Hageo 2:22 - Biblia Dc en Mixe de Quetzaltepec

²² nyajkutëkoyäämpyës yë yajkutujkpëtëjk naaxwiinypë ets nyajkujijnaxa'anyës yë pyo'kxtaknëty; nyajma'atäämpyës yë pyujxn wintëkäämpëty mëti'ipë myëtsiptuuntëpën etsës nyajkënajxta'aja'any mëti'ipë jam ënyääytyëpën ets y'o'kta'atëty yë kyëwaayëty ets mëti'ipë këwaaytyuk'ënyääytyëpën; nitu'ukjaty aakyë'ë nëjkx kyupuxëtë yë myëkä'äxtëjkëty.

Biblia Mixe de Quetzaltepec

²² nyajkutëkoyäämpyës yë yajkutujkpëtëjk naaxwiinypë ets nyajkujijnaxa'anyës yë pyo'kxtaknëty; nyajma'atäämpyës yë pyujxn wintëkäämpëty mëti'ipë myëtsiptuuntëpën etsës nyajkënajxta'aja'any mëti'ipë jam ënyääytyëpën ets y'o'kta'atëty yë kyëwaayëty ets mëti'ipë këwaaytyuk'ënyääytyëpën; nitu'ukjaty aakyë'ë nëjkx kyupuxëtë yë myëkä'äxtëjkëty.

Hageo 2:22 ပူးပေါင်းရင်းမြစ်များ

2 Crónicas 15:6

Nixim niyam ënety ja naax kajpn je'eyë nyäyajkutëkoyë, jä'äkyëjxm ko ja Wintsën yë'ë tuk'ijxëtëp ja atsë'ëk ajawëpë mëët kanaakpëkpyë ja ëyo'on jotmay.

2 Crónicas 20:22

Ko tyëjkëtyë ëëwpë yaxpë, ja Wintsën yë'ë ojts kë'ëm tuknipëjktaakë ets ja Moab ja'ayëty ets ja Seir ja'ayëty mëti'ipë jam tso'ontëpën, tsuu poj jyajta'atëty, jëtu'un ojts ka'ap y'ëkmëtaknëtë ma ënety të tjanimintën ets ëxëëk tuna'antë ja Judá ja'ayëty.

2 Crónicas 20:23

Jä'ä ko ja Moab ja'ayëty ets ja Amón ja'ayëty ni'ikyë ojts tnipëtë'knëtë ja Seir ja'ayëty, mëti'ipë jam tso'ontëpën, ko tyaj'o'ktaaytyë tääts aakyë'ë nyänyiwa'këtyë ets nyäyaj'o'këtë jaxim jayam.

Salmos 46:9

tëë tyajkëxy tyajnaxy yë tsip käjpxy naaxwiinyëtë apëtsëmy, tëë tëjtakta'ay yë ti'pxn, tëë piw nuuk tyajjajta'ay yë ku'umën. Të tyajnitooytyä'äy yë kepy wintëkäämpë mëti'ipë ja'ay myëtsiptuuntëpën.

Salmos 76:6

Niwi'ixtsow tkajëkyepy yu'kxtëty yë kepy wintëkäämpë ets kwaay ko mijts Dios, mëti'ipë Jacob Tyiosajtën, xykyajpx'ëtsë'ëkë.

Éxodo 14:17

Ëjts jëtu'un të ntuknipëjktaakës ets Egiptë ja'ayëty yë mëkjot mëkwinma'any tpaatëty ets mpapo'ojëtëty, jëtu'unës yë mëj'ënä'ämpë ntuk'ixa'any yë nmëj'ajtënës mëët nitëkokyë yë tsyiptuunpëtëjk, mëët yë kyepy wintëkäämpë ets mëët yë këwaayëty.

Éxodo 14:28

Ko ja mëjmejy jatëkok nyämyujkë jëtu'unyë ojts tyajnikoonpäjta'ay ja Egiptë ja'ayëty mëët ja kyepywyintëkäämpëty ets mëët ja kyëwaayëty, tëkokyë ja tsiptuunpëtëjkëty mëti'ipë ënety të tpatëkëtën ja Israel ja'ay jap nëëjoty, nitu'uk ojts kyawë'ëmy juuky mëti'ipë ja mëj'ënä'ämpë tsyiptuunpë'ajtypyën.

Éxodo 15:19

Ko tyëjkëtyë ja kepy wintëkäämpë ets ja këwaayëty jap nëëjoty, yë Dios yë'ë ojts tyajkutuky ets ja nëë jëtu'unyë nyijä'tstëkooytya'ajëtëty, yë Israel ja'ayëty jëtu'un ja nëë tuknajxtë tä jeexyë wintë'ëtstuuy ye'eytyën të'ëts wa'ats.

Éxodo 15:4

Yë Wintsën tëë tyajkiinta'ay yë kepy wintëkäämpë jap nëëjoty mëët yë tsyiptuunpëtëjk yë mëj'ënä'ämpë, e ja tsiptuunpë wintsënëty, mëti'ipë ënety mëj'äämpy ijtëpën, ojts nyëëji'kxta'atë ma ja mëjmejyën mëti'ipë xyëëwajtypyën Tsaptsmejy.

Isaías 19:2

Tääts ja Wintsën y'ënä'äny: Nyajwa'kxäämpyës yam Egiptë kajpn ets aakyë'ë tsyiptuntëty, nëjkxëp nyämyëtsiptsoonyë ja ja'ay mëët ja myëku'uk, ja kajpn mëët ja myënaax myëtsëpa'an, ja yajkutujkpë mëët ja myëku'uk mëti'ipë näjyëtu'un yajkutujkpën.

Isaías 60:12

Ja naax kajpn mëti'ipë ënety ka'ap mëtunyën, nëjkxëp kyutëkoy; yë'ëpaat mëjëtypë naax kajpn kyutëkoyä'äny.

Isaías 9:19

Mëët ja tsyip y'äkë ja Wintsën mëti'ipë maaytyääyëpën winë, tëë ja naax kajpn jyëënmatsyë, tam ja tyooytyëkoy; Yë'ëpaat ja y'u'unk y'ëna'k tsu'tsnëtë, ka'ap t'ëkpa'ëyoownëtë ja myëkä'äx, tam mëti'ipë yiin wään kääpyën ets ka'ap kyu'uxyë, tam ka'apë ninu'un tyimkayën.

Ezequiel 21:27

Aak potsykyutuk nëjkx nyajwë'ëmta'ayës xii yaa. Je'eyëp ko ya'atë ëyo'on yë'ë nëjkx tyaj'ity yë mëti'ipë patëpën ets mëti'ipës të xykyexyën, yë'ë nëjkx tpaye'eytyä'äy winë mëtëy.

Ezequiel 26:16

Tëkokyë ja yajkutujkpëtëjk nëjkxëp jam wyä'ätsë'kta'atë ma y'ënyääypyäjnëtyën ets nëjkxëp ja wyit tjäänta'atë mëti'ipë ënety myë''ënä'ämtëpën; tsë'ëkë mëët nëjkx nyaaxwäätstë jatëkok ets janaam jatsojk tsyëtyuytyëty ko ënety m'ixyë.

Ezequiel 38:21

Ma Gog kajpnën nyajminäämpyës yë ëyo'on jotmay atsë'ëk ajawëpë, ntëytyunäämpyës mëët yë pa'am ëyo'on ets o'kën tëko'oyën mëkpë tsaatsypë. Ma yë'ëjën mëët yë tsyiptuunpëtëjk ets naax kajpn mëti'ipë putëjkëyëpën nyajkomtu'ujäämpyës, nyajtëtsntu'ujäämpyës ets nyajtu'ujäämpyës yë jëën mëti'ipë tsääpy no'kpën ets nëjkx yë tsyiptuunpëtëjk nyänyipëtë'ëkyë aakyë'ë mëët yë tëypyujxn. Ëjts Wintsën, ëjts ënaanp.

Ezequiel 39:20

Nëjkxëpës nyajtsu'uts nyajjë'kxtë mëët yë këwaaytsyu'utsy ets mëët yë nyija'ay, mëët yë tsiptuunpëtëjk ets yaja'ay o'kpëtëjk yë xyixyëty, koonëm kyu'uxëtëty. Ëjts Wintsën, ëjts ënaanp.

Daniel 8:25

Mëët yë kyëpety winma'any, yë'ë nëjkx tukmëtä'äky antakën. Amëj akëjxm nëjkx nyäjyawëty ets may nëjkx ja'ay tyaj'ooky mëti'ipë ënety jotkujk yajpatëpën, jä'ä ko awin'ë'ënën nëjkx ja'ay tyaj'ooky. Nëjkxëp mëët tsyiptuny mëti'ipë nyikopk'ajtypyën yë yajkutujkpëtëjk, je'eyëp jää ka'ap nëjkx y'ëkmëtaknë.

Amós 2:15

Yë ti'pxpë ka'ap nëjkx myëtä'äky ets ka'ap yë'ëkyëjxmëty tsyo'oka'any, yë'ëpaat mëti'ipë japëyë'kpën mëk ets mëti'ipë ja käkpën kwaaykyijxy.

Miqueas 5:10

Jëtu'un yë Wintsën y'ënä'äny: Jä'ä xëëw nyaj'o'kta'ajäämpyës yë mkëwaay ets nyajkutëkoyäämpyës yë mkepy wyintëkäämpë mëti'ipë mmëtsiptuumpyën.

Miqueas 5:15

Maas ja ntsip n'äkë ënety nyajnaxyën, ëxëëkës nëjkx ntuny ja naax kajpn mëti'ipës xykyamëmëtoowpën.

Miqueas 5:8

Ënet jam naaxwiinyëtë itkujky, ja Jacob ja y'u'unk y'ok mëti'ipë ënety të jyaakwë'ëmtën, nëjkx yajpëjkta'aktë tä tu'uk kaajën ma jëyujkëtyën, tä tu'uk kaajën kupixyny itkujky, ko tu'uk wyinnaxyë jëtu'unyë t'anuk tuknukë ets ka'ap nitu'uk juuky t'ëxmatsy.

Miqueas 5:9

Jëtu'un xynyipëtë'ëka'any mijts Wintsën ets xyajkutëkoyä'äny tu'kë'ëyë ja mmëtsiptëjk.

Miqueas 7:16

Wä'än wiinkëtypë naax kajpn t'ixtë ets tsëtyu'unmëët wyë'ëmtëty ko ënety tnijawëtë ja mmëkajtën. Wä'än uum ets nat twë'ëmtë.

Sofonías 3:8

Paaty miitsëty ëwxitë, pyatyp ja xëëw maas nikajpxanën yë pyokyëty. Ëjts Wintsën, ëjts ënaanp: Tëës ntuknipëjktaakë koos nyajtu'ukmujkta'aja'any yë naax kajpn ets yajkutujkpëtëjk etsës nyajnaxa'any yë ntsip n'äkë ets njoot'anës. Tu'kë'ëyë yë naax kajpn kyutëkooytya'aja'any mëët yë ntsip n'äkës mëti'ipë jëënmëët minaanpën.

Zacarías 10:11

Nëjkxëp tuknaxtë yë Egiptë juukymyejy, ko ënety ja nëë o'pky n'apëjktukyës. Nyajtë'ëtsäämpyës yë Nilë nëë këkpaat; nyajma'atäämpyës tëkokyë mëti'ipë yë Asiria ja'ayëty nätyukmëjja'awëtëpën ets nyajkutëkooytya'aja'anyës yë Egiptë kyutujkën.

Zacarías 10:5

Jëtu'un nëjkx nyaxtë tä yë tsiptuunpëtëjkëtyën mëti'ipë mo'onts y'atä'än tyuktä'äntëpën tu'ujoty; tsiptunantëp yë'ëjëty jä'ä ko Wintsën mëët yajpaatë ets tsëtyu'unmëët tyajwë'ëma'antë ja këwaaytyuk'u'unyääpyëty.

Zacarías 12:9

Jä'ä xëëw nyaj'atëkoyäämpyës yë naax kajpn mëti'ipë ënety nëkoo myëma'ayëpën yë Jerusalén kajpn.

Zacarías 14:3

Ok yë Wintsën tsyiptuna'any mëët tääpë ja naax kajpnëty mëti'ipë ënety ëxëëk të y'ëtë'ëtstën, jëtu'un ijxtëm pën tsyiptunyën ko tsip y'ity.

Zacarías 4:6

Ets y'ënäny: Jëtu'un ja Wintsën t'ënëmaay ja Zorobabel: Ka'ap yë'ëkyëjxmëty ko may jyääjëty yë tsiptuunpëtëjk ëkë ko ja'ay jyotmëkëty, yë'ë tuunp ëjts yë nmëjaaw nmëk'ajtën, jëtu'un y'ënä'äny yë Wintsën mëti'ipë maaytyääyëpën winë.

Zacarías 9:10

Yë'ë yajkutëkoyäämpy yë Efraín yë pyujxnwintëkäämpë, yë kyëwaay yë Jerusalén kajpn ets ti'pxn mëti'ipë myëtsiptuuntëpën. Yë'ë nyikajpxäämpy ja jotkujk'ajtën ma tu'kë'ëyë ja naax kajpnën ets yajkutuka'any naaxwiinyëtë apëtsëmy, tyimtso'ontä'äky jam Éufrates ets tyimja'ty ma naaxwiinyëtë jyëjpkëxyën.

Mateo 24:7

Jä'ä ko tsiptunantëp ja naax kajpn nixim niyam naaxwiinyëtë apëtsëmy. Itaanp ja yuu xëëw ets ja naaxwiinyëtë yu'kxa'any xiitsow yaatsow.

Apocalipsis 11:15

Ko ja mëwëxtujkpë ja tsajpjotmëtë kukäjpxy tukxuxy ja pujxnxuxn, ënät kanaakpëky ja mëto'owën mëk yajmëtooy jam tsajpjotm ets y'ënä'äny: Tëë ja Wintsën ets ja Kristë tyajtso'onta'aktë ja kyutujkën naaxwiiny ets yajkutuka'antë xëmëkyëjxm.

Jueces 7:22

ja nitëkëëk mëko'pxpë ja Israel ja'ayëty ni'ikë ja jyänty xyuux'ëtë'ëtstë, mëti'ipë tyukxuxtëpën ja tsajppaxwaj, ja Wintsën ojts kë'ëm tuknipëjktaakë ets ja Madián ja'ayëty tyëkëtëty tsiptuunpë aakyë'ë, yë Wintsën yë'ë ojts tuknipëjktaakë ets kyä'äktëty jampaat ma txëëwatyën Bet-sita, matsow yajninëjkxyën ja Sererá kajpn ets jampaat ma ja tsyëpa'an nyäxyën ja Abel-meholá winkon jam Tabat.

1 Samuel 14:16

Ko jëtu'un t'ijxtë yë Saúl yë kyëwent'ajtpë jampë ënety yajpaatën Guibeá ma Benjamín tnitänën. Ko yë filistejë ja'ayëty jëtu'un y'ëknäynyipëyë'k y'ëknäkyupëyë'kënëtë xii yaa.