Hebreos 12:14 - Biblia Dc en Mixe de Quetzaltepec

¹⁴ Jotkujk itë mëët ja ja'ayëty oypyënëty ets wa'ats mjuuky'atëty. Pën ka'ap wa'ats jyuuky'äty, ka'ap ja Dios nëjkx t'ixy.

Biblia Mixe de Quetzaltepec

¹⁴ Jotkujk itë mëët ja ja'ayëty oypyënëty ets wa'ats mjuuky'atëty. Pën ka'ap wa'ats jyuuky'äty, ka'ap ja Tios nëjkx t'ixy.

Hebreos 12:14 ပူးပေါင်းရင်းမြစ်များ

2 Corintios 7:1

Jëtu'un, mëku'uktëjkëty, yë'ë jëtu'un ya'atë waantä'äky nmëët'ajtëmë. Paaty nyaj'ijtmëty wa'ats ja ni'kx'ajt nkopk'ajtëm ets ja njoot'ajt nja'awën'ajtëmë näjyëtu'un ets ntsë'këmëty ja Dios, tsojk ntu'unëm ja oypyë ets ja wa'atspë Dios wyintuuy.

1 Tesalonicenses 4:7

Ka'ap ja Dios yë'ëjëty të xytyuknipëjktakëmë ets ëxëëk njuuky'ajtmëty, yë'ë të xytyuknipëjktakëmë ets oy wa'ats nyajpatmëty.

1 Pedro 3:11

mëjëkäm'atë ja ëxëëkpë, wä'än ja oypyë tuny ets wä'än ja kijpxyajtën t'ixta'ay ets jä'ä jëtu'un pyanëjkxtëp.

Romanos 12:18

Maapaat mëta'aktën, itë akujk jotkujk ma ja ja'ayëtyën.

Romanos 14:19

Wä'än yë'ë n'ixta'ayëmë wi'ix npatmëtyën ja jotkujk'ajtën ets nnäpyutëjkëmëty nixim niyam wi'ix nwinpäjtmëtyën ma ja mëpëjkën.

Proverbios 16:7

Ko Dios t'oy'ixy ko yë ja'ay oypyëtsëëmp yë tyu'unën kyajpxën, yë'ëpaat yë myëtsip mëët nyämyë'oypyikyë.

1 Tesalonicenses 3:13

Wä'än yë Wintsën tu'ukyë tyaj'ity ja mjot mwinma'anyëty, wa'ats, ka'ap tii poky xymyëët'attëty Dios wyintum ko ënety myiny ja Wintsën Jesús mëët ni'ëmukë mëti'ipë jyä'ä'ajtypyën. Jëtu'un y'itëty.

Romanos 6:22

E tyam, tëë xytyukpëtsëëmtu'utë ja poky, tëë jam mtëkëtë ma ja Dios ja tyuunkën. Mëti'ipë mtuk'oy'attëpën ets wa'ats myajpaattëty ets xypaatëty ja juukyajtën xëmëkyëjxmëpë.

Salmos 34:14

Näjyëpëkët ma ëxëëkpën, ets tun yë oypyë; ixta'a akujkajtën jotkujk'ajtën, ets yë'ë panëjkx.

3 Juan 1:11

Mëku'uk, këtii yë'ë xypyatunëty ja ëxëëk ijxpëjkën, patun mijts ja oypyë. Pën ja oypyë tyuunpy, yë'ë Dios jä'ä'ajtëp; pën ja ëxëëkpë tyuunpy, ka'ap ja Dios nyijawëty.

Efesios 5:5

Tëë miits xynyijawëtë ko pën ja wiink to'oxytyëjk tmëët'aty ets tam yë tyo'oxytyëjk, ëkë ko ja to'oxytyëjk tmëët'aty ja wiink ye'etyëjk ets tam ja nyiye'etyëjk, ëkë ko pën ja ëxëëkpë tuny tkäjpxy, ëkë nëkoo tii kë'ëmwinma'any t'ëwtaty, ka'ap jam yajpaata'any ma ja kutujktaknën mëti'ipë ja Kristë ets ja Dios jyä'ä'ajtëpën.

Isaías 51:1

Jëtu'un ja Wintsën y'ënä'äny: Mëtowtë ya'atë aaw ayuk miitsëty ninu'un xytsyojkën'atën ja oypyë juukyajtën Ixtë ja tsaa maa ojts yajnëpu'uyën ets maa ojts yajmëpëtsëmyën.

Hebreos 12:10

Ja nteety'ajtëm yaapë naaxwiinyëtën xytyuk'ojëm ijty ko tii oy nkatu'unëm, jëtu'un ijxtëm yë'ë oy tmëmay tmëtajtën; e ja Dios, yë'ë xytyukwijtswinpijtëm ets ntuk'oy'ajtmëty ets wa'ats n'ijtmëty ijxtëm yë'ë wa'ats y'ityën.

1 Timoteo 6:11

E mijts Timoteo, Dios yë y'u'unk, mkukä'äkëp yë jëtu'unpë. Mëtëy mjuuky'atëty, mpa'ëyowëp, mëpëkëp, mmëët'atëp yë tsojkën ja'awën, mëk myajpaatëty ma ja ëyo'onën ets yu'unk naxym winë'aaw winëjot.

Proverbios 15:1

Ko ja'ay oy tsuj y'ëëw'ëtsoy kyajpx'ëtsoy, yë'ëpaat yë äkë tyajxeemy; e ko ja'ay y'ëtsoy, ni'ikyë yë äkë tyajmëjtä'äky.

1 Pedro 3:13

¿Pën m'ëk'ëxëëktunanëtëp pën oypyë xëmë mtuuntëp?

Marcos 9:50

Yë kaan oy yë'ë, ko ja tsya'amtsajtën tyëkoyëty tii mëët winë yajtukta'amtsëty. Itë ijxtëm ja oypyë kaanën ets juuky'atë akujk jotkujk nixim niyam.

Salmos 120:6

Jekyës yajxon të njuuky'äty ma ja'ayëtyën mëti'ipë ka'ap tsoktën ets jyää'atëty ja akujkajtën jotkujk'ajtën.

2 Pedro 3:11

Ko jëtu'un winë kyutëkooytya'aja'any, miitsëty ni'ikyë mëpaat wa'ats mjuuky'atë ets xywintsë'ëkëtëty ja Dios.

1 Corintios 1:10

Mëku'uktëjkëty, Wintsën xyëëwkyëjxm miits tyam nmënu'kxta'aktë ets mnäkyäjpxyjyä'äkyukëtëty këtiipë mnäpyëjkwa'kxëtëty. Tu'ukyë mëpaat mjuuky'atë, tu'ukyë mmaytyëty mtajtëty, tu'ukyë tii xytyuknipëjktaakëtëty.

Proverbios 17:14

Tä nëë kyomyën, jëtu'un yë tsip yaj'ixy ko tsyo'ontä'äky; e oy wyimpëtsëmy ko yajkuke'eky ets këtii ko ja'ay tsyiptëkë.

2 Timoteo 2:22

Kukä'äk mëti'ipë ja ëna'ktëjk nätyukyajtëkooyëpën, yë'ë ixta'a ja oypyë ja nipaye'eyën, ja mëpëjkën, nätsyok näjyawë ets ja jotkujk'ajtën, mëët ja mëti'ipë wa'ats wiin wa'ats jot y'ëwtajtëpën ja Wintsën.

1 Tesalonicenses 5:15

Näkyëwent'atëtë, këtii näjyëtu'un xytyuntëty winë ijxtëm mëti'ipë mmëtëkooyëtëpën. Aak oyëtypë mtuntëp, wintsë'ëkëtë mmëku'uk xim yam ets oypyënëty.

Salmos 133:1

Ëk'ixtë wi'ixpëm jyänty oyëty ko jëëky mëku'uk tu'kmukyë yajpaatë.

Salmos 94:15

Ja nänyipaye'eyën oy yajxon jatëkok tyu'uye'eyä'äny ets tëkokyë yë ja'ayëty mëti'ipë mëët jyuuky'atën yë'ë pyanëjkxantëp.

Salmos 38:20

Mëti'ipës oy të njatunyën, ëxëëk të tuunwinpitë, ëjts njatsojkpyës winë oy ntunëty, e yë'ëjëty ni'ikyës xytyukjoot'anpëktë.

Job 19:26

Oyës jeexyë njot nini'kx jyatim nyëka'atääpyë wäänjaty, ëjts koonëmës yë Dios n'ixa'any wiinxë jëjpxë.

Job 33:26

Myëpëjktsowëp ja Dios ets mëto'owxëtëp ja pyëjktso'owën; akujk jotkujk nëjkx ja Dios t'ixy wiinxë jëjpxë ets tkuuy'ëw tkuuya'axëty tsyojkën jya'awën.

Génesis 32:30

Tä yë Jacob tyajxëëwpejty ja jampë ja it naaxwiinyëtë Penuel, jä'ä ko y'ënäny: Tyam tëëjës ënät ja Dios kë'ëm ntim'ixy wiinxë jëjpxë ets ixës tyam njaakjuuknyëmëty.

2 Pedro 3:18

Yë'ë ni'ik nijawëtë ja Wintsën, ja yajnitsokpë Jesukristë, ets wäänëni'ik yääktë pätë ma ja tsojkën ja'awën. Nmëjja'aw nkënu'kxyjya'awëm tyam ets xëmëkyëjxm. Jëtu'un y'itëty.

Filipenses 3:12

Ka'apës n'ëna'any ko tëëjës tu'kë'ëyë npaataaynyë ëkë koos wa'ats ja'ay nyajpatnë ijxtëm ja Dios tsokyën. Yäjtsp pojpnëmës ets ja Kristë Jesús mpaata'anyës ijxtëmës yë'ë ëka'any të xypyäätyën.

2 Corintios 6:17

Paaty näjyëtu'un ja Wintsën y'ënä'äny: Puye'eytyu'utë yë'ëjëty, ets näjyëpëkëtë, ka'ap xytyontëty ja ëxëëkpë, ets miits nkupëktëty.

1 Corintios 13:12

Näyjyëtu'un tyam ja Dios ja jyä'ä ka'ap wa'ats nnija'awëmë, jëtu'un n'ijxëmë ijxtëm ijxnjoty tii yajku'ixën ka'ap wa'ats yaj'ixy, jäänëm nëjkx n'ijxëm nnija'awëm ni'ëmukë ko ënety ja tiempo tpaaty. Ka'ap tyam ja n'ijxpeky'ajtënës kyä'pxyëty, je'eyëp ko nnija'awëtya'ajäämpyës winë ok, jëtu'un ijxtëm ja Dios të nijawën koos njääjëty.

Gálatas 3:21

Ëkë, ¿jä'ä jëtää tijy ko Moisés ja y'ënä'ämën ko tmëtsip'aty ja Dios ja wyaantakënë? Niwi'ix'äämpy. Ko jeexyë ja Moisés ja y'ënä'ämën t'ëkyäky ja juukyajtën, jyëkyejpy jeexyë ja ja'ay oy wyi'im Dios wintum ko tpatuny ja Moisés ja y'ënä'ämën.

Hebreos 9:28

Näyjyëtu'un ja Kristë të wyintsë'kën'aty tuk'okyë ets ja mayjyä'äy të pyokywya'atstë. Ok jatëkok myina'any ja mëmäjtsk okpë, je'eyëp ko ka'ap yë'ë t'ëkniminanë ja nëë poky, yë'ë nyiminäämpy ets tyajnitso'oka'any ja mëti'ipë jëjp'ijxëtëpën.

Jueces 11:14

Ënet ja Jefté ojts wiinkpë ja kukäjpxy tkexy ma ja Amón ja'ayëtyën,