Habacuc 2:15 - Biblia Dc en Mixe de Quetzaltepec

¹⁵ Janty mon janty tuk mijts myajpaaty, jä'ä ko yë'ë mtuk'a'ukëp yë mëj jëën mëtëjk yë nëë mëti'ipë xëpinyën mëët yë tsooy mëti'ipë yajwinma'anytyëkoopyën ets xynyëxi'ika'any xytyukxi'ika'any ko ënety niwa'ats ëxwa'ats yajpaaty.

Biblia Mixe de Quetzaltepec

¹⁵ Janty mon janty tuk mijts myajpaaty, jä'ä ko yë'ë mtuk'a'ukëp yë mëj jëën mëtëjk yë nëë mëti'ipë xëpinyën mëët yë tsooy mëti'ipë yajwinma'anytyëkoopyën ets xynyëxi'ika'any xytyukxi'ika'any ko ënäty niwa'ats ëxwa'ats yajpaaty.

Habacuc 2:15 ပူးပေါင်းရင်းမြစ်များ

Jeremias 51:7

Yë Babilonyë kajpn jëtu'unës ijty nmëët'aty nkë'ëjoty tä ja'ay yë pu'ts pujxn a'ukën tkoon'ityën kyë'ëkëjxy ets t'a'ukëtyä'äy tëkokyë ja naax kajpn. Aak y'uktëp ja naax kajpn mëti'ipë yë'ë yäjkpyën ets ja jyot wyinma'any tyajtëkoytyë.

Génesis 9:22

Ko jëtu'un ja Cam t'ijxy ja Canaán ja tyeety, ko ja Noé niwa'ats ëxwa'ats jap kyo'knë tëjk'itkujky, ënät ojts ja myëkä'äx tukmëmëtyä'äky ja nimäjtskpë.

Apocalipsis 18:3

Jä'äkyëjxm jëtu'un jyäty ko ja naaxwiinyëtë ja'ay të tuktuny ja y'ëxëëktu'unën, tëë ja yajkutujkpë tmëpokytyuny ets näjyëtu'un ko ja ajuuy ato'kpë ijty myeenypyaatë ko tooktë mëti'ipë yë Babilonyë yajtuuntëkoopyën mëj këjää.

Apocalipsis 17:6

Ënätës n'ijxy ko ja to'oxytyëjk myu'ukyë, yë'ë mukëp ja mëpëjkpëtëjk ja nye'pyny ets ja ja'ayëty mëti'ipë të tkajpxwa'kxtën ja Jesús ja jyä'ä. Mëkës ni'ik nja'awëy ko jëtu'un n'ijxyës.

Apocalipsis 17:2

Yë yajkutujkpëtëjk mëti'ipë yaajëtyën naaxwiiny, tëë mëët pyokytyuntë yë mëj ku'into'oxy ets ja naaxwiinyëtë ja'ay tëë ni'ik wyinma'anytyëkooynyë mëët ja ku'into'oxy ja pyoky.

Oseas 7:5

Ko ojts ja nkutujkpë'ajtëm yajtukujeny ja kyujän, ojts ja wintsëntëjk yajpa'ampätëtë tsatym nyëë mëti'ipë tëë nyimaanaxyën, jä'ä ko y'anëty. Ets të tputëkë ja mëti'ipë tukxik tuk'ëwë'këpën.

Jeremias 25:15

Jëtu'unës të xy'ënëëmë yë Wintsën mëti'ipë yë Israel ja'ayëty Tyios'ajtëpën: Ix tyaapë a'ukën, ujts yajpaaty mëët yë ntsip n'äkës. Këëyë'ëk ets nëjkx xytyuk'uuky tëkokyë yë naax kajpn ma të nkexyën.

2 Samuel 11:13

Ojts ja David jam twoy ma tyëjkën tääts mëët kyääy y'uky ets tyajmukë yajxon. Ko ojts kyootsënyë, tä ja Urías ojts nyëjkxnë ma jam ja tsiptuunpëtëjk tkëwent'atën ja kutujkëntëjk, kä'äpyëm ojts nyijkxy ma tyëjkën.

Éxodo 32:25

Tä ja Moisés t'ijxy ko ja naax kajpn niwi'ixtsow tkajëkyep wi'ix y'ëmontëtyën ets yajxon tjëkyäjpnë wi'ix ja myëtsiptëjk poj'am tyukja'tëtëtyën, jä'ä ko ja Aarón ka'ap ënety të myäyë wi'ix tyaj'ëmonëtyën,

Isaías 5:22

Janty mon janty tuk miitsëty myajpaatë, jä'ä ko je'eyë m'uuktë mjë'kxtë ets jëtu'un mnäyjyawëtë mëtaktëp yowë, tëë xyjyajnëtë wi'ix xyëpintëtyën ja uuky ets ka'ap pën m'ëkmëëpatënëtë.

Isaías 28:7

Näyjyëtu'un tää ja'ay mëti'ipë xëmë yuump këtaapën ko y'uuky myu'ukyë ets oy wi'ix jyäntynyijkxy ko ja nëë mëkpë t'uuky mëti'ipë mukpën. Yë teetytyëjkëty ets käjpxynyajxpëtëjkëty yë'ë jëtu'un yajnikajpxtëp, yuntë kyëtawtë ko ja mëknëë t'uuktë, wiinkjaty y'ënanëtë ko myukënëtë, je'eyë kyunëjkx kyukëta'awënëtë ko y'ijxma'atë. Näyjyëtu'un ko nëë poky nipaye'eytyë ëmu'ukyë jyëtijnëtë.

Habacuc 2:14

Ets nëjkx ja naaxwiinyëtë tyuktujkta'ay mëët ja Wintsën ja myëj'ajt y'oyajtën, jëtu'un tä yë mëjnëë kyomyën.

Habacuc 2:16

Jëtu'un tä jeexyë mëj'äämpy mnaxyën, ni'ikyë nëjkx wintsëtyu'un jëjptsëtyu'un mjajnë, jä'ä ko yë Wintsën jëtu'un mtuna'anyë tä jeexyë tii ta'am myajtuk'uukyën ets ënät mwinma'any tyëkoyëty ets niwa'ats ëxwa'ats mjëtijnëty, jëtu'unts ja mmëj'ajt m'oyajtën nëjkx jaamteeny naaxteeny jyajnë.

Isaías 28:8

Jëtu'un yaj'ijxnë tëë yowë ëmu'ukyë ja'ay tni'ë'tsëtyääynyë ja kaaytyakn, kamaa wa'ats kyakëxë'ëky.