Hebreos 10:39 - Biblia Dc en Mixe de Quetzaltepec

³⁹ Ka'apës njëtu'un'atë ijxtëm y'ëtë'ëtstën mëti'ipë tu'utëkajtstëpën ets tyu'utëkoytyë, yë'ëjës nmëjwa'kpäjtëp mëti'ipë mëpëjktëpën ets ja nitsokën tpaatë.

Biblia Mixe de Quetzaltepec

³⁹ Ka'apës njëtu'un'atë ijxtëm y'ëtë'ëtstën mëti'ipë tu'utëkajtstëpën ets tyu'utëkoytyë, yë'ëjës nmëjwa'kpäjtëp mëti'ipë mëpëjktëpën ets ja nitsokën tpaatë.

Hebreos 10:39 ပူးပေါင်းရင်းမြစ်များ

1 Juan 5:5

Pën myëpëjkpy ko ja Jesús Dios y'U'unk'atyë, jä'ä myëmëtäkpy ja naaxwiinyëtë winma'any.

1 Pedro 1:5

Jä'ä ko xymyëpëktë ja Dios, paaty mkëwent'atëtë mëët ja myëk'ajtën ets xypyaatëty ja nitsokën mëti'ipë jap yaj'ëwxijtypyën ets jää yajnijawëty ko ënety ja naaxwiinyëtë kyixy.

Marcos 16:16

Pën myëpëjkpy ets nyëëpety, yë'ë nëjkx nyitso'oky; e pën kamëpëjkp, yë'ë nëjkx yajkpoky'ixy.

1 Juan 5:16

Ko pën ja myëku'uk t'ixëty ko tam pyokytyuny ets jä'ä ja poky mëti'ipë ka'ap yaj'ookyën, tuknija'amyätsëtë ja Dios ets ja Dios yajjuuky'atëtëty, ënät jëtu'un pën jä'ä ja poky mëti'ipë ka'ap yaj'ookyën. Jä'ä ko tää poky mëti'ipë yaj'o'kpën, ko pën tääpë jëtu'unpë poky tuny, ka'ap tjëkyepy ja Dios yajtuknija'amyätsëty.

1 Samuel 15:11

Okës tyam njamëkjawë koos ojts yë'ë Saúl npëjktä'äky ënä'ämpë, yë'ë ka'apës xy'ëkmëj'ijxnë ets ka'apës xy'ëkmëmëtoownë. Samuel ojts jyoot'anpëky, ka'ap t'oyja'awëy ko jëtu'un ja Wintsën y'ënëmaayë, paaty ojts tu'ktsu'um wyanë tsyowë Dios wyintuuy.

2 Pedro 3:7

E ja naax ets ja tsajp mëti'ipë tyam n'ijxëmën, tëë ja Dios tuknipëjktaakë ko tyajkutëkoyä'äny mëët ja jëën, ets ko tyajkutëkoyä'äny ja ëxëëkja'aytyëjk ko ënety ja tëytyu'unën ets ja paye'eyën tyunyë jyätyë.

Hebreos 11:1

Yë'ë mëpëjkën'ajtp ko njëjp'ijxmëty mëti'ipë tunan jatanëpën ijxtëm yajjëjp'ixyën ets ko tu'ukyë nmëpëjkmëty mëti'ipë ka'ap n'ijxëmën.

1 Tesalonicenses 5:9

Ka'ap ja Dios yë'ë të xytyuknipëjktakëmë ja ëyo'on, yë'ë të xytyuknipëjktakëmë ets npatmëty ja nitsokën Wintsën Jesukristë mëët.

Juan 17:12

Koos ijty nyajpaaty mëët yë'ëjëty naaxwiiny, n'ijx'ijtëp nkëwent'ajtëpës ijty mëët ja mmëkajtën mëti'ipës xymyooyën. E nitu'uk të kyatëkoy, yi'iyë tu'uk mëti'ipë ënety jëtu'unyëm tëkoy'ajtpën, ets y'atëwëty ja m'aaw m'ayuk mëti'ipë kuja'ay miinpën.

Juan 6:40

Ja nTeetyës tsyojkpy ets tpaatëty ja juukyajtën mëti'ipë ja Dios ja y'u'unk y'ijxtëpën ets myëpëjktëpën, jëtu'un tmëët'atëty ja juukyajtën xëmëkyëjxmëpë; ets oy ënety të y'ooktë nyajjuukpyëkëpës ma ënety xëëw jëmëjt kyixyën.

Lucas 11:26

Ënet tsyoony ets nëjkx tjaak woy ja myëmëjku'u niwëxtujk ets ënät tuktëkëtë ja ja'ay; tsënaaytyakn twa'antë ets ja ja'ay wäänë ëxëëk jyajnë ka'ap jyëtu'unëty ko ijty tu'uk ja ku'oypyë tmëëtëty.

Salmos 44:18

Ka'apës nmaytyë ntajtë mijts n'ëxmatstëty, yë mnë'ë mtu'u xëmës nkuuynyëjkxa'antë.

2 Tesalonicenses 2:3

Këtii myajwin'ëëntëty niwi'ix'äämpy, jä'ä ko jëyëjp ja Dios yajnipëtë'ëka'any, ja ja'ay mëti'ipë pokyën jä'ä jëtu'un ëtë'ëtsaanp.

Juan 20:31

Paaty ya'atë të yajkëjxja'ay ets miits xymyëpëktëty ko ja Jesús yë'ë Kristë, Dios U'unk ets yë'ë xymyëpëktëty, ets jëtu'un xypaatëty ja juukyajtën xëmëkyëjxmëpë.

Proverbios 14:14

Yë tsuuja'ay jotkujk nyäjyawëty ko tsyuujëty; e yë wijyjyä'äy yë'ë yajjotkujk'ajtëp ko wyijyëty.

Proverbios 1:32

Yë ja'ayëty mëti'ipë ka'ap tii tjatën tnijawëtën, mëpaatëp y'ooktë ko ka'ap tii tmëwinma'anypyaatë, ets mëti'ipë tsuujëtyën kë'ëm ëxëëk nyätyunëtë ko ka'ap tii yajxon tmëmay tmëtajtë.

Apocalipsis 17:11

E ja mëj jëyujk mëti'ipë të jyuuky'ätyën ets ka'ap tyam maanë: yë'ë ja mëtuktujkpë ja yajkutujkpë, yajmëtyoop näjyëtu'un ma ja niwëxtujkpë ja yajkutujkpëtyën. Ënet ja nyëjkxnëty ëyoowtaknjoty.

Hebreos 10:26

Pën nnija'awëm ëëtsajtëm ja mëtëypyë ets npokytyu'un'ëtëtsëm, ka'ap ma tiinë ja wintsë'kën mëti'ipë poky yajwa'atsëpën,

1 Timoteo 6:9

E mëti'ipë wit meeny je'eyë y'ixk'ajtypyën, jëtu'un kyuka'ajëtë ëxëëktum ijxtëm tii jëyujk kyukääkën ma y'o'ktaknën, ets ëxëëk jyäty kyëpety ko t'atsoky winë, ja atsojkën yë'ë ja'ay ëxëëk yajjajtyp yajkëpejtyp.

Juan 5:24

Tëy miits nëëmëtë, pën xy'amëtoow'ijtpës ets tmëpëky mëti'ipës xykyäjxpën, pyaatëp y'ixëp ja juukyajtën xëmëkyëjxmëpë ets ka'ap yajpoky'ixëty, tëë ënety tu'knax ja o'kën ets tëë ënety tpaaty ja juukyajtën.

Apocalipsis 17:8

Yë mëj jëyujk mëti'ipë të xy'ixyën, yë'ë ja mëti'ipë të jyuuky'ätyën, ka'ap ja tyam maanë. Jäänëm ja pyëtsëma'any ëyoowtaknjoty ka'anëm ënety nyijkx ma kyutëkoyä'änyën; ja ja'ayëty mëti'ipë ja xyëëw ka'ap kyuja'ayëtyën jap nokyjoty ma ja ja'ay ja xyëëw myintën mëti'ipë xëmëkyëjxm juuky'ajtëpën, yë'ë nëjkx mëk tjawëtë ko t'ixtëty jatëkok ja mëj jëyujk mëti'ipë të jyuuky'ätyën ets ka'ap tyam maanë, je'eyëp ko minaanp jatëkok.

Hebreos 10:38

Yë n'u'unkës mëtëy jyuuky'ata'any mëët ja mëpëjkën; jää tëy ko tyu'utëkatsëty ka'apës nëjkx oy näjyawëty.