Hebreos 1:7 - Biblia Dc en Mixe de Quetzaltepec

⁷ Ets ko ja Dios tnimëtyä'äky ja tsajpjotmëtë kukäjpxy, jëtu'un y'ënäny: Jëtu'un tpëjktä'äky ja y'anklës ijxtëm ja pojën, ja myëtuunpë ijxtëm ja jëënyä'änkën.

Biblia Mixe de Quetzaltepec

⁷ Ets ko ja Tios tnimëtyä'äky ja tsajpjotmëtë kukäjpxy, jëtu'un y'ënäny: Jëtu'un tpëjktä'äky ja y'anklës ijxtëm ja pojën, ja myëtuunpë ijxtëm ja jëënyä'änkën.

Hebreos 1:7 ပူးပေါင်းရင်းမြစ်များ

Salmos 104:4

Yë poj yoots yë'ë mtukmëjëtijtyp yë m'aaw m'ayuk, ets jëën yë'ë mmëtuunëp.

Hebreos 1:14

Jä'ä ko ja tsajpjotmëtë kukäjpxy aak poj yë'ëjëty mëti'ipë Dios myëtuuntëpën ets yë'ë yajkäjxtëp ets nëjkx tputëkëtë mëti'ipë ja nitsokën të yajtukumaytyën.

2 Reyes 6:17

Tä ja Elisejë tyëjkëy nu'kxtakpë, y'ënäny: tyam nmëpëjktsoy Wintsën ets xyaj'ëwatsëty yë wyiin wä'än kë'ëm t'ixy. Ënet ja Wintsën ojts tjanty yaj'ëwatsë ja wyiin mëti'ipë ja Elisejë tyuunpë'ajtypyën ets t'ijxy ko yajxontëm jam janty may yë tsiptuunpë kopkkëjxm, tam mëti'ipë pujxn wintëkäämpë këjxyën, tam mëti'ipë këwaaykyijxyën ets tam mëti'ipë teky'amën ets aak jëënmëët, jä'ä kyëwent'ajtëp ja Elisejë.

2 Reyes 2:11

E tam ënety jëtu'un tyu'uye'eytyë ets myëtya'aktë, ko ojts ajotkumonë tu'uk yë pujxnwintëkäämpë t'ëkëty y'ijxpaatë jam tu'u ëkë'ëm jëënmëët, mëët yë nyikëwaay nän jëënmëët, mëti'ipë ojts yajwa'akwa'kxëtën, e jëtu'un'äämpy ojts ja Elías tsyajpäjnë mëët tu'uk pojxujtyk.

Zacarías 6:5

Ënet ja tsajpjotmëtë kukäjpxy xy'ëtsooyës: Tyaapë yë'ë mëti'ipë taxkpëky tsoonaanpën Wintsën wyintum ets t'aye'eya'antë yë naaxwiinyëtë.

Daniel 7:10

ets jam wyintum mëjnëëjën jam yaj'ixy tsyoony ja jëën. Mil'am jam yaj'ixy ja tuunpëtëjk ets millonk'am nyatänëty. Ja mëti'ipë ja aaw ayuk yäjkpyën ënät ojts kyajpxtsoony ets ojts yajkëëywyä'kxy ja noky.

Isaías 6:2

Jam pyë'am jamtëm näjyëtu'un yajpaatë ja Wintsën ja kyukäjpxy, kujkyë tyänëtë, tëtujk yë kyäkn, tëkëëk tu'kpa'ajaty: mäjtsk tuk'ëtuktë ja wyiin jyëjp, mäjtsk tuk'ëtuktë ja pyuuy ets mäjtsk tukääkjëtitë.

Génesis 3:24

Ko ënety tëë ja Ye'eytyëjk jap tju'tnë kamjoty, ënät nyäpyëjktakëtë jam awinmtsow ja Wintsën ja kyukäjpxy ets tu'uk yë tëypyujxn jëënmëët wyojpminy wyojpxëpy xiitsow yaatsow, yë'ë kyëwent'ajtëp ja jë'kxykyam. Jä'ä këtiipë pën tmëwinkonëty ja ujtstëëm mëti'ipë myëët'ajtypyën ja juukyajtën.

1 Reyes 22:19

Tääts ja Micaías tjaaknikajpxëy ja y'ayuk: Mëët tä jam m'ëna'anyën, mëtow yajxon wi'ix yë Wintsën y'ënä'änyën: Tëës yë Wintsën n'ixy jam y'u'unyë ma kyutujktaknën ets aaktam nyatänëty ja kyukäjpxy y'anajny y'aka'any jam tsajpjotm.