Hebreos 11:10 - Biblia Dc en Mixe de Quetzaltepec

¹⁰ Jä'ä ko ja Abraham jyëjp'ijxyp ënety ets tääpë kajpn ta'tspëky yajpaatëty, ma ja Dios yë'ë yajpaatyën ijxtëm tu'uk ja tëjk kojpën.

Biblia Mixe de Quetzaltepec

¹⁰ Jä'ä ko ja Abraham jyëjp'ijxyp ënäty ets tääpë kajpn ta'tspëky yajpaatëty, ma ja Tios yë'ë yajpaatyën ijxtëm tu'uk ja tëjk kojpën.

Hebreos 11:10 ပူးပေါင်းရင်းမြစ်များ

Hebreos 13:14

Yaa naaxwiiny ka'ap yaa ja kajpn nmëët'ajtëm mëti'ipë xëmëkyëjxm itëpën, yë'ë n'ixta'ayëm ja naax kajpn mëti'ipë miimp wiinkoonpën.

Filipenses 3:20

E ëëts'ajtëmë, jam tsajpjotm nkukajpn'ajtëmë, yë'ë njëjp'ijxëmë ko tsajpjotm tsyoonëty ja Yajknitsokpë, ja Wintsën Jesukristë,

Hebreos 12:22

E miitsëty tëë xymyëwinkontë ja Sión kopk, ma ja Jerusalén tsajpjotmëpën, ja Dios Juukpyë myëjkajpn, ma kanaak mil ja tsajpjotmëtë kukäjpxy nyämyukyën jotkujk ets ja Dios tyajmëjnaxtë.

2 Corintios 5:1

Jëtu'un ëëtsajtëm tä tu'uk ja tëjkën naaxwiinypë yajpaatyën, tä wit tëjkën mëti'ipë ka'ap jeky y'ityën; je'eyëp ko nnija'awëm pën ya'atë tëjk wintëkoopy, tap ja Dios xytyukjëjp'ijxëm tu'uk ja tëjk tsajpjotm mëti'ipë xëmëkyëjxm ijtpën, mëti'ipë ka'ap jyä'äyëty të tkojyën.

Hebreos 3:4

Tu'kë'ëyë ja jëën tëjk aak ja'ay kyojtääpy; e ja Dios yë'ë yajkojtaay tu'kë'ëyë mëti'ipë jää'ajtpën.

Juan 14:2

Maas ja nteetyën, may ja tsënaaytyakn jap. Ko jeexyë kyajëtu'unëty, ka'ap jeexyë nëkoo yam jëtu'un nëëmëtë koos nëjkx nipëjktaakëja'any ja tsënaaytyakn ma m'itëtyën.

Apocalipsis 21:2

Täätsës n'ijxy kyëtä'äky ja oypyë wa'atspë ja kajpn, ja jempyë Jerusalén. Jam tsajpjotm tsyo'ony ma ja Dios y'ityën ets janty tsuj y'oytyunyëty ijxtëm tu'uk ja to'oxytyëjk të nyäj'oytyunyën ko pyëka'any mëët ja ye'etyëjk.

Hebreos 12:28

Ja Dios xymyo'oja'anëm mëti'ipë ka'ap yu'kxyën, paaty ja Dios nkukajpxëmëty ets nmëjja'awëmëty njaantyja'awëmëty oyjyot oywyinma'any mëët ijxtëm tsokyën.

Isaías 14:32

¿Wi'ix tääpë naax kajpn y'ëkyaj'ëtsoowinpitëty? Yë Wintsën tëë ja nyaax kyajpn ja jotkujk'ajtën tmo'oy jam Sión, aakjam ja ja'ay nyëjkxta'aja'antë mëti'ipë jëëytyëp yaxtëpën ets jam tsyo'oktëty.

Hebreos 11:16

E yë'ëty, yë'ë tsyojktë ja it wäänë oypyë, mëti'ipë tsajpjotmën, paaty ja Dios ka'ap tuktsëtyuny ko Tios'atëtë, jëtu'unts tnipëjktaakë tu'uk ja mëj kajpn.