Habacuc 2:18 - Biblia Dc en Mixe de Quetzaltepec

¹⁸ ¿Tii nyawa'anëty tu'uk yë awinax mëti'ipë tëë jyaa'apatëtyä'äyën? ¿Tii nyawa'anëty mëti'ipë ja'ay je'eyë tyuk'antäkpyën? Yë awinax ka'ap yë kyäjpxy; ¿wi'ix yë ja'ay tukjotkujk'atëty tääpë awinax mëti'ipë ja'ay tsyejtsypyën?

Biblia Mixe de Quetzaltepec

¹⁸ ¿Tii nyawa'anëty tu'uk yë awinax mëti'ipë tëë jyaa'apatëtyä'äyën? ¿Tii nyawa'anëty mëti'ipë ja'ay je'eyë tyuk'antäkpyën? Yë awinax ka'ap yë kyäjpxy; ¿wi'ix yë ja'ay tukjotkujk'atëty tääpë awinax mëti'ipë ja'ay tsyejtsypyën?

Habacuc 2:18 ပူးပေါင်းရင်းမြစ်များ

Jeremias 10:8

Aak tsuu aak nëpap yë ja'ayëty, ni pën wijyajtën tkamëëtëty. Ijxkëm pën tu'kpuxyën tyukni''ixëtë kepy.

1 Corintios 12:2

Mnija'awëtëp miitsëty, ko ijty ka'anëm xymyëpëktë ja Wintsën Jesukristë, ja awinax ijty mwintsë'këtëp, mëti'ipë ka'ap kyäjpxyën.

Zacarías 10:2

Tä yë ja'ay mëti'ipë ënantëpën ko tëë yë awinax myëkajpxëtë nëkoopë yë'ëjëty nëkoopë wyin'ëëntë, ka'ap myëtëyëty y'ëna'antë yë najtsja'apëtëjkëty ko winë t'ixtë. Ko tii t'akajpxtë nëkoopë je'eyë wyinkuma'atë, yë y'aaw y'ayukëty ka'ap tii jotkujk'ajtën tyäky. Paaty yë naax kajpn jëtu'un yajpaaty tä tu'uk yë kupixynyën ka'apë wyinye'epyën ets o'ktëy jyäty kyëpety mëët ko ka'ap pën tmëët'aty mëti'ipë tu'uwinwowëtëpën.

Isaías 42:17

Mëti'ipë ja'ay awinax tyuk'ijxpäjtëpën ets mëti'ipë myëkajpxtëpën yë tsaatsetsy, kepy tsyetsy ets t'ënëëmëtë: Miits myaj'ëwtajtp, nitsëtyu'un kutsëtyu'un nëjkx kyäkta'atë.

Isaías 45:16

Tëkokyë ja'ayëty mëti'ipë yajkojtëpën awinax, tsëtyu'unmëët nëjkx wyë'ëmtë, tukxi'iky ets o'ktëy nëjkx jyatë.

Jonás 2:8

Mëti'ipë wiink tios pyanëjkxtëpën, yajtëkooynyëtëp ja wiinkutsë'kën ma mijtsën.

Apocalipsis 19:20

E yajmajts ja mëj jëyujk mëët ja käjpxynyajxpë win'ë'ëmpë, mëti'ipë ënety ja mëj jëyujk ja myëj'ajtën të tyaj'ijxën yë'ë wyintuuy, ijxtëm ja Dios ja jyä'äjën ets tukwin'ëëny mëti'ipë ënety të tkupëktën ja mëj jëyujk ja tsya'a ets të twintsë'ëkëtë ja awinax. Ënet ajuukyë nimäjtsk yajkujëpijpëtyë ma ja mejy tyoyën mëët ja azufre.

Romanos 6:21

¿E tii jap të xypyaatë? Tyam je'eyë mtsëtyuunëtë ko jëtu'un të mjuuky'atë, jä'ä ko je'eyë ja o'kën të mtukpaatëtë.

Jeremias 50:2

Nimëtya'aktë ya'atë aaw ayuk, tukmëtoowta'atë ja naax kajpn. Mëj'ijxëntyuuy xynyikajpxtëty; këtii nitii xykyuyu'utstëty. Jëtu'un m'ëna'antëty. Tëë ja Babilonyë kajpn yajtukja'ty ets të yajmëmëtä'äky. Nëxi'iky tukxi'iky të wyi'imy ja Bel mëti'ipë y'ëwtajtëpën.

Isaías 45:20

Ye'eymyujkta'atë ets mmintëty. Winkoonta'atë miitsëty, nijënu'un të mkäktso'oktën ma naax kajpn o'ktëy të jyätyën. Mëj këjää ja'ay tsyuu'atë ko yë'ë tuk'ijxpätë awinax mëti'ipë mëët kepy y'oytyunyëtyën ets ënät twinkajpxta'aktë tä jeexyë Tiosëtyën mëti'ipë ka'ap tjëkyepy yajtso'okëtëtyën.

Isaías 37:38

Jam ënety kyajpxtä'äky ja Senaquerib ma ja tsyajptëjkën jam Nisroc, mëti'ipë y'ëwtajtypyën, ko jam tyukmiinë nimäjtsk yë myaank, tu'uk jä'ä xyëëwajtyp Adramélec ets tu'uk Sarézer, jä'ä yaj'o'këtë. Ko yaj'o'ktaayë, tääts ojts kyakojnëtë jam Arafat. Yë'ë ojts kyutëkëty ma ja kutujktaknën yë myaank Esarhadón.

Isaías 1:31

Ja ja'ay mëti'ipë mëk näjya'awëyëpën, aaykyëta'akën y'awinpita'any; ja tyuunk jëënpixkën jyata'any; nimäjtsk tyoya'antë tu'knax ets ni pën nëjkx kyayajkupi'itsëty.

1 Samuel 12:21

Këtii yë'ë xypyanëjkxtëkëtëty yë wiink tios, mëti'ipë ka'ap tjëkyepyën mputëkëty ets myajtso'okëtëty.

Salmos 97:7

Naxkutij naxkumatsë wyë'ëmta'atë yë ja'ayëty mëti'ipë y'ëwtajtëpën wiink tios, mëti'ipë mëj këjxm näjya'awëtëpën ko wiink tios t'ëwtatë, tëkokyë mëti'ipë yajtijtëpën wiink tios kwanë ko näjyëtu'un twinkoxtänëtëty yë Tiosën.

Isaías 40:19

Tu'uk ja'ay mëti'ipë pujxn y'oytyuunpyën, yajxon tyajkojy tu'uk pujxntsetsy, tääts tu'uk yë pu'ts pujxn oytyuunpë tuknikoy yë pu'ts pujxn ets t'oytyuunë yë yo'ktëy mëët yë poop pujxn.

Isaías 41:26

¿Pën ojts tëëyëp tnikäjpxy, ma winë tsyo'ontäkyën ets yajnijawëty? ¿Pën ojts tëëyëp t'akäjpxy ets yajwinjawëty ko mëtëy ojts jya'ëna'any? Nitu'uk miitsëty ojts wi'ix mka'ëna'antë, nitii ayuk ojts pën tkamëtoy mëti'ipë mkajpxtën.

Isaías 44:12

Tsojk n'ëknimëtyakëm wi'ix ja ja'ay tyunyën mëti'ipë pujxn tyuunk'ajtypyën: jëyëjp pyajn tkoonë'ëky ets tyaj'aanpëky ja pyujxn, tsapts këwiiwnë tyajjaty ets ënät tyëkë pujxnka'tspë. Yajxon myëjaaw tjanty'ixy ma kyë'ëjën. Pën ja pujxnka'tspë ka'ap kyäy y'uuky tsojk myëjaawkëxëty, ets pën ka'ap nyëë uuky pojën y'ënu'kxëja'any.

Jeremias 2:8

Yë teetytyëjkëty ka'ap xy'ixtaaytyës; mëti'ipë yaj'ijxpëjktëpën maas ja nnaax nkajpnën ka'ap xy'ijxkajptës; ja kopktëjkëty ni'ikyë ojts xykyäjpxy kumëtoownaxtë; ja mëti'ipë käjpxynyajxtëpën jä'ä ojts tpukajpxëtë ja Baal, jä'ä pyanëjkxtëjkëtyë ja awinax ka'apë tyunyën maa.

Jeremias 16:19

Wintsën mëti'ipës nmëk'ajtyp nmëjaaw'ajtypyën ets mëti'ipës xykyuwaanp xynyixajpën, maas tsoktakn npaatyën koos ëtsë'ëkëtuuy ntänë; mijts nëjkx mniminyë ja naax kajpn mëti'ipë yajpatëpën mapaat yë naaxwiinyëtë jyëjpkëxyën, jëtu'un myaj'ënëëmëja'any: Yi'iyë ëëts të xytyukkumaytyë ja n'ap n'okëty ja tios ka'apë myëtëyëtyën, mëti'ipë ka'ap tyunyën ets mëti'ipë ka'ap tmëët'atyën ja mëk'ajtën.

Jeremias 51:17

Tsuu nëpap yë naaxwiinyëtë ja'ay yajpaatë. Tsëtyu'unmëët ja'ay wyi'im mëti'ipë awinax yajkojpyën: Tääpë awinax nëkoo nyätyukwin'ëënëtë, ka'ap jyuukyëty;

Daniel 5:23

Mijts, je'eyë xynyëxi'iky xytyukxi'iky yë Wintsën tsajpjotmëpë yajpaatyën, tëë xynyikäxë ja tsim texy mëti'ipë aak pu'ts pujxn mëët y'oytyunyëtyën jampë ijty yajpaatyën ma tsajptëjkën ets jap yë m'uuky të xy'atämëtë ets të xy'ëwtatë ja wiinkëtypë ja tios mëti'ipë oytyunyën mëët yë pu'ts pujxn, poop pujxn, tsuxkpujxn, juunpujxn ets kepy tsaa; tios ka'apë myëtowtën ets ka'apë tii tnijawëtën. E ka'ap ja Dios të xywyinkutsë'ëkë mijts yajkutujkpë mëti'ipë myajjuuky'ajtëpën ets mëti'ipë mtuktuunëpën winë.

Amós 2:4

Jëtu'un yë Wintsën y'ënä'äny: Yë Judá ja'ayëty mëj këjää yë nëë poky të tuuntëkoytyë ets ka'apës jëtu'unyë nyajninaxa'any; jä'ä ko yë'ëjëty ojts t'ijxtijtë ja Wintsën ja y'ijxpëjkën ets ka'ap tpatuuntë ja n'ënä'ämënës ntëyajtënës, yë'ë ojts ni'ikyë t'ëwtatë yë wiink tios mëti'ipë y'ëwtajtën yë tyeety y'apety.

Jueces 17:4

Ko yë Micaías tmooy yë tyaak ja poop pujxn meeny, yë tyaak ojts tukë'ëtëky mäjtsk mëko'px ja poop pujxn meeny, tu'uk yë poop pujxn'oytyuunpë ets tyajkojëty ja awinax oytyuny yajxon ets tuknikoyëty yë poop pujxn, ko kyojtaay jap ojts tpëjktä'äky ma ja Micaías ja tyëjkën.