Génesis 50:10 - Biblia Dc en Mixe de Quetzaltepec

¹⁰ Ko jya'ajtë maa Goren-ha-adad y'itjotmën, mëti'ipë awinmtsow wë'ëmpën ma Jordán mëjnëëjën, ënät ojts jam tyu'ukmuktë ets mëj këjää tnimoon tnitujktë ja Jacob ko ënety të y'o'knë. Wëxtujk xëëw ojts jam yë José yajpaaty mon tuk mëët ko ënety ja tyeety të y'ooky.

Biblia Mixe de Quetzaltepec

¹⁰ Ko jya'ajtë maa Goren-ha-adad y'itjotmën, mëti'ipë awinmtsow wë'ëmpën ma Jordán mëjnëëjën, ënät ojts jam tyu'ukmuktë ets mëj këjää tnimoon tnitujktë ja Jacob ko ënäty të y'o'knë. Wëxtujk xëëw ojts jam yë José yajpaaty mon tuk mëët ko ënäty ja tyeety të y'ooky.

Génesis 50:10 ပူးပေါင်းရင်းမြစ်များ

Génesis 27:41

Jä'ä xëëw jä'ä jëmëjt yë Esaú ojts tmëtsiptso'onë ja Jacob, ko ënety të pyëjkëty ja näkyënu'kxë, mëti'ipë yë'ë patëpën ma tyeetyën. Ënäty ja Esaú ojts myäy tyäjy: Tim wäänë jëtu'un täätsës nmëët'atëty yë monyëtukyë mëët yë nteetyës, ko wiinkoonëp ma y'o'knëtyën. Ko ja jëtu'unpë kyëxëty nyaxëty, taats nyaj'ookëty yë n'uty Jacob.

Génesis 50:11

Yë Canaán ja'ayëty mëti'ipë ënety jam tsënaaytyëpën ko jëtu'un t'ijxtë, ënät ojts y'ëna'antë: Ijxtëm yë Egiptë ja'ayëty yë y'o'kpëty t'ëkyajnaaxtëjkënyëtë, janty nimay t'ëktukmujk t'ëktukxu'umnëtë y'o'kpëty. Paaty ojts ja tampë ja it naaxwiinyëtë tyajxëëwpätë Abel-mizraim mëti'ipë jam yajpatpën awinmtsow ma ja Jordán mëjnëëjën.

Génesis 50:3

Wëxtyikxy xëëw ojts tuunk'atë ets tukja'axtaaytyë ja tsooy; jëtu'un ijty tmëpo'oxtë ja ja'ayëty ko pën ja tsooy tukjaaxtë. Yë Egiptë ja'ayëty tëkë'px majk xëëw ojts tnijë'ë tniya'axtë yë Israel ko y'o'ky tyëkooy.

Génesis 50:4

Ko jëtu'un ja monyëtukyë ets ja jë'ëyën yaxën y'ëknajxy, ënät yë José ojts mëët myëtyä'äky mëti'ipë ënety yë yajkutujkpë mëët tyuunmukyën, ja kopktëjkëty wijyjyä'äytyëjkëty ets t'ënëmaay: Pën ëjts oyës yë njot nwinma'any nyajnikëxë'ëky ma miitsëtyën tuntë mëyajtën nëjkx yë yajkutujkpë ënëëmëtë.

Génesis 50:9

Ojts näjyëtu'un yë José pyanëjkxyë may yë ja'ay mëti'ipë kepy wintëkäämpëjoty nëjkxtëpën ets mëti'ipë këwaaykyijxyën ets jëtu'un janty nimay nyäpyatëtë.

2 Samuel 1:17

David ojts tyaj'ëypëtsimy ko ojts tnijë'ë tniya'axtë ja Saúl mëët ja myaank Jonatán ko y'o'ktë,

2 Samuel 11:26

Ko ja Urías ja tyo'oxytyëjk tnija'awëy ko tëë y'ooky ja nyiye'etyëjk, ojts tnimony tnituky ets ojts kanaak xëëw y'ity ayuu.

1 Crónicas 10:12

ënät ojts aakyë'ë nyäkyajpxëtë ja ja'ayëty mëti'ipë jotmëkëtyën, tääts jam tmëkäktë ja Saúl ja nyini'kx ets ja y'u'unk y'ëna'k ja jyä'äjëty ets tmënëjkxtë jam Jabés. Jamts tyajnaaxtëjkëtyë ma jam tu'uk ja xoj kepy tyänën. Ko tyajnaaxtëjkëtyääytyë, wëxtujk xëëw y'ayuu'ajtë.

Job 2:13

Jam näjyëtu'un nyaaxwä'tstë ma ja Job y'u'unyën. Wëxtujk xëëw wëxtujk tsu'um jam y'ënyääytyë. Ni tu'k aaw pën kyakäjpxy, jä'ä ko y'ijxtëp ko Job mëk pyikyë.

Eclesiastés 12:5

ka'ap nëjkx t'ëkmakxnë ja it ets nëjkxëp tmëët'ajnë ja tsë'ëkë ko muum jyanëjkxa'anëty. Ets ja almendrë nëjkx pyijy, ka'ap nëjkx ja nëë jëyujk t'ëtsu'utsanë ets ka'ap nëjkx yuu y'ëkpatënë. Jä'ä ko yë'ë ënety wiinkoonëp ja y'ijtakn xëmëkyëjxmëpë ets në'ëjoty tu'ujoty nëjkxëp yajnijëëy yajniyaxnë.

Hechos 8:2

Tam jënaakën mëti'ipë ja Dios myëpëjktëpën, yë'ë yajnaaxtëjkëtyë ja Esteban ets tnijëëy tniyaxtë.

Deuteronomio 1:1

Ya'atë ojts yë Moisés tkäjpxy tmëtyä'äky ma ja Israel kajpnën ma ënety jam yajpaatën të'ëts'itjotm, a'oytsyow ma ja Jordán mëjnëëjën, jam Arabá ma mëët nyäwyinku'ixëtyën yë Suf, itkujk wyi'imy ma ja it naaxwiinyëtë txëëwatën Parán, Tofel, Labán, Hazerot ets Dizahab.

Deuteronomio 34:8

Yë Israel ja'ayëty tu'kpo'o tnijëëy tniyaxtë yë Moisés ko y'oky jam Moab, i'px majk xëëw y'ijtë mon tuk, jä'ä ko jëtu'un ënety myontë tyuktë ko pën y'ooky.

1 Samuel 31:13

Ja kuyjaam mëti'ipë ojts wyintooykyëtä'äkyën jam ojts tyajnaaxtëkëtë Jabés, ma tu'uk yë kepypya'tkën. Wëxtujk xëëw y'ayuu'ajtë, tmëkjawëtë ko ënety ja o'kën tëko'oyën të y'ity ma ja Saulën mëët nitëkëëk ja myaank.