Génesis 6:17 - Biblia Dc en Mixe de Quetzaltepec

¹⁷ Nkäxäämpyës yë mëjkomtuu mëti'ipë nyikoonpatëpën yë naaxwiinyëtë ets tëkokyë winë kyutëkooytya'ajëty, mëti'ipë juukyajtënmëëtën yaa naaxwiiny. Tu'kë'ëyë jënu'un naaxkëjxy winë yajpaatyën o'kta'atëp.

Biblia Mixe de Quetzaltepec

¹⁷ Nkäxäämpyës yë mëjkomtuu mëti'ipë nyikoonpatëpën yë naaxwiinyëtë ets tëkokyë winë kyutëkooytya'ajëty, mëti'ipë juukyajtënmëëtën yaa naaxwiiny. Tu'kë'ëyë jënu'un naaxkëjxy winë yajpaatyën o'kta'atëp.

Génesis 6:17 ပူးပေါင်းရင်းမြစ်များ

2 Pedro 2:5

Ets nän ka'ap ja Dios ojts tnime'kxy ja ja'ayëty mëti'ipë tëëyëp juukyajtën, kyäjx ja komtuu ma ja ja'ayën mëti'ipë ojts kyawintsë'ëkëtyën, yi'iyë ojts tsyo'oktë ja Noé, mëti'ipë kyajpxwa'kxën ja tëyajtën, mëët ja niwëxtujkpë ja ja'ay.

Génesis 7:4

Jä'ä ko ja wëxtujk xëëwës yë nyajmina'any. Etsës nyajtu'uja'any wëxtyikxy xyëëw wëxtyikxy tsyu'um. Nyajkutëkooytya'ajäämpyës tu'kë'ëyë winë jënu'un jyuuky'atën naaxwiiny. Jënu'unës të nyajkojy të npëjktä'äkyën.

1 Pedro 3:20

Yë'ë ojts ka'ap kyäjpxyjyä'äykyujktëtën ko ja Noé ojts tjanikäjpxy ko ja Dios yë'ë tsyojkpy ets jyotwinpitëty, tyam ënety ja Noé t'oytyuny ja mëj kepy nëëwinye'epyë, ma ojts je'eyë nituktujk tsyo'oktën, mëti'ipë ka'ap wi'ix jyajtën mëët ja komtuu.

Hebreos 11:7

Noé ojts myëpëky, paaty ojts ja kepy nëëwinye'epyë tyajkojy ko ja Dios y'ënëmaayë ko ja ëyo'on y'ita'any ets jëtu'un ja y'u'unk y'ëna'k, y'u'unk tyo'oxytyëjk tyajtsoky. Ya'atë jëtu'unpë mëpëjkën yë'ë ojts ja Noé tuk'ixy ja naax kajpn paaty ojts yajtukumay ja tëyajtën mëti'ipë yajpatpën mëët ja mëpëjkën.

Salmos 107:34

yaj'awinpijtyp yë naax kaanmëxëpinëpë ma ënety winë të y'ity të wyintëyën, ko ja naaxwiinyëtë ja'ay ka'ap tukjaty wi'ix jyä'äy'atëtyën;

Amós 9:6

Tëë yë Wintsën tpëjktä'äky yë tsyënaaytyakn jam tsajpkëjxm ets të t'oytyuny yë naaxwiinyëtë nyiwits nyijuux; myëkajpx yë nëë ma mejyën ets txijkxtë yë naaxwiinyëtë. Jä'ä txëëwaty Wintsën.

Salmos 29:10

Yë Wintsën yë'ë y'ëne'empy yë nëë tuu; yë Wintsën yë'ë tu'uk ënä'ämpë, mëti'ipë yajkutujkpën winë xëëw winë jëmëjt.

Romanos 6:23

Ja poky, yi'iyë të tyäky ja o'kën tëko'oyën; Dios yë'ë të tyäky yë juukyajtën xëmëkyëjxmëpë, ko yajmëpëky ja nWintsën'ajtëm Jesukristë.

Romanos 5:21

Jëtu'un ijxtëm ja poky ojts y'ëne'emyën mëët ja o'kën, näjyëtu'un ja Dios ja y'oyjyot y'oywyinma'any ojts mëtëy y'ëne'emy ko tyajmiiny ja juukyajtën xëmëkyëjxmëpë, mëët ja Jesukristë ja xyëëw.

Lucas 17:27

Kaaytyëp uktëp ënety ja ja'ay ets pëjktëp uktëp, koonëm ja Noé tyëjkëy kepy nëëwinye'epyëjoty; ko ja komtuu myiiny, tääts ja ja'ay y'o'ktaaytyë.

Oseas 5:14

Tä yë kaa jyëyujk matsyën jëtu'unës yë Efraín ets Judá ntukja'ta'any; je'eyës piw nuuk ntuunta'aja'any etsës nëjkxankojnë; ëxëëkës ntuna'antë ets ka'ap nëjkx pën yaj'ëwaatsëpëtsëmyë.

Ezequiel 34:20

Paaty ëjts maas nWintsën'atyën, jëtu'un n'ënëëmëtë: Mpaye'eyäämpyës yam wi'ix ko jää kupixyny ni'kxpë ets tää xyëëpëpë.

Ezequiel 34:11

Ëjts Wintsën, jëtu'unës n'ëna'any: Ëjts yam kë'ëm nkëwent'atäämpy yë nkupixynyës.

Ezequiel 6:3

jëtu'un xy'ënëëmëty: Mëtoow'itë miitsëty Israel kopkëty wi'ix yë Dios t'ënëëmja'anyën yë tun kopk, mëjnëë ets joy jot: Nyajminäämpyës yë tsip mëti'ipë nëjkx tyajkutëkoyën yë wintsë'këntyakn ma tyam xy'ëwtatën wiink tios.

Ezequiel 5:8

Paatyës yam n'ëna'any, ëjts Wintsën: Ëjts nän mëtsipës yam n'awinpita'any mëët mijts, Jerusalén; ntëytyunäämpy yam ets y'ixtëp yë wiinkëtypë naax kajpn,

Isaías 54:9

Jëtu'un tääjës n'ënëmaayën ja Noé, ko ja mëk komtuu nyäjxy, ko ka'apës nijëna'a n'ëkyajtu'ujanë naaxwiiny naaxkëjxy. Jëtu'un tyam nikäjpxyës ko ka'ap nijëna'a mijts n'ëktukjoot'anpëkanë ets ka'ap n'ëkëtsu'ux ya'axanë.

Isaías 51:12

Ëjts yam mijts kë'ëm njotmëkmoopy. ¿Pën mtsë'këp? ¿Naaxwiinyëtë ja'ayë? ¿Naaxwiinyëtë ja'ay mëti'ipë o'kpën, mëti'ipë jëtu'un kukëjxëpën tä aay ujtsënë?

Job 22:16

Yë'ëjëty jëtu'un të y'o'kta'atë tä jeexyë të nyëënikoompätën ko yë mëjnëë të kyomy.

Deuteronomio 32:39

Ëjts jëtu'un tu'kpajk Tios'ajtp; ka'ap maa pën wiinkpë tios. Ëjts nyäjkpyës yë juukyajtën, etsës mpëjkpyës jatëkok. Ëjts yajtsëtyujtp yajwintëkoopyës, ets yajtsokp yaj'akëtakpës. Ni pën tkajëkyepy tkukä'äkëty ëjts yë nmëk'ajtën.

Éxodo 14:17

Ëjts jëtu'un të ntuknipëjktaakës ets Egiptë ja'ayëty yë mëkjot mëkwinma'any tpaatëty ets mpapo'ojëtëty, jëtu'unës yë mëj'ënä'ämpë ntuk'ixa'any yë nmëj'ajtënës mëët nitëkokyë yë tsyiptuunpëtëjk, mëët yë kyepy wintëkäämpë ets mëët yë këwaayëty.

Génesis 6:13

Ënet yë Dios t'ënëmaay ja Noé: Tyam tëëjës ntuknipëjktaakë koos yë naaxwiinyëtë ja'ay tu'kë'ëyë nyajkutëkooytya'aja'any. Jä'ä ko yë'ëjëty mëj këjää të pyokytyuntë. Paatykyëjxm ëxëëk yë ja'ayëty nyätyuun nyay'ënëmaayënëtë. Nyajkutëkooytya'ajäämpyës tu'kë'ëyë winë mapaat yë naaxwiinyëtë y'ëwtityën.

Génesis 6:7

ojts y'ënä'äny: Nyajkutëkoyëpës ënät yë ja'ay naaxwiinypë mëti'ipës të nyajkojyën ets näjyëtu'un yë jëyujkëty mëti'ipë jëën ëkë'ëy tëjk ëkë'ëy ijtëpën tsënaaytyëpën; näjyëtu'un yë mëti'ipë myox tyukye'eytyëpën ets joon jëyujk mëti'ipë kääkjëtijtëpën. Mëkës tyam njawë koos ojts kë'ëm nyajkojy.

Mateo 24:39

Ma ënety ka'ap pën tmëmay tmëtajyën tii, jää ojts myiny ja komtuu ets tyajnëjkxtaay oy tyimtiijëty. Näyjyëtu'un nëjkx tyunyë jyätyë ko ënety ja naaxwiinyëtë ja'ay ja y'U'unk wyimpity.

Génesis 9:9

Ëk'ixtë yajxon; ëjts käjpxytyu'unën ntunäämpyës mëët miitsëty ets mëët yë m'u'unk m'okëty,

Génesis 7:17

Ja nëë tuu wëxtyikxy xyëëw ojts jëtu'un y'ity. Ko ja nëë kyoompäjnë, ënät ja kepy nëëwinye'epyë näjyëtu'un pyëtë'knë, ja nëë mëpëtë'kënëp.

Génesis 7:15

Tëkokyë yë jëyujkëty nimäjtskjaty ojts tyëkëtë jap ma kepy nëëwinye'epyën mëët yë Noé.

Génesis 2:7

Paaty yë Wintsën ojts tu'uk yë naaxwiinyëtë ja'ay tyajkojy. Naax ojts yi'iyë t'oytyuunkojy, tä tjëjpmëpixëy ets tmooy jëtu'un ja jyuukyajtën. Jëtu'un ja naaxwiinyëtë ja'ay ojts jyuukpyiky.

Génesis 6:16

Tëkëëk nikë'ë xy'oytyunëty ets xypyëjkta'akëty tu'uk yë nyi'ëwa'atsajtën itkujky ma nyawopën, jä'ä xytyukkukä'äkëty yë nyikë'ë mëët yë nyawop tu'k'kë'ënuux ets mëët yë nyitëjk'aaw pa'apa'a.