Habacuc 1:9 - Biblia Dc en Mixe de Quetzaltepec

⁹ Maajaty nyäxyën ëxëëk y'ëti'itsy; maajaty nyëjkxtën aak tsë'k aak ja'awëtyëp yë ja'ay, jëtu'un tä yë poj twinpäätë'ëkyën yë jin jam të'ëts'itjotm jëtu'un yë ja'ay tsumtë tmatstë

Biblia Mixe de Quetzaltepec

⁹ Maajaty nyäxyën ëxëëk y'ëti'itsy; maajaty nyëjkxtën aak tsë'k aak ja'awëtyëp yë ja'ay, jëtu'un tä yë poj twinpäätë'ëkyën yë jin jam të'ëts'itjotm jëtu'un yë ja'ay tsumtë tmatstë

Habacuc 1:9 ပူးပေါင်းရင်းမြစ်များ

Génesis 41:49

Jëtu'un yë José tyajpëtë'ky yë tsajpmokpajk tä nëë'ajinën janty may. May ënety oy ja tsajpmokpajk të nyipäjnë ets ka'ap t'ëkjëkyäjpnë yajkijpxta'akëty, paaty ojts tim'ëxmajtsnë ets ka'ap ja kijpxëny t'ëkyajtuunëtëty.

2 Reyes 12:17

Jä'ä jëmëjt yë Hazael mëti'ipë jam yajkutujkpën Sirië, ojts tkexy yë myaytsyiptuunpë ma nyaaxjotmën yë Gad ets tjä'äpëjky, jam tsyo'ony tääts ojty nyijkxy Jerusalén.

Job 29:18

Etsës ijty nmay ntajy: Ëjts, jekyës njuuky'ata'any, jëtu'unës yë nxëëw njëmëjt myäyëja'any tä nëë ajinën; mëj ja'ayës nëjkx n'ooky ets jam n'ookëtyës maas njëën ntëjkën.

Salmos 139:18

Kooxyëp jeexyë n'ëkmëtyoyës, ni'ik mayxyëp yë pyëtsimy këtiinëm jyëtu'unëty yë nëë ajin ets oyxyëp njamëtyoowtääpyës, ëjts je'eyëmës jeexyë nyajpaaty mëët mijts.

Isaías 27:8

Ko yë Dios yë nyaax kyajpn të yajjoot'anpëkyë, je'eyë wiink kajpn të tnajtskäxë, je'eyë ojts yë nyaax kyajpn tuk'ëxmatsy ijxtëm tu'uk yë pu'uxm pyojke'ekyën, ijxtëm tu'uk pu'uxm wyimpapojyën mëët jëënpoj mëti'ipë tso'onpën xëëwpëtsëmtsyow.

Jeremias 15:8

May ja ku'ookytyo'oxy nyajwë'ëmyës tä nëë ajinën. Kujkxyëëw të nyaj'ookyës ja taaktëjk mëët ja y'u'unk y'ëna'këty mëjatypë; ajotkumonës të nyajminy ja ëyo'on jotmay ets tsë'ëkë jawë ma yë'ëjëtyën.

Jeremias 25:9

yë'ëjës nmëkajpxäämpy yë naax kajpn mëti'ipë anëkëjxmtsow yajpatëpën, yë ntuunpës Nabucodonosor mëti'ipë Babilonyë yajkutujkpën tääts yaa myintëty ets tnitëkëtëty ya'atë kajpn ets jënu'un mëët nyämyëwinkon'atyën. Xit ko'ow ntuunta'aja'anyës, wa'atsës nyajkutëkooytya'aja'any. Xit ko'owës xëmë nyaj'ita'any ets je'eyë ja'ay tsyë'ëkëtëty ko t'ixtëty.

Jeremias 34:22

Ntuk'ënä'ämäämpyës ets jatëkok tnitëkëtëty ya'atë naax kajpn ets tjëënmo'otëty. Ets ëjts kë'ëm ntuknipëjktaakëjäämpy ets Judá kajpn y'awinpitëty aanë'ëk tëëtsë'ëk ma nitu'uk ja'ay jam kyatsëënëtyën. Ëjts Wintsën, ëjts ënaanp.

Jeremias 4:11

Ko ënety jëtu'un ja xëëw jëmëjt tukja'ty, tääts nëjkx ja Jerusalén ja'ayëty yaj'ënëëmëtë: Mëkjëënpoj miimp mëti'ipë jam tso'onpën të'ëts'itjotm ets nitëyë nyijkxy maas yë nnaax nkajpnën. Ka'ap yë'ëjëty tëtykpyoj mëti'ipë yajtukwinpojpën yë tsajpmok;

Jeremias 4:7

Jëtu'un ja mmëtsip të mnitsoonyë tä kaa pyëtsimyën ma myä'äy pyo'kxyën, tää ja wyinkony mëti'ipë yajkutëkoyäämpyën ja naax kajpn; tëë ja nyaax kyajpn t'ëxmatsy ets tyajkutëkoyä'äny ja mnaax mkajpn ets xit ko'ow tuunta'aja'any.

Ezequiel 17:10

Oy jyayajpääntëkatsëty, ka'ap nëjkx jyiitsy; jää nëjkx tyëtsta'ay ko ënety myiny ja jëënpoj mëti'ipë xëëwpëtsëmtsyow tso'onpën; jam tsyë'ëtsa'any ma ënety jyiitsa'anyën.

Ezequiel 19:12

Je'eyëp ko ojts atsip tnujkë'ëktë ets tnajtsjëpijpëtyë. Jam xëëwpëtsëmtsyow ojts ja jëënpoj tsyoony ets yajtëtsë tääts tyëëmka'ataay; ja xye'enty ojts tsyëtsta'ay ets yajjëënkupëjky.

Daniel 11:17

Nëjkxëp näjyëtu'un tuknipëjktaakë wi'ix tjä'ä'ajta'aja'anyën ja naax kam ëpa'tkë'ëytsyowpë; ets yë'ë nëjkx wyinma'anypyääty ko tyajpëka'any yë nyëëx mëët yë myaank yë yajkutujkpë ëpa'tkë'ëytsyowpë ets tpëjkëtya'aja'any yë kyutujktakn, je'eyëp ko ka'ap nëjkx oy wyimpëtsëmy jyëjpëtsëmy.

Oseas 1:10

Pyatäämpy ja xëëw po'o ma Israel ja'ay nyimay'ata'antën jinën, ni pën kyamayëtëty tkijpxëty ets tmëtsyowëty. Ets ka'apës nëjkx n'ëk'ënëmaaynyëtë: Miitsëty ka'ap nkajpn'atë, jä'ä nëjkx yë Dios y'ënë'ëmxëtë: Miitsëty yë'ë Dios juukpyë m'u'unk'ajtëtëp.

Oseas 13:15

Oy yë Israel jyayaj'ixëty pëjyën, jam yë jëënpoj tsyoona'any maatsow yë xëëw pyëtsimyën, yë mëkpoj mëti'ipë jam të'ëts'itjotm tso'onpën, yajtë'ëtsäämpy ets yajkëxäämpy yë nëëkopk. Yë mëtsip yë'ë pëjkëtya'ajanëp yë wyit myeeny, yë nyantsëm kyë'ëjiits ets tyatsktëy.

Habacuc 1:17

¿Jëtu'un jëtääjën yë caldeo ja'ay ënät jeky ëëts xymyëët'ata'antë tä yë ja'ay nëë jëyujk txuyën ets tjëpipyënë? ¿Jëtu'un jëtääjën je'eyë xëmë yajja'ay'ooka'antë ets ka'ap ni pën tpa'ëyowa'antë?

Habacuc 1:6

Ëjts yë'ëjës yam yë caldeo ja'ay nyajtsiptunantëp, ëxëëk tääpë ja'ay jyä'äy'atë, y'aye'eytyääytyëp yë naaxwiinyëtë ets tjä'äpëktë mëti'ipë ka'ap tjä'ä'atën.

Romanos 9:27

Mëëtpë ja jutiis ja'ayëty, jëtu'un ja Isaías y'ënäny: Oy ja jutiis ja'ay jyamay'atë ja y'u'unk y'okëty, ijxtëm ja jinën mëti'ipë mejypyë'aayën, niwäänë nëjkx tpaatë ja nitsokën,

Jueces 7:12

E ja Madián ja'ayëty, Amalec ja'ayëty ets tëkokyë jënu'un ënety jam tsyoontën xëëwpëtsëmtsyow ets të nyäpyëkëtë, tu'ukyë ënety jam joyjyotm të nyäpyëjkta'akëtë tä yë poomxots tyajwintukyën muum yë kam tu'u ko kyëtyeyä'äny. Yajxon ënety myäy'ajnë ja jëyujk jëku'ux, jëtu'un tä nëë'ajinën.