Hebreos 1:9 - Biblia Dc en Mixe de Quetzaltepec

⁹ Ko mijts të xytsyoky ja oypyë ets të xy'ëxëëk'ixy ja ëxëëkpë; paatykyëjxm ja Dios mijts të mwin'ixyë, mëti'ipë mTios'ajtypyën, ets të mmo'oyë wäänëni'ik ja xoontakën këtiinëm ja mmëku'uktëjk.

Biblia Mixe de Quetzaltepec

⁹ Ko mijts të xytsyoky ja oypyë ets të xy'ëxëëk'ixy ja ëxëëkpë; paatykyëjxm ja Tios mijts të mwin'ixyë, mëti'ipë mTios'ajtypyën, ets të mmo'oyë wäänëni'ik ja xoontakën këtiinëm ja mmëku'uktëjk.

Hebreos 1:9 ပူးပေါင်းရင်းမြစ်များ

Salmos 11:5

Yë Wintsën nyija'ap pën oyjyä'äy ka'oyjyä'äy ets ëxëëk t'ixy yë ëxëëkja'aytyëjk.

Salmos 119:104

Ma m'ënä'ämën mtëyajtën të nyajpëtsëmyës yë ijxkujk ja'aykyujkën, paaty n'ëxëëk'ixyës ja ëxëëktu'un ëxëëk kajpxën.

Salmos 119:128

Paaty yë'ë nnätyuktu'uwinwoyës yë m'ënä'ämën mtëyajtën, n'ëxëëk'ijxypyës yë tu'unën kajpxën ëxëëkpë.

Salmos 2:2

Yë yajkutujkpëtëjkëty ets mëj ënä'ämpëtëjkëty tëë tkäjpxykyumëtoownaxtë yë Wintsën, tu'ukmukyë të tkäjpxy'atë wi'ix tyaj'atëkoya'antën ja Wintsën ets y'ënä'ämpë mëti'ipë të twin'ixyën.

Salmos 2:6

Tëës nkënu'kxy mëti'ipës nyaj'ënä'ämäämpyën ma Sión kajpnën, ma Sión kopkën wa'atspë.

Salmos 23:5

Mijts të xynyipëjktaakë ja nka'ayënës n'ukënës ma t'ixtëtyën yë nmëtsiptëjkës; tëës yë waaytsyooy xytyukkujaaxy mëti'ipë pa'akxu'kpën, etsës yë n'a'ukën të xyaj'ujtsë mëët yë tsatym nyëë.

Salmos 33:5

Yë Wintsën tsyojkpy jya'ap tëkokyë mëti'ipë oyën ets mëti'ipë tëyajtënën. Ujts yë naaxwiinyëtë yajpaaty mëët yë tsyojkën jya'awën.

Salmos 37:28

Yë Wintsën yë'ë xëmë tsyojkpy mëtëypyë ets oypyë, ka'ap nijëna'a t'ëxmatsy mëti'ipë oy mëtuunëpën; yajkutëkoopy mëti'ipë ëxëëk ja'ay'ajtpën ets ka'ap nitu'uk yë y'u'unk y'ok tyajwë'ëmë.

Salmos 40:8

Ëjts ntunäämpyës mëti'ipë mijts mni'ënä'ämëpën, Dios, mëti'ipës nTios'ajtypyën; Njootjoty nwinma'anyjyotyës nyaj'ity mëti'ipës mijts xytyuk'ni''ijxëpën.

Salmos 45:6

Yë m'ënä'ämën mkutujkën, mijts Dios, ijtëëp yë xëmëkyëjxm, yë'ë ja kuttujkën ma xëmë y'ityën ja mëtëypyë ja nipaye'eyën.

Salmos 45:7

Mtsojkpy mja'ap yë oyajtën ets m'ëxëëk'ijxyp yë ëxëëkajtën. Paaty mijts, Dios të mwin'ixyë, yë Dios mëti'ipë mTios'ajtypyën, ets të mmo'oyë yë xoontakën wäänëni'ik këtiinëm jyëtu'unëty ja mmëku'uktëjk.

Salmos 89:20

Tëës npaaty ja ntuunpës mëti'ipë xyëëwajtypyën David, etsës të ntukënu'kxy ja kënu'kxy on ets yë'ë yajkutukëty.

Salmos 89:26

Täätsës xy'ënëëmëja'any: Mijts nTeety'äjtyp ets mijts nTios'ajtyp, mëti'ipës xyajnitsokpën ets xy'ijx'ijtp xykyëwent'ajtpën.

Proverbios 8:13

Ko Dios yë'ë yajmëjpëjktä'äky, yë ëxëëkpë yaj'ëxëëk'ijxp. Ëjts ëxëëkës n'ixy yë nämyëjjawë näjyääntyjyawë, ets ëxëëkës n'ixy näjyëtu'un yë ëxëëk në'ë ëxëëk tu'u ets ja win'ë'ënën antakën.

Isaías 61:1

Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Isaías 61:3

Ja ja'ayëty mëti'ipë yajpatëpën mon tuk jam Sión, ka'ap nëjkx ja kuyjaam y'ëknätyukuwëjënëtë, yë'ë yajmo'ojantëp yë kujän mëti'ipë yajkutujkpëtëjk kyujän'ajtëpën, jotkujk nëjkx nyäyjyawëtë jëtu'un tä ja'ay jotkujk nyäjyawëtyën ko on pa'akxu'kpë txuuk'aty, ëy xoontä'äky jää itaanp ets ka'ap nëjkx pën kyumay kyutajë. Ets nëjkx yajtijtë xoj kepy mëti'ipë të myëtä'äkyën, mëti'ipë ja Wintsën të tkojyën ets yë'ë nëjkx mëët yajtuk'ixy yë myëj'ajt y'oyajtën.

Isaías 61:8

Jä'ä ko yë Wintsën tsyojkpy jya'ap ja oypyë nänyipaye'eyë, ets y'ëxëëk'ijxyp ja to'onën mä'tsën ets ja yajja'ay'o'kën. Yë'ë mmo'ojanëtëp ja näykyumayë, ets tyunäämpy ja käjpxytyu'unën mëët miitsëty xëmëpë y'ityën.

Amós 5:15

M'ëxëëk ixtëp yë nëë poky, mtsoktëp yë oypyë. Yajxon xytyim ix xytyimtuntëty ets jyää'atëty ja mëtëypyë ja nipaye'eyën; wä'änxyëp yë Wintsën, Dios mëti'ipë maaytyääyëpën winë tpa'ëyowëty mëti'ipë juuky të jyaakwë'ëmtën ma Israel kajpnën.

Zacarías 8:17

këtii ëxëëk mnäytyun mnäy'ënë'ëmxëtëty nixim niyam ets këtii nëkoo Dios je'eyë ëëwpäjn kajpxpäjn xywya'antëty. Jä'ä ko ëxëëkës yë jëtu'unpë n'ixy. Ëjts Wintsën, ëjts ënaanp.

Lucas 4:18

Ja Dios ja Jyot jya'awën ëjts nmëët'ajtëp, etsës të xypyëjktä'äky ma ja ëyoopëja'ayën etsës ntuk'ëwaanëtëty ja oy aaw oy ayuk, tëëjës xykyexy etsës n'ëwaanëty wi'ix tu'ukyë y'itëty mëti'ipë ijtëpën ijxtëm ja ja'ay pujxn tëkotypyën, ets y'ijxë'ëktëty ja kupi'its kukootspë, ets y'ëwaatsëpëtsëmtëty mëti'ipë yajtëytyuun yajtsaatsytyuuntëpën.

Juan 1:41

Yë'ë ojts tpaaty ja myëkä'äx Simón ets t'ënëmaay: Tëës npaaty ja Mesías mëti'ipë griego ayuk niwijpën Kristë.

Juan 10:17

Xytsyojkpës ja nteety, jä'ä koos nyäky ja njuukyajtën ets jatëkok n'ëxajëja'anyës.

Juan 20:17

Tä ja Jesús y'ënëmaayë: Këtiis xymyätsy, jä'ä ko ka'anëmës nnëjkxy ma ja Dios Teetyën. Nëjkx ets xytyuk'ëwaanëty ja nmëku'uktëjkës: Ko jamës nnëjkxy maas yë nTeetyën ets ma miits yë mTeetyëtyën; maajës yë nTiosën ets ma miits yë mTiosëtyën.

Juan 3:34

Pën ja Dios të kyexyë, Dios ja y'aaw y'ayuk myëtyäkpy, jä'ä ko Dios ja Jya'awën të tyäky ëmuumtu'ukjot.

Hechos 10:38

Mnija'awëtëp näjyëtu'un ko ja Dios tmooy ja Jesús ja Kënu'kxymyëkajtën mëët ja mëk'ajtën, ets ko ja Jesús tuuny ja oypyë ko jyëtijty naaxwiiny ets tyajtsoky ja ja'ay ni'ëmukë mëti'ipë ënety ja mëjku'u yaj'ëyoowëtëpën. Jëtu'un ojts ya'atë tuny jä'äkyëjxm ko ja Dios mëët yajpaaty.

Hechos 4:26

Ets mëti'ipë yajkutujktëpën ets ënä'ämtëpën naaxwiinyëtë tëë kyäjpxykyumëtoownaxtë ets të tnipëtë'ëktë ja Wintsën, ets ja tyuunpë mëti'ipë të twin'ixyën.

Hechos 4:27

Tëyajtën yë'ë, ko yë Herodes ets ja Poncio Pilato yaa të ye'eymyuktë mëët ja mayjyä'äy, ma ya'atë kajpnën, jutiis ets mëti'ipë ka'ap jyutiisëty, ets ja mWa'ats Tuumpë Jesús të yajmëtsippëky, mëti'ipë të xywyinwitsyën.

Romanos 12:9

Nätsyokëtë nixim niyam winë aaw winëjot. Ixmatstë mëti'ipë ka'ap y'oyëtyën ets tuntë mëti'ipë oyën.

Romanos 15:13

Ja Dios, mëti'ipë njëjp'ijxëmën, wä'än yë'ë ni'ëmukë mmo'ojëtë ja xoontakën ets ja jotkujk'ajtën mëët ko yë'ë xymyëpëktë ets wä'än mmo'ojëtë ja jotkujk'ajtën mëët ja myëk'ajtën ja Kënu'kxymyëkajtën.

1 Corintios 1:9

Dios, mëti'ipë y'ayuk pyatuumpyën, yë'ë të xywyin'ijxëmë ets tu'ukyë mëët njuuky'ajtmëty ja y'u'unk Jesukristë, ëëts yë nWintsën'ajtëmë.

2 Corintios 11:31

Ja Dios, ja Wintsën Jesukristë Tyeety, mëti'ipë paat'ajtëp ja wyintsë'kën xëmëkyëjxmëpë, nyija'ap koos tëy n'ëna'any.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Efesios 1:3

Mëjjaw jaantyjawë nyäxy ja Dios, mëti'ipë yë Wintsën Jesukristë Tyeety'äjtypyën. Tëë xykyënu'kxëmë ko tu'ukyë nyajpatëmë mëët ja Kristë ets të xytyuknikäjxëmë ja kyënu'kxën ma y'ityën tsajpjotm.

Filipenses 2:9

Paaty ja Dios ojts wäänë mëj myo'oyë ja kuma'ayën ets ni'ik yajmëjnajxë këtiinëm pën wiinkëtypë,

Hebreos 2:11

Ja mëti'ipë yajkënu'kxtën ets mëti'ipë kënu'kxpën, tu'ukyë ja Tyeetyëty, ja Dios Teety. Paaty ja Dios U'unk ka'ap tuktsëtyuny ets xytyijmëty mëkä'äx.

Hebreos 2:9

E Dios të xytyuk'ijxëm ja Jesús, mëti'ipë ja Dios tu'kxëëw tu'kjëmëjt pyëjktakën naxym këtiinëm ja anklëstëjk, tëë yajmo'oy ja kuttujkën ets ja mëj'ajt oyajtën, mëët ko tmënajxy tyajnajxy ja o'kën. Dios mëët ja tsyojkën jya'awën yë'ë ojts tuknipëjktaakë ets ja o'kën tpaatëty ets tuk'oy'atëty ja mayjyä'äy.

Hebreos 7:26

E jëtu'un yë Jesús, të nyäxy Mëj teety wintsën mëti'ipë ënety nyajmëyajtëmën. Yë'ë kënu'kxy, wa'ats, ka'ap poky tmëëtëty, ka'ap pyokyjä'äyëty ijxtëm ëëtsajtëmën, wäänë këjxm yë'ë y'ity këtiinëm ja tsajp.

1 Pedro 1:3

Tsojk nmëjja'aw njaantyjya'awëm ja Dios, ja Wintsën Jesukristë Tyeety, ko të xypya'ëyo'owëmë ets ja nwinma'any'ajtëm të tyaj'ajämë mëët ko ja Jesukristë të jyuukpyiky. Jëtu'un ëëtsajtëm nija'awëmë ko nmëët'ajtëm ja juukyajtën.

1 Juan 1:3

Yë'ë yam ntuk'ëwa'anëtyëp mëti'ipë të n'ijxtë nmëto'owëmën ets jëtu'un tu'kmukyë n'ijtmëty, ijxtëm mëët n'ijtëmën ja Dios Teety ets ja y'u'unk Jesukristë.

Apocalipsis 2:15

Ets tam näjyëtu'un jënaakën mëti'ipë ka'ap t'ëxmatsa'antën ja Nicolás ja y'ijxpëjkën, mëti'ipës ka'ap n'oy'ixyën.