Habacuc 3:7 - Biblia Dc en Mixe de Quetzaltepec

⁷ Tëës n'ixy yë Cusán ja'ayëty o'ktëy jyajta'atë ets Madián ja'ayëty tëë je'eyë të wyintakta'atë mëët ja tsë'ëkë.

Biblia Mixe de Quetzaltepec

⁷ Tëës n'ixy yë Cusán ja'ayëty o'ktëy jyajta'atë ets Madián ja'ayëty tëë je'eyë të wyintakta'atë mëët ja tsë'ëkë.

Habacuc 3:7 ပူးပေါင်းရင်းမြစ်များ

Josue 9:24

Ënet t'ëtsoowtë ja Josué: Ëëtsëty paatykyëjxmës jëtu'un të n'ëtë'ëtstë, jä'ä ko miits ënety ntsë'këtyëp, koos xy'ëkyaj'o'ktaaynyëtëty, jä'ä ko tëëjës nijawëtë ko yë Moisés ojts yë Dios y'ënë'ëmxëty, ko tëkokyë ya'atë it naaxwiinyëtë tniwa'kta'ajëty ets tyajkutëkoyëty tu'kë'ëyë jënu'un yaa ja'ay tsyëënëtën.

Josue 2:10

Ëëtsëty wa'atsës nnijawëtë ko jap mtso'ontë Egiptë ets ko xytyuknaxantë ja Tsapts mëjnëëmejy. Ko Dios tyajtëtsy tääpë mëjnëëmejy poj'am ets të'ëts wa'ats xytyuknajxtë. Nija'awëtyëpës näjyëtu'un ko ojts xyajkutëkoytyë yë yajkutujkpë Sihón ets yajkutujkpë Og mëti'ipë ënety jam ënä'ämtëpën ma Amor ja'ayëtyën mëti'ipë yajpatëpën jam nëëwinnaxy ma Jordán mëjnëë jyënäkyën.

Jueces 8:12

Yë Zébah ets Zalmuná ënätyë ojts tyäty kyä'äktë; e yë Gedeón ojts poj'am pyatsoonëtë koonëm nyäspatëtë ets myajtsëtë, ja tsiptuunpëtëjkëty yajxon tsyë'kënëtë.

Jeremias 49:29

Mijts jä'ä'ajta'atë ja wyit tyujkxyëty ets ja tsyajppaxëty, kyupixynyëty, ja wit mëti'ipë tyëjk tyuknikojtëpën ets ja y'apëjk y'atu'unënëty. Pëjkëtë ja jyëyujk jëku'uxëty ets xy'ënëëmëtëty ets wiinkuyaaxëtë. Kutsë'ëkë yajpaaty oymyaajëty.

Éxodo 2:15

E jä'ä ënät ja yajkutujkpë ko tnija'awëy, ko ënety tëë ja Moisés tu'uk ja Egiptë ja'ay tyaj'ooky. Ënätyë ojts tni'ënä'ämë ets t'ëxta'atëty ets ko tpaatëty tyimyaj'ooktëp. Yë Moisés ënätyë ojts kye'eky, jam ojts nyijkxy tsënääpyë ma tu'uk ja it naaxwiinyëtë txëëwatyën Madián. Ko jam jyä'äjty, jam winkon nyaaxwe'tsy ma tu'uk yë nëëjutën.