Hageo 2:17 - Biblia Dc en Mixe de Quetzaltepec

¹⁷ Ëjts ojtsës nyajma'ta'ay mëët yë tëtsn tuu yë mpëjktä'äkyëty ets pya'amtëjkëtyääy, e miitsëty ka'apës xyjyä'ämyajtstë. Ëjts Wintsën, ëjts ënaanp.

Biblia Mixe de Quetzaltepec

¹⁷ Ëjts ojtsës nyajma'ta'ay mëët yë tëtsn tuu yë mpëjktä'äkyëty ets pya'amtëjkëtyääy, e miitsëty ka'apës xyjyä'ämyajtstë. Ëjts Wintsën, ëjts ënaanp.

Hageo 2:17 ပူးပေါင်းရင်းမြစ်များ

Deuteronomio 28:22

Nëjkxëp jam tyaj'ity ma mijtsën mëkëtypë pa'am ëyo'on: tä yë mëkjëënpa'amën, ki'ix pa'amën, kuxäjëpa'amën ets yajkëta'akäämpy jam näjyëtu'un yë xëëw'an, mëti'ipë winë yajtëtsta'ajëpën, jëtu'un'äämpy nëjkx kyutëkoy ja mtsajpmokam, mjë'kxykyam ets ja ëyo'on jotmay jëtu'un nëjkx xëmë mpajëtijtënë tii yowënë.

Hageo 1:11

Ëjts të nyajminy yë anpë ma cam tu'ujën ets ma tun kopkën; ma tsajpmokën, tsatym kyamën, olivë kamën, ma pëjktä'äkyën, ma ja'ayëtyën ets ma nitëkokyë jëyujkën wi'ix kawi'ixëtypë ets ma tu'kë'ëyë tyuunk y'ëyo'onëtyën.

Hageo 1:9

Miitsëty may winë xytsyoktë ets wäänë xypyaatë; mëti'ipë jap mtëkoty mjapëjkë'ktëpën, tu'kxejyës je'eyë nyajkëjxta'ay. ¿Wi'ix jëtää ko jyëtu'unëty? Jä'äkyëjxm koos yë njëën ntëjk axit ako'owë yajpaaty, e miitsëty yi'iyë mëmaay mëët'ajtëp wi'ix mjëën mtëjk xyaj'utstëtyën. Ëjts Wintsën, ëjts ënaanp.

1 Reyes 8:37

Ko ënety jyää'aty ja yuu xëëw, ja pa'am ëyo'on, ja ëyo'on jotmay, ëkë myinëty ja aay ujts ja nyipa'am, tyëtstaaynyëty mëët ja xëëw'an ëkë ko y'ëyo'onpëjkta'akëty ja mëkuk, poo, kumtënë'k, mu'u ets oynatii jëyujk, ëkë ja mëtsip tyajku''ëtukëty ja naax kajpn, ëkë myinëty tiijaty ëyo'on tiijaty pya'am, tun mëyajtën mpa'ëyowëp yë mnaax mkajpn, mëtoow'ijtë ja jyiiytyak nyu'kxtakën.

Jeremias 5:3

Wintsën, mijts yë'ë m'ixtääpy ja'ay mëti'ipë oyjyot wyinma'anyën. Ojts xyjyatëytyuny, yë'ëjëty ka'ap ojts tjawëtë; taj xit xyjyatuuny, kä'äpyëm tjajtë. Kujuun je'eyë nyäpyëjktakëtë këtiinëm yë tsaa, ka'ap tniwinpijtë ja oypyë ja në'ë tu'u.

Apocalipsis 2:21

Tëës nmo'oy ja tiempo ets jyootwinpitëty; je'eyëp ko yë'ë ka'ap tmajtstu'uta'any ja y'ëxëëktu'unën.

Amós 4:6

Ojts miitsëty nyaj'ayuu'atë maajaty yë mkajpnëtyën; ojts nyaj'ëmaaytyä'äkyës yë jë'kxy pëky maajaty mtsëënëtën, e miitsëty ka'apës xynyimiintë. Yë Wintsën jëtu'un ënaanp.

Jeremias 3:24

Mëët ko ëëtsëty yi'iyë awinax të n'ëwtatë mëti'ipë ok yajmëtsëtyuunpën, tëëjës nyajtëkooytya'atë mëti'ipës yë nteety ntaak të tmëët'atën koos të nmutsk'atë, ijxtëm yë kupixynyën, jëyujk tsajpkaajën ets u'unk ëna'kën.

Isaías 62:8

Tëë yë Wintsën xyëëw tukajpxpety ets y'a'oykyë'ë të txajjë'ëky mëti'ipë maayëpën winë ets të y'ënä'äny: Nijëna'ajës nka'ëkyajkutujknë ets mmëtsip yë'ë tjë'kxtëty tkaytyëty yë mtsajpmok ëkë jaaypyo'kxyjyä'äy yë'ë t'uuktëty yë mtsatsym nyëë mëti'ipë të xynyitunën;

Isaías 42:25

Paatykyëjxm tyukjoot'anpëjkëtë ets tyiytyuunëtë mëët ja tsip käjpxy mëti'ipë toopyën jëënën; e oy ëxëëk jyajajty jyakëpejty kä'äpyëm ojts jyä'äkyukëtë.

Isaías 37:27

Yë ja'ay mëti'ipë jam tsënaaytyëpën ka'ap tii të myäyëtë, je'eyë të tsyë'ëkëtë ets të tsyëtyuntë, aayën ujtsën të yajpaatë, mëëy u'unkën, ujts u'unkën; jëtu'un tä ujts yonyën tëjkkëjxy ets ko y'aantä'äky, tëë nyaxo'tsnë.

Isaías 9:13

E ja naax kajpn, kajts të tmëj'ixy të tmëjpëjktä'äky ja Wintsën, oy jënu'un të jyatëytyunyë; nijënu'un të kyaja'ty wyinma'anyjoty ets jeexyë të t'ixta'ay ja näypyutëkë ma Wintsënën mëti'ipë maaytyääyëpën winë.

Salmos 78:46

ja maymyu'u ojts tkukä'pta'atë ja pëjktä'äky mëti'ipë ënety të tnitunëtën.

Job 36:13

Yë ëxëëkja'aytyëjk nëkooyë jyänty jyoot'anpëktë, oy jyayajtsumy jyayajmatstë ka'ap t'amëtowtë putëjkën.

2 Crónicas 28:22

E yë'ë oy ja amay jotmay tjapaty kä'äpyëm ja jyot wyinma'any tyaj'o'oyëy ets kä'äpyëm ja Wintsën tmëjpëjktäky, jëtu'un jyä'äy'äjty ja yajkutujkpë Ahaz.

2 Crónicas 6:28

Ko ënety jyam'aty ja yuu xëëw ma ja naax kajpnën, ëkë jyam'aty ja pa'am ëyo'on, ëkë y'aanë'k tyëëtsë'knëty ja naaxwiinyëtë; ëkë jyam'ajtnëty ja yuu pa'am, ëkë ja jëyujk mëti'ipë ja aay ujts yajwintëkoopyën, ëkë tsu'tspë nä'ämpë jam y'ijnëty; ëkë ko ja mëtsip ja naax kajpn tyajnatujknëty, ëkë oynatii ëyo'on natii jotmay myinëty kyëtaknëty,

Génesis 42:27

Ko jya'ajtë ma ja tsuu tyajnaxa'antën, tu'uk ojts t'akejy ja xya'k ets tyajjë'kxa'any ja jyëyujk, e ko t'ijxy taptëm ja meeny myiny ma xa'k'aawën.

Génesis 42:23

Yë'ëjëty ka'ap ënety nijawëtë ko ja José wa'ats tja'akyukë mëti'ipë myëtyaktëpën, yë José wiink ayuk ënety tyukmëkäjpxyp ja y'äjtytyëjk, ëpëky tmëëtëty ja wiinkpë ja ja'ay mëti'ipë kajpxwatsëyëpën ja y'ayuk.

Génesis 42:6

Yë José yë'ë ënety ënä'ämpë ijtp jap Egiptë ets yë'ë ja tsajpmok tyukmëto'kpy ja ja'ay mëti'ipë miintëpën tsajpmok juupyë. Ko ojts ja y'äjtytyëjk jam jya'të ma yë'ëjën, ënät nyäjyijtakëtë yë'ë wyintum ets nyaaxkoowtë.

Isaías 28:2

Yë Wintsën tam tu'uk ja'ay tyaj'ëwxity mëkpë, maayëp winë, mëti'ipë nëjkx jëtu'un kyëtä'äkyën tä tyëtsntu'uyën, tä myëk kyomtu'uyën mëti'ipë yajkutëkoopyën ja naax kajpn, tä mëktuupojën, tä mëj nëëkomën. Kë'ë'am nëjkx naaxkujëpipë.

Salmos 128:2

Yë'ë mjë'kxëp mëti'ipë myajnimëjaawtäkpyën, janty jotkujk myajpaatëty ets oy tsuj mjuuky'atëty.

Hageo 1:6

Miitsëty may mni'iptë ets wäänë mpëjktä'äky xyajpëtë'ëktë; mjakaaytyëp ets ka'ap mku'uxëtë; mjänëë'uktëp ets ka'ap mtëëtsë myontë; mjanämyu'uxëtëp ets je'eyëm mtëpooktë; mëti'ipë mëtuunpën ka'ap ja myëju'uny tyajnipety.

Hageo 2:16

¿tiitën ko ijty jëtu'un mjatë mkëpätë? Ko ijty pën tninëjkx i'px tsim ja tsajpmok, je'eyë majk tsim tpaaty; ets ko ijty pën nyijkxy jam ma tsatym nyëë nyäxyën ets wëxtyikxy majk tu'ts tpëka'any, je'eyë ijty tpëky i'px tu'ts.

Malaquías 3:11

Ka'apës n'ëwa'atsa'any ets mu'u tyajwintëkoytyëty yë pyëjktä'äkyëty.