Hebreos 13:17 - Biblia Dc en Mixe de Quetzaltepec

¹⁷ Mëmëtowtë ja mkutuunkëty mëti'ipë ja mëpëjkpëtëjk tyu'uwinye'eytyëpën ets wiinkutsë'ëkëtë, jä'ä ko yë'ëjëty ka'ap pyo'kxtë ko mkëwent'atëtë; mnija'awëtëp ko kopkpëky ko Dios wyintum tnikajpxa'antë tii pën tyuunpy kyäjpxypën. Jotkujk winë xytyuntëty ka'ap y'atsipëty, jä'ä ko pën atsip winë yajtuny ka'ap jëtu'unpë tsyoowpaaty.

Biblia Mixe de Quetzaltepec

¹⁷ Mëmëtowtë ja mkutuunkëty mëti'ipë ja mëpëjkpëtëjk tyu'uwinye'eytyëpën ets wiinkutsë'ëkëtë, jä'ä ko yë'ëjëty ka'ap pyo'kxtë ko mkëwent'atëtë; mnija'awëtëp ko kopkpëky ko Tios wyintum tnikajpxa'antë tii pën tyuunpy kyäjpxypën. Jotkujk winë xytyuntëty ka'ap y'atsipëty, jä'ä ko pën atsip winë yajtuny ka'ap jëtu'unpë tsyoowpaaty.

Hebreos 13:17 ပူးပေါင်းရင်းမြစ်များ

1 Timoteo 5:17

Ja mëjja'aytyëjk mëti'ipë nyikopk'ajtëpën ja mëpëjkpëtëjk, paat'ajtëtëp ja wintsë'kën ets ja putëjkën; wäänëni'ik pyaat'atëtë mëti'ipë ja Dios ja y'aaw y'ayuk kyajpxwa'kxtëpën ets yaj'ijxpëjktëpën.

Hebreos 13:7

Ja'amyätstë mëti'ipë të mkajpxwijëtën ets të m'ëwa'anxëtën ja Dios ja y'aaw y'ayuk. Mëmay mëtajtë wi'ix ja jyuuky'ajtënëty të kyukëxëtë ets patuntë ijxtëm ja mëpëjkën të tmëët'atën.

1 Pedro 5:5

Näyjyëtu'un miits ëna'ktëjkëty, mëmëtowtëp ja mëjja'aytyëjk ja y'ënä'ämën tyiyajtënëty. Nixim niyam mëpaat yu'unk naxym mnämyëmëtowëtë. Jä'ä ko yë Dios ka'ap t'oyjyawë mëti'ipë nämyëjja'aw näjyääntyjya'awëyëpën, yë'ë pyutëjkëp mëti'ipë yu'unk naxym ja'ay'ajtëpën.

Hechos 20:28

Jëtu'un yam n'ënëëmëtë, jëjp'ixy m'ittëty ets näkyëwent'atëtë; näjyëtu'un ja mëpëjkpëtëjk këwent'atë, jä'ä ko ja Dios yë myëjaaw myëk'ajtën të tpëjktä'äky ma miitsëtyën ets xykyëwent'atëty mëti'ipë ja Dios jyä'äy'äjtypyën mëti'ipë të tku'ookën.

Jeremias 13:17

Pën miitsëty ka'ap mja'akyukëtë, je'eyës një'ëja'any nya'axa'any ame'tsyë mëëtkyëjxm ja m'amëj'ajt m'akëjxm'ajtënëty; nwiinnëëjës je'eyë ka'ajaanp koos ënety n'ixy ntuny wi'ix ja Wintsën ja nyaax kyajpn yajmënëjkxyën tsumy matsy wiink naax wiink kajpn.

1 Corintios 16:16

Yë'ës ntsojkpy ets miits xymyëmëtowtëty jëtu'unpë ja'ayëty, näjyëtu'un mëti'ipë putëjkëtëpën ets mëti'ipë jëtu'unpë tuunk tyuunk'ajtëpën.

Filipenses 2:12

Jëtu'un yam nëëmëtë mëku'uktëjkëty, ijxtëm xëmë të xymyëmëtowtënës, ka'ap jyääyëty koos të njam'aty ma miitsëtyën; mmëmëtoowtëkës tyam ni'ik maas jëkäm nyajpaatyën. Yajtsowpaatë mëët ja ko ëwaatsëtum myajpaatë,

Éxodo 32:31

Tä ja Moisés jatëkok jam pya'tëjkëy ma ja Dios ijty jam kyëtä'äkyën ets t'ënëmaay: Janty tëy jëtu'un ko yë naax kajpn mëj këjää të pyokytyuny ko të tyajkojtë tu'uk yë awinax aak pu'ts pujxn jëtu'unpë kyëxë'ëkyën tsajpkaajën.

Filipenses 2:29

M'ëxajëtëp akujk jotkujk ko jam jya'tëty ets tsoktë jawëtë tä mmëkä'äxëtyën ma tu'ukyë mëpëktën ets tsoktë jawëtë oypyënëty mëti'ipë jëtu'un ja'ay'ajtëpën ijxtëm yë'ëjën.

Romanos 14:12

Paaty, ni'ëmukë ëëtsajtëm nëjkx nwinkuwa'këmë ja Dios ets ntuk'ëwa'anëmëty tii ënety të ntu'unëmën.

2 Tesalonicenses 3:14

Pën jam pën ka'ap tmëjpëjktä'äky mëti'ipës nnikajpxtëpën jap nokyjoty, m'ixtëp pën ënety ets këtii mëët mye'eymyuk mnajxmuktëty, wä'än tsëtyu'unpaaty.

Hebreos 13:24

Kajpxpo'kxtë ni'ëmukë mëti'ipë jam mtu'uwinye'eyëtëpën ets ni'ëmukë mëti'ipë ja Dios kyajpn'ajtypyën. Mëti'ipë Italia tsënaaytyëpën yë'ë mkajpxpo'kxëtëp.

Isaías 62:6

Jerusalén, jam ma mpotsykyopkën tëëjës jam npëjktä'äky yë këwent'ajtpë, xëëny koots y'ëna'antë: Këtii m'ëmontë miitsëty mëku'uktëjkëty mëti'ipë Wintsën myëkajpxtëpën,

Filipenses 4:1

Paaty, mëku'uktëjkëty, mëti'ipës njatsojkpyën yë'ë ets jeexyë nëjkx nku'ixëtë; miitsëty mëk n'oyjawëtë ets ntukxoontaktëp; jëtu'un njawëtë ijxtëm tu'uk ja kuma'ayënën. Itë jëtu'un mëk ma ja Wintsën xymyëpëktën.

Filipenses 3:18

Tëë miits kanaak ok n'ënëëmëtë ets tyam jatëkok nëëmëja'antë jëëpy yaxp, ko jam may mëti'ipë myëtsip'ajtëpën ja Kristë, mëti'ipë ojts y'ookyën kruutskëjxm,

Santiago 4:7

Näkyë'ëyakëtë ëmuumtu'ukjot ma Tiosën. Ka'ap xykyupëktëty ja mëjku'u, ënät mkukä'äkëtëty.

Filipenses 1:4

ets koos ja Dios nja'amyetsy, xëmë nimëpëjktsowëtë akujk jotkujk,

Lucas 16:2

Ënet ja kumeenyjyä'äy ja tyuunpë twoowtsooy ets t'ënëmaay: ¿Tëy jëtu'un ijxtëm myajnikäjpxyënë? Tuk'ëwa'anëkës tii të xytyuny, jä'ä ko pën jëtu'un mijts ka'ap tjëkyepy m'ëktuunëty ma ëjtsën.

Proverbios 5:13

Ka'apës ojts nmëtoowkukë mëti'ipë ja yaj'ixpëjkpëtëjk jyanikajpxtën, ets ka'apës nkäjpxymyëpëjky mëti'ipës ojts xyjya'ëëwij xyjyakajpxwijtën,

1 Samuel 8:19

Ja kajpn tyaa ojts y'ëtsoy ko Samuel tyukmëmëtyaktaayëtë wi'ix ënety y'ixë'atyën: Wä'än timwyi'ixëty, ëëtsëty ntsojktëpës tu'uk yë yajkutujkpë,

Génesis 16:9

Tä ojts ja Dios kyukajpxpë y'ënë'ëmxëty: Wimpit jatëkok ma të mtsoonyën, ma mwintajën Sarai tyëjkën ets mëmëtow, pën tii mtuk'ënä'ämëp.

Filipenses 2:16

Mëj xyajnaxtëty ja Dios ja y'aaw y'ayuk, mëti'ipë ja juukyajtën xytyukpatëmën. Ko ënety ja Kristë myiny nëjkxëpës jotkujk näjyawëty ko ënety miits oy winë të xytyuntë ets n'ëna'anëtyës ko ka'ap të nyatëkë'aty ja ntuunkës.

Efesios 5:21

Näjyä'äkyukëtë nixim niyam jä'ä ko Kristë xywyintsë'ëkëtë.

Ezequiel 33:2

Mijts ye'etyëjk, mëmëtya'ak yë mjëëky mëku'uk, jëtu'un xy'ënëëmëty: Koos ëjts nyaj'ity yë jëën tsip ma naax kajpnën, yë naax kajpn tu'uk yë jyä'äy twin'ixy mëti'ipë këwent'atëpën.