Habacuc 3:13 - Biblia Dc en Mixe de Quetzaltepec

¹³ Tëë xypyutëkë ja mnaax mkajpn ets ja yajkutujkpë mëti'ipë kë'ëm mwin'ijxën. Tëë xyajjitsy ja ëxëëk ja'ay ja jyëën tyëjk ets tëë jap xytyim jijtë'ëky ma ja potsy'ëjxën.

Biblia Mixe de Quetzaltepec

¹³ Tëë xypyutëkë ja mnaax mkajpn ets ja yajkutujkpë mëti'ipë kë'ëm mwin'ijxën. Tëë xyajjitsy ja ëxëëk ja'ay ja jyëën tyëjk ets tëë jap xytyim jijtë'ëky ma ja potsy'ëjxën.

Habacuc 3:13 ပူးပေါင်းရင်းမြစ်များ

Salmos 110:6

Nëjkxëp ja naax kajpn ja nyëë pyoky tpaye'eyë, nyijëpijpätäämpy yë o'kpë; myëjwojpätäämpy këpajk naaxwiinyëtë apëtsëmy.

Salmos 105:15

Këtii nëkoo ëxaty xynyatun xynya'ënëëmëtëty ya'atë ja'ayëty mëti'ipës të nwin'ixyën, ets ijxkëm nëkoo ëxaty xytyuntë xy'ënëëmëtë yë nkäjpxynyajxpëtëjkës.

Salmos 105:26

Ënet yë Dios tkejxy yë tyuunpë Moisés ets Aarón, mëti'ipë ënety të twin'ixyën,

Salmos 99:6

Yë Moisés ets Aarón jam yajpaatë ma y'itën yë Dios mëtuunpëtëjk; e yë Samuel jam yajpaaty ma ja'ayëtyën mëti'ipë ojts myëjpëjktakxëtyën ja xyëëw. Yë Wintsën ojts ënätyë y'ëtsowëtë ko ja putëjkën t'amëtoowtë.

Salmos 77:20

Jëtu'un yë mnaax mkajpn të xywyinye'ey tä yë ja'ay twinye'eyën yë kyupixyny, mëët yë Moisés ets Aarón.

Salmos 68:7

Mijts Dios, ko ojts xywyoowtsoony ja mnaax mkajpn ets ojts xywyoownëjkxy të'ëts'itjotm,

Salmos 28:8

Yë Wintsën yë'ë nyaax kyajpn mëjaaw'ajtëp. Näyjyëtu'un ja yajkutujkpë mëti'ipë të twin'ixyën, jam yë näypyutëkë ets tsoktakn tpaaty ma yë'ëjën.

Salmos 20:6

Nija'apës ko yë Wintsën yë'ë yajmëta'akäämpy yë yajkutujkpë mëti'ipë kë'ëm të twin'ixyën; jam tsajpjotm y'ëtsoowinpita'any ets tyajmëta'aka'any tsipjotm.

Josue 11:12

Näyjyëtu'un ja wiinkëtypë ja kajpn mëti'ipë ënety mëët ja käjpxytyu'unën të tmëët'atyën ojts tyajkutëkooytyä'äy ets tyaj'o'ktaay ja nyiyajkutujkpë ets mëët tëkokyë ja ja'ayëty jampë tsyëënëtën, jëtu'un tä ënety ja Moisés të tyuk'ëne'emyën ja Wintsën.

Josue 11:8

Yë Wintsën yë'ë ojts ja Israel ja'ayëty yajmëta'akëtë, jampaat ja myëtsip tpaja'ajtë ma Sidón kajpnën ets ma ja Misrefot-maim kajpnën, e jamtsow a'oytsyow jampaat ojts tpaja'të ma ja Mizpá joyjyotën. Nitu'uk ojts ja'ay tkayajwë'ëmtë juuky.

Josue 10:24

Ko jam twoowmiintë ma Josuéjën, tä ojts twoowmujkta'ay ja ja'ayëty, mëti'ipë jam yajpatëpën ma Israel kajpnën ets t'ënëmaay ja tsiptuunpë wintsënëty: Mëjwa'aktë ets xyo'kmëtäänëtëty tyaapë yajkutujkpëtëjk, yë'ëjëty ojts jëtu'un tuntë,

Josue 10:11

Ko jam jyënajkë'ktë yë Amor ja'ayëty ma ja it naaxwiinyëtë txëëwatyën Bet-horón ets jä'ä tkukä'äktë ja Israel ja'ayëty. Ënet yë Wintsën jam tyajkutëjkëy yë mëktëtsn tuu tsajpjotm ets may yë Amor ja'ayëty y'o'ktë mëët ja tëtsn tuu këtiinëm jyëtu'unëty tä ënety ja Israel ja'ayëty të tyaj'ooktën mëët ja tyiypyujxnëty.

Isaías 63:11

Ënet tja'amyäjtstë ja tëëyëpë, ma ja Moisés tyaj'ëwaatsëpëtsëëmyën ja nyaax kyajpn, ets nyäyajtëëwëtë: ¿Maa jëtäätën ja Wintsën mëti'ipë yajnajxën ja Israel kajpn mëët ja Moisés ma ja mëjmejyën, jëtu'un tä mëti'ipë tsajppax ets kupixyny kyëwent'ajtypyën? ¿Maa jëtäätën ënät? mëti'ipë ja Moisés yajtuunën mëët yë kënu'kxypyoj,

2 Samuel 5:20

Tä ja David jam jyä'äjty Baal-perasin, jam mëët yajxon tsyiptuuny ja filistejë ja'ayëty, ma ojts ka'ap tyajmëtä'äkyën. Paaty jam y'ënäny: Jëtu'un tä yë mëj nëëkom muum nyäxyën, jëtu'unës yë Wintsën yë nnë'ë ntu'u të xy'ëwatsë maas yë nmëtsiptëjkën, paatykyëjxm tampë ja it txëëwmooy Baal-perasim.

Salmos 137:7

Wintsën, ja'amyäts wi'ix ojts tëkok yë Edom ja'ay y'ëtë'ëtstën, ko yë Jerusalén kajpn ojts ëxëëk jyäty kyëpety, ënät y'ënantë: Yajkutëkooytya'atë tu'kë'ëyë, jijtë'ktaayëtë yë pyotsyëty.

Isaías 64:1

Jääpëk jeexyë xykyë'ëtswä'kxy yë tsajp ets mkëta'akëty naaxwiiny ets xyajyu'kxypëjkta'ajëty ja tun kopk,

Ezequiel 13:14

Ets njitë'ëka'anyës tääpë yë potsy mëti'ipë të xyjyaamnikoytyën; jëtu'unyës naaxkëjxy nyajijtkëta'aka'any ets nëjkx ja y'ëjx nyijijtu'uty. Jëtu'un, jijtë'ëkaanp tääpë yë potsy ets nëjkx mnijijtpätëtë. Ënet nëjkx xy'ijxpaatë ko ëjts Wintsën.

Amós 9:1

Ënätës yë Wintsën të n'ixy jam winkon ma wintsë'këntyaknën, etsës të xy'ënëëmë: Wojpyu'kx të tëjk'ateeny koonëm kyëtawëty yë tëjk akaj; ets jam tyëjtakta'ajëty ma ja'ayëtyën. Mëti'ipë juuky wë'ëmtëpën ëjts nkupujxta'ajäämpy: Oy pën jyakä'äka'anëty ka'ap nëjkx tsyo'oky;