Habacuc 1:6 - Biblia Dc en Mixe de Quetzaltepec

⁶ Ëjts yë'ëjës yam yë caldeo ja'ay nyajtsiptunantëp, ëxëëk tääpë ja'ay jyä'äy'atë, y'aye'eytyääytyëp yë naaxwiinyëtë ets tjä'äpëktë mëti'ipë ka'ap tjä'ä'atën.

Biblia Mixe de Quetzaltepec

⁶ Ëjts yë'ëjës yam yë caldeo ja'ay nyajtsiptunantëp, ëxëëk tääpë ja'ay jyä'äy'atë, y'aye'eytyääytyëp yë naaxwiinyëtë ets tjä'äpëktë mëti'ipë ka'ap tjä'ä'atën.

Habacuc 1:6 ပူးပေါင်းရင်းမြစ်များ

2 Reyes 24:1

Ma ënety ja Joaquim yajkutukyën, yë Nabucodonosor jampë yajkutukyën Babilonyë, ojts tnitëkë yë naax kajpn jam Judá; yë Joaquim tëkëëk jëmëjt kyëpejty ma Nabucodonosor yajkutukyën. Ok ja wyinma'any tyajtëkajtsy ets tnipëtë'ky ja Nabucodonosor.

2 Reyes 24:2

E ja Wintsën yë'ë tyuknikäjx ja Joaquim ja mä'tspëty mëti'ipë Caldeo ja'ayëtyën, sirië ja'ayëty, Moab ja'ayëty ets Amón ja'ayëty jam Judá ets ja naax kajpn tyajkutëkoytyëty jëtu'un tä ënety ja Wintsën të t'akäjpxyën mëët ja tyuunpëtëjk.

2 Crónicas 36:17

Ënet ja Wintsën tuknipëjktakëy ets ja yajkutujkpë caldeo ja'ay, tyaj'o'kta'ajëty ja ëna'ktëjk mëti'ipë jap yajpatëpën tsajptëkoty; aak tsujkn tyukyaj'o'ktë, ye'etyëjk to'oxytyëjk, mëjja'ay mutskja'ayëty ets wä'än yë'ëty mëti'ipë ka'ap y'oy'at myëk'atën. Tëkokyë ja ja'ayëty aak ojts ja Wintsën kyë'ëyajkta'ajëtë ma ja caldeo ja'ayëtyën.

2 Crónicas 36:6

Ënet ja Nabucodonosor, Babilonyë yajkutujkpë nyija'ajtë ets tsyuumë myajtsë mëët pujxntejpxy ets yajnëjkxë jam Babilonyë.

Isaías 23:13

Ixtë wi'ix të jyätyën ya'atë it naaxwiinyëtë, ma të tsyoony të jyä'tyën ja kepy nëëwinye'epyë. Ojts yë Caldeo ja'ayëty mëjjëty tëjk tkojtë, yajkutëkooytyë ja akujktëjk jam Sidón, xit ko'ow tuuntaaytyë. Yë'ë ojts poky tmëët'atë, ka'ap yë'ëjëty Asiria kajpn.

Jeremias 13:20

Ëk'ijxë'ëktë ets xy'ixtëty wi'ix yë mëtsip jam anëkëjxmtsow myäymyintën. ¿Ma ënät ja mja'ay mëti'ipës njëjp'ijxyp mputëkëtëty, mëti'ipë mnätyukmëjpëjktakëpën?

Jeremias 21:4

ko jëtu'un yë Wintsën y'ënä'äny, mëti'ipë yë Israel ja'ayëty Tyios'ajtëpën: Ëjts nyajwinpijta'ajäämpyës yë tsiptuunpëtëjk mëti'ipë miitsëty mja'ay'ajtëpën, mëti'ipë jam kajpnpë'am tsiptuuntëpën mëët yë Babilonyë yajkutujkpë jyä'äy etsës nyajmiinta'aja'any yaa kajpn itkujky, yaa tyu'ukmujkta'atëty.

Jeremias 21:7

Yë Sedequías, mëti'ipë jam Judá yajkutujkpën mëët yë tyuunpëtëjk ets jyä'äy, ok nkë'ëyaka'antës ma Nabucodonosor yajkutujkpën; mëti'ipë ënety juuky të wyë'ëmtën, yuu ets pa'am ëyo'on nëjkx yaj'ookëtë ets tam mëti'ipë kupuxy ookaanpën, nijënu'un nëjkx kyayajpa'ëyowtë. Ëjts Wintsën, ëjts ënaanp.

Jeremias 25:9

yë'ëjës nmëkajpxäämpy yë naax kajpn mëti'ipë anëkëjxmtsow yajpatëpën, yë ntuunpës Nabucodonosor mëti'ipë Babilonyë yajkutujkpën tääts yaa myintëty ets tnitëkëtëty ya'atë kajpn ets jënu'un mëët nyämyëwinkon'atyën. Xit ko'ow ntuunta'aja'anyës, wa'atsës nyajkutëkooytya'aja'any. Xit ko'owës xëmë nyaj'ita'any ets je'eyë ja'ay tsyë'ëkëtëty ko t'ixtëty.

Jeremias 30:5

Jëtu'un yë Wintsën y'ënä'äny: Tsë'ëkë jawë ja'ay yajmëtoy yä'äxy jyoky, tsë'ëkë je'eyë jää'ajtp ets ni pën kyajjotkujk'aty.

Jeremias 4:11

Ko ënety jëtu'un ja xëëw jëmëjt tukja'ty, tääts nëjkx ja Jerusalén ja'ayëty yaj'ënëëmëtë: Mëkjëënpoj miimp mëti'ipë jam tso'onpën të'ëts'itjotm ets nitëyë nyijkxy maas yë nnaax nkajpnën. Ka'ap yë'ëjëty tëtykpyoj mëti'ipë yajtukwinpojpën yë tsajpmok;

Jeremias 4:6

Yujktëytyë yë mwit wintëyëty ets jam ma Sión kajpn xyajnajts'ixëtëty; ixta'atë maa mkäktso'oktëtyën, këtii mpo'kxtë. Jä'ä ko nyajminäämpyës jam anëkëjxmtsow yë ëyo'on jotmay etsës winë nyajkutëkooytya'aja'any.

Jeremias 4:8

Paaty miitsëty, tuktëkëtë ja mwit mëti'ipë kuumpën u'kxpën ets jë'ëtë ya'axtë tä jeexyë mpëkëtën, jä'ä ko yë Wintsën yë y'äkë ka'ap tu'ukyë të xytyim'ëxmajtsëmë.

Jeremias 5:15

Jëtu'un yë Wintsën y'ënä'äny: Israel, ntuknikäxäämpy tu'uk yë kajpn mëkpë, jekykyajpn ets jëkämpë tsyoonyën, mëti'ipë wiink ayuk kyajpxtëpën, mëti'ipë mijts ka'ap xytyukjatyën.

Jeremias 8:10

Paatykyëjxm wiink ye'etyëjkës nmo'ojäämpy ja tyo'oxytyëjkëty ets nyaax kyamëty wiink ja'ayës ntukë'ëtëjkëjäämpy. Jä'ä ko wä'än tmëjëty tmutskëty, aak yi'iyë myëmaay myëtajtëp wi'ix wyitpaat myeenypyaatëty mëët ja ëxëëktu'un ëxëëk kajpxën; wä'än yë'ë'atë käjpxynyajxpëtëjkëty ets teetytyëjkëty, ka'ap tii oy tpaatë.

Ezequiel 16:40

Nëjkxëp ja naax kajpn mtukjoot'anpëkyë, kuka'atsy kupuxy nëjkx myaj'ookyë.

Ezequiel 21:31

etsës nyajkëta'aka'any yë n'äkë ma mijtsën tä jëënpatoyën ets nkë'ëyaka'any ma ja'ayën ka'apë pya'ëyoyën ets mëti'ipë yaja'ay o'kpën.

Ezequiel 28:7

nyajminäämpyës yë jaaypyaat jaaypyo'kxy ma mijtsën ets ëxëëk mtunëtëty, ja'ay mëti'ipë mëkëtyën, mëti'ipë jyuutäämpyën yë tyiypyujxn ets myaj'ooka'anyë, mijts oypyë tsujpë ets wijypyë ets yajnaaxkujitëja'any yë m'oyajtën mëj'ajtën.

Ezequiel 31:12

Yë myëtsip yë mëkpë ets kutsë'ëkëpë nëjkx pyujxë'ëkyë ets jëtu'unyë y'ëxmatsa'anyë; yë y'ääy xye'enty jëtu'unyë muum jyaak kuj jyaak jëpipëty tunkëjxm kopkkëjxm, wokjoty käätsoty ets joyjoty; ja naax kajpn mëti'ipë ënety të pya'at'it të pya'tsëënëtyën jëtu'unyë nëjkx kyäkta'atë ets nipëyë'ktuta'atëty.

Joel 2:3

Ja mu'u jëtu'un wyinkony tä jëënën mëti'ipë yajtooytyëkoopyën winë; ka'anëm jyä'ty ko winë tyëtsta'ay ets oy tëë jyanajxnë je'eyëm tyooy'ëti'itsy. Ja itjot mëti'ipë ijty janty'oy këxë'kpën ma ënety ka'ap ja jëën nyäxynyëmën, ko nyäxy anë'ëk tëëtsë'ëk jyaak yaj'ixy. Nitii kyatso'oky ma yë'ëjën.