Hebreos 10:10 - Biblia Dc en Mixe de Quetzaltepec

¹⁰ E tëë ja Dios xykyënu'kxëmë jä'ä ko ja Jesukristë të tuny mëti'ipë ja Dios tsyojkpyën, tëë tkë'ëyäky ja nyi'kx kyopk ets të wyintsë'kën'aty je'eyë tu'ktëkokyë.

Biblia Mixe de Quetzaltepec

¹⁰ E tëë ja Tios xykyënu'kxëmë jä'ä ko ja Jesukristë të tuny mëti'ipë ja Tios tsyojkpyën, tëë tkë'ëyäky ja nyi'kx kyopk ets të wyintsë'kën'aty je'eyë tu'ktëkokyë.

Hebreos 10:10 ပူးပေါင်းရင်းမြစ်များ

Hebreos 10:14

Jä'ä ko tu'ukyë ja wintsë'kën të y'ity ets xëmëkyëjxm të tyajwatsta'ay tëkokyë mëti'ipë ja Dios të kyënu'kxëtën.

Hebreos 10:12

E ja Kristë tëë tyäky ja wintsë'kën tu'k'okyë ko ja ja'ay pyokymëët'atë, tääts nyaaxwe'tsy Dios y'aka'any'äämpy.

1 Corintios 6:11

Ets jëtu'un ijty jam pënëty ma miitsëtyën jënaakën mja'ay'atë; je'eyëp ko tyam, tëë ja Dios myajwa'atsëtë, tëë mnätyukë'ëtëkëtë ja Dios. Oy të mwë'ëmtë mëët ja Dios ets mëët ja Wintsën Jesukristë.

Hebreos 7:27

Ka'ap jyëtu'unëty ijxtëm ja wiinkëtypë ja teety wintsënëtyën jëpom jëpompë tyaktën ja wintsë'kën ko pyokytyuntë, ets ko ja naax kajpn näjyëtu'un pyokytyuntë. Jesús tu'k'ok ojts je'eyë twintsë'ëkë ja Dios ko ojts yë'ë kë'ëm wyintsë'kën'aty ets ja ja'ay ja pyoky ojts nimä'kxtaayë.

Juan 17:19

Yë'ë koos yë'ëjëty nmëmay nmëtajtë paatyës kë'ëm nnäkyënu'kxyë, ets näjyëtu'un yë'ëjëty yajkënu'kxtëty mëët ja tëyajtën.

Hebreos 13:12

Näyjyëtu'un ja Jesús të y'ooky jam kajpnpë'am ets ja naaxwiinyëtë ja'ay wa'ats wyë'ëmtëty mëët ja jyot nye'pny.

1 Corintios 1:30

Dios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Dios mëët oy nwë'ëmëm, jëtu'unts ja Dios xyjyä'äy'ajtmëty ets najtspëkë n'ijtmëty.

Hebreos 9:28

Näyjyëtu'un ja Kristë të wyintsë'kën'aty tuk'okyë ets ja mayjyä'äy të pyokywya'atstë. Ok jatëkok myina'any ja mëmäjtsk okpë, je'eyëp ko ka'ap yë'ë t'ëkniminanë ja nëë poky, yë'ë nyiminäämpy ets tyajnitso'oka'any ja mëti'ipë jëjp'ijxëtëpën.

Hebreos 9:12

ka'ap yë'ëjëty tsajppax ne'pyny ets tsajpkaa ne'pyny të tmëtëkë ma ja itën wäänë wa'atspën, kyë'ëm ne'pyny tu'ktëkokyë je'eyë të tmëtëkë ets të xyajnitsokëm xëmëkyëjxm.

1 Pedro 2:24

Kristë ojts ja npoky'ajtëm tmënëjkx ma ja nyi'kx kyopkën jam kruutskëjxm ets jëtu'un nyäjxy ijxtëm jeexyë ja poky të nku'o'këmën ets ënät njuuky'ajtmëty mëtëy. Yë Kristë ojts tsyëtyuty wyintëkoy ets miits mtsoktë.

Hebreos 10:20

ets yajpanëjkxëty ja jemytyu'u mëti'ipë juukyajtën tukpatpën, mëti'ipë ojts tyajniku'ëwa'atsyën ko wit atëëytyuk ojts kyë'ëtswä'kxy jap tsajptëkoty, yë'ë tyijpy ja jyot nyi'kx ko tsyëtyujty wyintëkooy.

Zacarías 13:1

Jä'ä xëëw tu'uk yë nëëkopk kyupëja'any ets nëjkx jam yë pyoky ets y'ëxëëk'ajtënëty t'ixtsi'iwtë yë David yë y'u'unk y'ok mëti'ipë jam Jerusalén tsënaaytyëpën.

Hebreos 9:26

Ko jeexyë jyëtu'unëty, kanaak'ok jeexyë ja Kristë të y'o'knë maju'unëm tsyo'otä'äkyën ja naaxwiinyëtë. E tyaa ma ja xëëw jëmëjt ntuk'ijt ntuktsëna'ayëmën, tëë tu'k'ok ja Kristë myiny ets xëmëkyëjxm yajpaata'any, ko të nyäxy ijxtëm tu'uk ja wintsë'kënën mëti'ipë ja poky jyëpëkäämpyën.

Hebreos 2:14

Jëtu'un ijxtëm ja ja'ay tu'kjëëky tu'kmëku'ukpë ja jot ne'pyny tmëët'atën, jëtu'un ja Jesús y'ijty mëët ja Dios ets mëët ja o'kën tmëmëtaktaay ja ëxëëkpë, mëti'ipë ijty o'kën tëko'oyën myëët'ajtypyën.

1 Juan 5:6

Ko ja Jesús myiiny yaa naaxwiiny, ijxwë'ëmy ojts wyi'imy mëët ja nëë ko ojts nyëëpety ets mëët ja ne'pyny ko ojts kyëruutspety; ka'ap yi'iyëty nëë, näjyëtu'un ja ne'pyny. Kënu'kxymyëk'ajtën ya'atë yajtëytyëjkëp, jä'ä ko yë Kënu'kxymyëk'ajtën mëtëy yë'ë.

Juan 19:34

Ënet tu'uk ja tsiptuunpë tkatsymyëku'umëy ja Jesús ets ja kyäty y'ëwatsy ets pyëtsiimy ja ne'pyny ets ja nëë.

Hebreos 2:11

Ja mëti'ipë yajkënu'kxtën ets mëti'ipë kënu'kxpën, tu'ukyë ja Tyeetyëty, ja Dios Teety. Paaty ja Dios U'unk ka'ap tuktsëtyuny ets xytyijmëty mëkä'äx.

Hebreos 10:5

Paaty ja Kristë t'ënëmaay ja Dios ko myiiny naaxwiiny: Mijts ka'ap xytsyoky ets myajtukwintsë'ëkëty ja jëyujk, ëjts tëëjës xymyo'oy ja ni'kx kopk.

Juan 6:51

Ëjts ja tsajpkääky mëti'ipë juukyajtën yäjkpyën ets tsajpjotmëpë të tsyoonyën, ko pën ya'atë tsajpkääky tkay, xëmëkyëjxm jyuuky'ata'any. Ja tsajpkääky mëti'ipës nyakäämpyën, ni'kx nkopkës ntijpy, mëti'ipës nyakäämpyën ets ja naaxwiinyëtë ja'ay tmëët'atëty ja juukyajtën xëmëkyëjxmëpë.

Efesios 5:2

Nätsyokëtë nixim niyam ijxtëm ja Kristë të xytsyojkëmën ets të nyäkyë'ëyäkyë ma të wyintsë'kën'atëtyën ëëts'ajtëmkyëjxm, jëtu'un tä ja wintsë'kënën mëti'ipë oy xu'kp jojkpën Dios wintum.

Efesios 5:26

Paaty jëtu'un tuuny ets ja mëpëjkpëtëjk y'itëty oy ets wa'ats mëët ja aaw ayuk,

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Dios, pën mëpaat yaj'ëwaatspëtsëmyë ma ja o'kënën, e ja Dios wa'ats ojts myëtoyë jä'ä ko kyäjpxykyupëky.

Hebreos 9:14

Pën jëtu'un, ni'ik ja Kristë ja nye'pyny. Jä'ä ko mëët ja Kënu'kxymyëkajtën xëmëkyëjxmëpë y'ityën, ojts ja Kristë nyäkyë'ëyäkyë ets wyintsë'kën'atëty ma Tiosën wa'ats pëk, ets ja nye'pny yë'ë yajwatsyp ja njoot'ajt nwinma'any'ajtëmë oy ënety të njatu'unëmë mëti'ipë yaj'o'kpën, ets jëtu'un npatmëty ja juukyajtën.

Hebreos 10:29

¿wi'ix jëtää tkapaatëty ja tëytyu'unën mëti'ipë ja Dios U'unk kyamëjpëjktäkpyën, mëti'ipë jëtu'un tyuuntëpën ijxtëm jeexyë t'atään tuktääntën; mëti'ipë pyäjxtëpën ja Jesús ko të y'ooky ets ka'ap t'oyjya'awëtë ja Kënu'kxymyëkajtën, mëti'ipë tsojkëtëpën? Tääpë ne'pny yë'ë myë'ijtyp ja käjpxytyu'unën ets yë'ë mëët të yajkënu'kxtë.

1 Pedro 3:18

Jä'ä ko ja Kristë ojts xykyu'o'k xykyutëko'oyëmë tu'k'okyë ko npokyjyä'äy'ajtëmë. Yë'ë ka'ap ijty tii poky tmëëtëty; yë'ë pokyjyä'äy ojts tku'ëyowë ets myajnëjkxa'anëtë ma Tiosën. Oy ojts ja Kristë y'ëk'ooky ko nyäpyëjktakë naaxwiinyëtë ja'ayën; ojts jyuukpyiky mëët ja juukyajtën ka'apë kyëxë'ëkyën.