Hageo 2:9 - Biblia Dc en Mixe de Quetzaltepec

⁹ Ya'atë tsajptëjk, mëmäjtskpë yam kyojyën ni'ik oy ni'ik y'ita'any këtiinëm jyëtu'unëty ja mëjëyëjpë. Ënätnëm nëjkx jyää'aty yaa ja jotkujk'ajtën. Ëjts Wintsën, mëti'ipë maaytyääyëpën winë, ëjts ënaanp.

Biblia Mixe de Quetzaltepec

⁹ Ya'atë tsajptëjk, mëmäjtskpë yam kyojyën ni'ik oy ni'ik y'ita'any këtiinëm jyëtu'unëty ja mëjëyëjpë. Ënätnëm nëjkx jyää'aty yaa ja jotkujk'ajtën. Ëjts Wintsën, mëti'ipë maaytyääyëpën winë, ëjts ënaanp.

Hageo 2:9 ပူးပေါင်းရင်းမြစ်များ

Isaías 60:7

Tu'kë'ëyë tsajppaxëty kupixynyëty jampë tyänëtën Quedar, aakmijts mjä'ä'atäämpy; yë kupixyny ayääkë jampë myäytyänëtën Nebaiot, aakmijts nëjkx xyajtuny ets Wintsën xytyukwintsë'ëkëty ma ja wintsë'këntyaknën ets oy xyuukëty jyokëty, jëtu'unts yë tsyajptëjk janty'oy ni'ik kyëxë'ëkëty.

Isaías 66:12

Jä'ä ko ëjts Wintsën, ëjts ënaanp: Nyajminäämpyës yë jotkujk'ajtën tä mëjnëëjën, Ja naax kajpn mëjwiin këjääjës ntuk'ixa'any ja wit meeny. Yë'ë nëjkx myajkay myaj'uukëtë, yë'ë nëjkx mtsäänëtë ets mwinxon mwin'itëtë.

Ezequiel 43:5

Ënet ja Wintsën ja myëk'ajtën ojts xyajpëtë'ëkyës ets xyajnëjkxyës ma ja tëja'awën tëkotytsyowpë, etsës n'ijxy ko tëë ja Wintsën ja myëj'ajt y'oyajtën tyajtuktujkta'ay ja tsajptëjk.

Miqueas 5:5

Yë'ë yajminäämpy yë jotkujk'ajtën ko ënety yë Asiria ja'ayëty tukja'të yë naax kajpn ets tnitëkëtë yë kutujkëntëjk. Wëxtujk nëjkx ntuknikäjxëmë yë kopktëjk ets tuktujk yë ja'ayëty mëj'äämpyë y'itën.

Hageo 1:8

Nëjkx jam tunkëjxm kopkkëjxm yajtsoontë yë kepy etsës yë njëën ntëjk xykyojtëty. Ënätës jotkujk näjyawëtëty etsës yë nmëj'ajt n'oyajtën nyaj'ixëtëty.

Hageo 2:3

Pënjaty y'ijxtën wi'ix ijty oy yë tsajptëjk kyëxë'ëkyën ets ko t'ijxkijpxtëty mëët mëti'ipë tyamën, ¿mëti'ipë ni'ik oy këxë'kp, këtii jyä'äjëty mëti'ipë ijty tëëyëp jääjënë?

Zacarías 2:5

E yë Wintsën yë'ë ënaanp: Ëjts jëtu'un wa'anaanp kajpnnapotsën jëënmëëtpë ma Jerusalén kajpn pa'ajën ets kajpn itkujky nyaj'ita'anyës yë nmëj'ajt n'oyajtënës.

Lucas 2:14

Mëjjaw jaantyjawë ja Dios nyäxy tsajpjotmëpë, ets wä'än jotkujk ja naaxwiinyëtë ja'ay tyajpaatë mëti'ipë tyuk'oy'ajtëpën ko ja mëyajtën të tuny.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Dios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Juan 14:27

Tyam ntukmëwë'ëmtë ja jotkujk'ajtën. Nmooytyëp miits ja jotkujk'ajtën, je'eyëp ko ka'ap yë'ëjëty jëtu'unpë mëti'ipë yajktëpën yë naaxwiinyëtë ja'ay. Këtii mmaytyëty mtajtëty ets këtii mtsë'ëkëtëty.

Hechos 10:36

Dios ojts tmëkäjpxy ja Israel ja'ay ja y'u'unk y'okëty, tuk'ëwaanë ja jotkujk'ajtën mëët ja Jesukristë, ko yë'ë nyiwintsën'ajtääpy winë.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Dios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

Santiago 2:1

Miitsëty, mëku'uktëjkëty, ninaak të xymyëpëktën ja Wintsën Jesukristë, mëti'ipë ni'ik ja mëj'ajtën jaanty'ajtën myëët'ajtypyën, ka'ap wyin'ixy wyinkexyëty ja ja'ay xytsyoktëty.