Hebreos 1:3 - Biblia Dc en Mixe de Quetzaltepec

³ Yë'ë kyujäjpy kyutë'kxyp ets yajknikëxë'kpy ja Dios ja myëj'ajt y'oyajtën. Jëtu'un ijxtëm ja Dios Teety, tim näjyëtu'un ja y'u'unk, ja y'u'unk tu'kë'ëyë winë wyijts'ijtääpy mëët ja y'aaw y'ayuk mëk'ajtënmëëtpë. Ko të xyajpokywyatsëmë, tääts të nyaaxweetsy tsajpjotm Dios pyë'aay aka'any'äämpy.

Biblia Mixe de Quetzaltepec

³ Yë'ë kyujäjpy kyutë'kxyp ets yajknikëxë'kpy ja Tios ja myëj'ajt y'oyajtën. Jëtu'un ijxtëm ja Tios Teety, tim näjyëtu'un ja y'u'unk, ja y'u'unk tu'kë'ëyë winë wyijts'ijtääpy mëët ja y'aaw y'ayuk mëk'ajtënmëëtpë. Ko të xyajpokywyatsëmë, tääts të nyaaxweetsy tsajpjotm Tios pyë'aay aka'any'äämpy.

Hebreos 1:3 ပူးပေါင်းရင်းမြစ်များ

1 Crónicas 29:11

Wintsën, mijts mjä'ä'ajtyp ja mëj'ajtën kuttujkën, ja mëj'ajt oyajtën, ja ënä'ämën kuttujkën ets ja mëjwinma'anypë këjääwinma'anypë. Jä'ä ko tëkokyë jënu'un winë y'ityën ets yajpaatyën tsajpjotm ets naaxwiiny mijts mjä'ä'ajtääpy, näjyëtu'un tëkokyë ja ënä'ämtakn kutujktakn mijts yë mjä'ä, jä'ä ko mijts ni'ik mëj'ajtën kuttujkën xymyëëtëty këtiinëm oy pën naaxwiinyëtë ja'ay yaapë y'ëne'emy yajkutukyën.

Job 37:22

Jëtu'un jam anëkëjxmtsow yaj'ixy tyi'kxy jyäjy pu'ts pujxnën, ko yë Dios jam yë myëj'ajtën tyajkëxë'ëky.

Salmos 110:1

Jëtu'un yë Wintsën t'ënëmaay yë nWintsënës: Yaatsow u'unyë maas yë n'a'oykyë'ëjën, yaa jëtu'un m'u'unyëty koonëm yë mmëtsiptëjk xymyëmëtakta'ajëty.

Salmos 75:3

Ko yë naaxwiinyëtë tyëkë yu'kxpë, mëët tëkokyë mëti'ipë ënety tsënaay juuky'ajtëpën ma yë'ëjën, ëjts npëjk'ijtyp nmajts'ijtyp ma yajxon nyäkyumatsëtëtyën,

Eclesiastés 8:4

Yë yajkutujkpë mëët jä'ä ko tmëët'aty kuttujkën ko kyäjpxy, ka'ap tjëkyepy pën yajtëwëtëty tii ko jëtu'un winë tuny.

Miqueas 5:4

Mëkta'akaanp jatëkok yë yajkutujkpë ets tu'uwinwowa'any yë nyaax kyajpn mëët yë mëk'ajtën ets myëj'ajtën yë Wintsën mëti'ipë Tyios'ajtypyën ets yë'ëjëty jotkujk jyuuky'atëty ka'ap tiitsip tpaatëty, jä'ä ko yë Wintsën mëj'äämpy ënety nyäxy oymyaanaax myaakajpnëty.

Mateo 22:24

Wintsën, ja Moisés ja y'ënä'ämën jëtu'un y'ënä'äny: ko tu'uk yë ja'ay y'ookëty ets ka'ap pën y'u'unk, yë myëkä'äx yë'ë nëjkx tpuwa'akë ja to'oxytyëjk mëti'ipë ënety nyi'o'ktutypyën ets jëtu'un'äämpy ja y'äjty tmëët'atëty ja y'u'unk y'ëna'k.

Marcos 16:19

Ko ja y'ijxpëjkpëtëjk ojts jëtu'un tmëmëtyakta'ay, ënät ja Jesús pya'tëjkëy tsajpjotm; Dios ojts tuknipëjktaakë ets pya'tëkëty tsajpjotm ets nyaaxwe'tsy ma ja Dios ja y'a'oykyë'ëjën.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Dios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Juan 1:29

Komjëpom ja Juan t'ijxy ko ja Jesús myëwinkonyë ets y'ënäny: Ixtë, ya'atë jëtu'un ijxtëm ja kupixyny u'unkën, Dios wyintsë'kën mëti'ipë ja naaxwiinyëtë ja'ay yajpokywyätsëpën.

Juan 1:4

Ma yë'ëjën ënety ja juukyajtën yajpaaty, ets ja juukyajtën yë'ë kyutë'kxyp ja naaxwiinyëtë ja'ay.

Hechos 2:33

Ko ënety ja Dios Teety të yajtsajpetyë ets të yajnaaxweetsyë y'aka'any'äämpy ets ko ënety ja Kënu'kxymyëkajtën ja Dios Teety mëti'ipë të xytyuwinwa'anëmën ets tëë tyajknaxy ma ëëtsajtëmën. Yë'ë tyam të xy'ixtë ets të xymyëtowtë.

Hechos 7:56

Tääts y'ënäny: Ëk'ixtë, ëwa'atsës yë tsajp n'ixy ets näjyëtu'un të n'ijxpaatyës ja Naaxwiinyëtë Ja'ay ja kyutënääpyë Dios pyë'aay, aka'anytsyow tyänë.

Romanos 1:16

Ka'apës ntuktsëtyuny ja oy aaw oy ayuk, jä'ä ko ja Dios ja myëk'ajtën ets tpaatëty ja nyitsokën ni'ëmukë ja ja'ayëty mëti'ipë mëpëjktëpën, jëyëjp yë jutiis ja'ayëty ets näjyëtu'un ja ka'apë jyutiisëty.

Romanos 8:34

¿Pën xy'ëkyajnitujkëmëp? Kristë Jesús mëti'ipë ojts y'ookyën ets mëti'ipë ojts jyuukpyikyën ets tam yajpaaty Dios y'aka'anytsyow ma xynyinu'kxtakëmën.

2 Corintios 4:4

Jä'ä ko ka'ap myëpëktë, ja mëpëjkën yääyëpë naaxwiinyëtën yë'ë yajwinma'anytyëkajtsëtëp këtiipë t'ijxpaatëty ja jajën të'kxën, ja oy aaw oy ayuk ma yajnimëtyä'äkyën ja Kristë ja myëj'ajt jyääntyajtën, ja Kristë mëti'ipë Dios nyäjxypyën.

Colosenses 3:1

Jä'ä ko m'itë ijxtëm jeexyë të mjuukpyëktën mëët ja Kristë, ixta'atë mëti'ipë tsajpjotmën, ma ja Kristë jap y'u'unyën Dios y'aka'anytsyow.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Hebreos 1:13

Dios ka'ap ojts nitu'uk t'ënëëmë ja tsajpjotmëtë kukäjpxy: Yaa u'unyë n'aka'any'äämpyës koonëm ja mmëtsip nmëmëta'akëtyës, ets npëjkta'akëtyës maas yë nteky'ixpo'kxën.

Hebreos 10:12

E ja Kristë tëë tyäky ja wintsë'kën tu'k'okyë ko ja ja'ay pyokymëët'atë, tääts nyaaxwe'tsy Dios y'aka'any'äämpy.

Hebreos 12:2

Mpëjktakëm ja njoot'ajt nwinma'any'ajtëmë ma Jesusën, jä'ä ko yë'ë yäjkpy ets yajkä'pxyp ja nmëpëjkën'ajtëm. Ëyoow ja Jesús kruutskëjxm, ka'ap tmëjpëjktäky ja tsëtyu'un ko y'o'ky, jä'ä ko nyija'ap ënety ko ok y'ita'any ja xoontakën; tëë nyaaxweetsy aka'any'äämpy ma ja Dios ja kyutujktaknën.

Hebreos 4:14

Jesús, ja Dios U'unk, yë'ë ja nTeetywintsën'ajtëmë mëti'ipë të pya'tëkën tsajpjotm. Paatykyëjxm mëk ja mëpëjkën nmëët'ajtmëty mëti'ipë të mpatëmën.

Hebreos 7:27

Ka'ap jyëtu'unëty ijxtëm ja wiinkëtypë ja teety wintsënëtyën jëpom jëpompë tyaktën ja wintsë'kën ko pyokytyuntë, ets ko ja naax kajpn näjyëtu'un pyokytyuntë. Jesús tu'k'ok ojts je'eyë twintsë'ëkë ja Dios ko ojts yë'ë kë'ëm wyintsë'kën'aty ets ja ja'ay ja pyoky ojts nimä'kxtaayë.

Hebreos 8:1

Yë'ë kopkpëky mëti'ipës tyam nnikajpxtëpën: Ko ja nTeety'ajtëm mëti'ipë nyiwintsën'ajtypyën ja teetytyëjk, tëë jam tsajpjotm nyaaxweetsy, a'oytsyow ma ja Dios ja kyutujktaknën.

Hebreos 9:16

Ja noky mëti'ipë myëët'ajtypyën ja tëyajtën jää tyuuntsoony ko ja nyija'ay të y'o'knë mëti'ipë yajkojpyën ja noky.

Hebreos 9:26

Ko jeexyë jyëtu'unëty, kanaak'ok jeexyë ja Kristë të y'o'knë maju'unëm tsyo'otä'äkyën ja naaxwiinyëtë. E tyaa ma ja xëëw jëmëjt ntuk'ijt ntuktsëna'ayëmën, tëë tu'k'ok ja Kristë myiny ets xëmëkyëjxm yajpaata'any, ko të nyäxy ijxtëm tu'uk ja wintsë'kënën mëti'ipë ja poky jyëpëkäämpyën.

1 Pedro 1:21

Mëët yë'ë ko yë Kristë të xymyëpëktë paaty ja Dios näjyëtu'un xymyëpëktë, mëti'ipë të tyajjuukpyikyën ja Kristë jatëkok ets të tmëjjaw të tjaantyjyawë, jëtu'unts të xypyëjkta'aktë ja mjot mwinma'anyëty ma Tiosën ets xy'a'ix xyjyëjp'ixtë.

1 Pedro 3:22

mëti'ipë ojts pya'tëkën tsajpjotm ets nyaaxwe'tsy ma ja Dios Teety yajkutukyën a'oytsyow, ets yë'ë tyam y'ëne'empy ja anklëstëjk ets mëti'ipë ja mëk'ajtën ets ja kuttujkën myëët'ajtëpën.

2 Pedro 1:16

Ja ijxpëjkën mëti'ipë tmooytyën ko ja Wintsën Jesukristë myina'any yaa naaxwiiny jatëkok mëët ja myëk'ajtën, ka'apës kë'ëmwinma'any ojts nma'kxtë etsës jëtu'un n'ëna'antëty, nwiinës mëët ntimy'ijxtë ja Wintsën ja myëj'ajtën jyääntyajtën.

2 Pedro 1:17

Ojts n'ijxëm ko ja Dios Teety myooyë ja mëj'ajtën oyajtën, ko ja Dios Teety ja y'aaw y'ayuk y'ënäny: Ëjts ya'atë n'u'unk, mëti'ipës të nwin'ixyën.

1 Juan 1:7

E ko njuuky'ajtmëty ma jyäjy tyi'kxyën, ënät nixim niyam ja winma'any tu'knax nmëët'ajtmëty ets ja Jesukristë ja jyot nye'pyny xyajwatsmëty.

1 Juan 3:5

Tëë miits xynyijawëtë ko ja Jesukristë, yë'ë të tniminy yaa naaxwiiny ets xyajpokywyatsmëty, yë'ë, ka'ap tii poky tmëëtëty.

Apocalipsis 3:21

Pën mëtakp, yë'ëjës nmo'ojäämpy ja tëyajtën ets xymyëët'u'unyëtyës maas ja nkutujktaknën, ijxtëmës ëjts të nmëtä'äkyën ets të naaxweetyës maajës ja nTeety ja kyutujktaknën.

Apocalipsis 4:11

Wintsën, mijts mpatëp xy'ëxajëty tu'kë'ëyë ja mëj'ajtën jaanty'ajtën, ja wintsë'kën ets ja mëk'ajtën, jä'ä ko mijts të xyajkojy tu'kë'ëyë oytyiijëty ets mijts mtsojkënkyëjxm të xyajkojy ets jyää'atëty.