Hebreos 10:24 - Biblia Dc en Mixe de Quetzaltepec

²⁴ Tsojk n'ixta'ayëm wi'ix nnäpyutëjkëmëty nixim niyam, wi'ix nätsyojkëmëty ets wi'ix ntu'unmëty ja oypyë.

Biblia Mixe de Quetzaltepec

²⁴ Tsojk n'ixta'ayëm wi'ix nnäpyutëjkëmëty nixim niyam, wi'ix nätsyojkëmëty ets wi'ix ntu'unmëty ja oypyë.

Hebreos 10:24 ပူးပေါင်းရင်းမြစ်များ

Salmos 41:1

Jotkujk yë ja'ay yajpaaty mëti'ipë y'ijxpatypën yë ëyoopëja'ay ets o'ktëypyë yajpaatyën ets tputëkë; yë Wintsën yë'ë yajtso'okanëp ko ënety ëxëëk ja xëëw po'o wyinkony.

Proverbios 29:7

Yë wa'ats ja'ay myëmääpy myëtäjpy yë ëyoopëja'ay wi'ix mëpaat jyuuky'ätyën ijxtëm pyäätyën, e yë ëxëëk ja'ay nijënu'un jëtu'unpë tkamëmay tkamëtajy.

Hechos 11:29

Ënet ja mëpëjkpëtëjk tkäjpxy'ajtë ko ja myëku'uktëjk tuknikäxa'antë ja putëjkën mëti'ipë tsënaaytyëpën jam Judea; jëtu'un tyajktë winë ijxtëm pën myëtä'äkyën.

Romanos 11:4

Ënet ja Dios y'ëtsoowinpijtë: Tëës ja ja'ay ëpëky npëjktä'äky niwëxtujk mil mëti'ipë ka'ap të twinkoxtänëtën ja Baal ja y'awinax.

Romanos 12:15

Mëëtxoonta'aktë mëti'ipë ijtëpën xoontëpën; mëëtjë'ë mëëtya'axtë mëti'ipë jëëytyëp yaxtëpën.

1 Corintios 10:33

Mëët ëjts, yë'ëjës njatuunpy etsës ja nmëku'uk jyotkujk'atëty, ka'apës ja nkë'ëm oyajtën n'ixta'ay, ja wiinkëtypë ja jyä'ä n'ixtaayëtëpës ets tpaatëty ja nitsokën.

1 Corintios 9:22

Koos të nyajpaaty ma ja ja'ayëtyën mëti'ipë ka'ap oy myëpëktën, jëtu'unës të näpyëjktä'äkyë ijxtëm yë'ëjëtyën ets nmëmëta'aka'antës ets tmëjjaw tjaantyjawëtëty ja Kristë. Paatyës jëtu'un të näpyëjktä'äkyë ijxtëm yë'ëjëtyën, ets oy tyimtu'uk tyimmäjtskëty tpaatëty ja nyitsokën.

2 Corintios 8:8

Ka'ap miits n'akwanë'atë, yë'ëjës ntsojktëp ets xynyijawëtëty wi'ix ja wiinkëtypë tmëët'atën ja oyjyot oywyinma'any ets miits näjyëtu'un xyaj'ixëtëty ko tëy jaanty xytsyoktë ja mëpëjkpëtëjk.

2 Corintios 9:2

Jä'ä ko nnija'apës ko mputëkëja'antë tsojkënkyëjxm, paaty akujk jotkujk të nëëmës ja Macedonia mëpëjkpëtëjkëty ko miits Acaya ja'ayëty junktë'ëy ja mwinma'any jëtu'un xypyaatë ko xyaka'antë ja putëjkën. Paaty näjyëtu'un të jyotmëkpëktë ja Macedonia ja'ayëty ko miits ja oyjyot oywyinma'any xymyëët'atë.

Gálatas 5:13

Mëku'uktëjkëty, miits të myajwootsowtë ets ëwaatsëtum m'itëty. E ka'ap yë'ëjëty ets miits xytyuntëty mëti'ipë mmaay mtajtëpën ko ënety ja ëwaatsëtumpë xypyaatë, yë'ëkyëjxm ets mnäpyutëkëtëty nixim niyam mëët ja tsojkën.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Gálatas 5:6

Ko tu'ukyë nyajpatëmë mëët ja Kristë Jesús, ka'ap tii y'ëktsow'ajnë ko ja'ay yajnatsujk'ëwtity ja ye'etyëjkajtën ëkë ko ka'ap. Yi'iyë tuunëp ko nyajnikëxë'kmëty ja mëpëjkën ets ko nmëku'uk'ajtëm n'oyjya'awëmëty.

Gálatas 6:1

Miits mëku'uktëjkëty, ko pën xy'ixtëty tëë pokyjotm kyä'äy, miitsëty mëti'ipë näyaj'ijtëtëp mëët ja Kënu'kxymyëkajtën putëkëtë ets kajpxwijtë mëët ja nätsyokë näjyawë ets näkyëwent'atëtë këtiipë mka'atëty näjyëtu'un pokyjotm.

Colosenses 3:16

Wä'än xëmë t'ity mjootjoty mwinma'anyjyotyëty ja Kristë ja y'aaw y'ayuk. Neykajpxwijëtë ets näjyotmëkwinkajpxëtë nixim niyam mëët tu'kë'ëyë ja mwijy'ajtënëty mkejy'ajtënëty ets kuuy'ëwtë ja Dios, mmëjjaw jaantyjyawëtë.

1 Tesalonicenses 1:3

Xëmës miits nja'amyätstë nTeety'ajtëm Dios nmëpëjktsoy ko mtuntë mëët ja mëpëjkën ets ko xyjyëjp'ixtë ja Wintsën Jesukristë ets ko të mputëkëtë ets xymyënax xyajnaxtë amëk jotmëk ja ëyo'on jotmay.

1 Tesalonicenses 5:11

Paaty, näyjyotmëkwinkajpxëtë ets näyjyotmëkmo'ojëtë nixim niyam, jëtu'un ijxtëm jam xytyuntën.

2 Tesalonicenses 3:9

Ëëtsëty njamëët'ajtës ja tëyajtën ets jeexyë n'amëtoowtë ja näypyutëkë, je'eyëp ko ojtsës ntuntë nkupëktë ets miits myajtuk'ixtëty wi'ix mtuntëtyën.

1 Timoteo 6:18

Tuk'ënä'äm, wä'än tuntë ja oypyë, wä'än tjotkujkta'aktë ko tuntëty ja oypyë tuunk, pyutëkëtëp mëti'ipë tii ka'ijtxëtëp.

Tito 2:4

yaj'ijxpëktëp ja to'oxy'ëna'k pëkpyë ets tukni''ixëtëty wi'ix tsoktëty tjawëtëty ja nyiye'etyëjk ets ja y'u'unk y'ëna'k,

Tito 3:8

Tëyajtën ya'atë, ntsojkpyës ets xynyikajpxëty mëk'äämpy, wä'än ja oypyë tuntë mëti'ipë ja Dios myëpëjktëpën. Oy ya'atë ijxpëjkën tu'unxëtëp ja ja'ay oypyënëty.

Hebreos 13:1

Nätsyokëtë miitsëty nixim niyam, jëtu'un ijxtëm jeexyë mtu'kä'äx'atën.

Hebreos 13:3

Ja'amyätstë ja tsumjyä'äytyëjk ijxtëm jeexyë miits tsumy m'itën mëët yë'ëjëty. Ja'amyätstë mëti'ipë ëxëëk yajtuun yajnëmaaytyëpën ijxtëm jeexyë miits jëtu'un mjatën.

Hebreos 3:13

Näjyjyotmëkmo'ojëtë nixim niyam winjëpom naam jaakjäänëm ja xëëw, mëti'ipë nyikäjpxypën ja Dios ja y'aaw y'ayuk, këtiipë pën yajwin'ëënëty ets juun ja y'aaw jyot tpëjkta'akëty.

1 Juan 3:18

Miitsëty, u'unk maayëty, yaj'ixëtë ja nätsyok näjyawë, këtii je'eyë nëkoo m'ëna'antëty ko ja mmëku'uk xytsyoktë.