Hebreos 12:3 - Biblia Dc en Mixe de Quetzaltepec

³ Mëmay mëtajtë mëti'ipë yë Jesús të tnajtstunën, mëti'ipë kyu'ëyo'owën ja pokyjyä'äy ja nyëë pyoky; paaty miitsëty këtii m'ënu'kxëtë ets këtii mmontëty mtuktëty.

Biblia Mixe de Quetzaltepec

³ Mëmay mëtajtë mëti'ipë yë Jesús të tnajtstunën, mëti'ipë kyu'ëyo'owën ja pokyjyä'äy ja nyëë pyoky; paaty miitsëty këtii m'ënu'kxëtë ets këtii mmontëty mtuktëty.

Hebreos 12:3 ပူးပေါင်းရင်းမြစ်များ

Gálatas 6:9

Ka'ap n'ënu'kxëmëty ko ja oypyë ntu'unmëty. Ko ka'ap nwinmaaytsyëkajtsmëty, npatmëp ja oyajtën ko ënety ja tiempo tpaaty.

2 Corintios 4:16

Paatyës ka'ap ntsaatyjyäwë, oyës ja ni'kx nkopk tëë jyamëjja'ayënë, ajemyëpës njawë xëmë ja njot nwinma'anyëtyës winjëpom.

Apocalipsis 2:3

Xëmë oy të mjuuky'äty, ets tëë mëk xykyu'ëyowës, ka'ap të m'ënu'kxë.

1 Corintios 15:58

Paaty, mëku'uktëjkëty mëti'ipës ni'ik ntsojktëpën, tu'ukyë ja mwinma'any xyaj'itëty; tuun'ëtë'ëtstë mëti'ipë ja Wintsën tsyojkpyën; jä'ä ko mnija'awëtëp miits ko ka'ap nyama'ata'any ja tuunk mëti'ipë mtuuntëpën mëët ja Wintsën.

Hebreos 12:2

Mpëjktakëm ja njoot'ajt nwinma'any'ajtëmë ma Jesusën, jä'ä ko yë'ë yäjkpy ets yajkä'pxyp ja nmëpëjkën'ajtëm. Ëyoow ja Jesús kruutskëjxm, ka'ap tmëjpëjktäky ja tsëtyu'un ko y'o'ky, jä'ä ko nyija'ap ënety ko ok y'ita'any ja xoontakën; tëë nyaaxweetsy aka'any'äämpy ma ja Dios ja kyutujktaknën.

Hebreos 3:1

Paaty mëku'uktëjkëty, ninu'un ja Dios mja'ay'atëtën, tëëpë yajyaxtsowtën, pëjkta'aktë mjootjoty mwinma'anyjyotyëty ja Kristë Jesús, ja ayukkajpxwa'kxpë, ja mëj teety wintsën.

2 Corintios 4:1

Paatyës ka'ap n'ëxëëkjawëtë, jä'ä ko Tiosës të xytyuknipëktë ya'atë tuunk mëët yë pya'ëyo'ow nyajts'ëyo'owën.

Juan 5:16

Paaty ja jutiis ja'ayëty tpajëtijtaktë ja Jesús ets tyaj'ooka'antë ko ja ja'ay tyajtso'oky po'kxënxëëwjoty.

1 Samuel 12:24

Yi'iyë tëy tsojkëp ets miitsëty xywyinkutsë'ëkëtëty yë Wintsën Tiosë ets xëmë yë'ë xy'ëwtatëty mëët yë tëyajtën ets winë aaw winëjot. Nijëna'a xykyaja'atyëkoytyëty mëti'ipë yë'ë oy winë tyuunpyën mëët miitskyëjxmëty ets xytyuk'oy'atëty.

Hebreos 12:5

Miitsëty tëë xyjyä'ätyëkoytyë ja ayuk mëti'ipë Dios mtukmëkajpxëtëpën, ko mkajpxwijëtë ma m'u'unk'atëtën. Jëtu'un ja Dios ja y'aaw y'ayuk y'ënä'äny: Mijts, u'unk, mëjpëjkta'ak ko ja Wintsën tii mtukmëkajpxëtëty ets ko mjëjpwijtswinpitëtëty, ka'ap xy'ëxëëkjawëty ko m'ojëtëty.

Lucas 14:1

Po'kxënxëëwjoty ja Jesús ojts nyijkxy kääpyë ma tu'uk ja fariseë wintsën ja tyëjkën, tam wiinkpë ja fariseë ja'ayëty je'eyë y'ixtë tyuntë.

Deuteronomio 20:3

ets t'ënëëmëty: Mëtoow'itë ya'atë aaw ayuk miitsëty Israel ja'ayëty. Tyam miits yë mëtsiptëjkëty xywyinkuwa'akëja'antë, këtii nijënu'un mtimtsyë'ëkëtëty ets këtii mwinmaaytyëkatstëty.

2 Tesalonicenses 3:13

E miits mëku'uktëjkëty, këtii xymyë''ënu'kxëtëty ma xytyuntën ja oypyë.

Juan 18:22

Ko ja Jesús jëtu'un y'ënäny ënät tu'uk ja mëjtsajptëjk këwent'ajtpë tkojxy ja Jesús ets ojts t'ënëëmë: ¿Tii ko jëtu'un xy'ëtsoy yë teety wintsën?

Juan 8:52

Ets ja jutiis ja'ayëty y'ëtsoowtë: Tyamës nnijawëtë ko mijts ku'oypyë mëët'ajtyp. Abraham ets tëkokyë käjpxynyajxpëtëjkëty ojts y'o'kta'atë e mijts jëtu'un m'ëna'any: Pën yë n'aaw n'ayukës pyatuunpyën, nijëna'a kya'ooka'any.

Isaías 50:4

Tëës ja Wintsën xynyë'ëmo'oy xytyu'umo'oy wi'ixës ja aaw ayuk oypyë ntukwinmëtya'akëtyën ja ja'ay tëëpë y'ënu'kxën ets tëëpë myëjaawkëxyën. Jopyëp xytyukmëtoowkojyës ja oypyë jaantypë.

Proverbios 24:10

Pën mijts poj'am xymyëkjawë ko ëxëëk mjaty mkëpety, wäänë ja jot mëjaaw xymyëëtëty.

Juan 8:59

Ënet ja tsaa tkoonë'ktë ets tjaka'atsantë ja Jesús; je'eyëp ko näyu'tsë ënätyë ets pyëtsiimy ma ja mëjtsajptëjkën.

Juan 8:13

Ja fariseë ja'ayëty jëtu'un t'ënëmaaytyë: Kë'ëm mijts mnänyimëtyä'äkyë; tääpë mëtyä'äky ka'ap tyuny.

Juan 7:12

May ja ja'ay nyimëtya'akëtë xiitsow yaatsow. Jënaakën y'ëna'antë: Oyjyä'äy yë'ë. Wiinkpë y'ëna'antë: Ka'ap y'oyjëtity; nëkoo ja'ay twin'ëëny.

Lucas 16:14

Ja fariseë ja'ayëty mëti'ipë ja meeny yi'iyë y'atsojktëpën. Tam ënety tmëtowtë, paaty ja Jesús je'eyë nëxik tukxiktë.

Lucas 15:2

Paaty ja fariseë ja'ayëty ets ja tsajptëkotyëtë yaj'ijxpëjkpë wiink ijty t'ixtë ets y'ëna'antë: Ya'atë Jesús aakyë'ë pokyjä'äytyëjk mëët ye'eymyuky nyajxmuky ets tmëëtkay tmëët'uuky.

Lucas 5:21

Ënet ja tsajptëkotyëtë yaj'ijxpëjkpëtëjk ets ja fariseë ja'ayëty wyinmaaytyë: ¿Pën ya'atë ja'ay ko Dios tmëkajpxtëkoy? Yi'iyë Dios maayëp pyokymyä'kxëty.

Lucas 2:34

Ënet ja Simeón myooyëtë ja kënu'kxën ets t'ënëmaay ja Maria, ja Jesús ja tyaak: Ya'atë mëxu'unk ye'etyëjk, yë'ë të yajtuknipëjktaakë ets may ja Israel ja'ay kyëtawtëty ëkë pyëtë'ëktëty; ijxpät nëjkx y'ity ets may nëjkx ja'ay ka'ap kyupëkyë,

Mateo 22:15

Ënet ja fariseë ja'ayëty ojts tkäjpxy'atë wi'ix ja Jesús jeexyë kyajpxtëkoyën ets tni'ëënëja'antë.

Mateo 21:46

Ënet ja Jesús tjamatsantë. Ka'ap ojts tmatstë jä'ä ko yë'ë ja mayjyä'äy tsyë'këtëp, mëti'ipë myëpëjktëpën ko ja Jesús Dios käjpxynyajxpë jä'ä.

Mateo 21:23

Tääts ko ja Jesús tyëjkëy ma ja tsajptëjkën. Tam ënety yaj'ixpëky ko nyimiinëtë ja teety wintsëntëjkëty mëët ja mëjja'aytyëjkëty, mëti'ipë jutiis ja'ayëtyën ets yajtëëwëtë: ¿Tiikutujkën mëët ya'atë xytyuny? ¿Pën yë kuttujkën mmooyëp?

Mateo 15:2

¿Tii ko yë m'ijxpëjkpëtëjk ka'ap jëtu'un tii tuntë ijxtëm ja aptëjk ijty winë tuntën? ¿Tii ko kyakë'ëpujtë ko kyäya'antë ijxtëm tnijawë'atën?

Mateo 12:24

Ko ja fariseë ja'ayëty jëtu'un tmëtoowtë, ënät y'ënantë: Yë ku'oypyë wintsën ya'atë ja'ay mooyëp yë myëk'ajtën, paaty yë ku'oypyë t'ixkexy.

Mateo 11:19

Ets ënät ja naaxwiinyëtë ja'ay y'U'unk të jyamiinpë, mëti'ipë kääpy ukpën ijxtëm ja ja'ay kaxpën, miitsëty jä'ä m'ëna'antë koos nkäxëty koos n'ajëënëty ets ko yë'ëjës mëët oy nämyäyë ëxëëkja'aytyëjk ets yajkukëpäjtpëtëjk mëti'ipë Roma myëtuuntëpën. Temë jää nyikëxë'ëky ja Dios ja wyijy'ajtën kyejyajtën ma winë yajtunyën.

Juan 9:40

Ko jëtu'un tmëtoowtë; jënaakën ja fariseë ja'ayëty mëti'ipë ënety japëtyën tyajtëëwtë ja Jesús: ¿Wä'än jëtää ëëts näjyëtu'un nwiints'atë?

Juan 10:20

May ja ja'ay mëti'ipë ënantëpën: ¿Tii ko yë'ë xymyëpëka'antë? Ku'oypyë myëët'ajtyp, ja'akyupoj yë'ë.

1 Pedro 2:23

Ko yajwinkajpxpejty, kä'äp y'ëtsooy ajoot'an; ko yajtsaatsy tyuuny, ka'ap y'ëtsu'uxyäxy; je'eyë ja Dios ojts nyätyukë'ëwanëty ets yë'ë nyipaye'eyëtëty.