Hebreos 11:27 - Biblia Dc en Mixe de Quetzaltepec

²⁷ Mëët ko myëpëjky ja Moisés ojts tsyoony jap Egiptë, ka'ap tsyë'këy, oy ja yajkutujkpë jya'ekyë, tu'ukyë ja jyot wyinma'any tpëjktäky ijxtëm jeexyë tim'ixyën ja Dios, mëti'ipë ka'ap yaj'ixyën.

Biblia Mixe de Quetzaltepec

²⁷ Mëët ko myëpëjky ja Moisés ojts tsyoony jap Egiptë, ka'ap tsyë'këy, oy ja yajkutujkpë jya'ekyë, tu'ukyë ja jyot wyinma'any tpëjktäky ijxtëm jeexyë tim'ixyën ja Tios, mëti'ipë ka'ap yaj'ixyën.

Hebreos 11:27 ပူးပေါင်းရင်းမြစ်များ

Hebreos 11:13

Tëkokyë ya'atë ja'ayëty ojts y'o'kta'atë ets kä'äpyëm t'ëxajëtyë mëti'ipë ja Dios ënety të tyukwinwanëtën; je'eyëp ko mëët ko myëpëjktë ojts jëkämpaat myäytyë tyajtë ets jotkujk nyäjya'awëtë jä'ä ko jëtu'un yaa najxëmë naaxwiiny jaaypyaat jaaypyo'kxyën.

2 Corintios 4:18

Ka'ap yë'ëjëty n'ixta'ayëm mëti'ipë yaj'ijxpën, yë'ë n'ixta'ayëm mëti'ipë ka'ap yaj'ixyën. Mëti'ipë yaj'ijxpën, këjxp najxp yë'ë; e mëti'ipë ka'ap yaj'ixyën, xëmëkyëjxm yë y'ijtëy.

Hebreos 11:1

Yë'ë mëpëjkën'ajtp ko njëjp'ijxmëty mëti'ipë tunan jatanëpën ijxtëm yajjëjp'ixyën ets ko tu'ukyë nmëpëjkmëty mëti'ipë ka'ap n'ijxëmën.

Santiago 5:11

Ëëtsëty jä'äs ntijtë ko akujk jotkujk yë ja'ay yajpaatë mëti'ipë myëmëtaktëpën ja ëyo'on jotmay. Miitsëty tëë xymyëtoy'atë wi'ix ja Job tmëtënaayën ja ëyo'on jotmay, ets mnija'awëtëp näjyëtu'un wi'ix ojts ja Dios myo'oyë ja oyajtën ok, jä'ä ko yë Dios myëët'ajtyp yë pa'ëyo'owën najts'ëyo'owën.

Éxodo 11:8

E ya'atë wintsëntëjkëty nëjkxëp jää xynyimintës ets koxtänë nëjkx kya'atë ets xy'ënëëmëtëtyës: Tun yë mëyajtën, nëjkxtë ets woownëjkxta'atë tëkokyë yë mja'ay. E ëjts ka'apës jää ntsojktsoona'any pën ka'ap ënety jëtu'un tyunyë jyätyë. Yë Moisés yajxon ënety të jyoot'anpëky, ko ojts jap tsyo'onë ma ja mëj'ënä'ämpën.

Éxodo 4:19

Jam ënety Madián tsyëënënëm ja Moisés, ko Dios y'ënëmaayë: Wimpit jap Egiptë, jä'ä ko ja ja'ayëty mëti'ipë ënety myaj'ookanëpën tëë ja y'o'ktaaynyëtë.

1 Pedro 1:8

Mtsojktëp miits ja Jesukristë oy të xykya'ixtë; e tyam mëët ko xymyëpëktë oy të xykya'ixtë, ni'ikyë mxoonta'aktë mëj këjää mëët ja mëj'ajt oyajtën mëti'ipë ka'ap yajmë'ayukpaatyën wi'ix yajnikajpxëty.

Hebreos 10:32

Këtii xyjyä'ätyëkoytyë ja xëës jëmëjt mëti'ipë të nyäxyën ma të xymyëpëktën ja Dios ja y'aaw y'ayuk, amëk jotmëk ojts xymyënax xyajnaxtë ja ëyo'on jotmay.

1 Timoteo 1:17

Mëjjaw jaantyjawë ja Dios y'itëty, yë'ë tu'ukyë Tios'ajtp, mëti'ipë xëmëkyëjxm ijtpën, mëti'ipë ka'ap y'ookyën ets ka'ap yaj'ixyën. Oy jyëtu'un'atëty.

1 Corintios 13:7

Ko yajmëëtëty ja oyjyot oywyinma'any, yajku'ëyo'owëp winë, nmëpëjkmëp tu'kë'ëyë, njëjp'ijxmëp tu'kë'ëyë ets nmëtënä'ämyëp tu'kë'ëyë winë.

Mateo 10:22

Aak mmëtsip'atanëtëp ja ja'ay mëët ëjtskyëjxm; pën myëtënääpy mapaat kyukëxën, jä'ä nëjkx tsyo'oky.

Éxodo 12:11

Tëë ënety ja mwit mtujkxy xytyuktëjkënyëtë ets tëë ënety ja mkë'ëkëty xykyëxjäänëtë mtekykyijxy, jëtu'unyë nëjkx ye'epy mjaakkay mjaaktsu'utstë, jä'ä ko Wintsën jää y'ëmaayxyëëw itaanp.

Hebreos 6:15

Abraham mëët ja mä'kxtujkën ojts y'ëwxity ets t'ëxajëy mëti'ipë ënety ja Dios të tyukwinwanëtyën.

1 Timoteo 6:16

Yë'ë tu'kpajk ka'ap ja o'kën të myëmëtä'äkyë mëti'ipë juukyajtpën të'kxëntyuuy ets ka'ap tjëkyepy pën myëwinkonëtëty. Ni pën të kya'ixyë ets ka'ap tjëkyepy pën y'ixëtëty. Yë'ë xëmëkyëjxm jyä'ä'ajtyp ja mëj'ajt oyajtën ets ja kuttujkën. Oy jyëtu'un'atëty.

Hechos 2:25

Jëtu'un ja David nimëtyä'äky ja Jesús: Xëmës ijty n'ixy ja Wintsën nwintuuyës, mëë ko yë'ë yajpaaty maas yë n'a'oykyë'ëjën, ka'apës pën xyajkutëkoyëty.

Marcos 13:13

M'aakmëtsip'atëtëp ja ja'ay koos ënety ëjts xymyëpëktë, e mëti'ipë ta'tspëky tënääpyën, yë'ë nitso'okaanp.

Marcos 4:17

Jëtu'un jä'äjëty ijxtëm ja tsajpmokyonën mëti'ipë ka'ap tyiktsk kyëkëtyën. Ka'ap jeky y'ity jä'äkyëjxm ko ja Dios ja y'aaw y'ayuk tku'ëyo'onpatëtë ëkë yajpajëtijta'aktë ets ënätyë t'ëxmatstë mëti'ipë ënety të tja'amëtoow'itën.

Mateo 24:13

Temë pën xymyëpëjkpës mapaat jyëjpkëxyën, yë'ë nëjkx nyitso'oky.

Salmos 16:8

Yë Wintsën yë'ëjës xëmë ntukjotkujk'ajtyp; ko yajpaaty mëët ëjts maas n'a'oykyë'ëjën ni pënës xykyatsuu'ixëty.

Éxodo 12:50

Yë Israel ja'ayëty ojts jëtu'un tuntë tä ënety ja Moisés ets ja Aarón të y'ënä'ämëtën ja Wintsën.

Colosenses 1:15

Ko ja Kristë të yaj'ixy'äty ënät të yajnijawë wi'ix ja Dios y'ixëtyën, jä'ä ko yë Dios ka'ap yaj'ixy; yë'ë myëëtu'uk U'unk'ajtyp ka'anëm ënety tii kyojnyëm.