Hebreos 13:1 - Biblia Dc en Mixe de Quetzaltepec

¹ Nätsyokëtë miitsëty nixim niyam, jëtu'un ijxtëm jeexyë mtu'kä'äx'atën.

Biblia Mixe de Quetzaltepec

¹ Nätsyokëtë miitsëty nixim niyam, jëtu'un ijxtëm jeexyë mtu'kä'äx'atën.

Hebreos 13:1 ပူးပေါင်းရင်းမြစ်များ

Salmos 133:1

Ëk'ixtë wi'ixpëm jyänty oyëty ko jëëky mëku'uk tu'kmukyë yajpaatë.

Juan 15:17

Yë'ë miits ya'atë ntuk'ënä'ämtëp: Nätsyokëtë nixim niyam.

Hechos 2:1

Ko ja pentecostés xëëw tpaty, jää ënety ni'ëmukë të ye'eymyujkta'atë ja mëpëjkpëtëjk ma tu'uk ja tëjkën.

Hechos 4:32

Ja mayjyä'äy mëti'ipë myëpëjktën ja Jesús, tu'ukyë ijty ja jyot wyinma'any tyaj'itë; ni pën ja pyëjktä'äky tkajä'äpëjktä'äky nätyu'uk, aak tu'knax tyajtuntë.

Gálatas 5:13

Mëku'uktëjkëty, miits të myajwootsowtë ets ëwaatsëtum m'itëty. E ka'ap yë'ëjëty ets miits xytyuntëty mëti'ipë mmaay mtajtëpën ko ënety ja ëwaatsëtumpë xypyaatë, yë'ëkyëjxm ets mnäpyutëkëtëty nixim niyam mëët ja tsojkën.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Gálatas 5:6

Ko tu'ukyë nyajpatëmë mëët ja Kristë Jesús, ka'ap tii y'ëktsow'ajnë ko ja'ay yajnatsujk'ëwtity ja ye'etyëjkajtën ëkë ko ka'ap. Yi'iyë tuunëp ko nyajnikëxë'kmëty ja mëpëjkën ets ko nmëku'uk'ajtëm n'oyjya'awëmëty.

Efesios 4:3

Mëmay mëtajtë wi'ix mnäyaj'itëtëtyën tu'ukyë ets jotkujk mëët ja Kënu'kxymyëkajtën.

Efesios 5:2

Nätsyokëtë nixim niyam ijxtëm ja Kristë të xytsyojkëmën ets të nyäkyë'ëyäkyë ma të wyintsë'kën'atëtyën ëëts'ajtëmkyëjxm, jëtu'un tä ja wintsë'kënën mëti'ipë oy xu'kp jojkpën Dios wintum.

2 Tesalonicenses 1:3

Mëku'uktëjkëty, xëmës ja Dios nkukajpxëtë mëët miitskyëjxmëty, ijxtëm xypyaatës ntuntëty; jä'ä ko winpäjt'ëtëtsp ja mmëpëjkën ets nitsokën mëti'ipë mmëët'ajtëpën nixim niyam.

Hebreos 10:24

Tsojk n'ixta'ayëm wi'ix nnäpyutëjkëmëty nixim niyam, wi'ix nätsyojkëmëty ets wi'ix ntu'unmëty ja oypyë.

1 Pedro 1:22

Mëku'uktëjkëty, jä'ä ko xymyëmëtowtë ja tëypyë jaantypë, näyajwa'atsëtë ets nätsyokëtë nixim niyam winë aaw winëjot ets amëk jotmëk.

1 Pedro 2:17

Wintsë'ëkëtë ni'ëmukë mëjpë mutskpë, tsoktë ja mëku'ukëty, wintsë'ëkëtë ja Dios ets ja yajkutujkpë kopk.

1 Pedro 3:8

Jëtu'un miits ja jot winma'any tu'ukyë xymyëët'atëty, nätsyokëtë nixim niyam ijxtëm jeexyë mtu'kä'äx'atën; yajnikëxë'ëktë ja mtëtä'äky'ajtënëty.

1 Pedro 4:8

Yë'ë tim kopkpëky ko ni'ik mnätsyokëtëty nixim niyam, jä'ä ko yë nätsyokë myä'kxtääpy yë poky.

2 Pedro 1:7

ets ko m'itë ijxtëm ja Dios tsokyën, ënät xytsyoktëty ja mëku'uktëjkëty; ets ko ënety xytsyoktë ja mëku'uktëjkëty, ënät näjyëtu'un xytsyoktëty ni'ëmukë ja ja'ay.

1 Juan 3:23

Yë'ë ni'ik nyi'ënä'ämëp ets ja y'u'unk Jesukristë nmëpëjkmëty ets ko nixim niyam nätsyojkëmëty ijxtëm ja Jesukristë të tni'ënä'ämën.

1 Juan 4:20

Pën ënaanp: Ntsojkpyës ja Dios, ets y'ëxëëk'ijxyp ja myëku'uk, win'ë'ëmp ënety. Jä'ä ko pën kyatsojkpy ja myëku'uk mëti'ipë y'ijxypyën, ¿wi'ix'äämpy ja Dios tsoka'any mëti'ipë ka'ap yaj'ixyën?

Apocalipsis 2:4

E tap mëti'ipës ka'ap n'ojawën ma mijtsën, ko ka'ap jëtu'un ja tsojkën xy'ëkmëët'ajnë ijxtëm ijty tëëyëpën.