Habacuc 2:6 - Biblia Dc en Mixe de Quetzaltepec

⁶ E ja naax kajpn mëti'ipë të yajmëmëta'aktën nëjkxëp tnëxi'ik tukxi'iktë ja kajpn mëti'ipë ënety të myëmëta'akëtën ets jëtu'un nëjkx tkuuy'ëwtë: Mon tuk mijts myajpaaty ko mnäyajkumeenytyä'äkyë mëët mëti'ipë ka'ap xyjyä'äjëtyën. ¿Jëna'apaat xynyipëjkpäta'any ja wit meeny mëti'ipë nu'kx m'amëtoowën?

Biblia Mixe de Quetzaltepec

⁶ E ja naax kajpn mëti'ipë të yajmëmëta'aktën nëjkxëp tnëxi'ik tukxi'iktë ja kajpn mëti'ipë ënäty të myëmëta'akëtën ets jëtu'un nëjkx tkuuy'ëwtë: Mon tuk mijts myajpaaty ko mnäyajkumeenytyä'äkyë mëët mëti'ipë ka'ap xyjyä'äjëtyën. ¿Jëna'apaat xynyipëjkpäta'any ja wit meeny mëti'ipë nu'kx m'amëtoowën?

Habacuc 2:6 ပူးပေါင်းရင်းမြစ်များ

Miqueas 2:4

Jä'ä xëëw nëjkxëp miitsëty myajtukwin'ëwtë ja ëy mëti'ipë yajjëëy yajyaxpën. Jëtu'un myaj'ënëëmëtë: Tëë yajxon ntimy y'atëko'oytyä'äyëmë; ja nkajpn'ajtëmë, mëti'ipë ja Wintsën kyajpn'ajtypyën tëë ja nyiwintsën tyëkatsy ets ka'ap pën wi'ix të y'ënä'äny; yë nkam'ajt ntu'u'ajtëmë yë'ë të tpëjkwa'kxtë yë ja'ayëty mëti'ipë të xymyëmëtakëmën.

Jeremias 50:13

Jä'ä ko ntukjoot'anpëkäämpyës yë'ë ets nitu'uk yë nyija'ay nkayajwë'ëma'anyës. Ko ënety jam pën nyäxy, je'eyë tsyë'ëkëty mëët ko ënety t'ixy wi'ix ja tëytyu'unën të t'ëxajën tääpë kajpn.

Jeremias 29:22

E ko ënety yë Judá ja'ayëty pën tpoktë mëti'ipë jam Babilonyë yajpatëpën tsumy matsy, jëtu'un nëjkx y'ëna'antë: Yë Wintsën mtëytyunëtëp ijxtëm tëytyuunyën yë Sedequías ets Ahab, mëti'ipë yë Babilonyë yajkutujkpë yajjëëntëtsën.

1 Pedro 4:7

Winkoomp ja xëëw ma ja naaxwiinyëtë kyëxanën, paaty miits wijy kujk itë ets ja'amyätstë ja Dios.

Lucas 12:20

Tyam ënety jëtu'un y'ënä'äny ko ja Dios y'ënëmaayë: Winma'anytyuk, tyam koots ënät m'o'knëty, ets mëti'ipë jap të xypyëjke'ekyën, ¿pën jyä'ä'atëp?

Habacuc 2:13

Yë Wintsën mëti'ipë maaytyääyëpën winë ka'ap tmëjpëjkta'aka'any yë mtuunk ets oy jënu'un tii të xyjyayajnimëjaawtä'äky, jä'ä ko nitooytya'ajaanp ja mëti'ipë të xyapëjktä'äkyën.

Habacuc 1:15

Yë caldeo ja'ayëty jëtu'un yë naax kajpn tuntë, tä ja'ay nyëë jëyujk matsyën, tä ja'ay nëë jëyujk txuyën ets tjëpipyën ets ko ënät t'ixy tëë may tmatsy tääts tukxoontä'äky.

Ezequiel 32:21

Ja kopktëjk mëti'ipë mëj'äämpy të y'itën nëjkxëp jap o'këntujp t'ëxajëtë ja Egiptë ja'ayëty mëët ja jyä'äyëty mëti'ipë mëët oy të nyäjyëkyäpëtën ets y'ëna'antëty: Tëë jyënaktë. Tëë jyëpijptëwtë ja ja'ay ka'apë Tios'ëwtatën, mëti'ipë të y'ooktën tsipjotm.

Isaías 55:2

¿Wi'ix ko meeny nëkoo nyajtu'unmëty ma ka'ap tjëkyepyën wi'ix nkä'ämyëty n'ukmëtyën? ¿Wi'ix ko jam nyajtu'unmëty mëti'ipë nimëjaaw yajnitu'un yajniye'eyëpën, ma winë ka'ap jyotkëtä'äkyën? Mëtoow'itë mëti'ipës yam nikäjpxypën ets oy yajxon mkaytyëty m'uuktëty, xu'kx ets jotkëtä'äky.

Isaías 44:20

Tyaapë jëtu'un tä ja'ay kuyjyaam tjë'kxyën. Jëtu'un tä ja'ay kë'ëm nyäwyin'ëënyën. Tääpë jëtu'unpë ja'ayëty ka'ap nijënu'un tjëkyepy wi'ix tsyo'oktëtyën. Ka'ap nijënu'un tja'akyukëtë ko mëti'ipë y'ëwtajtëpën nëkoopë nyätyukwin'ëënëtë.

Proverbios 22:16

Mëti'ipë ja'ay pyëjkëpën tii yë ëyoopëja'ay ets nyäyajkumeenytya'aka'anyë mëk ëyoopëja'ay y'awinpita'any.

Salmos 94:3

Wintsën, ¿tii jekyën jëtu'un janty'oy janty xoontä'äky yajpaata'antë yë ëxëëkja'aytyëjkëtyë?

Isaías 10:13

Yë Asiria yajkutujkpë jëtu'un të y'ënä'äny: Ëjts nimëjaawës winë të npaaty; mëët koos nwijyëty yajxonës winë të ntuknipëjktaakë. Tëës nyajtëkatsy ja tsëpa'an ets tëëjës mëj këjää wit meeny npaaty, ets koos njotmëkëty, wa'atsës të nmëmëtakta'ay ja yajkutujkpëtëjk.

Habacuc 2:12

Janty mon janty tuk mijts myajpaaty jä'ä ko yë'ë mëët ja mnaax mkajpn të xykyojy ja ëxëëkajtën ets ma ka'ap tii mëtëy të xypyaye'eyën.

Isaías 5:8

Janty mon janty tuk miitsëty myajpaatë, nëkoopë mjëën mtëjk xynyijuuypyätë, nëkoopë mkam mtu'u xypyëjkta'aktë, ka'ap xy'a'ixëtë ets wiinkpë nyaax tpaatëty, ets të mtsënaaytyaknpëktë, jëtu'un tä jeexyë miits nätyu'uk nkajpn'atën.

Jeremias 17:11

Mëti'ipë ja'ay nätyukyajkumeentyakëpën ja wit meeny ka'apë të tnituntën, jëtu'un yë nyäxy tä tu'uk yë pakëtseyën mëti'ipë wiink jëyujk yë tyaa nyimaajëpën. Ma ënety yajxon të myëjaawtëkën, jää nëjkx tyëkooytyä'äy ja kyumeenyajtën, tääts nëjkx je'eyë jyaak jëtity ja'akyupojën.