Hebreos 11:25 - Biblia Dc en Mixe de Quetzaltepec

²⁵ wäänëni'ik ojts t'atsoky ets yajtëytyunëty mëët ja Dios ja jyä'äy këtiinëm ko jeexyë pokyjotm xyoontä'äky, mëti'ipë tsojkyë najxpën.

Biblia Mixe de Quetzaltepec

²⁵ wäänëni'ik ojts t'atsoky ets yajtëytyunëty mëët ja Tios ja jyä'äy këtiinëm ko jeexyë pokyjotm xyoontä'äky, mëti'ipë tsojkyë najxpën.

Hebreos 11:25 ပူးပေါင်းရင်းမြစ်များ

Salmos 84:10

Tsoowpatp ni'ik ja tu'kxëëwpë nyajpaatyës tsajptëkoty, këtiinëm koos jeexyë jëmëjt'am nyajpaaty tëja'p. Ëjts jotkujkës näjyawëtëty oy jeexyë je'eyë ntimy tyëjkëwent'ajtpës ma ja tsajptëjk yajnitëkën, ets këtii koos ënety ëxëëktum nyajpaaty.

2 Corintios 5:17

Paaty tyam, pën tu'ukyë mëët ja Kristë y'ityën, jemyjä'äy yajpatnë; ka'ap y'ëkjëtu'un'ajnë ijxtëm të y'ityën, aak jemy tu'kë'ëyë të y'awinpijtaaynyë.

Job 36:21

Näkyëwent'atët këtiipë xy'ëkniwinpijtnëty ja ëxëëkpë, mijts ma të myajtuk'awijtsë'ëkyën ja ëyo'on jotmay.

Apocalipsis 18:7

Tëytyuntë tsaatyuntë ijxtëm pyaat'atyën, jä'ä ko tëë tuntë winë ëxëëk. Jëtu'un y'ënä'äny jyootjoty wyinma'anyjoty: Tyaajës n'u'unyë ijxtëm tu'uk yë yajkutujkpën to'oxytyëjkpë. Ka'apës nku'ooky tyo'oxyëty ets ka'apës n'ëyowa'any.

Job 20:5

yë ëxëëkja'aytyëjk yë xyoontakënëty wäänë pyo'oxy; tsojkyë yë jyotkujk'ajtkojtë.

1 Pedro 2:10

Miitsëty ka'ap ijty yë Dios mkajpn niwa'anëtë; tyam, Dios miits mkajpn'ajtëtëp. Ka'ap ijty miits ja Dios mpa'ëyowëtë, tyam mpa'ëyoowënëtëp.

Santiago 5:5

Akujk jotkujk miits yaa naaxwiiny të myajpaatë, tä tsajpkaajën të mni'kxëtë, tëë timpyääty jëna'a ja tsajpkaani'kx y'ooka'antën.

Santiago 1:20

Jä'ä ko ja ja'ay win'äkëpë, ka'ap yë'ë tuny mëti'ipë Dios tsyojkpyën.

Hebreos 11:37

Wiinkpë ojts y'ooktë kuka'atsy ets ojts yajjë'ëtwa'ktë kujkm, ëkë kupuxy mëët ja mëtyäät. Tam mëti'ipë ja wyit xyox kakaajtën, tsajppax ak kupixyny jyaak wit'ajtëp ets yaj'ëyow yaj'ama'at jyëtijtë wyimpäjtë jyëjptaktë.

Hebreos 10:32

Këtii xyjyä'ätyëkoytyë ja xëës jëmëjt mëti'ipë të nyäxyën ma të xymyëpëktën ja Dios ja y'aaw y'ayuk, amëk jotmëk ojts xymyënax xyajnaxtë ja ëyo'on jotmay.

Hebreos 4:9

Paatykyëjxm ja po'kxtakn të jyaak wë'ëmy ets ja Dios ja jyä'äy tpaatëty ma pyo'kxtëtyën.

2 Timoteo 1:8

Këtii mtsëtyunëty ko ja Jesukristë xynyikajpx xynyimëtya'akëty ets ëjts nän këtiis xytyuktsëtyunëty koos yap tsumy nku'itë ja Wintsën. Nikë yë'ë mmëmay mmëtaj ja mëk'ajtën mëti'ipë ja Dios mmooyëpën ets xymyëmëta'akëty ja ëyo'on jotmay mëti'ipë mpatypyën mëët ko ja oy'aaw oy'ayuk të xypyääty.

Colosenses 1:24

Jotkujkës näjyawëty ko miits nku'ëyowëtë, jëtu'unës nyajkä'pxy ja ëyo'on maas ja njot nini'kxën, mëti'ipë ja Kristë kyayajka'pxën ma tku'ëyo'owëyën ja mëpëjkpëtëjkëty, mëti'ipë yë'ë nyi'kx'ajtyp kyopk'ajtypyën.

Romanos 5:3

Ka'ap yi'iyë ntukxoontakmëty ja jotkujk'ajtën, näjyëtu'un ko n'ëyo'owmëty, jä'ä ko nnija'awëm ko ja ëyo'on yë'ë xyajmëkpëjkëm ets nmëmëtakmëty.

Lucas 16:25

Tääts ja Abraham y'ënëmaayë: U'unk, yë'ë mja'amyätsëp ko mijts akujk jotkujk të mjuuky'äty naaxwiiny; yë Lázaro, tëë y'ëyoy; e tyam, tëë tpaaty ja jotkujk'ajtën; mijts tyam mtuka'ajëp ets mëk m'ëyowëty.

Mateo 13:21

Je'eyëp ko ka'ap ja tyikts kyëkëty, ka'ap mëk yajpaatë. Ko ënät yajpajëtijta'aktë ënätyë t'ëxmatstë mëti'ipë të tja'amëtoow'itën.

Isaías 21:4

Ëjts ka'apës n'ëkwinma'anypyatnë, jëtu'unyës nkutsuu nkupojënë mëët ja tsë'ëkë. Ko ijty jyënäky xëëwaty janty oyës ijty nnäjyawëty, tyam ëxëëkëmës je'eyë nnäjya'awënë.

Salmos 47:9

Tëkokyë yë ja'ayëty mëj'äämpyë y'itën ma naax kajpnën, tëë tyu'ukmujkta'atë ma Dios ja nyaax kyajpnën, mëti'ipë Abraham Tiosajtën,

Daniel 3:18

E oy tkatuunpëty jëtu'un tä ëëts yam n'ëna'antën, mijts yë'ë mnijawëp ko ëëtsëty ka'apës tääpë awinax n'ëwtata'antë ets ka'apës nwinkoxtänëja'antë mëti'ipë të xy'oytyunyën mëët yë pu'ts pujxn.

Hechos 7:34

Tëës n'ixy ja nkajpnës ko yajtëytyun yajtsaatsytyuntë jam Egiptë; tëëjës nmëtoy ko jyë'ëtë ya'axtë, ko ëxëëk jyatë kyëpätë. Paatyës nkëtä'äky ets nyaj'ëwa'atspëtsëma'antës. Tsojk min, mijts nkäxäämpy ets mnëjkxëty jatëkok jam Egiptë.