Hageo 2:7 - Biblia Dc en Mixe de Quetzaltepec

⁷ Nyajyu'kxta'ajäämpyës yë naax kajpn wiinkëtypë muum yajpaatën ets tmëmintëty yë wyit myeenyëty ets jyotkujk'ajtënëty maas yë ntsajptëjkën ets ja ntsajptëjkës y'utsa'any mëët yë mëj'ajt oyajtën. Yë Wintsën mëti'ipë maaytyääyëpën winë, yë'ë jëtu'un ënaanp.

Biblia Mixe de Quetzaltepec

⁷ Nyajyu'kxta'ajäämpyës yë naax kajpn wiinkëtypë muum yajpaatën ets tmëmintëty yë wyit myeenyëty ets jyotkujk'ajtënëty maas yë ntsajptëjkën ets ja ntsajptëjkës y'utsa'any mëët yë mëj'ajt oyajtën. Yë Wintsën mëti'ipë maaytyääyëpën winë, yë'ë jëtu'un ënaanp.

Hageo 2:7 ပူးပေါင်းရင်းမြစ်များ

Génesis 22:18

ets tu'kë'ëyë yë naaxwiinyëtë ja'ayëty nkënu'kxta'ajäämpyës mëët mijtskyëjxm, jä'ä koos mijts të xymyëmëtoy.

Génesis 3:15

Mijts ets to'oxytyëjk xëmë mnämyëtsip'atëtëty. Ets jëtu'un y'itëty ma m'u'unk m'okën ets ma to'oxytyëjk näjyëtu'un yë y'u'unk y'okën. Mkutä'änë'ëkëtëp yë y'u'unk y'ok ma nkëpajkën. Ets mijts nëjkxëp xytyekymyëtsu'utsë ma tyeky'ixpo'kxën.

Génesis 49:10

Ni pën yë Judá kyapëjkëtëty yë myëk'ajtën ets kyutujkën ets kyepy mëti'ipë kyë'ëjotm myëët'ajtypyën, koonëm tëy myinëty ja mëti'ipë nyiwintsën'ajtypyën ja kepy tampë tkë'ëkap'atyën, mëti'ipë nëjkx ja naax kajpn tmëmëtowtën.

1 Reyes 8:10

Je'eyë ja teetytyëjkëty jap pyëtsëëmtë tsajptëkoty tääts ja yoots nyäpyëjktakë tsajptëjk këpajkm,

1 Reyes 8:11

e mëët ko ënety tëë nyitujkta'ay ja tsajptëjk mëët ja yoots, ja teetytyëjkëty ka'ap ojts t'ëkjëkyäjpnë jam kyajpxta'aktëty winkon, jä'ä ko ja Wintsën ja myëj'ajt y'oyajtën tëë ënety ja tsajptëjk tyajtuktuky.

2 Crónicas 5:14

e mëët ko jap wyintujktëkooy tsajptëkoty mëët ja yoots nëma'a, tääts ja teetytyëjkëty ka'ap ojts t'ëkjëkyäjpnëtë wi'ix ja wintsë'kën tkë'ëyaktëty jä'ä ko ja Wintsën ja myëj'ajtën y'oyajtën tëë ënety ja tsajptëjk tyajwintuky.

Salmos 80:1

Mëti'ipë wyoow'ijtyp wyijts'ijtypyën yë Israel, mëët ko oy yë José xytyu'uwinwoy xytyu'uwinwitsy jëtu'un tä ja'ay yë kyupixyny oy twojpjëtityën, ets ko yë mkutujkën xymyëëtëty itkujky ma Wintsën kyukexyën, mëtoow'it.

Salmos 85:9

Janty tëyajtën jëtu'un, ko yë Dios winkon yajpaaty, ets tyajnitso'oka'any mëti'ipë mëjpëjktakëpën, ets myëj'ajt y'oyajtën yaa yajpaata'any ma naax'ajt nkajpn'ajtëmën.

Isaías 2:19

Ko ënety ja Wintsën tnipëtë'ëky ja naax kajpn ets jyää'aty ja tsë'ëkë jawë naaxwiiny naaxkëjxy, nëjkxëp ja ja'ay tsyaatëkëtë jyutëkëtë ets jap nyäyu'utsëtëty, këtiipë ja Wintsën y'ixëtëty ko ënety ja myëj'ajt y'oyajtën tyaj'ixyë.

Isaías 60:4

Ijxë'ëk koowë'ëk ets ijx'ëwtit mwintuuy mpë'aay: Aak tu'ukmujktaaynyëtëp yë ja'ayëty ets mnimiinëtëp. Jëkämpaat muum ja m'u'unk ëna'k tsyo'onëtë; ets ja mnëëxëty jëtu'un myintë tä jeexyë yajtsään yajkontën.

Isaías 60:7

Tu'kë'ëyë tsajppaxëty kupixynyëty jampë tyänëtën Quedar, aakmijts mjä'ä'atäämpy; yë kupixyny ayääkë jampë myäytyänëtën Nebaiot, aakmijts nëjkx xyajtuny ets Wintsën xytyukwintsë'ëkëty ma ja wintsë'këntyaknën ets oy xyuukëty jyokëty, jëtu'unts yë tsyajptëjk janty'oy ni'ik kyëxë'ëkëty.

Ezequiel 21:27

Aak potsykyutuk nëjkx nyajwë'ëmta'ayës xii yaa. Je'eyëp ko ya'atë ëyo'on yë'ë nëjkx tyaj'ity yë mëti'ipë patëpën ets mëti'ipës të xykyexyën, yë'ë nëjkx tpaye'eytyä'äy winë mëtëy.

Ezequiel 31:16

Ko ënety jap nyajjëjptä'äkyës naaxpa'tkë'p ets nëjkx tpaaty ja myëku'uktëjk mëti'ipë tëëyëp o'ktëpën, nëkooyë nëjkx y'ënanë ko ënety jap tyuknokë ets nëjkx tsyë'ëkëtë wiinkëtypë naax kajpn. Ma tääpë itjot naaxjotmën naaxpa'tkë'pë yajpaatyën nëjkxëp xyoonta'aktë yë aay kepy oyëtypë ets mëti'ipë nëëpë'aay të yajpaatën ma Líbano kopkën.

Ezequiel 38:19

Maas yam njoot'anpëkyën, jëtu'unës yam n'ëna'any nxëëwkyëjxmës ko jääjës nëjkx tu'uk yë ujx mëkpë nyajnaxy ma Israel kajpnën.

Ezequiel 44:4

Ënet ja ye'etyëjk ojts ok xyajnëjkxyës jam anëkëjxmtsow ma ja wiinkpë tëjkëtyaknën, tsajptëjkwintuuy tsyowpë. Täätsës të n'ixy ko tëëtëm yë Wintsën tyajtuktuky yë tsajptëjk mëët yë myëj'ajt y'oyajtën, etsës të nwintä'äky të naaxkoy, koonëmës yë nwinpok të ntukpaaty yë naax.

Hageo 1:8

Nëjkx jam tunkëjxm kopkkëjxm yajtsoontë yë kepy etsës yë njëën ntëjk xykyojtëty. Ënätës jotkujk näjyawëtëty etsës yë nmëj'ajt n'oyajtën nyaj'ixëtëty.

Malaquías 3:1

Yë Wintsën mëti'ipë maaytyääyëpën winë jëtu'un y'ënä'äny: Tyamës nkäxa'any yë nkäjpxynyajxpë mëti'ipë nyipëjktaakëpën ja në'ë tu'u. Ja Wintsën mëti'ipë miits m'ixtaaytyëp ajotkumonë tyëkëja'any ma ja tsyajptëjkën. Tää wyinkony ja käjpxynyajxpë mëti'ipë myëmiinpyën ja käjpxytyu'unën mëti'ipë miitsëty mtsojkën'ajtëpën.

Lucas 19:47

Jëpom jëpom ja Jesús ijty yaj'ixpëky ma ja mëjtsajptëjkën; ets ja teety wintsënëty, tsajptëkotyëtë yaj'ijxpëjkpëty ets mëti'ipë ja kajpn nyiwintsën'ajtëpën, yajxon ja winma'any tjajanty'ixta'atë wi'ix ja Jesús tyaj'ooktëtyën.

Lucas 2:27

Tääts ja Kënu'kxymyëkajtën yajnëjkxë ma ja mëjtsajptëjkën. Ko ja mëxu'unk Jesús ojts ja tyaak tyeety yajnëjkxyë ets tpatuntë wi'ix ja ënä'ämën y'ënä'änyën,

Lucas 2:46

Kom tëkëëk xëëw tpatë ma ja mëjtsajptëjkën, jap ënety y'u'unyë akujk ma ja yaj'ijxpëjkpëtëjkëtyën; ja yaj'ixpëjkpëtëjk yë'ë myëtoow'ijtëp wi'ix ja Jesús myëtyä'äkyën.

Lucas 20:1

Tëkok ja Jesús ënety yaj'ixpëky ma ja mëjtsajptëjkën, ja oy aaw oy ayuk nyikäjpxyp. Tääts ja teety wintsëntëjk jam jyajtë mëët ja tsajptëkotyëtë yaj'ijxpëjkpëtëjk ets ja mëjja'aytyëjkëty,

Lucas 21:38

Jopyëp, tsojk ja ja'ay ojts nyëjkxkojtë ma ja mëjtsajptëjkën ets tmëtoow'ita'antë mëti'ipë ja Jesús nyikäjpxypën.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Dios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Gálatas 3:8

Ma ja Dios ja y'aaw y'ayuk këxja'ay myinyën, tap nimëtyä'äky ko mëpëjkënkyëjxm ja ja'ay oy wyi'imy mëët ja Dios mëti'ipë ka'ap jyutiisëty ets jëtu'un ja Abraham yajtuk'ëwa'anëy ja oy aaw oy ayuk ko ja Dios y'ënëmaayë: tu'kë'ëyë naaxwiinyëtë ja'ay kënu'kxy nëjkx wyë'ëmta'atë mëëtkyëjxm ko mijts të mmëpëky.

Colosenses 2:9

Ja'ayën ja Kristë ojts y'awinpity ets yaj'ixëty ja Dios ma yë'ëjën,