Hebreos 13:14 - Biblia Dc en Mixe de Quetzaltepec

¹⁴ Yaa naaxwiiny ka'ap yaa ja kajpn nmëët'ajtëm mëti'ipë xëmëkyëjxm itëpën, yë'ë n'ixta'ayëm ja naax kajpn mëti'ipë miimp wiinkoonpën.

Biblia Mixe de Quetzaltepec

¹⁴ Yaa naaxwiiny ka'ap yaa ja kajpn nmëët'ajtëm mëti'ipë xëmëkyëjxm itëpën, yë'ë n'ixta'ayëm ja naax kajpn mëti'ipë miimp wiinkoonpën.

Hebreos 13:14 ပူးပေါင်းရင်းမြစ်များ

Filipenses 3:20

E ëëts'ajtëmë, jam tsajpjotm nkukajpn'ajtëmë, yë'ë njëjp'ijxëmë ko tsajpjotm tsyoonëty ja Yajknitsokpë, ja Wintsën Jesukristë,

Hebreos 12:22

E miitsëty tëë xymyëwinkontë ja Sión kopk, ma ja Jerusalén tsajpjotmëpën, ja Dios Juukpyë myëjkajpn, ma kanaak mil ja tsajpjotmëtë kukäjpxy nyämyukyën jotkujk ets ja Dios tyajmëjnaxtë.

Efesios 2:19

Miitsëty ka'ap m'ëk jaaypyo'kxy ja'ay'ajnëtë, tu'kkukajpn miitsëty tyamnë, tu'ukyë ja Dios myaj'itëtë ijxtëm ja ja'ay tu'kjëën tuktëjkpën.

2 Corintios 4:17

Ja ëyo'on mëti'ipës yaa nmënajx nyajnajxtëpën, ka'ap yë myëjwiin kyëjääjëty, tsojk nyäxy; wäänë mëj ja mëj'ajtën jaanty'ajtën xytyukpatmëty xëmëkyëjxmëpë.

1 Corintios 7:29

Mëku'uktëjkëty, yë'ëjës ya'atë njatijpy, yiin wäänë njaakjuuky'ata'anëmë yaa naaxwiiny. Paaty, mëti'ipë pëkyëtyën jëtu'un tsyëënëtë ijxtëm jeexyë ka'ap pyiky'atën, ja Dios jyä'ä tyukjotëkoytyëp.

Miqueas 2:10

Pëtë'ëktë. Tu'uye'eytyë. Ya'atë ka'ap pyo'kxtaknëty; ma ya'atë kajpnën je'eyë ja'ay tnimeenykyonë ja ëyoopëja'aytyëjk ets ka'ap tpaye'ey tii mëtëy, paatykyëjxm kyutëkoyä'äny.

1 Pedro 4:7

Winkoomp ja xëëw ma ja naaxwiinyëtë kyëxanën, paaty miits wijy kujk itë ets ja'amyätstë ja Dios.

Hebreos 4:9

Paatykyëjxm ja po'kxtakn të jyaak wë'ëmy ets ja Dios ja jyä'äy tpaatëty ma pyo'kxtëtyën.

Hebreos 2:5

Ka'ap ja Dios të tmo'oy ja anklëstëjk ja mëk'ajtën ets y'ënä'ämtëty ma ja xëëw jëmëjtën mëti'ipë wiinkoonpën, mëti'ipë tyam nikajpx nimëtyakëmën.

Hebreos 9:11

E tëë ja Kristë myiny ets tyam yë'ë nyiteetywyintsën'ajtyp ja oypyë mëti'ipë jää'ajtpën. Wäänë oy ja tsajptëjk ma yë'ë tyeetywyintsënkopk'atyën. Ka'ap jyä'äyëty të tkojy ets ka'ap nyaaxwiinyëtëty yajpaaty,

Hebreos 10:34

Ojts xypya'ëyowtë ja tsumyjä'äy ets jotkujk ojts xymyo'otë mëti'ipë ënety mjä'ä'ajtëpën ko myaj'amëtoowtë, jä'ä ko xynyijawëtë ko wäänë oypyë mmëët'ajtëp jam tsajpjotm mëti'ipë xëmëkyëjxm ijtpën.

Hebreos 12:27

Ko ja Dios y'ënä'äny ko jatëkok tyajyu'kxa'any ja naax ets ja tsajp, jëtu'un yajja'akyukë ko tyajkwintëkooytya'aja'any tu'kë'ëyë mëti'ipë ojts tpëjktä'äkyën ets y'ita'any xëmëkyëjxm mëti'ipë ka'ap yu'kxyën.

Apocalipsis 3:12

Pën mëtakp, yë'ëjës npëjkta'akäämpy ijxtëm ja tëjk po'kxën maas ja nTios ja tyëjkën ets ni wintim nijëna'a jap kyajëwa'akëty. Nkëjxja'ajäämpyës ja Dios ja xyëëw ma yë'ëjën ets ja kajpn xëëw, ja jempyë Jerusalén mëti'ipë tsajpjotm yajpatpën ets nkëjxja'aja'anyës ja jempyë ja nxëëwës ma yë'ëjën.