Habacuc 1:2 - Biblia Dc en Mixe de Quetzaltepec

² Wintsën, ¿jëna'a xy'ëtsowa'anyës? njaniyäxy njanijojkpyës yë näypyutëkë. ¿Jëna'ajës xyajtso'oka'any? Ëjts wiinkës yë tsip käjpxy n'ixy.

Biblia Mixe de Quetzaltepec

² Wintsën, ¿jëna'a xy'ëtsowa'anyës? njaniyäxy njanijojkpyës yë näypyutëkë. ¿Jëna'ajës xyajtso'oka'any? Ëjts wiinkës yë tsip käjpxy n'ixy.

Habacuc 1:2 ပူးပေါင်းရင်းမြစ်များ

Job 19:7

Ëjts jayaxp jajojkpës: tyamës yë ja'ay xyaj'ooka'any ets ni pënës xykya'ëtsoy; tëëjës n'amëtoy yë näypyutëkë, ni pënës të xykyapaye'ey.

Salmos 22:3

Mijts wa'ats xëmë myajpaaty. Mijts myajkutujkp ets mëj'äämpy yë Israel ja'ay mjëkyepyë.

Salmos 94:3

Wintsën, ¿tii jekyën jëtu'un janty'oy janty xoontä'äky yajpaata'antë yë ëxëëkja'aytyëjkëtyë?

Jeremias 14:9

¿Wi'ix ko jëtu'un myaj'ixy tä tu'uk ja'ayën mëti'ipë kumo'on kutujkëpën ëkë tä tu'uk tsiptuunpë ja'ayën mëti'ipë ka'ap myäyën pyutëkëty? E mijts Wintsën, itkujky mjayajpaaty ma ëëtsëtyën, ni'ëmukë ëëts nijawëtë ko ëëtsëty xykyajp'atë; këtii ëëts xy'ëxmatstë.

Lamentaciones 3:8

oyës mëk të amëtoy yë näypyutëkë, ka'ap të tmëtoy yë n'aaw nyo'knës;

Zacarías 1:12

Ënet ja Wintsën ja tyäjpjotmëtë kukäjpxy y'ënäny: Wintsën mëti'ipë maaytyääyëpën winë, tëkë'px majk jëmëjt tyam nyëjkxnë ma mijts xymyëtsipë'atyën yë Jerusalén kajpn ets tëkokyë yë Judá kajpn. ¿Jënaak jëmëjt jyaak naxa'any etsës xymyëët'atëty ja pa'ëyo'ow mnajts'ëyo'owën?

Apocalipsis 6:10

Ets mëk y'ëna'antë: Janty oy, janty wa'ats mijts, Dios Mëti'ipë Maaytyääyëpën Winë, ¿jëna'a xytyiytyuna'any ets xypyaye'eyä'äny ja naaxwiinyëtë ja'ay mëti'ipë të y'ooktën?