Hebreos 11:17 - Biblia Dc en Mixe de Quetzaltepec

¹⁷ Ja Abraham, ko ja Dios wyinma'any'ixanë, mëët ko myëpëjky, yajk ja y'u'unk Isaac ets wyintsë'kën'atëty. Oy ënety jyajä'äjëty mëti'ipë ja Dios ojts tyukwinwanëtyën ko y'ënëmaayë:

Biblia Mixe de Quetzaltepec

¹⁷ Ja Abraham, ko ja Tios wyinma'any'ixanë, mëët ko myëpëjky, yajk ja y'u'unk Isaac ets wyintsë'kën'atëty. Oy ënäty jyajä'äjëty mëti'ipë ja Tios ojts tyukwinwanëtyën ko y'ënëmaayë:

Hebreos 11:17 ပူးပေါင်းရင်းမြစ်များ

Apocalipsis 3:10

Jä'ä ko të xypyatuny ja n'ënä'ämënës xëmë, paaty miits n'ijx'ita'an nkëwent'ata'antë ko ënety ja ëyo'on jotmay yaa myiny mapaat ja naaxwiinyëtë y'ëwëtityën ets yajwinma'any'ixa'antë mëti'ipë tsënaaytyëpën naaxwiiny.

Santiago 5:11

Ëëtsëty jä'äs ntijtë ko akujk jotkujk yë ja'ay yajpaatë mëti'ipë myëmëtaktëpën ja ëyo'on jotmay. Miitsëty tëë xymyëtoy'atë wi'ix ja Job tmëtënaayën ja ëyo'on jotmay, ets mnija'awëtëp näjyëtu'un wi'ix ojts ja Dios myo'oyë ja oyajtën ok, jä'ä ko yë Dios myëët'ajtyp yë pa'ëyo'owën najts'ëyo'owën.

1 Pedro 4:12

Mëku'uktëjkëty, këtii xymyëkjawëtë ko ja ëyo'on jotmay xypaatëty, ijxtëm jeexyë ka'ap pën timmyëmëta'akëtyën.

Proverbios 17:3

Yë pu'ts pujxn ets poop pujxn yë'ë mëët yë jëën yaj'ijxmatsy; e yë jot winma'any yë'ë Dios nyija'ap wi'ix yajpaaty.

Hebreos 7:6

E ja Melquisedec, oy ënety ka'ap ja Leví t'ap t'ëkëty, ojts tukyäky ja Abraham tu'kpëky ja majk pëkpyë. Jëtu'un ja Melquisedec ojts tkënu'kxy ja Abraham;

Daniel 11:35

Nëjkxëp näjyëtu'un yaj'ixjëtit yajpaajëtitë ja ja'ayëty mëti'ipë ënety ja naax kajpn të tyaj'ijxpëktën ets nëjkx yajwinma'any'ixtë ets yaj'ixtëty pën oy ja wyinma'anyëty; ets ja jyuuky'ajtënëty, koonëm kyukëxëty ja xëëw juukyajtën.

2 Crónicas 32:31

Jëtu'un jyäjty kyëpejty tëkok, ko ja Babilonyë ja'ayëty ja kyutuunkëty tkäjxtë jam ma ja Ezequías ja kyajpnën ets tyajtëwa'antë wi'ixën ja Wintsën ënety ja naax kajpn të tputëkë. Yë Wintsën atu'uk t'ëxmajtsy yë Ezequías ets twinma'any'ixa'any wi'ix myäy tyäjyën.

2 Corintios 8:12

E pën winë aaw winëjot yoxäämpy ja myeeny, kyëwentëpëkäämpy ja Dios wi'ix pën myëtä'äkyën, Dios ka'ap pën t'amëtoy mëti'ipë ka'ap tii tmëëtëtyën.

Deuteronomio 8:2

Mja'amyätstëp wi'ix ojts ja mWintsën jam myajjëtitëtën të'ëts'itum wëxtyikxy jyëmëjt. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, pën nëjkxëp xypyatuntë ja y'ënä'ämën tyiyajtën, ëkë pën ka'ap.

Juan 3:16

Yë'ë ko Dios ni'ik ja naaxwiinyëtë ja'ay tsoky, paaty tkejxy ja y'U'unk tu'kpajkpë. Pën myëpëjkpy ka'ap y'ookëty, yë'ë myëët'atëp ja juukyajtën xëmëkyëjxmëpë.

Hebreos 11:13

Tëkokyë ya'atë ja'ayëty ojts y'o'kta'atë ets kä'äpyëm t'ëxajëtyë mëti'ipë ja Dios ënety të tyukwinwanëtën; je'eyëp ko mëët ko myëpëjktë ojts jëkämpaat myäytyë tyajtë ets jotkujk nyäjya'awëtë jä'ä ko jëtu'un yaa najxëmë naaxwiiny jaaypyaat jaaypyo'kxyën.