Génesis 8:20 - Biblia Dc en Mixe de Quetzaltepec

²⁰ Tä yë Noé ojts tnipëjktaakë ets t'oytyuuny tu'uk wintsë'këntyakn. Yë Noé ojts yë Dios tukwintsë'ëkë jëyujk ets joonëty jëyujkëty mëti'ipë wa'atsëtyën, tu'kë'ëyë jëyujk wi'ixëty y'ixë'atën.

Biblia Mixe de Quetzaltepec

²⁰ Tä yë Noé ojts tnipëjktaakë ets t'oytyuuny tu'uk wintsë'këntyakn. Yë Noé ojts yë Tios tukwintsë'ëkë jëyujk ets joonëty jëyujkëty mëti'ipë wa'atsëtyën, tu'kë'ëyë jëyujk wi'ixëty y'ixë'atën.

Génesis 8:20 ပူးပေါင်းရင်းမြစ်များ

Romanos 12:1

Mëku'uktëjkëty, yë'ëkyëjxm ko ja Dios pya'ëyoy nyajts'ëyowë, nmënu'kxtaktëp miitsëty ets mnätyukë'ëtëkëtëty ja Dios, miits kë'ëm wintsë'kën'atë ma ja Tiosën ijxtëm ja wintsë'kën juukpyë, wa'atspë ets mëti'ipë Dios y'oyjya'apën. Ya'atë jëtu'un wintsë'kën'ajtp mëtëypyë mëti'ipë mëpaat xyaktën.

Génesis 22:9

Ko ojts jya'të jam ma ja itjotmën ma ënety ja Dios të tyuk'ënë'ëmxëtyën. Ënet ojts ja Abraham tnipëjktaakë ja wintsë'këntyakn ets ojts ja jyä'äxy yajxon tmä'kxy. Tä t'atsuumy tkë'ëtsuumy ja y'u'unk Isaac ets ojts jam tpëjktä'äky ma ënety ja wintsë'këntyakn të tni''ixën.

1 Pedro 2:9

E miitsëty Dios të mwin'ixëtë ets m'itëty tu'kjëëky tu'kmëku'ukpën, tä tu'uk ja teety tmëtunyën ja yajkutujkpë, ijxtëm ja wa'atspë ja kajpnën mëti'ipë ja Dios jä'äniwanëpën. Ets jëtu'un tkajpxwa'kxtëty ja Dios ja y'oyajtën, mëti'ipë të myajpëtsëmëtë akootstum ets m'itëty ajajëntuuy.

1 Pedro 2:5

Näyjyëtu'un miits ja Dios myajnaxa'anëtë ijxtëm ja tsaajën mëti'ipë juukyën, tu'uk ja tsajptëjk ma ja Dios yajwintsë'ëkëtyën, tu'uk ja teety wa'atspë; ko tëë ja Jesukristë xymyëpëktë ets ja wintsë'kën xyaktëty mëti'ipë ja Dios y'oyjya'apën.

Hebreos 13:10

Ëëts'ajtëm nmëët'ajtëm tu'uk ja wintsë'këntyakn, ma ka'ap ja teetytyëjkëty ka'ap ja kuttujkën tmëët'atën ets jam kyäytyëty.

Éxodo 10:25

Tä ja Moisés y'ëtsooy: Ni'ikyë mëpaat xymyo'otë ja mjëyujk mtsajpkaa, mëti'ipës ja Dios ntukwintsë'ëkëtëpën, mëti'ipës nwintsën'ajtëpën.

Génesis 35:7

Tä ojts tu'uk tyaj'oyë yë wintsë'këntyakn ets jä'ä txëëwmooy El-betel, paaty jëtu'un txëëwmooy jä'ä ko jam ojts yë Dios t'ixy, ko ënety ja y'äjty tkuke'eky.

Génesis 35:1

Ënet yë Dios t'ënëmaay yë Jacob: Pëtë'ëk ets nëjkx jam mtsëënë Betel, jam xy'oytyunëty tu'uk yë wintsë'këntyakn, mëti'ipë Dios jyä'ä'atëpën, ma ojts nyänyikëxë'ëkyën ma mijtsën ko ënety ja m'ajty Esaú xykyuke'eky.

Génesis 33:20

Ënet näjyëtu'un t'oytyuuny tu'uk ja wintsë'këntyakn ets tyajxëëwpejty El-Elohé Israel.

Génesis 26:25

Ënet ja Isaac jam tu'uk tya'o'oyëy yë wintsë'këntyakn, ma ja Dios t'ëwtajtyën. Jam wäänë tsyënaay ets ja tyuunpëtëjk jam tu'uk ja nëëjut tyaj'ëwatstë.

Génesis 13:18

Paaty ja Abram ojts tyajpëtë'kta'ay yë jyëën tyëjk ma ënety jam y'ity tsyëënën ets ojts nyijkxy tsënääpyë ma ënety jam tu'uk ja it naaxwiinyëtën janty xojjotpë. Yë'ë ënety tu'uk yë ja'ay nyiwäämpy tääpë naax mëti'ipë xyëëwajtypyën Mamré, myëwinkon'ajtyp ja Hebrón kajpn, jam ma tääpë naax kamën jam ojts yë Abram tu'uk yë wintsë'këntyakn tyaj'oyë ets ja Dios tmooy.

Génesis 13:4

Yaa ja naax kam wyi'imy ma ojts tyaj'oyën tu'uk ja wintsë'këntyakn ets jam ja Wintsën tmënu'kxtäky.

Génesis 7:2

Yajwë'ëm niwëxtujkjaty yë jëyujk, yä'äypyë ets to'oxypyë mëti'ipë wa'atsëtyën. E mëti'ipë ka'ap wya'atsëtyën je'eyë tu'ukjaty xyajwë'ëmëty jëtu'un yë yä'äypyë ets to'oxypyë.

Génesis 4:4

Näyjyëtu'un yë Abel ojts tmënëjkxy ma Wintsënën tu'uk yë kupixyny, mëti'ipë kä'äxkopkën ets oy mëk. Yë Wintsën oy ojts t'ixy ja Abel ja wyintsë'kën mëti'ipë yajkën,

Génesis 22:2

Tää yë Dios y'ënëmaayë: Wow yë Isaac, mëti'ipë oy xytsyokyën ets nëjkx ma ja Moriah naaxjotmën, jamës xymyo'ojëty yë nwintsë'kënës ma ja kopkën, mëti'ipë ntuk'ënä'ämäämpyën.

Génesis 8:19

Ojts näjyëtu'un pyëtsëëmta'atë jëyujkëty, ëwa'anëtypë ets yujyëtypë, mëti'ipë naaxwin'a'tspën ets joonëty.

Job 1:5

Ko xyëëwtuunta'atë, tääts ja Job tmëkajpxmuky yë y'u'unk y'ëna'k, jopyëp pyëtë'kojy ets tmo'oy yë Dios yë wyintsë'kën nino'oky nixämpyë, tyajwa'atsy ja y'u'unk y'ëna'k ma ja nyëë pyokyëtyën. Yë Job xëmë ijty jëtu'un tuny, jä'ä ko yë'ë myëmääpy myëtäjpy ko muum yë y'u'unk y'ëna'k tmëkajpxtëkoytyë yë Dios ëkë muum tëkatsy myäytyë tyajtë.

Génesis 7:3

Yajwë'ëm näjyëtu'un niwëxtujkjaty yë joon, yä'äypyë ets to'oxypyë. Ets jëtu'un yë jyot nyini'kxëty y'ijtëwtëty yaa naaxwiiny naaxkëjxy.

Éxodo 29:18

Tääts ënät ya'atë kupixyny y'ooky xynyino'okëty ma wintsë'këntyaknën, mëti'ipë yë Wintsën mtukmëjjawëpën, yë'ë ya'atë wintsë'kën nino'oky nixämpyë oypyë xyuuky jyokyën.

Éxodo 29:25

Tä ënät ok tu'ukyë xynyino'okëty jam ma wintsë'këntyaknën, mëët ja jëyujk'ooky mëti'ipë yajno'kpën, mëti'ipë ja Dios jä'ä të yajtuknipëjktaakën, jëtu'un tä tu'uk yë wintsë'kënën mëti'ipë oy xu'kp jojkpën. Ya'atë jä'ä yajyäky tä tu'uk yë ayajk ako'onën mëti'ipë nino'oky yë Dios yajtukwintsë'këpën.