Habacuc 1:12 - Biblia Dc en Mixe de Quetzaltepec

¹² Mijts Wintsën, xëmëkyëjxm mjuuky'äty ets wa'ats mTios'aty ¿këtiijë? Wintsën, mëti'ipës xykyuwaanp xynyixajpën, mijts të xymyo'oy mëk'ajtën yë caldeo ja'ayëty ets yë'ë tuntëty ja paye'eyën.

Biblia Mixe de Quetzaltepec

¹² Mijts Wintsën, xëmëkyëjxm mjuuky'äty ets wa'ats mTios'aty ¿këtiijë? Wintsën, mëti'ipës xykyuwaanp xynyixajpën, mijts të xymyo'oy mëk'ajtën yë caldeo ja'ayëty ets yë'ë tuntëty ja paye'eyën.

Habacuc 1:12 ပူးပေါင်းရင်းမြစ်များ

Deuteronomio 32:4

Yë Wintsën yë'ë xykyuwa'an xykyënu'kxëm, yë'ë aak'oy winë tuny, ko tii tuny aakyë'ë mëti'ipë mëtëyën. Yë'ë Tios'ajtp ets yë'ë tëy'ajtën'ajtp, yë'ë nijëna'a winë tëkatsy tkatuny, yë'ë tyuunpy mëti'ipë oyën ets mëtëyën.

Salmos 90:2

Tyimtso'ontäky jëtu'un ma ënety ka'ap ja tun kopk kyojynyëmën, ets ma ënety ka'ap ja naaxwiinyëtë jyää'atynyëmën, ko jyeky'äjty ets tyampaat mijts jëtu'un mTios'ajtp.

Deuteronomio 33:27

Yë Tiosën xëmëpë y'ityën yë'ë mtsoktakn'ajtyp, yë myëk'ajtën yë'ë mnätyukputëkëtëp. Jä'ä ko yë'ë ojts tyajke'eky tyajputy yë mmëtsip, ets mnëmaayë ets xytyimyajkutëkooytya'ajëty.

Jeremias 46:28

Ëjts Wintsën, jëtu'unës n'ëna'any: Këtii mtsë'ëkëtëty, miitsëty yë Jacob y'u'unk y'ok mëti'ipës xymyëtuuntëpën, jä'ä ko ëjts yajpatpës mëët miitsëty. Nyajkutëkoyäämpyës ja naax kajpn maajaty ënety të nwojpwa'kxtën. E miitsëty ka'ap nëjkx nyajkutëkoytyë; yi'iyë nëjkx ntukumëtowtë yë mtuuntëko'oy mkajpxtëko'oyënëty tä ënety mpaatëtën. Ka'ap jëtu'unyë nyaninaxa'any ja mtuuntëko'oyënëty.

Jeremias 30:11

Ëjts mëti'ipë Wintsën'ajtpën, tyamës nikäjpxy, ko yajpaataanpës xëmë mëët mijts ets nyajtso'okäämpy. Nyajkutëkooyäämpyës tëkokyëty yë naax kajpn mëti'ipë najtswop najtskäjë ijtëpën. E mijts ka'ap nyajkutëkoyä'äny, je'eyë ntëytyuna'any tä pyaat'atyën: ka'ap jëtu'unyë nyaj'ita'any, kwanë ko xykyumëtoy yë mpoky.

Salmos 93:2

Wintsën, yë mkutujktakn tëëyëp yë ta'tspëky yajpaaty ets tyampaat je'eyëm y'ity. Mijts Wintsën winë xëëw winë jëmëjt myajpaaty.

Hebreos 13:8

Jesukristë je'eyëm yajpaaty ijxtëm ëxë'ëyën, tyam ets xëmëkyëjxm.

1 Timoteo 6:16

Yë'ë tu'kpajk ka'ap ja o'kën të myëmëtä'äkyë mëti'ipë juukyajtpën të'kxëntyuuy ets ka'ap tjëkyepy pën myëwinkonëtëty. Ni pën të kya'ixyë ets ka'ap tjëkyepy pën y'ixëtëty. Yë'ë xëmëkyëjxm jyä'ä'ajtyp ja mëj'ajt oyajtën ets ja kuttujkën. Oy jyëtu'un'atëty.

1 Timoteo 1:17

Mëjjaw jaantyjawë ja Dios y'itëty, yë'ë tu'ukyë Tios'ajtp, mëti'ipë xëmëkyëjxm ijtpën, mëti'ipë ka'ap y'ookyën ets ka'ap yaj'ixyën. Oy jyëtu'un'atëty.

Hechos 3:14

Miitsëty yë'ë ojts xyajnitukëtë ja wa'ats ja'ay mëti'ipë ka'ap tii poky tmëëtëtyën ets xyaj'ëwaatsëpëtsëëmtë ja yaja'ay'o'kpë.

Malaquías 3:6

Ëjts Wintsën, ka'apës nyajtëkatsy yë njot nwinma'any, paaty miitsëty Jacob yë y'u'unk y'ok ka'ap m'atëkoytyë.

Habacuc 3:2

Tëkokyë yë m'aaw m'ayuk mëti'ipës të nmëtoyën, Wintsën ets mëti'ipë të xytyunyën, nmëjja'ap nkënu'kxyjya'apës mëjwiin këjää. Näyjyëtu'un ënät tyam winë tun maas yë njuukyajtënëtyën, jëtu'un tä tëëyëp winë xytyuunyën ets nijawëtëtyës. Tuk'ijxtëk ëëtsëty ko mijts mëët'ajtyp yë pa'ëyo'owën najts'ëyo'owën oy jënu'un mjajoot'anpëky.

Miqueas 5:2

E mijts Belén, mëti'ipë näjyëtu'un yajtijpën Efrata, mutskpë kyajpn'atyën ma Judá kyajpnën, jam tu'uk ënä'ämpë pyëtsëma'any mëti'ipë nëjkx yajkutukyën Israel, yë'ë jyä'äy yë tëëyëpë jyuuky'atën.

Ezequiel 30:25

Nmo'ojäämpyës yë Babilonyë yajkutujkpë yë jot mëjaaw etsës yë faraón ni'ikyë nmëjaawpëka'any. Koos ënety yë Babilonyë yajkutujkpë nmo'oy yë ntëypyujxnës ets Egiptë kajpn tuknipëtë'ëkëty, jäänëm nëjkx t'ijxpaatë ko ëjts Wintsën.

Lamentaciones 5:19

E mijts Wintsën, xëmë myajkutuka'any; xëmë myajpaata'any ma mkutujktaknën.

Isaías 43:15

Ëjts jëtu'un Wintsënajtp, mëti'ipë të tyajkojyën yë Israel kajpn, Dios wa'atspë, mëti'ipë yajkutujkpën ma miitsëtyën.

Isaías 40:28

¿Tii këtii ënety xynyijawë? ¿Këtii të xymyëtoyë? Yë Wintsën, yë'ë Dios xëmëpë y'ijtëyën, mëti'ipë yajkojën yë naaxwiinyëtë, ka'ap nijëna'a y'ënu'kxë ets myëjaawkëxy; yë wyijy'ajtën xëmëkyëjxm yë y'ity.

Apocalipsis 1:8

Ëjts tso'ontakp ets ëjts jëjpkëjxp jëtu'un ja Wintsën Mëti'ipë Maaytyääyëpën Winë y'ënä'äny, mëti'ipë tyam ijtpën, mëti'ipë tëëyëp ijtën ets mëti'ipë itaanpën.

Isaías 49:7

Yë Wintsën, mëti'ipë yaj'ëwaatsëpëtsëëmpën, ja Wa'atspë yajpaatyën ma Israel kajpnën, jëtu'un t'ënëëmë ja naax kajpn mëti'ipë ëxëëk të yaj'ixyën, mëti'ipë je'eyë të myëtunyën ma ënä'ämpë yajkutujkpën wiinktsowpë tsyoontën: Ko ënety ja yajkutujkpëtëjk ets wintsëntëjk m'ixëtë, ënät nëjkx mniwä'ätsë'ëkyë ets mkajpxpo'kxëtëty mëët tu'uk ja näywyinkutsë'kën, jä'ä ko ëjts Wintsën, ja Wa'atspë ma Israel kajpnën, ëjts mijts të nwin'ixy ets npatuumpyës ja n'aaw n'ayuk ijxtëmës të nikäjpxyën.

Isaías 37:26

¿E mijts ka'ap të xynyijawë ko ëjts Wintsënajtp, ëjts winë ntuknipëjktakëp ko tii tyunyë jyätyë? Ëjts tëëyëpës jëtu'un ntuknipëjktaakë ijxtëm tyam winë tyunyë jyätyën; paatykyëjxm mijts may ja naax kajpn të xyajkutëkoy ets je'eyë xit ko'ow të xytyuunta'ay.

Salmos 118:17

Ëjts ka'apës tsojk n'ooka'any, jekyës njuuky'ata'any etsës nikajpxa'any nimëtya'aka'any mëti'ipë Wintsën të tunyën.

Salmos 18:1

Wintsën, mijts nmëk'ajtën'ajtyp; mijts ntsojkpy nja'ap.

Salmos 17:13

Pëtë'ëk, Wintsën, mijts mëët näwyinkuwa'akët. Yajtëj yaj'ojtsë yë kyë'ëkox tyekykyox. Tukuwaankës yë mtëypyujxn ma ëxëëk ja'ayën.

2 Reyes 19:25

¿E mijts ka'ap xynyijawë, ko ëjts jëtu'un mëti'ipë të tyajkutukyën ets mmëta'akëty ets xytyunëty tëkokyë mëti'ipë të xytyunyën? Ëjts tëëyëpës ntuknipëjktaakë ets tëëjës jëtu'un nyajtuny nyajjatyë; paatykyëjxm mijts may ja naax kajpn të xyaj'atëkoy mëti'ipë ënety mëk ets ta'tspëky të nyätyijyën, tä të y'awinpijta'atë je'eyë potsykyopkën.

1 Samuel 2:2

Ni pën jëtu'un kyawa'atsëty tä mijtsën Wintsën. Ni pën jëtu'un kyakëwent'aty, tä mijtsën, Dios mëti'ipës n'ëwtajtëpën, ka'ap ma wiinkpë jëtu'unpë tä mijtsën.

Apocalipsis 1:11

mëti'ipës xynyëmaayën: Kuja'a nokyjoty tiijaty m'ijxypyën ets tuknikäx ja mëpëjkpëtëjk mëti'ipë yajpatëpën ma ja niwëxtujkpë ja kajpnën jam Asia y'itjotm: jam Éfeso, Esmirna, Pérgamo, Tiatira, Sardis, Filadelfia ets Laodicea.

Jeremias 5:18

Jëtu'un yë Wintsën y'ënä'äny: Jä'ä xëëw jä'ä jëmëjt ka'ap nyajkutëkooytya'aja'anyës.

Jeremias 4:27

Jëtu'un ja Wintsën y'ënä'äny: Ëxëëk ja naaxwiinyëtë jyata'any, je'eyëp ko ka'apës ntimyajkutëkooytya'aja'any.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Génesis 21:33

Jam ma ja nëëjut txëëwatyën Beerseba, jam ojts tu'uk kepy tkojy yë Abraham, najëtu'untëkë kyëxë'ëky tä tamarintë kepyën. Jamts ojts yë Wintsën tmëkäjpxy mëti'ipë ijtëëpën winë xëëw winë jëmëjt.

Salmos 102:24

Täätsës n'ënëëmë: Dios, mëti'ipës nTios'ajtypyën, këtiis je'eyë kujkwä'kxy xyajjuuky'atëty. Yë mxëëw mjëmëjt ka'ap kyixy.

Isaías 31:1

Ëxëëk ja naax kajpn jyata'an kyëpäta'antë mëti'ipë ja näypyutëkë y'amëtoowtëpën jap Egiptë, mëti'ipë tyuk'ijxpäjtëpën ja kwaay, mëti'ipë tyukjotkujk'ajtëpën ko may tmëëtëty ja kepy wintëkäämpë, ets ka'ap t'ijxpaatë ja Wintsën Wa'atspë mëti'ipë ja Israel ja'ay y'ëwtajtëpën ets ka'ap yë'ë t'amëtowtë ja näypyutëkë.

Isaías 37:23

¿Pën xyjyëjp'ixy të xynyëxi'iky të xytyukxi'iky? ¿Pën xyjyëjp'ixy wyintsë'kën të xyajtëkooyë ets mëj këjxm mnäyajnaxyë ma yë'ëjën? Yë'ë Dios, Wa'atspë yajpaatyën ma Israel kajpnën.

Habacuc 3:6

Jëtu'un yë naaxwiinyëtë jyänty yu'kxy ko wya'akwë'ëmy; tsë'këp yë naax kajpn ko muum tku'ijxkëtä'äky; tim jijtääpy yë tun kopk, tim ma'tääpy yë kopk mëti'ipë jääyëmën; e yë Wintsën yë nyë'ë tyu'u ijtëëp yë xëmë.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënety yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Dios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Salmos 74:12

Ko pya'tkë'p'ajty ets tyampaat, mijts jëtu'un n'ënä'ämpë'ajtyp. Mijts Dios, ojts kanaak ok mmëtä'äky tsipjoty yaa naaxwiiny naaxkëjxy.

Salmos 90:1

Wintsën, mijts ëëts ntsoktakn'ajtëp tyimku'ty jëtu'un yë xëëw jëmëjt.

Salmos 149:2

Xoonta'aktë miitsëty Israel ja'ayëty, miitsëty naax kajpn jampë myajpaatën Sión, jä'ä ko Dios yë'ë yajkojpë ets yë'ë yajkutujkpë ma miitsëtyën.