Génesis 6:11 - Biblia Dc en Mixe de Quetzaltepec

¹¹ Ma ja Tiosën ujts ënety ja naaxwiinyëtë yajpaaty mëët ja ëxëëktu'un ëxëëk kajpxën.

Biblia Mixe de Quetzaltepec

¹¹ Ma ja Tiosën ujts ënäty ja naaxwiinyëtë yajpaaty mëët ja ëxëëktu'un ëxëëk kajpxën.

Génesis 6:11 ပူးပေါင်းရင်းမြစ်များ

Ezequiel 8:17

Ënätës yë Wintsën të xy'ënëëmë: ¿M'ijxypyë? Ka'ap yë Judá kajpn kyu'uxyë mëët ja ëxëëktu'un ëxëëk kajpxën, tëë ja jëën tsip tyajtëjkëtyä'äy ma ja naax kajpnën. Janaam jatsojk je'eyë ëxëëkjaty tii tuntë etsës xyajjoot'anpëktë ets jyä'ty njëjpjotyës ëxëëk yowë xyuuktë jyoktë.

Habacuc 2:8

Nëjkxëp yë naax kajpn nyäkyäjpxyë ets myajnimay myajnitajë wi'ix ëxëëk myajtunëtyën, näjyëtu'un nëjkx myajmä'tsta'ay tä ënety të meetsyën. Nëjkxëp myajtukëpäjta'ay jënu'un ënety ja'ay të xyaj'ookyën ets wi'ix ënety ëxëëk të m'ëtë'ëtsyën ma ja naax kajpnën ets ma ja ja'ayëtyën mëti'ipë ënety jam tsënaaytyëpën ma naax kajpnën.

Romanos 3:19

Nnija'awëm ko tu'kë'ëyë mëti'ipë nyimëtyäkpyën ja ënä'ämën, yë'ëkyëjxm nimëtyä'äky ets twinmëtowtëty ja ja'ay mëti'ipë ja ënä'ämën yajmëjnajxtëpën ets amonyë y'itëty ni'ëmukë ets tku'ëtsowtëty ja pyokyëty jam Dios wyintum.

Romanos 2:13

Jä'ä ko ka'ap yë'ëkyëjxmëty ja'ay wyë'ëmtë wa'ats ma Tiosën ko tmëët'atë ja ënä'ämën, ënät wa'ats wyë'ëmtë ko tpatuntë.

Ezequiel 28:16

Ënet yë nëë poky ojts mpaatyë ko ojts mkumeenytyä'äky ets may ja juy tooky xymyëët'ajnë. Ënet ojts n'ixkexy ets mjëwa'akëty nwintuuyës; ojts jam njëkexy ma ja Dios ja kyopkën, ja tsajpjotmëtë kukäjpxy mëti'ipë ënety mkëwent'ajtëpën yë'ë ojts myajpëtsëëmënë mëtsa'a itkujky.

Isaías 60:18

Ma mnaax mkajpnën ka'ap nëjkx nijëna'a y'ëkyajmëtoownë jëën tsip, ka'ap nëjkx naax kajpn y'ëkkutëkooynyë ets xit ko'ow y'ëkjajnë; jä'ä nëjkx ja mpotsy yajtijy yajnitsokpë ets ja mtëjk'aaw mëjpëjktakën.

Lucas 1:6

Nimäjtskëty oy ijty yë Dios tmëtuntë, pyatuuntëp ja Wintsën ja y'ënä'ämën ets ka'ap tii poky tmëët'atë.

Habacuc 2:17

Jëtu'un tä ëxëëk të xytyunyën yë Líbano ja'ayëty nëjkxëp näjyëtu'un ëxëëk mjaty mkëpety ets nëjkxëp mtsë'ëkë ko ënety ja jëyujk të xyaj'ooky. Yë'ë nëjkx jëtu'unpë ëyo'on xypyääty ko ënety ëxëëk të m'ëtë'ëtsy ets ko ënety ëxëëk ja naax kajpn të xytyuny.

Habacuc 1:2

Wintsën, ¿jëna'a xy'ëtsowa'anyës? njaniyäxy njanijojkpyës yë näypyutëkë. ¿Jëna'ajës xyajtso'oka'any? Ëjts wiinkës yë tsip käjpxy n'ixy.

Jeremias 6:7

Jam Jerusalén jëtu'un jam ëxëëkpë yajpaaty tä muum nëë myuutyën. Tsip jam tuunëp, ëxëëk ja'ay jam nyätyunyë; näyajtsëtyujt näyajwintëkooyëp ja'ay je'eyë ets aak pëjk aak ijxëtëp.

Salmos 140:11

Wä'än t'atëkoytyë yaa naaxwiiny ja ja'ayëty mëti'ipë je'eyë ëxëëk kajpxtëpën. Wä'än yë ëyo'on jotmay tpajëtitëtë ets yajkutëkoyëtë.

Salmos 55:9

Yajkutëkooytya'a yë ja'ay jënu'unës xymyëtsip'atën, Wintsën, mijts yë y'aaw y'ayuk myajjo'opëp, yi'iyë yaj'ijxp xëmë tsip käjpxy ets näy'ëxëëk'ixë,

Salmos 11:5

Yë Wintsën nyija'ap pën oyjyä'äy ka'oyjyä'äy ets ëxëëk t'ixy yë ëxëëkja'aytyëjk.

Génesis 13:13

Ja ja'ayëty ja jampë tsyëënëtën Sodomë ëxëëk ënety jyä'äy'atë. Ets aakjä'ä ënety ja pokytyuuntëp, mëti'ipë Dios ka'ap ninu'un tsokyën.

Génesis 10:9

Nimrod jëyujk majtsp ijty. Dios ojts jëtu'un tyajkutuky jyëyujkmatsëty. Jää ja ayuk tsyoony mëti'ipë ënaanpën: jä'ä ko yë Wintsën jëtu'un tyajkutujky Nimrod jëyujk majtsp ijty.

2 Crónicas 34:27

ets ko tëë xyjyotmaypyiky ja aaw ayuk mëti'ipë të xymyëtoyën mëti'ipë ënety tunan jatanëpën ma mijtsën ets ma ya'atë naax kajpnën ets mëët ko tëë xyjyotmayjyawë ets të mjë'ëy të myä'äxy; ëjts nän tyamës n'ijxkuk nja'akyukë tëkokyë ya'atë. Jëtu'unës ëjts n'ëna'any, mëti'ipë Wintsën'ajtpën.

Génesis 7:1

Ënet yë Dios jatëkok t'ënëmaay yë Noé: Jënu'un tyam yë naaxwiinyëtë ja'ay jyuuky'atën, mijtsyë jëtu'un atu'uk mjuuky'ajtp ijxtëmës ntsokyën. Paaty ënät tyam tëkë jap ma kepy nëëwinye'epyën mëët tu'kë'ëyë m'u'unk mto'oxytyëjk.

Génesis 6:10

Noé nitëkëëk ijty yë myaank, jä'ä xyëëwajtëp Sem, Cam ets Jafed.

Éxodo 32:7

Ënet ja Dios t'ënëmaay ja Moisés: Jotëkoy ets mjëjpta'akëty jap ëpa'tkë'p, jä'ä ko ja mnaax mkajpn mëti'ipë jap myajpëtsëëmën Egiptë, tëë ja nyäyajtu'utëkoyëtë.

Deuteronomio 31:29

Jä'ä ko wa'atsës nijawë, koos ënät n'o'knëty yajtëkoytyëp ënät ja jyot wyinma'anyëty ets t'ëxmajtsnëtëty ja n'aaw n'ayukës, mëti'ipë të ntuk'ënä'ämtënës tpanëjkxtëty. Ets nän ntimnyija'apës wa'ats, ko ënät jëtu'unpë ja winma'any tpaatëty, ëxëëk nëjkx tmëjat tmëkëpätë, mëët ko ja Wintsën ënety tkamëmëtowtë ets tkamëjpëjkta'aktë ets jëtu'un të tyajjoot'anpëktë.

Jueces 2:19

E ko ja ja'ay y'o'knë mëti'ipë ënety tsip'ixyën ets tëë ja nyaax kyajpn twinye'ey ënätyë ijty jatëkok ja wyinma'any tyajtëkoytyë ets ni'ik o'ktëy winë tuntë këtiinëm ja y'ap y'okëty, t'ëwtatë ja wiink tios ets tmëtuntë. Ninu'un ënety tkatimy'ëxmatstë ja y'ëxëëktu'un y'ëxëëkkajpxënëty ets ja y'ëxëëkjot y'ëxëëk winma'anyëty.