Hebreos 11:3 - Biblia Dc en Mixe de Quetzaltepec

³ Mëpëjkën ojts mëët nnija'awëmë ko ja Dios ojts tyajkojy ja naaxwiinyëtë mëët ja y'aaw y'ayuk, paaty mëti'ipë tyam n'ijxëmën, ka'ap ijty tëëyëp yaj'ixy ma ka'ap kyojynyëmën.

Biblia Mixe de Quetzaltepec

³ Mëpëjkën ojts mëët nnija'awëmë ko ja Tios ojts tyajkojy ja naaxwiinyëtë mëët ja y'aaw y'ayuk, paaty mëti'ipë tyam n'ijxëmën, ka'ap ijty tëëyëp yaj'ixy ma ka'ap kyojynyëmën.

Hebreos 11:3 ပူးပေါင်းရင်းမြစ်များ

Génesis 1:1

Ko tsyo'onë'ky tsyo'ontäky, Dios yë'ë ojts tyajkojy ëka'any tsajp ets naaxwiinyëtë.

Salmos 33:6

Yë tsajp ets tëkokyë jënu'un jam yajpaatyën tsajpwinm, yë Wintsën të tyajkojy mëët yë y'aaw y'ayuk, ets mëët ko të nyasxajë.

Salmos 33:9

Ko ojts kyäjpxy, ënät ojts winë kyojy; ko ojts winë tni'ënä'ämë, ënät ojts winë wyi'imy ta'tspëky.

Isaías 40:26

Jam yujk'ixtë tsajpwinm ets xy'ixtëty: ¿Pën jam winë të tyajkojy? Mëti'ipë të tuknipëjktakëtyä'äyën maajaty y'itëtyën nitu'ukjaty ets aak xyëëw tyukmëkäjpxyp. Nëkooyë tmëët'ajnë mëk'ajtën ets mëjaaw paaty nitu'uk kyatëkoy'äty

Jeremias 10:11

Miitsëty, Israel ja'ayëty, ënëëmëtë yë ja'ayëty mëti'ipë ka'ap ja Dios t'ëwtatën: Yë tiostëjkëty mëti'ipë ka'ap tyajkojtën yë tsajp ets naaxwiinyëtë, tëkooytya'ajantëp yë'ëjëty, nitu'uk kyawë'ëma'antë tsajp pa'tkë'ëy.

Jeremias 10:16

Yë Dios mëti'ipë Jacob Tyios'ajtypyën tëkatsy yë'ë, yë'ë yajkoj winë. Ojts twin'ixy yë Israel ko yë'ë tkajpn'ata'any. Jä'ä txëëwaty Wintsën mëti'ipë maaytyääyëpën winë.

Juan 1:3

Yë'ë mëët ja Dios ojts tyajkojta'ay winë; ka'ap ojts tii kyojy pën ka'ap ënety yë'ë jam.

Hechos 14:15

Mëku'uktëjkëty, ¿tii ko jëtu'un m'ëtë'ëtstë? Ja'ay ëëts näjyëtu'unëty ijxtëm miitsëtyën. Yë'ës nimiintëp ets ja oy aaw oy ayuk nkajpxwa'kxa'antës ets xy'ëxmatstëty ya'atë jëtu'unpë winma'any mëti'ipë ka'ap tsyowpaatyën. Mëpëktë ja Dios Juukpyë, mëti'ipë tsajp yajkojën, naaxwiinyëtë ets ja mejy ets tu'kë'ëyë winë mëti'ipë naaxwiiny yajpatpën.

Hechos 17:24

Ja Dios, mëti'ipë yajkojën ja naax ets tu'kë'ëyë mëti'ipë yaa naaxwiiny ijtpën, yë'ë nyiwintsën'ajtääpy tu'kë'ëyë winë ma ja tsajpën ets ja naaxën. Ka'ap jap y'ity ma ja tsajptëjkën mëti'ipë ja'ay y'oytyuuntëpën

Romanos 4:17

Ijxtëm ja Dios ja y'aaw y'ayuk y'ënä'änyën: Tëë mijts npëjktä'äky ets ja naaxwiinyëtë ja'ay may xy'u'unk'at xy'ok'atëty. Abraham ëëts nteety'ajtëmë Dios wyintuuy wyinkujk, ja Dios mëti'ipë myoopyën ja juukyajtën ja o'kpë ets tyajkoj'ëtë'ëtsy mëti'ipë kaka'atpnëmën.

1 Corintios 2:7

Yë'ë yajtijp ja Dios ja wyijy'ajtën kyejyajtën mëti'ipë ijty kayajnija'apën, mëti'ipë ja Dios tyuknipëjktakëyën tëëyëp ma ja naaxwiinyëtë ënety ka'ap tyajkojynyëmën ets ëëtsajtëm ntuk'oy'ajtmëty.

1 Timoteo 4:5

jä'ä ko yë Dios yë y'aaw y'ayuk ets nu'kxtakën yë'ë mëët winë wyä'ätsy.

Hebreos 1:2

Tyam ma kyëxanën ja xëëw jëmëjt, tëë xymyëkajpxëmë mëët ja y'U'unk, mëti'ipë ojts mëët tyajkojyën ja naax tsajp, mëti'ipë të tukumaaytyä'äyën winë.

Hebreos 6:5

ets tëë tjawëtë wi'ix ja Dios ja y'aaw y'ayuk xyu'kxëtyën ets ja kuttujkën mëti'ipë miimp wiinkoonpën,

2 Pedro 3:5

Tääpë ja'ayëty ka'ap tja'akyyukëtë ko tëëyëp yë tsajp kyojnë, näjyëtu'un yë naaxwiinyëtë, ko yë Dios mëët yë y'aaw y'ayuk të tyajpëtsëmy jap nëëjoty ets tyaj'ity nëë'itkujky.

Apocalipsis 4:11

Wintsën, mijts mpatëp xy'ëxajëty tu'kë'ëyë ja mëj'ajtën jaanty'ajtën, ja wintsë'kën ets ja mëk'ajtën, jä'ä ko mijts të xyajkojy tu'kë'ëyë oytyiijëty ets mijts mtsojkënkyëjxm të xyajkojy ets jyää'atëty.