Hebreos 12:5 - Biblia Dc en Mixe de Quetzaltepec

⁵ Miitsëty tëë xyjyä'ätyëkoytyë ja ayuk mëti'ipë Dios mtukmëkajpxëtëpën, ko mkajpxwijëtë ma m'u'unk'atëtën. Jëtu'un ja Dios ja y'aaw y'ayuk y'ënä'äny: Mijts, u'unk, mëjpëjkta'ak ko ja Wintsën tii mtukmëkajpxëtëty ets ko mjëjpwijtswinpitëtëty, ka'ap xy'ëxëëkjawëty ko m'ojëtëty.

Biblia Mixe de Quetzaltepec

⁵ Miitsëty tëë xyjyä'ätyëkoytyë ja ayuk mëti'ipë Tios mtukmëkajpxëtëpën, ko mkajpxwijëtë ma m'u'unk'atëtën. Jëtu'un ja Tios ja y'aaw y'ayuk y'ënä'äny: Mijts, u'unk, mëjpëjkta'ak ko ja Wintsën tii mtukmëkajpxëtëty ets ko mjëjpwijtswinpitëtëty, ka'ap xy'ëxëëkjawëty ko m'ojëtëty.

Hebreos 12:5 ပူးပေါင်းရင်းမြစ်များ

Job 34:31

¿Ëkë tëë yë Dios xy'ënëëmë: Dios, tëëjës kë'ëm näwyin'ëënyë, ka'apës n'ëkpokytyunanë,

Salmos 118:18

Tëës yë Wintsën mëk xytyiytyuny, e ka'apës të xytyimyaj'ooky.

Salmos 119:109

Ëjts janty o'kën jëjp'amës xëmë nyajpaaty, je'eyëp ko ka'ap nja'atyëkoyës yë m'ijxpëjkën.

Salmos 119:16

Janty jotkujkës nnäjyawëja'anyë mëët ko jää xyaj'ity yë m'ënä'ämën mtëyajtën, ka'apës nijëna'a nja'atyëkoyä'äny yë m'aaw m'ayuk.

Salmos 119:67

Maanëmës ënety ka'ap ëxëëk njaty nkëpetynyëmën, ojtsës wiinkjaty winë ntuny, e tyam yë'ëjës nmëmëtoopy yë m'aaw m'ayuk.

Salmos 119:75

Wintsën, ëjts wa'atsës nnijawë ko yë m'aaw m'ayuk mëti'ipë të xyajwë'ëmyën, wa'ats yë'ë ets mëtëy; mijts tap ja winma'any xymyëëtëty tiikyëjxm koos xyajmony xyajtuky.

Salmos 119:83

Oyës tëë nmëjja'ayënë, ka'apës nitii n'ëktuunë ets ja'atyëkoyës n'ijnë, ëjts ka'apës nja'atyëkoy ja m'ënä'ämën mtëyajtën.

Salmos 94:12

Wintsën, janty jotkujk yë ja'ay yajpaaty ko xytyukmëkäjpxy ënätyë ko tii oy tkatuny, jëtu'un ja ijxpëjkën ni'ikyë xymyo'oy,

Proverbios 3:1

U'unk maay, këtii xyjyä'äytyëkoyëty yë n'ijxpëjkënës. Pëjkë'ëk ma mjot mwinma'anyën yë n'ënä'ämënës,

Proverbios 4:5

Yë wijyajtën kujk'ajtën yë'ë mjawëp pëk maay. Këtii xyjyä'äytyëkoyëty yë n'aaw n'ayukës.

Jeremias 31:18

Tëës yë Efraín yë y'u'unk y'ok nmëtoowë wi'ix jyi'iy yä'äxyën: Ëjts jëtu'unës ijty nyajpaaty tä tu'uk tsajpkaa yä'äyën mëti'ipë inën, e mijtsës të xyajyujytyä'äky; yajwinpijtkës jatëkok ma mijtsën, jä'ä ko mijts tu'ukyë mWintsën'ajtp mëti'ipës nTios'ajtypyën.

Lamentaciones 3:39

Yë naaxwiinyëtë ja'ay pokyjoty je'eyë jyuuky'äty, ¿tii ko nëkoo? y'ënä'äny y'ëti'itsy.

Lucas 24:6

Ka'ap jää yaa pën, tëë ja jyuukpyiky. Ja'amyätstë wi'ix m'ënëmaayëtën ko ënaty jyam'atynyëm Galilea. Jëtu'un y'ënäny

Lucas 24:8

Ënet tja'amyäjtstë ja Jesús ja y'ayuk wi'ix ënety të y'ënä'änyën.

1 Corintios 11:32

Ko ja Dios xytyiytyu'unëmë, oy yë'ë, ets nja'akyujkëmëty këtiipë npatmëty ja tëytyu'unën mëët ja ja'ayëty mëti'ipë yajtuuntëpën ja naaxwiinyëtë winma'any.

Gálatas 6:9

Ka'ap n'ënu'kxëmëty ko ja oypyë ntu'unmëty. Ko ka'ap nwinmaaytsyëkajtsmëty, npatmëp ja oyajtën ko ënety ja tiempo tpaaty.

1 Timoteo 1:20

Jëtu'un jyajtë ja Himeneo ets ja Alejandro, mëti'ipës të ntukë'ëtëkëtën ja mëjku'u ets tyukwij tyukäjëtëty ets ka'ap ja Dios tnäkymyëkajpxtëkoytyëty.

Hebreos 12:7

Mëtänëtë ja ëyo'on jotmay. Paaty ja Dios mwijtswinpitëtë jä'ä ko m'u'unk'atëtë. ¿Ëkë jää jëtää ja u'unk ëna'k mëti'ipë ka'ap ja tyeety wyijtswinpityënë?

Hebreos 13:22

Mëku'uktëjkëty, n'amëtoow mpëjktsoowtëp miits yë mëyajtën, kupëktë ya'atë kajpxwijën mëët ja mä'kxtujkën. Mëti'ipë miits ntuknija'ayëtëpën yë'ë mëti'ipë mëj këjää mputëkëjanëtëp.

Santiago 1:12

Akujk jotkujk ja ja'ay mëti'ipë amëk jotmëk myëtënääpyën ja ëyo'on jotmay; ko tuknaxëty ja ëyo'on yë'ë kyuma'ayën'atäämpy ja juukyajtën mëti'ipë Dios të tukwinwanën ja mëti'ipë tsojkëpën.

Apocalipsis 3:19

N'ojpyës ets ntsaatytyuunpyës mëti'ipës ntsojkpyën. Paaty mijts pëjkta'ak mëk ja mwinma'any ets niwinpit ja Dios.