Habacuc 2:19 - Biblia Dc en Mixe de Quetzaltepec

¹⁹ Janty mon janty tuk mijts myajpaaty, jä'ä ko yë'ë awinax m'ënëmääpy ets wyijëty, tsaa m'ënëmääpy ets wya'kukëty. ¿Wä'än jëtää tii xy'ëktuk'ëwa'anëmëtyë? ¿Ka'ap tii xytyuk'ëwa'anëmëty jä'ä ko ka'ap jyuukyëtyë? oy jënu'un pu'ts pujxn ëkë poop pujxn tjaniwits'aty.

Biblia Mixe de Quetzaltepec

¹⁹ Janty mon janty tuk mijts myajpaaty, jä'ä ko yë'ë awinax m'ënëmääpy ets wyijëty, tsaa m'ënëmääpy ets wya'kukëty. ¿Wä'än jëtää tii xy'ëktuk'ëwa'anëmëtyë? ¿Ka'ap tii xytyuk'ëwa'anëmëty jä'ä ko ka'ap jyuukyëtyë? oy jënu'un pu'ts pujxn ëkë poop pujxn tjaniwits'aty.

Habacuc 2:19 ပူးပေါင်းရင်းမြစ်များ

Salmos 135:17

Jyamëët'ajtyp yë tyatsk, ka'ap myëtoy ets ka'ap jyuukyëty.

Jeremias 10:4

ets tuknikoy yë poop pujxn ets pu'ts pujxn, tääts twojpta'atsy mëët yë pujxn ets pujxnkuwojpën këtiipë nyëka'ajëty.

Jeremias 10:9

Yë y'awinaxëty mëti'ipë nikoyën mëët yë poop pujxn, jam Tarsis tmëtsoontë, mëti'ipë nikoyën mëët yë pu'ts pujxn jam Ufaz tmëtsoontë; yë tsäjtspë ets pujxn oytyuunpë yë'ë të t'oytyuntë ets të txoxtë mëët ukywyit tsaptswit. Yë ja'ayëty mëti'ipë jëtu'unpë tyuunk'ajtëpën yë'ë të tyaj'ijxëntëkëtë ets oy kyëxë'ëkëty.

Apocalipsis 17:4

Tsu'unk, tsapts ets oyëty ja wyit ja to'oxytyëjk; pu'ts pujxn, oyëtypë tsaa ets perlas nätyuk'oytyuunëp. Jam tu'uk ja pu'ts pujxn a'ukën tkoon'ity, ujts mëët ja ëxëëkajtën mëti'ipë tyuunk'ajtypyën.

Hechos 17:29

Jä'ä ko ëëtsajtëm Dios xy'u'unk'ajt xy'ok'ajtëmë, ka'ap tjëkyepy jëtu'un nmä'ämyëty ntajmëty ko yë Dios jëtu'un tä awinaxën mëti'ipë oytyunyën mëët yë poop pujxn, pu'ts pujxn ëkë kepy tsaa mëti'ipë yë ja'ay yajkojtëpën ijxtëm myäytyën tyajtën.

Daniel 5:23

Mijts, je'eyë xynyëxi'iky xytyukxi'iky yë Wintsën tsajpjotmëpë yajpaatyën, tëë xynyikäxë ja tsim texy mëti'ipë aak pu'ts pujxn mëët y'oytyunyëtyën jampë ijty yajpaatyën ma tsajptëjkën ets jap yë m'uuky të xy'atämëtë ets të xy'ëwtatë ja wiinkëtypë ja tios mëti'ipë oytyunyën mëët yë pu'ts pujxn, poop pujxn, tsuxkpujxn, juunpujxn ets kepy tsaa; tios ka'apë myëtowtën ets ka'apë tii tnijawëtën. E ka'ap ja Dios të xywyinkutsë'ëkë mijts yajkutujkpë mëti'ipë myajjuuky'ajtëpën ets mëti'ipë mtuktuunëpën winë.

Daniel 3:29

Tyam yë'ëjës yam nikäjpxyp ko pën ëxëëk tnikäjpxy tnimëtya'akëty yë Dios mëti'ipë tyaapë ëna'këty y'ëwtajtëpën nëjkxëp yaj'atsuk yajtuktsukë ets nëjkx ja jyëën tyëjk tsaanipiy y'awinpity oy ënety myaakajpnëty tsyoony ets wä'än myëti'ipë y'ayukëty tkäjpxy, jä'ä ko ka'ap maa tios mëti'ipë jëtu'un yajtsokpën tä yë'ëjëty yë Tyiosëtyën.

Daniel 3:18

E oy tkatuunpëty jëtu'un tä ëëts yam n'ëna'antën, mijts yë'ë mnijawëp ko ëëtsëty ka'apës tääpë awinax n'ëwtata'antë ets ka'apës nwinkoxtänëja'antë mëti'ipë të xy'oytyunyën mëët yë pu'ts pujxn.

Daniel 3:7

Ko ja ja'ay tmëtoowtë ja xuxn ets ja kow y'ënaantä'äky ënätyë ojts nyäkyoxtënaaytyakta'ajëtë ets t'ëwtajtë ja awinax mëti'ipë ënety të yaj'oytyunyën mëët yë pu'ts pujxn.

Daniel 3:1

Yë Nabucodonosor yajkutujkpë, ojts tni'ënä'ämë ets tu'uk yaj'oytyunëtyë yë awinax aakyë'ë yajtuk'oytyunëp yë pu'ts pujxn, jä'ä kyëjxmëty majkmokx xajpk ets tu'kxajpk ja mäjtsk kë'ënux myëjwiinëty ets jam ojts tni'ënä'ämë yajpëjkta'akëty ma ja Durá joyjotmën, mëti'ipë nyitënääpyën yë Babilonyë.

Jeremias 51:47

E jëtu'un y'ixëty, minaanp ja xëëw jëmëjt maas ja Babilonyë ja'ay nyajkutëkoya'antën ja y'awinaxëty. Ëxëëk nëjkx ja naax kajpn jyäty kyëpety ets nëjkxëp yë o'kpë jam may yajpaaty.

Jeremias 10:14

Aak tsuu aak nëpap yë naaxwiinyëtë ja'ay yajpaaty. Yë awinax ëxëëk o'ktëy yë jyä'äy tyajjaty mëti'ipë të yyajkojyën: nëkoo ja'ay nyätyukwin'ëënëtë, ka'ap tii juukyajtën tmëëtëty;

Isaías 46:6

Tä ja'ay mëti'ipë may yë pu'ts pujxn yäjkpyën ets may yë poop pujxn tkijpxtä'äky ets t'ënëëmë tu'uk ja ja'ay ets t'oytyunëty yë awinax, yë'ëts y'ëwtajtyp ets twinkoxtänë.

Isaías 44:17

Ja kepy mëti'ipë natëjkëpën, tääts ja awinax yajtuktsätsa'any ets ja ja'ay t'ëwtatëty ets tmëjëëytya'ak tmënu'kxta'aktëty, twinjë'ë twinya'axtëty, t'ënëëmëtëty: Tun mëyajtën, yajtsokës, ix mijts ntios'ajtyp.

Isaías 40:19

Tu'uk ja'ay mëti'ipë pujxn y'oytyuunpyën, yajxon tyajkojy tu'uk pujxntsetsy, tääts tu'uk yë pu'ts pujxn oytyuunpë tuknikoy yë pu'ts pujxn ets t'oytyuunë yë yo'ktëy mëët yë poop pujxn.

Salmos 97:7

Naxkutij naxkumatsë wyë'ëmta'atë yë ja'ayëty mëti'ipë y'ëwtajtëpën wiink tios, mëti'ipë mëj këjxm näjya'awëtëpën ko wiink tios t'ëwtatë, tëkokyë mëti'ipë yajtijtëpën wiink tios kwanë ko näjyëtu'un twinkoxtänëtëty yë Tiosën.

Jonás 1:5

Ja ja'ayëty mëti'ipë yajye'eytyëpën ja kepy nëëwinye'epyë, yajxon tsyë'kënëtë, këëkjä'ä ja tios tjanty y'ëwtatë. Ënet tnëkupëjktaaytyë ja tsëmy kë'ëy ets ja kepy nëëwinye'epyë jeexyë tyo'tsykyë. E yë Jonás jap ënety të jyëjptä'äky ma winë pëjkë'ëky y'ityën ets jap myaanajxy.

Salmos 135:15

Yë awinax mëti'ipë tsuuja'aytyëjk y'ëwtajtëpën, yë'ë mëët y'oytyunyëty yë pu'ts pujxn ets poop pujxn mëti'ipë yë naaxwiinyëtë ja'ay kë'ëm yajkojpyën mëët yë kyë'ë y'aaw.

Isaías 26:14

Yë'ëjëty tëë ja y'o'ktaaynyëtë, ka'ap nimaa y'ëkyajpatnëtë; jëtu'un të nyaxtë tä äpkën, ets ka'ap nijëna'a y'ëkyaj'ixanëtë; jä'ä ko tëë xytyiytyuny, tëë xyajkutëkoy, tëë xyjyëpëjkta'ay mëti'ipë jeexyë yajtukja'amyäjtstëpën.

Isaías 41:26

¿Pën ojts tëëyëp tnikäjpxy, ma winë tsyo'ontäkyën ets yajnijawëty? ¿Pën ojts tëëyëp t'akäjpxy ets yajwinjawëty ko mëtëy ojts jya'ëna'any? Nitu'uk miitsëty ojts wi'ix mka'ëna'antë, nitii ayuk ojts pën tkamëtoy mëti'ipë mkajpxtën.

Isaías 57:6

Mijts Israel, yë'ë ni'ik m'ëwtatäämpy yë tsaa të'kxëtypë oyëtypë wokjotypë tsyoonyën, jap wokjoty ni'ik xy'oy'ixy, jotkujk jap mnäjyawëty. Jap mpiky m'e'kxy, jap xyäky ja nëë ju'uky. ¿Ets ënät mmay mtajy koos jotkujkës näjyawëtyë?

Jeremias 2:27

jä'ä ko yë'ëpaat yë kepy të t'ënëmaaynyëtë: Mijts nteety'äjtyp; yë'ëpaat yë tsaa të t'ënëmaaynyëtë: Mijts ntaak'ajtyp. E ëjts ni pën të xykyawinkutsë'ëkës, je'eyë të wya'akwinpitë koos të xy'ijxpaatë. E jääts ko muum ëyo'ontum të yajpaatë, jää pojën të y'ëna'antë: Nimiintëkës, yajtsoktëkës.

Jeremias 2:28

Judá, ¿ma ënät ja mtios mëti'ipë të xyajkojyën? Mijts jëtu'un yë tios may xymyëëtëty tä maykyajpnën. Wä'än yë'ë mniminyë ets wä'än myajtso'okyë ko ëyo'on xypyaatëty.

Jeremias 10:3

Tääpë ja'ay myëpëjkënëty ka'ap tsyowpaaty ninu'un. Jam yukjotm kepy tpuxtë tääts tu'uk tsäjtspë t'oytyuny,

Jeremias 51:17

Tsuu nëpap yë naaxwiinyëtë ja'ay yajpaatë. Tsëtyu'unmëët ja'ay wyi'im mëti'ipë awinax yajkojpyën: Tääpë awinax nëkoo nyätyukwin'ëënëtë, ka'ap jyuukyëty;

Daniel 5:4

Aak uktaaytyë ja ja'ayëty ets këëkjä'ä tjanty y'ëwtatë ja y'awinaxëty, mëti'ipë oytyunyëtën mëët ja pu'ts pujxn, poop pujxn, tsuxkpujxn, juunpujxn, mëët yë tsaa ets kepy.