ajtën jaanty'ajtën xëmëkyëjxm. Tëy jëtu'un.

Filipenses 1:11

Myaj'ixëtëp ja oypyë ja tuunk mëti'ipë ja Jesukristë mtukmëtuuntëpën; jëtu'un ja Dios wintsë'ëkë ets mëjjaw jaantyjawë y'itëty.

2 Corintios 9:8

Mmo'ojanëtëp miits ja Dios wäänëni'ik oymyëti'ipë kënu'kxënëty ets xymyëët'attëty xëmë mëti'ipë mtukjuuky'attëpën; näjyëtu'un nyatëkëty mëti'ipë mtukputëjkëtëpën ja ka'apë tii tmëëtëtyën.

1 Pedro 4:2

ets jyuuky'atëty ijxtëm ja Dios tsokyën mapaat yaa naaxwiiny yajpaatyën ets ka'ap jyëtu'unëty ijxtëm kë'ëm tsokyën.

Hebreos 10:36

Mëët'atë ja mä'kxtujkën. Ko xytyuntëty ijxtëm ja Dios tsokyën, ënät nëjkx xyjyä'ä'atë mëti'ipës ja Dios të twaantä'äkyën.

1 Tesalonicenses 5:23

Wä'än ja Dios, mëti'ipë jotkujk'ajtën yäjkpyën, yë'ë wa'ats tyaj'ity ja mjot mwinma'anyëty, mjot mja'awënëty ets mni'kx mkopkëty; ka'ap ënety ja poky xymyëët'atë ko ja Wintsën Jesukristë myinëty.

1 Juan 2:17

Yë naaxwiinyëtë winma'any këjxnëp najxnëp yë'ënë mëët tëkokyë winë mëti'ipë ja'ay tsyojkën'ajtëpën; e pën ja Dios ja jyä'ä pyatuunëp xëmëkyëjxm jyuuky'ata'any.

1 Timoteo 1:17

Mëjjaw jaantyjawë ja Dios y'itëty, yë'ë tu'ukyë Tios'ajtp, mëti'ipë xëmëkyëjxm ijtpën, mëti'ipë ka'ap y'ookyën ets ka'ap yaj'ixyën. Oy jyëtu'un'atëty.

Efesios 2:10

Dios të xypyëjktakëm ets ntu'unmëty ja oypyë tuunk tu'ukyë mëët ja Jesukristë, ijxtëm të tuknipëjktaakën.

Deuteronomio 32:4

Yë Wintsën yë'ë xykyuwa'an xykyënu'kxëm, yë'ë aak'oy winë tuny, ko tii tuny aakyë'ë mëti'ipë mëtëyën. Yë'ë Tios'ajtp ets yë'ë tëy'ajtën'ajtp, yë'ë nijëna'a winë tëkatsy tkatuny, yë'ë tyuunpy mëti'ipë oyën ets mëtëyën.

Apocalipsis 5:9

Ets ja jempyë ëy t'ëwtë: Mijts mpaat'ajtëp ets xy'ëxajëty yë noky apëtity mëti'ipë wëxtujkpëky nitsaaypyetyën, ets xyaj'ëwa'atsëty, jä'ä ko mijts të mwintsë'kën'aty, të xykyupety ja ja'ay ja pyoky ets ja Dios jyä'äy'atëtëty, ja ja'ay mëti'ipë tso'ontëpën ma ja it naaxwiinyëtën ets mëti'ipë kyajpxtëpën kanaakpëky ja aaw ayuk.

1 Juan 3:22

ets yë'ë xymyo'oja'anëm winë tii ënety n'amëto'ow npëjktso'owëmën, jä'ä ko npatu'unëm ënety ja y'ënä'ämën ijxtëm tsokyën.

Hebreos 13:16

Ka'ap xyjyä'ätyëkoytyëty ets xytyuntëty ja oypyë ets tu'knax xyajtuntëty mëti'ipë mmëët'ajtëpën, jä'ä ko ya'atë jëtu'unpë wintsë'kën Dios tyukjotkëtäkpy.

1 Timoteo 6:16

Yë'ë tu'kpajk ka'ap ja o'kën të myëmëtä'äkyë mëti'ipë juukyajtpën të'kxëntyuuy ets ka'ap tjëkyepy pën myëwinkonëtëty. Ni pën të kya'ixyë ets ka'ap tjëkyepy pën y'ixëtëty. Yë'ë xëmëkyëjxm jyä'ä'ajtyp ja mëj'ajt oyajtën ets ja kuttujkën. Oy jyëtu'un'atëty.

1 Timoteo 5:10

Yajnija'awëp ko oy ënety winë tuny, pën tëë ja y'u'unk y'ëna'k tsuj tyajyeeky, pën tëë ja ja'ay oy tsuj tyajja'ty ma tyëjkën, pën tëë ja mëpëjkpëtëjk ja tyeky tpujë, pën tëë tputëkë mëti'ipë ëyo'onpatëpën. Ets pën tëë winë oy tuny.

1 Tesalonicenses 3:13

Wä'än yë Wintsën tu'ukyë tyaj'ity ja mjot mwinma'anyëty, wa'ats, ka'ap tii poky xymyëët'attëty Dios wyintum ko ënety myiny ja Wintsën Jesús mëët ni'ëmukë mëti'ipë jyä'ä'ajtypyën. Jëtu'un y'itëty.

Colosenses 4:12

Mtuknikäjxëtëp näjyëtu'un ja kajpxpo'kxën ja Epafras, mëti'ipë ja Jesukristë myëtuumpyën, miits yë mja'ayëty. Xëmë yë'ë mninu'kxta'akëtë ko ja Dios tja'amyetsy ets oy m'ittëty ijxtëm ja Dios tsokyën.

Colosenses 3:17

Ets tu'kë'ëyë mëti'ipë mtuuntëp mkajpxtëpën, tuntë Wintsën Jesús xyëëwkyëjxm, mo'otë ja Dios ja kukajpxën Jesukristë mëët.

Filipenses 4:18

Tëës may winë n'ëxajë ets njaaktimmyëët'ajtypës ja natëkë, jä'ä ko nmëët'ajtypyës mëti'ipë ja Epafrodito ojts xytyukmëkäxëtën. Jëtu'un ya'atë putëjkën ijxtëm ja pa'akxu'kpën mëti'ipë yajyojxpën ets yajtukwintsë'këpën ja Dios ets tukjotkëta'akëty.

Efesios 2:18

Kristë xypyutëjkëmëp ni'ëmukë mëët ja kënu'kxymyëk'ajtën ets npatmëty ja Dios, jëtu'un ja jutiis ja'ayëty ets näjyëtu'un mëti'ipë ka'ap jyutiisëty.

Mateo 28:20

ets xytyuk'ijxpëktëty wi'ix tpatuntëtyën tu'kë'ëyë mëti'ipë miitsëty të ntuk'ënä'ämtën. E ëjts jëtu'unës n'ëna'any ko yajpaataanpës xëmë ma miitsëtyën mapaat yë naaxwiinyëtë jyää'atyën.

Mateo 6:13

Ka'ap mëpaat ëxëëk n'ëtë'ëtstë n'ëna'antës, ni'ikyës jap xyjyuutëty ma ja ëxëëkpën.

Salmos 138:8

Yë Wintsën, oy tsuj tyajwinpëtsëma'any yë tyu'unën kyajpxën maas ëjts xypyutëkën. Wintsën, yë mtsojkën mja'awën xëmëkyëjxm yë y'ity; këtii jëtu'unyë xy'ëxmatsy tuuntuk mëti'ipë tëë xyajtso'ontä'äkyën.

Apocalipsis 5:13

Ets nmëtooyës näjyëtu'un tëkokyë mëti'ipë ja Dios yajkojën, jam y'ëna'antë tsajpjotm, naaxwiiny, naaxpa'tkë'p ets mejyjoty: Mëti'ipë u'unyääpyën jam ma kutujktaknën ets mëti'ipë yajtijpën Kupixyny U'unk, yë'ë xëmëkyëjxm yajmo'ojëp ja mëjja'awën jaanty ja'awën, ja wintsë'kën, ja mëj'ajtën jaanty'ajtën ets ja mëk'ajtën.

Apocalipsis 4:6

Jam ma yë'ëjën tam näjyëtu'un kyëxë'ëky tu'uk ja mejy, janty wa'ats janty të'kxy, ijxtëm ijxnën mëti'ipë yajtuk'ijxnajxpën ets itkujky ma ja kutujktaknën na'ëwtitypë tam nimajktaxk ja juuky'ajtpëty winpity atëjy wintuuy jëxkë'ëm.

Hebreos 12:23

Näy tëë xymyëwinkontë nimay ja Dios ja y'u'unk y'ëna'k mëti'ipë ja xyëëw jaaypyety tsajpjotm yajpatëpën. Miits të xymyëwinkontë ja Dios, mëti'ipë ni'ëmukë ja ja'ay pyaye'eytyëpën ets nän miits të xymyëwinkontë ja ja'ay jyot wyinma'anyëty mëti'ipë oyjyä'äy'ajtë ets ojts y'ooktë ets ja Dios ojts pyëjkta'akëtë oy wa'ats,

1 Tesalonicenses 4:3

Mëti'ipë Dios tsyojkpyën, yë'ë ets ëmuumtu'ukjot oy mjuuky'attëty: ka'ap xim yam ye'etyëjk to'oxytyëjk xymyëët'attëty,

Colosenses 3:20

U'unk ëna'këty, mëmëtowtë ja mtaak mteetyëty ko tii mtuk'ënä'ämëtëty, jëtu'un ja Wintsën tsoky.

Filipenses 2:11

ets ni'ëmukë tkajpxpaatëty ko Jesukristë, yë'ë Wintsën. Dios myëj'ajtën jyääntyajtën oypyë.

Gálatas 1:5

Xëmëkyëjxm ja Dios yajmëjjaw yajjaantyjyawëty. Jëtu'un y'itëty.

Romanos 11:36

Dios tu'kë'ëyë winë myëët'ajtääpy, ets yë'ë winë yaj'ijtääpy. Jëtu'un xëmëkyëjxm y'itëty ja Dios ja myëj'ajt y'oyajtën.

2 Pedro 3:18

Yë'ë ni'ik nijawëtë ja Wintsën, ja yajnitsokpë Jesukristë, ets wäänëni'ik yääktë pätë ma ja tsojkën ja'awën. Nmëjja'aw nkënu'kxyjya'awëm tyam ets xëmëkyëjxm. Jëtu'un y'itëty.

Romanos 16:27

Ja Dios, tu'ukyëpë wyijy'äty kyejy'ätyën, wä'än yë'ë tyajmëjjaw tyajjaantyjyawë xëmëkyëjxm mëët ja Jesukristë. Jëtu'un y'itëty.

Juan 17:23

Jamës nyajpaatëty tu'ukyë ma yë'ëjëtyën ets mijts myajpaatëty tu'ukyë ma ëëtsëtyën, jëtu'un ja naaxwiinyëtë ja'ay nijawëtëty ko mijts të xykyexyës ets ko xytsyoky xyjyawë ijxtëmës mijts xytsyokyën.

Juan 7:17

Pën jää pën tuna'any mëti'ipë Dios tsyojkpyën, nyijawëp pën jamës ja n'ijxpëjkën tsyoony ma Tiosën, ëkë pën nkë'ëmwinma'anyës nkäjpxyp.

Mateo 21:31

¿Pën ojts tpatuny mëti'ipë ja tyeety ojts tyuk'ëne'emyën? Ets y'ëtsoowtë: Ja mëjëwyiimpë. Ets ja Jesús y'ënëmaayëtë: Tëy miits n'ënëëmëtë, pën mtëjkëtëp ma ja tsajpjotmëpë kuttujkën, jëwyiin nëjkx tyëkëtë ja yajkukëpäjtpëtëjkëty ets ku'into'oxytyëjkëty, oknëm miitsëty.

Mateo 7:21

Ka'ap nyi'ëmukëty tyëkëja'antë ja ja'ay ma ja tsajpjotmëtë kutujkënën mëti'ipës janaam jatsojk xy'ënëmaaytyëpën Wintsën. Yi'iyë jam tëkëjantëp mëti'ipë pyatuuntëpën ja nteetyës tsajpjotmëpë ja tsyojkën.

Mateo 12:50

Jä'ä ko pën tyuunpy mëti'ipës yë nTeety tsajpjotmëpë tsyojkpyën, yë'ëjës nmëkä'äx'ajtyp ets yë'ëjës ntaak'ajtyp.

2 Crónicas 30:12

Wintsën kë'ëm yajkutujk ets ja ja'ay may tja'akyukëtëty ja aaw ayuk mëti'ipë ja yajkutujkpë ets ja kutuunktëjk nyi'ënä'ämëtën, mëti'ipë ja Wintsën ënety të tyuknipëkëtën.

2 Timoteo 3:17

jëtu'unts ja Dios ja jyä'äy winma'anymyëët yajpaatëty ets nijawëty wi'ix oypyë tunëtyën.

Hebreos 12:28

Ja Dios xymyo'oja'anëm mëti'ipë ka'ap yu'kxyën, paaty ja Dios nkukajpxëmëty ets nmëjja'awëmëty njaantyja'awëmëty oyjyot oywyinma'any mëët ijxtëm tsokyën.