Hebreos 10:12 - Biblia Dc en Mixe de Quetzaltepec

¹² E ja Kristë tëë tyäky ja wintsë'kën tu'k'okyë ko ja ja'ay pyokymëët'atë, tääts nyaaxwe'tsy Dios y'aka'any'äämpy.

Biblia Mixe de Quetzaltepec

¹² E ja Kristë tëë tyäky ja wintsë'kën tu'k'okyë ko ja ja'ay pyokymëët'atë, tääts nyaaxwe'tsy Tios y'aka'any'äämpy.

Hebreos 10:12 ပူးပေါင်းရင်းမြစ်များ

Hebreos 1:3

Yë'ë kyujäjpy kyutë'kxyp ets yajknikëxë'kpy ja Dios ja myëj'ajt y'oyajtën. Jëtu'un ijxtëm ja Dios Teety, tim näjyëtu'un ja y'u'unk, ja y'u'unk tu'kë'ëyë winë wyijts'ijtääpy mëët ja y'aaw y'ayuk mëk'ajtënmëëtpë. Ko të xyajpokywyatsëmë, tääts të nyaaxweetsy tsajpjotm Dios pyë'aay aka'any'äämpy.

Colosenses 3:1

Jä'ä ko m'itë ijxtëm jeexyë të mjuukpyëktën mëët ja Kristë, ixta'atë mëti'ipë tsajpjotmën, ma ja Kristë jap y'u'unyën Dios y'aka'anytsyow.

Romanos 8:34

¿Pën xy'ëkyajnitujkëmëp? Kristë Jesús mëti'ipë ojts y'ookyën ets mëti'ipë ojts jyuukpyikyën ets tam yajpaaty Dios y'aka'anytsyow ma xynyinu'kxtakëmën.

Hebreos 9:12

ka'ap yë'ëjëty tsajppax ne'pyny ets tsajpkaa ne'pyny të tmëtëkë ma ja itën wäänë wa'atspën, kyë'ëm ne'pyny tu'ktëkokyë je'eyë të tmëtëkë ets të xyajnitsokëm xëmëkyëjxm.

Hebreos 8:1

Yë'ë kopkpëky mëti'ipës tyam nnikajpxtëpën: Ko ja nTeety'ajtëm mëti'ipë nyiwintsën'ajtypyën ja teetytyëjk, tëë jam tsajpjotm nyaaxweetsy, a'oytsyow ma ja Dios ja kyutujktaknën.

Salmos 110:1

Jëtu'un yë Wintsën t'ënëmaay yë nWintsënës: Yaatsow u'unyë maas yë n'a'oykyë'ëjën, yaa jëtu'un m'u'unyëty koonëm yë mmëtsiptëjk xymyëmëtakta'ajëty.

Marcos 16:19

Ko ja y'ijxpëjkpëtëjk ojts jëtu'un tmëmëtyakta'ay, ënät ja Jesús pya'tëjkëy tsajpjotm; Dios ojts tuknipëjktaakë ets pya'tëkëty tsajpjotm ets nyaaxwe'tsy ma ja Dios ja y'a'oykyë'ëjën.

Efesios 5:2

Nätsyokëtë nixim niyam ijxtëm ja Kristë të xytsyojkëmën ets të nyäkyë'ëyäkyë ma të wyintsë'kën'atëtyën ëëts'ajtëmkyëjxm, jëtu'un tä ja wintsë'kënën mëti'ipë oy xu'kp jojkpën Dios wintum.

Hebreos 5:1

Ni'ëmukë teety wintsën, aak ja'ayjoty yajwin'ixtë ets ja naax kajpn tkutänëty Dios wyintum ets tyaktëty ja wintsë'kën ets ayajk ako'onën mëti'ipë ja poky yajtuknikëpäjtutpën.

Hebreos 5:3

Jä'äkyëjxm ja wintsë'kën tyäky ko pyokyjä'äyëty ets näjyëtu'un ko ja ja'ay pyokyjyä'äy'atë.

Hebreos 7:27

Ka'ap jyëtu'unëty ijxtëm ja wiinkëtypë ja teety wintsënëtyën jëpom jëpompë tyaktën ja wintsë'kën ko pyokytyuntë, ets ko ja naax kajpn näjyëtu'un pyokytyuntë. Jesús tu'k'ok ojts je'eyë twintsë'ëkë ja Dios ko ojts yë'ë kë'ëm wyintsë'kën'aty ets ja ja'ay ja pyoky ojts nimä'kxtaayë.

Hebreos 9:14

Pën jëtu'un, ni'ik ja Kristë ja nye'pyny. Jä'ä ko mëët ja Kënu'kxymyëkajtën xëmëkyëjxmëpë y'ityën, ojts ja Kristë nyäkyë'ëyäkyë ets wyintsë'kën'atëty ma Tiosën wa'ats pëk, ets ja nye'pny yë'ë yajwatsyp ja njoot'ajt nwinma'any'ajtëmë oy ënety të njatu'unëmë mëti'ipë yaj'o'kpën, ets jëtu'un npatmëty ja juukyajtën.

Hebreos 10:10

E tëë ja Dios xykyënu'kxëmë jä'ä ko ja Jesukristë të tuny mëti'ipë ja Dios tsyojkpyën, tëë tkë'ëyäky ja nyi'kx kyopk ets të wyintsë'kën'aty je'eyë tu'ktëkokyë.

Hebreos 10:14

Jä'ä ko tu'ukyë ja wintsë'kën të y'ity ets xëmëkyëjxm të tyajwatsta'ay tëkokyë mëti'ipë ja Dios të kyënu'kxëtën.