Hebreos 11:36 - Biblia Dc en Mixe de Quetzaltepec

³⁶ Ojts wiinkpë yajnëxi'ik yajtukxi'iktë ets yajwojp yajka'tstë, wiinkëtypë pujxntejpxy yajtuktsuumtë ets pujxn tëkoty yajpëjktaktë.

Biblia Mixe de Quetzaltepec

³⁶ Ojts wiinkpë yajnëxi'ik yajtukxi'iktë ets yajwojp yajka'tstë, wiinkëtypë pujxntejpxy yajtuktsuumtë ets pujxn tëkoty yajpëjktaktë.

Hebreos 11:36 ပူးပေါင်းရင်းမြစ်များ

Jeremias 20:2

ënät ni'ënä'ämëy ets Jeremías yajkox yajtsiikëty ets tkuwëëntëty mëët yë kepy yo'kntujpë yajkutsumyën jam ma ja Benjamín ja tyëjk aawën wiinkonpë yajpaatyën ma ja tsajptëjkën.

Génesis 39:20

Jëtu'un ojts tmatsy ja José, tä ni'ënä'ämëy ko tyajtëkëtëty pujxn tëkoty, ma ënety jap ja yajkutujkpë ja tyuunpëtëjk tsumy y'itën. Oy ënety të y'ëkyajtsumy

2 Crónicas 30:10

Ja yajkäjpxye'epyë wa'ats t'aye'eytyääytyë ja naax kajpn, ma Efraín ets ja Manasés tnitänëtën ja it naaxwiinyëtë, tyimjajtë jam ma Zabulón y'itjotmën. Je'eyëp ko ja ja'ayëty xi'iky ëwë'ëky ojts je'eyë tpëjkta'aktë.

Hebreos 10:34

Ojts xypya'ëyowtë ja tsumyjä'äy ets jotkujk ojts xymyo'otë mëti'ipë ënety mjä'ä'ajtëpën ko myaj'amëtoowtë, jä'ä ko xynyijawëtë ko wäänë oypyë mmëët'ajtëp jam tsajpjotm mëti'ipë xëmëkyëjxm ijtpën.

Mateo 23:34

Paaty miits ntuknikäxa'antë ja Dios ja kyäjpxynyajxpëtëjk, wijyjyä'äytyëjkëty ets yaj'ijxpëjkpëtëjk. E miitsëty myaj'ookantëp jënaakëty ets xyajkruutspäta'antë, tam mëti'ipë nëjkx xykyukox xykyutsiikëtën tsajptëkoty ets nëjkx xypyajëtijta'aktë winnaax win.

Jeremias 20:7

Wintsën, mijts tëëjës xywyin'ëëny, kë'ëmës të nmëpëjkpë; ni'ik mmëkëty, paatyës ka'ap të xyajmëtä'äky. Janaam jatsojk je'eyës nyajnëxi'iky nyajtukxi'iky; aak xytyukxikpës yë ja'ay.

2 Crónicas 16:10

Ënet ja Asá yajxon tukjoot'anpëjky ja Wintsën ja kyäjpxynyajxpë, ojts tsumy tmatsy. Näy jä'ä xëëw ojts jam ëxëëk yë ja'ay tuny t'ënëëmë.

Apocalipsis 2:10

Këtii mtsë'ëkëty ko m'ëyowa'any, jä'ä ko ja mëjku'u tëë tuknipëjktaakë ko tsuma'an tmatsa'any ja mmëku'uktëjk ets t'ixa'any pën mëk mëpëktë; ets majk xëëw jëtu'un m'ëyowa'antë. Mëk m'itëty oy mtimy'ooktëty, ëjts mijts nmo'ojäämpy ja juukyajtën tä tu'uk ja kuma'ayënën.

2 Timoteo 2:9

Ets mëët yë'ë koos ja oy aaw oy ayuk nkajpxwä'kxy paatyës n'ëyoy ets paatyës n'ity tsumy xotsy mëët yë pujxntejpxy jëtu'un tääjës jeexyë tëë nyajja'ay'ookyën; je'eyëp ko yë Dios yë y'aaw y'ayuk ka'ap tjëkyepy wi'ix yajkutsum yajkuxotsëty.

2 Timoteo 1:16

Wä'än ja Dios tpa'ëyoy ja Onesíforo ja y'u'unk y'ëna'k, y'u'unk tyo'oxytyëjk, jä'ä ko kanaak okës të xynyiminy ets të xyajjotkujktä'äkyës ets yë'ë ka'apës të xytyuktsëtyuny oyës yap tsumy n'ity.

Efesios 4:1

Paaty ëjts, maas yap tsumy n'ityën koos yë Wintsën Jesukristë tmëpëky, tyam miits nmënu'kxta'aktë ets jëtu'un mjuuky'attëty ijxtëm ja ja'ayëtyën mëti'ipë ja Dios të myëkajpxëtën, ijxtëm miitsëty ojts mjuuky'atën.

Hechos 24:27

Ko mäjtsk jëmëjt nyäjxy, ënät ja yajkutujkpë Félix ojts jyëtëkajtsnë ets ja wiinkpë tyëjkëy mëti'ipë ijty xyëëwajtypyën Porcio Festo. Félix, jä'ä tsyojkpy ets y'oyjyawëtëty ja jutiis ja'ayëty, paaty ja Pablo ojts tsumy tyajwë'ëmy.

Hechos 21:33

Ënet ja mëj tsiptuunpë wintsën tmajtsy ja Pablo ets tni'ënä'ämëy ets yajkë'ëtsumëty mëët mäjtsk ja pujxntejpxy. Ok tyajtëy pën ja'ay ets tii të tuuntëkoy.

Hechos 8:3

Tääts ja Saulo tpajëtijtäky ja mëpëjkpëtëjk winjëën wintëjk ets atsip tyajpëtsëëmy tyëkoty, wä'än ye'etyëjk to'oxytyëjkëty ets pujxn tëkoty tpëjktaktaaytyë.

Hechos 5:40

Ojts tja'akyukëtyë mëti'ipë ja Gamaliel kyajpxën. Tää twoowtsoowtë ja ijxpëjkpëtëjk ets tyajkwojpëtë je'eyë, ets t'ënëmaaytyë ko ka'ap t'ëknimëtyaknëtëty ja Jesús. Tääts t'ëxmajtstë.

Hechos 5:18

ets tmajtstë ets ttsuumtë.

Hechos 4:3

Ënet ojts tmatstë ets tsuumtë. Paaty ojts tsumtë jä'ä ko tëë ënety tsyu'ujënë, komjëpomnëm tyajpëtsëëmtë.

Lucas 23:36

Näyjyëtu'un ja tsiptuunpëtëjkëty nyëxik tyukxikëtë ja Jesús, winkon tninëjkxtë ets tuk'uuka'antë ja tsatsym nyëë xun,

Lucas 23:11

Ënet ja Herodes mëët ja tsyiptuunpëtëjk nëxik tukxiktë ja Jesús, ka'ap tmëj'ixtë ets ja wit tukxojxtë ijxtëm ja yajkutujkpë wyitën. Tääts jatëkok tuknikejxy ja Pilato.

Lucas 18:32

Yajkë'ëyakaanp ma wiink ja'ayëtyën, yajnëxi'ikaanp yajtukxi'ikaanp, yaj'ojaanp yajya'axaanp ets yajwinkutsujëjaanp.

Marcos 10:34

Ets nëxi'ika'an tukxi'ika'antë, twintsuj'an tjëjptsuja'antë, ets tyaj'ooka'antë; je'eyëp ko, kom tëkëëk xëëw jyuukpyëka'any.

Mateo 27:26

Ënet ja Pilato tnajtsmajtsëy ja Barrabás ets ni'ënä'ämëy ja Jesús ets yajkwopëty ets ok tyajkruutspätëty.

Mateo 21:35

E ja tuunpëtëjkëty ojts tmatstë ja ja'ay mëti'ipë ënety ja kukam të tkexyën; tu'uk ojts twoptë, ojts tu'uk tyaj'ooktë ets tu'uk tkuka'tstë.

Mateo 20:19

tkë'ëyaka'antë ma jaaypyaat jaaypyo'kxyën, mëti'ipë nëjkx nyëxi'iky tyukxi'ikyën, twoptën tka'atstën ets tyajkruutspätën, e kom tëkëëk xëëw tääts ja tëkëëk jyuukpyëka'any.

Jeremias 38:28

Yë Jeremías jam ojts tsumy matsy jyaak ijty ma këwent'ajtpë y'itën, koonëm ja Jerusalén yajnitëjkëy.

Jeremias 36:6

Paaty mijts ntuknipëky ko jatëkok tpaatëty ja nyixëëw ma ja'ay y'ayuu'atën, tääts mnëjkxëty ma tsajptëjkën ets jap xykyajpxëty tëkokyë mëti'ipës të nnaskajpxën ets të xykyëxja'ayën jëtu'un tmëtoowtëty yë ja'ayëty ja Wintsën ja y'aaw y'ayuk, yë Judá ja'ayëty mëti'ipë të tsyoontën ma kyajpnëtyën ets të myintën ma tsajptëjkën,

Jeremias 29:26

Mijts yë Wintsën të mpëjktä'äkyë ets mteety'atëty ets xykyutëkëty yë Joiadá ets mijts mniwintsën'atëp ja tsajptëjk ma yaj'ijx'ity yajkëwent'atyën. Ko pën ja'akyupoj myinëty ets tyëkëty ëëpë kajpxpë jëtu'un tä käjpxynyajxpën, ënätyë xymyatsëty ets xypyëjkta'akëty ma ja kepyën mëti'ipë pokyjyä'äy yajtukyo'ktsuumpën ets yë'ë mtukutsumëp yë pujxntä'äky.

2 Crónicas 36:16

Yë'ëjëty ka'ap tmëjpëjktaktë ja aaw ayuk, je'eyë tnëxik tukxiktë mëti'ipë ja Wintsën jyakajpxën; koonëm ja Wintsën yajxon tyajjoot'anpëjktë ets ka'ap ojts t'ëkjëkyäjpnë wi'ix jyotxäämëtyën.

2 Reyes 2:23

Ënet ojts ja Elisejë jam tsyo'onë ets jam nyëjkxnë Betel. Jam ënety jëtu'un tu'ujotm wyimpety, ko jam nimay ëna'ktëjk kyu'ujtë ets tyëjkëtyë xikpë, jä'ä tyukxiktëp ja Elisejë, tä tjanty ënëëmëtë: Kutë'kx tsojk winpät.

1 Reyes 22:27

Jëtu'un xy'ënëëmëtëty ko ëjtsës yam ni'ënä'ämëp ets tpëjkta'aktëty pujxn tëkoty ets ka'ap tmo'otëty yë kääky uuky, koonëmës nwinpitëty oy mëk maas tyam nëjkxyën tsiptuunpë.

1 Reyes 22:24

Tä ja Sedequías, myaank yë Quenaaná, wyä'ätsë'ky ets tmëwinkoony ja Micaías, tääts tu'uk kë'ë t'amëkojxëy ets t'ënëmaay: ¿Maa jëtäätën ënät ja Wintsën ja myëk'ajtën y'oy'ajën të nyijkxy mëti'ipës të xy'ëxmatsyën ets jeexyë mijts mmëkäjpxy?

Jueces 16:25

E janty jotkujk ënety nyäyjyawëtë, ënät ojts y'ëna'antë ets ja Sansón tmëmintëty ets tukxi'ika'an tuk'ëwë'ëka'antë. Tä tjanty jyu'të jap pujxn tëkoty ets yajxon t'ëktukxik t'ëktuk'ëwë'ktë; jam tënääytyaktë itkujky ma mäjtsk yë xeny yajpaatyën mëti'ipë ja mëjtëjk myajts'ijtypyën.

Efesios 3:1

Paatyës, ëjts Pablo, yap tsumy n'ity mëët yë'ëkyëjxm koos ja Kristë nmëtuny ets miits xytyuk'oy'attëty mëti'ipë ka'ap jyutiis'atën.

Jeremias 32:8

Jëtu'un tä ënety yë Wintsën të xy'ënëëmënës, ojts ja n'utyës Hanamel jyänty myiny, jamës xynyimiiny maas ënety jam tsumy n'ityën, jam tëjk'ëkë'ëm ma ja tsiptuunpë y'itën ets xy'ënëmaayës ko naax tu'uk tyookäämpy etsës ëjts njuyëty, ja naax jam Anatot yajpaaty ma ja itjot naaxjotmën mëti'ipë yë Benjamín ja'ayëty nyitënaaytyëpën, tääpë naax kam xypyatpës ëjts njuyëty jä'ä ko winkonës ntimmyëku'uk'aty. Koos nja'akyujkëy ko Wintsën jëtu'un të tyajnikutukë,

Jeremias 39:15

Tamnëm ënety ja Jeremías tsumy matsy yajpaaty ma ja këwent'ajtpë y'itën, ko ojts ja Wintsën myëkäjpxyë ets y'ënëmaayë:

2 Crónicas 18:26

Jëtu'un xy'ënëëmëtëty ko jap tpëjkta'aktëty pujxn tëkoty, wäänjaty xyajkaytyëty ets xyajnëë'uuktëty, koonëmës nwinpitëty oy mëk maas nëjkx ntsiptuna'anyën.

Daniel 11:33

Yë wijyjyä'äytyëjkëty mëti'ipë yajpatëpën ma naax kajpnën nëjkxëp mayjyä'äy tyaj'ijxpëktë, ok nëjkx yaj'ookëtë ets nyino'oka'anëtë ets myä'tsta'aja'anëtë ets nëjkx tyookëtë wiink naax wiink kajpn ets y'ëyowtëty myëtuntëty. Je'eyëp wäänë jëtu'un y'ita'any.