Hebreos 1:12 - Biblia Dc en Mixe de Quetzaltepec

¹² ets xy'anä'äka'any ijxtëm tu'uk wit yaj'ane'ekyën, ets xyajtëkatsa'any ijxtëm pën nyäjyääntëkatsyën. E mijts, m'ijtp xëmë, nijëna'a ja mjuukyajtën kyakëxa'any.

Biblia Mixe de Quetzaltepec

¹² ets xy'anä'äka'any ijxtëm tu'uk wit yaj'ane'ekyën, ets xyajtëkatsa'any ijxtëm pën nyäjyääntëkatsyën. E mijts, m'ijtp xëmë, nijëna'a ja mjuukyajtën kyakëxa'any.

Hebreos 1:12 ပူးပေါင်းရင်းမြစ်များ

Job 36:26

Dios nëkooyë myëj'ajnë, tsip ets nja'akyujkëmëty; ka'ap tjëkyepy nmëtyo'owmëty yë jyëmëjt.

Salmos 90:4

Janty tëyajtën jëtu'un, ko ja kanaak jëmëjtpë jëtu'un xyjyawë tä jeexyë tyu'kxëëwëtyën, yë ëxë'ëypyë nyäxyën jëtu'un tä jeexyë tyu'ktsojkyëtyën ko kyoots'aty.

Éxodo 3:14

Ënet ja Dios y'ëtsoowë: ËJTS JËTU'UN MËTI'IPË ËJTS'AJTPËN. Ets tyaa nëjkx xy'ënëëmë yë Israel ja'ayëty: Yë mëti'ipë ËJTS'AJTPËN, yë'ëjës të xykyexy ma yaa miitsëtyën.

Isaías 38:12

Tëës ja ntsënaaytyakn xyajma'ta'atë, tëëjës xypyëjkëtë tä tsajppax këwent'ajtpën kupixyny këwent'ajtpën yajpëjkëtën yë y'ijt taknëty. Ëjts jëtu'unës ënety ja njuukyajtën yajpatnë tä tu'uk wit të yajpukëëtsyën. Xëëny kootsës nyajtëytyuunë.

Juan 8:58

Ets ja Jesús tyaa y'ëtsoowëtë: Tëy miits nëëmëtë, naamka'anëm ja Abraham ënety myëxu'unk'atynyëm, koos ëjts njääjëty.

Hebreos 13:8

Jesukristë je'eyëm yajpaaty ijxtëm ëxë'ëyën, tyam ets xëmëkyëjxm.

Santiago 1:17

tu'kë'ëyë mëti'ipë oyën ets wa'atsën, këjxm yë tsyoony, Dios yë yäjkpy, ja Dios mëti'ipë pyëjktakën winë jam tsajpwinm mëti'ipë ajajp atë'kxpën. Yë Dios ka'ap tyëkatsy, nän yi'iyëm xëmë, ma yë'ëjën ka'ap tii tyëkatsy ets ka'ap tii y'akootsë.