Habacuc 1:8 - Biblia Dc en Mixe de Quetzaltepec

⁸ Ni'ik yë kyëwaayëty pe'tym pyëyë'knëtë këtiinëm jyëtu'un'atë yë kaa; ni'ik y'ajëjnëtë këtiinëm jyëtu'un'atë yë wax të'ëts'itjotmëpë. Nimay yë kyëwaayëty jyänty myintë pëyi'ikyë ma jam ja tsip y'ita'anyën, jëtu'un myintë tä yë witsn tnikëtä'äkyën yë jëyujk mëti'ipë myatsäämpyën.

Biblia Mixe de Quetzaltepec

⁸ Ni'ik yë kyëwaayëty pe'tym pyëyë'knëtë këtiinëm jyëtu'un'atë yë kaa; ni'ik y'ajëjnëtë këtiinëm jyëtu'un'atë yë wax të'ëts'itjotmëpë. Nimay yë kyëwaayëty jyänty myintë pëyi'ikyë ma jam ja tsip y'ita'anyën, jëtu'un myintë tä yë witsn tnikëtä'äkyën yë jëyujk mëti'ipë myatsäämpyën.

Habacuc 1:8 ပူးပေါင်းရင်းမြစ်များ

Jeremias 4:13

Ëk'ixtë wi'ix myinyën yë mëtsip tä tu'uk yootsën, yë pyujxnwintëkäämpë jëtu'un yaj'ixy wyinkontë pojxujtykyën, yë kwaay jëtu'unyë yaj'ijxnë kyääkë'knëtë witsnën. Janty mon janty tuk ëëtsajtëm nyajpatëmë, tëë ntëko'oyëmë.

Sofonías 3:3

Jëtu'un yë kopktëjkëty ya'axtë jyoktë kaajën ets nyipaye'epyëtëjkëty myu'utë nyiitstë waxën mëti'ipë të'ëts'itjotm yajpatpën, mëti'ipë ka'ap tyajwë'ëmyën yë waay pajk komjëpom.

Oseas 8:1

Tukxu'ux yë mxuxn tä tukxu'uxyën mëti'ipë këwent'ajtpën ma Wintsën yë kyajpnën. Jä'ä ko tëë ja käjpxytyu'unën tjëënaxy ets tëë tkäjpxykyumëtoownaxy ja n'ijxpëjkënës.

Ezequiel 17:3

Jëtu'un xy'ënëëmëty: Jëtu'un yë Wintsën y'ënä'äny: Tëë tu'uk yë witsn jyä'ty jam Líbano; janty mëj kyäkn ets nëkooyë muum jya'ajnë, kanaak ujkën yë jyëmk. Jam të wya'ak'oyë ma tu'uk yë ajë kepykyopkën,

Jeremias 5:6

Paatykyëjxm nyipëtsëma'anëtë kaa jam yukjotm ets yaj'ooka'anëtë, jam të'ëts'itjotm pa'uk jam nipëtsëmanëtëp ets tyuktsu'utsëja'anëtë, jam kyajpn winkon kuuyxyëpëjy nëjkx pyapo'o pyaputëtë ets y'atsu'uts tyuktsu'utsëtëty, mëët jä'äkyëjxm ko të pyokytyuntë ets kanaak yë jyiiky myëku'uk të tkë'ëyaktë.

Deuteronomio 28:49

Jëkäm yë Dios tyajtsoona'any yë naax kajpn, mëti'ipë poj'am mtukja'tëtëpën tä tu'uk yë witsnën; ja aaw ayuk mëti'ipë kyajpxtëpën, ka'ap nëjkx xywyinjawë;

Lucas 17:37

Ko jëtu'un tmëtoowtë, tääts tyajtëëwtë ja Jesús: Wintsën, ¿maajën jëtu'un jyata'any? Tääts y'ëtsoowëtë: Ma ënety ja o'kpën, jam ja lut tyu'ukmuka'antë.

Mateo 24:28

Ma ënety jam tii të y'ookyën, jam ja majkwejkxy myuka'antë.

Ezequiel 17:12

Myajtëwëp yë naax kajpn pën wyinmëtoowtëp tii ya'atë ijxpäjtën jyatijpyën. Jëtu'un xy'ënëëmëtëty: Yë Babilonyë yajkutujkpë ojts myiny jyä'ty ma Jerusalén kajpnën ets tmajtsy yë Judá yajkutujkpë mëët tëkokyë yë wyintsëntëjk ets ojts tsumy matsy tmënëjkxy jam Babilonyë.

Lamentaciones 4:19

Ni'ik pye'tym'ajnëtë yë nmëtsipëtyës këtiinëm jyëtu'unëty yë witsn mëti'ipë tsajpkëjxy kääkjëtijtëpën; koos njanëjkxtë kopkkëjxm tamës xypyaja'të, koos nëjkxtë të'ëts'itjotm tamës xypyaja'të.

Job 9:26

Jëtu'un nyëjkxtë tä kepy nëëwinye'epyën to'tykpyë, jëtu'un tä witsn tpakääk'ëwtityën yë joon mëti'ipë myatsäämpyën.

Isaías 11:14

Tu'ukmukyë nëjkx nimäjtsk nyäkyuwa'anëtë ma ja filistejë ja'ayëtyën ets ëxëëk nëjkx tuntë ja mëti'ipë jam tsënaaytyëpën maatsow yë xëëw pyëtsimyën; nëjkxëp tukupëktë ets y'ayak y'akonëtëty ja jampë ja'ay tsyëënëtën. Ja myëk'ajtën jampaat nëjkx jyä'ty ma ja Edom kajpnën ets ma ja Moab kajpnën ets nëjkxëp ja Amón ja'ayëty myëtunëtë.

Jeremias 48:40

Jëtu'un yë Wintsën y'ënä'äny: Jëtu'un yë Moab yë myëtsip të nyiminyë käknmëët yowë, tä tu'uk witsnën.

Jeremias 50:42

Tëë tpëjktakta'atë yë tyi'pxnëty ets kyu'umënëty; ëxëëk jyä'äy'atë, ka'ap nitii tpa'ëyowtë, jëtu'un yajmëtoy tä nëë y'iitsy kyomyën ko tyëkëtë yaxpë jojkpë, kwaaykyijxy myintë. Tëë tuknipëjktaakëtë ko yë Babilonyë kajpn tnitëkëja'antë.

Ezequiel 26:11

nëjkxëp yë mnë'ë mtu'u tyuktujkta'ay mëët yë maykyëwaay. Kupuxy y'ooka'antë yë ja'ay mëti'ipë tsënaaytyëpën ma mnaax mkajpnën ets nyaaxkujitëja'any yë mpotsy mëti'ipë tëjk pya'atënääpyën.

Nahúm 2:5

Tääts ja yajkutujkpë tmëkajpxmujkta'ay ja jyotmëkja'aytyëjk ets ko myintë mëpaatëp nyäkyutäänëtë, jam potsykyëjxm pyäjta'atë ma jam tjëjp'ixa'antë ja myëtsipëty.