Hebreos 12:25 - Biblia Dc en Mixe de Quetzaltepec

²⁵ Näkyëwent'atëtë, mëmëtowtë ja Dios. Mëti'ipë ja Dios kyamëmëtoowtën ko ojts jyamëkajpxëtë yaa naaxwiiny, kyëpäjtë jä'ä. Näyjyëtu'un nëjkx njajtëm pën npäjxëm mëti'ipë xymyëkajpxëmën tsajpjotm.

Biblia Mixe de Quetzaltepec

²⁵ Näkyëwent'atëtë, mëmëtowtë ja Tios. Mëti'ipë ja Tios kyamëmëtoowtën ko ojts jyamëkajpxëtë yaa naaxwiiny, kyëpäjtë jä'ä. Näyjyëtu'un nëjkx njajtëm pën npäjxëm mëti'ipë xymyëkajpxëmën tsajpjotm.

Hebreos 12:25 ပူးပေါင်းရင်းမြစ်များ

Hebreos 8:5

E ya'atë teetyëty jap tyuntë ma tu'uk ja tëjkën ma ja tsajpjotmëpë të nyikojtu'utyën. Ets yajnija'ap ko je'eyë të nyikojtu'uty, jä'ä ko ja Moisés ënety jam tkoja'any ja tsajptëjk, jëtu'un ojts ja Dios nyë'ëmxëty: Mëtoowkukë yajxon ets näjyëtu'un xykyojëty ijxtëm të ntuk'ixyën jam kopkëjxm.

Hebreos 11:7

Noé ojts myëpëky, paaty ojts ja kepy nëëwinye'epyë tyajkojy ko ja Dios y'ënëmaayë ko ja ëyo'on y'ita'any ets jëtu'un ja y'u'unk y'ëna'k, y'u'unk tyo'oxytyëjk tyajtsoky. Ya'atë jëtu'unpë mëpëjkën yë'ë ojts ja Noé tuk'ixy ja naax kajpn paaty ojts yajtukumay ja tëyajtën mëti'ipë yajpatpën mëët ja mëpëjkën.

Zacarías 7:11

E yë naax kajpn kyäjpxyjyä'äykyujkëy, uum nat nyäpyëjktakë ets wiinktsow nyajts'ijxëtyë.

Proverbios 13:18

Ja ja'ay mëti'ipë ka'ap tsojkën'atyën ja kajpxwijën nëjkxëp y'ëyoy ets ka'ap pën y'oyjyawëtëty; ja'ay mëti'ipë kyupëjkpyën ja kajpxwijën, ni'ikyë mëj'äämpy nyaxa'any.

Deuteronomio 30:17

E pën kajts xytyuntë këwentë, ja wiink wintsën jä'ä mpanëjkxtëjkëtyëp ets mwinkoxtënaaytyëp.

Éxodo 20:22

Ënet yë Dios t'ënëmaay yë Moisés: Jëtu'un xy'ënëëmëty yë Israel ja'ayëty: Miitsëty wa'ats xynyijawëtë, ko ëjts tëëjës jam tsajpjotm nkäjpxy ets miitsëty të nmëmëtya'aktë.

Mateo 8:4

Tääts ja Jesús jyaak'ënany: Ix, ka'ap pën xytyuk'ëwaanëty. Nëjkx ma teety wyintsënën ets xytyuk'ixëty ko tëë mtso'oky ets mënëjkxëp ja mwintsë'kën mëti'ipë ja Moisés nyi'ënä'ämëyën, jëtu'un ja ja'ay nijawëtëty ko tëë mtso'oky ets të mwa'atsy.

Proverbios 8:33

Ijxkuk ja'akyukëtë ja oypyë nätyu'uwinwow nätyu'uwinwitsë. Këtii xyjyëjpmëkajpxëtëty ja wijyajtën.

Proverbios 1:32

Yë ja'ayëty mëti'ipë ka'ap tii tjatën tnijawëtën, mëpaatëp y'ooktë ko ka'ap tii tmëwinma'anypyaatë, ets mëti'ipë tsuujëtyën kë'ëm ëxëëk nyätyunëtë ko ka'ap tii yajxon tmëmay tmëtajtë.

Proverbios 1:24

Tëë njamëkajpxtë ets tëë njamëjwow njamëjwitstë, e miitsëty ka'apës të xytyuntë këwentë.

2 Crónicas 7:19

E pën miitsëty xymyëjëkämkäktëpës ets ka'ap xy'ëktuunëtë jëtu'un tä ja n'ënä'äm ntëyajtënës jyaminyën, ni'ikyë ja wiinkpë ja wintsën xypyanëjkxtëjkënëtë,

1 Reyes 12:16

Ko ja Israel ja'ayëty t'ijxtë ko ja yajkutujkpë ka'ap të myëjpëjkta'akëtë, ënät t'ëtsoowtë: Ëëtsëty nitii jotmayës nkamëët'atë mëët yë David. Ka'ap yam n'ëna'anmëty ënät ja kyuma'ayën t'ëk yajwa'kxa'any mëët ëëtsajtëm tääpë Jesé myaank. Nëjkxta'atë ma mtëjkëtyën miitsëty Israel ja'ayëty. David wä'än yi'iyë tkëwent'aty, mëti'ipë jyiiky'äjtyp myëku'uk'ajtypyën. Tä ënätyë nyëjkxtaaytyë ja Israel ja'ayëty ma tyëjkëtyën.

Josue 22:16

Ëëtsëty yë'ë Dios yë nyaax kyajpn yam yë y'aaw y'ayuk nmëmiinëtëpës; ¿Tii ko yë wiink winma'any xypyaatë ets ja Wintsën xymyëtëkoytyë, mëti'ipë yë Israel ja'ayëty Tyios'ajtëpën? ¿Wi'ix ko ya'atë wintsë'këntyakn të xykyojtë ets xykyäjpxy kumëtoownaxtë ja Wintsën?

Éxodo 16:29

Yë'ë yajxon mtimyjä'äymyätstëp, ko ëjts, mëti'ipë Wintsën'ajtpën, tëëjës tu'uk nnikäjpxy yë xëëw, mëti'ipë mpo'kxtëpën. Paatykyëjxm ma tyëtujkxëëwpetyën nmo'otë miits yë mjë'kxy mpëkëty mëti'ipë naje'eyë mni''itëpën mäjtsk xëëw. Ko ënät wyëxtujkxëëwpety, jam myajpaatëty ma mjëën mtëjkëtyën ets ni pën kyatsoonëty.

2 Timoteo 4:4

Ka'ap tmëtoow'ita'antëty ja mëtëypyë, yë'ë nëjkx tmëjpëjkta'aktë ja apmëtyä'äky.

1 Tesalonicenses 5:15

Näkyëwent'atëtë, këtii näjyëtu'un xytyuntëty winë ijxtëm mëti'ipë mmëtëkooyëtëpën. Aak oyëtypë mtuntëp, wintsë'ëkëtë mmëku'uk xim yam ets oypyënëty.

Hechos 7:35

Oy ënety ja Moisés të yajnëëmë: ¿Pën të mpëjktä'äkyë yajkutujkpë ets paye'epyë?, Dios yë'ë ojts kyexyë yaj'ëwaatsëpëtsëëmpë ets tu'uwinwoopë ko myëkajpxë ja tsajpjotmëtë kukäjpxy ma ja kepy ënety wyintooypyetyën.

Ezequiel 5:6

E yë'ë je'eyë ja n'ënä'ämënës tkäjpxykyumëtoownajxnë ets o'ktëy ni'ik të y'ëtëtsnë këtiinëm jyëtu'un'atë ja kajpn mëti'ipë mëët nyätyu'kmëtsëpa'an'atëtën, jä'ä ko ka'ap ja n'ënä'ämënës ntëyajtënës tmëmëtowtë ets ka'ap tpatuntë ja n'aaw n'ayukës.

Jeremias 11:10

Näy jä'ä poky të tuntë mëti'ipë ja y'aptëjk tyuuntën, ka'ap ojts xymyëmëtowtës, yi'iyë pyanëjkxtëjkëtyë ja wiink tios ets yë'ë y'ëwtajtë. Yë Israel ja'ayëty ets Judá ja'ayëty tëë tkumëtoownaxtë ja käjpxytyu'unën mëti'ipë mëët ja y'aptëjk ntuunyënës.

Isaías 64:9

Wintsën, këtii janty nëkooyë mtimjyoot'anpëky ets xëmë xytyimja'amyetsy ëëts ja ntuuntëko'oy nkajpxtëko'oyënëty. Ëk'ix, ëëts mijts xykyajpn'ajtëp.

Isaías 48:6

Mijts tëë wa'ats xynyijawë mëti'ipë tyam yaj'ijxp yajtuunpën, ets kopkpëky ko xykyupëky ko mëtëy. E tyam yë'ë ntuk'ëwaanëjäämpy jempyë, yu'utsypë ka'apë xynyijawën,

Proverbios 15:32

Mëti'ipë ja'ay ka'ap tkupëkyën ja näjyëjpwijtswinpijtën, kë'ëm nyäy'ëxëëktunyë; mëti'ipë kyupëjkpyën ko tii yajtuk'ënëëmë, ni'ikyë tpaaty yë ijxpëjkën.

Hebreos 3:17

¿E pën jëtää ja Dios tyukjoot'anpëjk wëxtyikxy jëmëjt? Yë'ë mëti'ipë pokytyuuntën jam të'ëts'itjotm ets y'o'ktë, ¿këtiijë?

Mateo 17:5

Tam ënety ja Pedro jëtu'un kyäjpxy ko ja yoots mëti'ipë ajajpën nyiju'uxëtë ets jap yootsjoty yajmëtooy tu'uk ja ayuk mëti'ipë ënaanpën: Ya'atës n'U'unk'ajtyp, mëti'ipës ni'ik ntsojkpyën. Ntukxoontäkpyës yë'ë. Mëtoow'itë, mëti'ipë nyikäjpxypën.

Apocalipsis 22:9

Tääts xynyëmaayës: Këtii jëtu'un m'ëtë'ëtsy. Tiosës xytyuunpë'ajtp, näjyëtu'unës ijxtëm mijtsën, ijxtëm ja mmëku'uktëjkën mëti'ipë ja Dios ja y'aaw y'ayuk kyajpxwa'kxëtëpën ets näjyëtu'unës tä mëti'ipë myëjpëjktaktëpën ja jaaypyetypë myinyën ma ya'atë nokyën. Wintsë'ëkë ja Dios.

Apocalipsis 19:10

Täätsës nnäkyoxtënaaytyakë tsajpjotmëtë kukäjpxy wyintum ets nwintsë'ëkëja'anyës e yë'ë je'eyës xynyëmaay: Këtii jëtu'un m'ëtë'ëtsy. Tiosës näjyëtu'un xytyuunpë'ajtp, ijxtëm mijtsën ets ijxtëm ja mmëku'uktëjkën mëti'ipë pyanëjkxtëpën ja aaw ayuk mëtëypyë, mëti'ipë ja Jesús kyajpxwa'kxën. Winjawë wintsë'ëkë ja Dios y'itëty. Ets jyaak'ënany: Ya'atë tëyajtën, yë'ë ja Dios ja kyäjpxynyajxpëtëjk winma'anymyooyë.

1 Pedro 1:22

Mëku'uktëjkëty, jä'ä ko xymyëmëtowtë ja tëypyë jaantypë, näyajwa'atsëtë ets nätsyokëtë nixim niyam winë aaw winëjot ets amëk jotmëk.

Deuteronomio 4:36

Jam ojts tsajpjotm kyukajpxnaxy ets ojts mkajpxwijëtë, yaa naaxwiiny ojts mtuk'ixëtë ja myëj'ajt y'oyajtën ets mëj jëënjoty ojts mëkajpxëtë.

Deuteronomio 18:19

Ja ja'ay mëti'ipë ka'ap tmëpëkyën ets ka'ap tmëmëtoyën tääpë käjpxynyajxpë, mëti'ipë ënety të tnikäjpxyën ëjts yë n'aaw n'ayukës, nëjkxëpës ja n'amëtoy tiikyëjxm ko jëtu'un y'ëti'itsy.

Hebreos 1:1

Tëëyëp, kanaak ok ojts ja Dios tmëkäjpxy ja n'ap'ajt n'ok'ajtëm ets kanaakjëjp ja winma'any tja'ixtaay ko ojts tjayajkäjpxy ja käjpxynyajxpëtëjk.

Hebreos 3:12

Mëku'uktëjkëty, näkyëwent'atëtë këtiipë nitu'uk ja mjot mwinma'any xymyëët'atëty ëxëëk, mëti'ipë tuk'ëxmajtspën ja Dios Juukpyë, ko ënety xykyamëpëktë.

Hebreos 12:19

ni ja xuxn ojts xykyamëtowtë, ni ja Dios ja y'aaw yo'kn. Mëti'ipë myëtoowtë ja aaw yo'kn ojts tmënu'kxta'aktë ja Moisés këtiipë y'ëkmëkajpxënëtëty,

Josue 22:15

Tä ojts tyu'upëktë ets jam jyajtë Galaad ma ënety jam yajpaatën ja Rubén, Gad ets nikujkwä'kxy ja Manasés ja jyä'äy, tääts t'ënëmaaytyë: