Hebreos 10:30 - Biblia Dc en Mixe de Quetzaltepec

³⁰ Nnija'awëm ëëtsajtëm ko Dios të y'ënä'äny: Ëjts xypyaat'ajtp ets yajpaye'eyëty, ëjts ntukëpätëp. Ets ko näjyëtu'un y'ënä'äny: Yë Wintsën pyaye'eyäämpy yë nyaax kyajpn.

Biblia Mixe de Quetzaltepec

³⁰ Nnija'awëm ëëtsajtëm ko Tios të y'ënä'äny: Ëjts xypyaat'ajtp ets yajpaye'eyëty, ëjts ntukëpätëp. Ets ko näjyëtu'un y'ënä'äny: Yë Wintsën pyaye'eyäämpy yë nyaax kyajpn.

Hebreos 10:30 ပူးပေါင်းရင်းမြစ်များ

Salmos 135:14

Yë Wintsën, yë'ë kë'ëm nyipaye'epy yë nyaax kyajpn; pya'ëyoopy nyajts'ëyo'owëp yë tyuunpëtëjk.

Salmos 50:4

Jam këjxm yë Dios tmëkäjpxy yë tsajp ets naaxwiinyëtë, ets tniminy yë nyaax kyajpn tääts tukwinmëtowa'any tëkokyë tiijaty të tuntën.

Salmos 94:1

Näyajnikëxë'ëkët mijts Wintsën, Dios mëti'ipë tukëpäjtpën ja poky.

Salmos 96:13

Jam Wintsën wyintum, mëti'ipë miinpën. Mëti'ipë ja kyutujkën yaa naaxwiiny itaanpën ets yë'ë y'ënä'äma'any ma ja naax kajpnën naaxwiinyëtë apëtsëmy mëët ja mëtëypyë ja nipaye'eyën ets ja tëyajtën.

Salmos 98:9

jam Wintsën wintum mëti'ipë yajkutukaanpën yaa naaxwiiny. Yë'ë jä'ä t'ënä'äma'any yë naax kajpn mëët ja tëyajtën ets ja tu'knaxajtën.

Isaías 59:17

Ko myëtäky, jëtu'un nyäjxy tä jeexyë të yajtuknijenyën pujxn nijän; ko tyajnaaxkëtäky ja nitsokën jëtu'un nyäjxy tä jeexyë pyujxnkujup të yajpëjktä'äkyën, ko tyaj'o'ktaay ja myëtsip jëtu'un nyäjxy tä jeexyë ja jyemwyit të yajtukxoxyën mëti'ipë yajkutujkpëtëjk pyëjktaktëpën ets ko jyoot'anpëjky jëtu'un nyäjxy tä jeexyë yë wit të nyätyukwinpityën.

Isaías 61:2

ets nikajpxa'any nimëtya'aka'anyës ja xëëw jëmëjt ma ja ja'ay jotkujk y'itëtyën, ja xëëw po'o ma ja nWintsën'ajtëm tyajkutëkoyä'änyën ja nmëtsip'ajtëmë mëti'ipë ëxëëk të xytyu'un të xy'ënëma'ayëmën. Të xykyexyës etsës nyajjotkujkëtya'aja'any tëkokyë ja'ayëty mëti'ipë moontëp tujktëpën.

Isaías 63:4

Ënätës të ntuknipëjktaakë etsës nipaye'eyä'äny ja nnaax nkajpnës; ets nyaj'ëwaatsëpëtsëma'anyës ma o'ktëy yajpaatën.

Ezequiel 18:30

Tyam yë mpoky ntukwinmëtowa'antë, wi'ixjaty winë të xytyuuntëkoytyën, miitsëty Israel ja'ayëty. Ëjts Wintsën, ëjts ënaanp. Nikë tim ëxmatstë yë m'ëxëëk juukyajtënëty, këtiipë kë'ëm mpoky tsyëëmë'ëktëty ko ënety axit ako'owë mjatë mkëpätë.

Ezequiel 34:17

Ëjts Wintsën, jëtu'unës n'ëna'any: Mëtoow'itë miitsëty nkupixynyës: Mpaye'eyäämpyës yam yë nëë poky ma kupixynyëtyën ets ma tsajppaxëtyën.

Nahúm 1:2

Yë Wintsën ni'äkë'ajtp yë'ë ets nitsiptuunp: Ni'äkë'ajtp ma ja ja'ayëtyën mëti'ipë ëwa'ktujkëpën ets tyukjoot'anpëjkpy yë myëtsiptëjk.

Romanos 12:19

Miits mëku'uktëjkëty, ntsojktëp miits ni'ik. Ka'ap ja mmëtsip ëxëëk xymyëwinpitëty pën tëë tii mtukmëtuuntëkoyëtë, Dios yë'ë tukupätëtëp; jä'ä ko jëtu'un ja Dios ja y'aaw y'ayuk kyëxja'ayëty: Ëjts xypyatp npëjkta'akëty ja tëytyu'unën, ëjts ntukëpätëp, jëtu'un ja Wintsën y'ënä'äny.

Romanos 13:4

Dios yë'ë të tyuknipëjktaakëtë ets miits jotkujk myajpaattëty. E pën mijts ëxëëk m'ëtë'ëtsy m'ëna'any kopkpëky ko mtsë'ëkëty; jä'ä ko ka'ap ja kutuunktëjk nëkoo ja mëk'ajtën të yajmo'otë, yë'ë ets ja Dios tmëtuntëty ets tëytyuntëty ja ja'ay mëti'ipë ëxëëk ëtëtstëp ënantëpën.

2 Corintios 5:10

Jä'ä ko ni'ëmukë nëjkx nwa'këxë'këmë ma ja Kristë ja kyutujktaknën, ets nitu'ukjaty n'ëxajëmëty mëti'ipë xypyaat'ajtëmën ijxtëm ënety tii oy ka'oy të ntu'un të nkajpxëmën ko të njuuky'ajtëm ma ja ni'kx'ajt nkopk'ajtëmën.

1 Samuel 25:26

E tyam ka'ap yë Wintsën të tyajkutuky ets nëkoo ne'pny xytyämëty xyjyä'ätsëty ets mëët ja mkë'ë m'aaw mtuuntëkoyëty. Yë Wintsën, yë'ë y'a'ixëp ets tëkokyë yë mëtsiptëjk mëti'ipë m'ëxëëk'ijxëpën näjyëtu'un nëjkx jyatë kyëpätë ijxtëm yë Nabal tyam të jyajata'anyën.

1 Samuel 26:10

Yë Wintsën yë'ë kë'ëm nyija'ap jëna'a yë jyuukyajtën tpëjkëja'any, jäänëm yë yajnijawëty ko ënety ja o'kën tyukja'tyë, ëkë ko ënety jam y'ooky tyëkoy tsipjotm.